1 سَمَٰعِيلَ 21 - أَتَّوْرَتْ دَ أَنَّبَاوَا

دَاوُدَ أَ غَرِنْ نُوابْ

¹ دَاوُدَ يَتَڢِے وُرِنْ أَهِمٜىٰلٜىٰكْ وَنْدَ يَكٜىٰ ڢِرِسْتِ أَغَرِنْ نُوابْ؞ أَهِمٜىٰلٜىٰكْ يَيِ ضَوَرْ جِكِے سُواْسَيْ دَ يَغَ دَاوُدَ، سَيْ يَتَمْبَيٜىٰشِ يَثٜىٰ ‏«‏يَيَ كَكٜىٰ كَيْ كَطَيْ؟ كُمَ يَيَ بَابُ كُواْوَ تَرٜىٰدَكَيْ؟»‏

² دَاوُدَ يَأَمْسَا وَ أَهِمٜىٰلٜىٰكْ ڢِرِسْتِ يَثٜىٰ ‏«‏نَذُواْ يِنْ عَيْكِنْ سَرْكِے نٜىٰ، كُمَ يَعُمَرْثٜىٰنِ يَثٜىٰ، ‏‹‏كَدَ وَنِ يَسَنْ دَلِيلِنْدَ نَ عَيْكٜىٰكَ، كُواْ يَسَنْ أَبِنْدَ نَثٜىٰ كَيِ؞›‏ نَڢَطَا وَمُتَنٜىٰنَ وُرِنْ دَ ذَاسُ سَامٜىٰنِ؞

³ يَنْذُ مٜىٰنٜىٰنٜىٰ كَكٜىٰ دَشِ نَثِ؟ كَبَانِ دُنْڧُلٜىٰنْ غُرَاسَ بِيَرْ، كُواْ كُوَ دُكْ أَبِنْدَ كَكٜىٰ دَشِ؞»‏

⁴ سَيْ ڢِرِسْتِ يَأَمْسَ يَثٜىٰ ‏«‏بَابُ غُرَاسَ إِرِنَّكُواْوَ دَ كُواْوَ، سَيْدَيْ أَݣَويْ غُرَاسَرْ دَ عَكَ ڟَرْكَكٜىٰ؞ ذَاكَ عِيَ طَوْكَ كُثِ عِدَنْ مُتَنٜىٰنْكَ بَسُ ݣُونَ دَ مَاتَابَ؞»‏

⁵ دَاوُدَ يَثٜىٰ ‏«‏بَاشَكَّ، أَنْهَنَمُ مُيِ كُسَدَ مَاتَا كَمَرْ يَدَّ عَكَ سَابَا؞ كَايَنْ مَظَا مَاسُ ڟَرْكِينٜىٰ عَكُواْوَنٜىٰ ڢِتُواْوَ، بَلّٜىٰ ڢَا وَنَّنْ مُهِمِّيَرْ ڢِتُواْوَ!‏»‏

⁶ دَيَكٜىٰ بَا وَنِ عَبِنْثِ أَوُرِنْ سَيْدَيْ غُرَاسَرْ دَ عَكَ كٜىٰٻٜىٰ وَنْدَ عَكَنْ ݣُوشٜىٰ دَغَ غَبَنْ يَهْوٜىٰهْ دُواْمِنْ عَثَنْجَشِ دَ غُرَاسَ مَيْ ذَاڢِ أَ رَانَرْ دَ عَكَنْ ݣُوشٜىٰشِ، سَيْ ڢِرِسْتِ يَبَا شِ غُرَاسَ مَيْ ڟَرْكِے؞

⁷ أَ رَانَرْ نَنْ وَنِ مَيْ حِدِمَرْ طَالُوتَ يأَنَانً أَغَبَنْ يَهْوٜىٰهْ؞ سُونَنْسَ دُواْوٜىٰكْ دَغَ ڧَسَرْ عٜىٰدُوامْ، شِے شُوغَبَنْ مَكِيَايَنْ دَبُّواْبِنْ طَالُوتَ نٜىٰ؞

⁸ دَاوُدَ يَتَمْبَيِ أَهِمٜىٰلٜىٰكْ يَثٜىٰ ‏«‏كَنَدَ تَكُواْبِے كُواْ مَاشِنْ دَ ذَاكَ بَا نِے كُوَ؟ غَمَا عُمَرْنِنْ سَرْكِے يَذُواْ مِنِ دَ غَغَّاوَا حَرْ نَتَاشِ بَنْ طَوْكِ كَايَنْ يَاڧِنَبَ؞»‏

⁹ سَيْ ڢِرِسْتِ يَأَمْسَ مَسَ يَثٜىٰ ‏«‏تَكُواْبِنْ جَالُوتَ مُتُمِنْ ڢِلِسْتِيَ وَنْدَ كَكَشٜىٰ أَ ݣُورِنْ عٜىٰلَ، يَنَ أَنَنْ؞ أَنْ نَطٜىٰشِ دَ ذَانِ عَكَ أَجِيٜىٰ عَبَايَنْ عٜىٰڢُوادْ نَنٜىٰمَنْ نُڢِنْ يَهْوٜىٰهْ؞ عِدَنْ كَنَسُواْ كَطَوْكَ، سَيْ كَطَوْكَ؞ شِينٜىٰ كَطَيْ تَكُواْبِنْ دَيَكٜىٰ أَنَنْ؞»‏ دَاوُدَ يَأَمْسَ يَثٜىٰ ‏«‏أَيْ، بَابُوَنْدَ يَڢِيشِ!‏ كَبَانِشِ حَكَ؞»‏

دَاوُدَ عَبِرْنِنْ غَتْ

¹⁰ أَ رَانَرْ نَنْ دَاوُدَ يَثِيغَبَدَ غُدُ دَغَ سَرْكِے طَالُوتَ يَتَڢِے وُرِنْ سَرْكِے عَكِشْ نَ غَتْ عَڧَسَرْ ڢِلِسْتِيَاوَا؞

¹¹ عَمَّا مَاسُيِ وَ سَرْكِے عَكِشْ حِدِمَ سُكَثٜىٰ مَسَ ‏«‏بَوَنَّنْ نٜىٰ دَاوُدَ سَرْكِنْ ڧَسَرْسَبَ؟ بَشِ بَنٜىٰ وَنْدَ عَكَ غِرْمَمَشِ دَ ضَوَ دَ وَاڧُواْڧِ أَنَ ثٜىٰوَ ‏«‏ ‏‹‏طَالُوتَ يَكَشٜىٰ دُبَّيْ، دَاوُدَ كُوَ دُبُنْ دُبَّيْ؟›‏ »‏

¹² دَاوُدَ يَرِڧٜىٰ وَطَنَّنْ كَلْمُواْمِ أَ ذُوثِيَارْسَ، يَنَ جِنْ ڟُواْرُواْ عَكَنْ أَبِنْدَ سَرْكِے عَكِشْ يَنَ عِيَيِ مَسَ؞

¹³ دُواْمِنْ حَكَ سَيْ يَيِ كَمَرْ يَتَٻُ أَغَبَنْسُ؞ أَ دُكْ لُواْكَثِنْ دَيَكٜىٰ تَرٜىٰدَسُو، سَيْ يَيِ كَمَرْ يَهَوْكَثٜىٰ؞ يَيِ تَظَانٜىٰ ذَانِ عَڧُواْڢُواْڢِ، يَبَرْ مِيَوْ يَنَ بِنْ غٜىٰمُنْسَ؞

¹⁴ عَڧَرْشٜىٰ سَرْكِے عَكِشْ يَثٜىٰ وَمَاسُ يِمَسَ حِدِمَ ‏«‏دُوبِے، مُتُمِنَّنْ يَهَوْكَثٜىٰ!‏ دُوانْمٜىٰ كُكَ كَٰوُاْشِ وُرِينَ؟

¹⁵ نِے نَا رَسَ مَاسُ هَوْكَنٜىٰ دَ ذَاكُكَٰوُاْ مِنِ وَنَّنْ مُتُمْ يَيِ تَهَوْكَ أَغَبَنَ؟ وَنَّنْ مُتُمْنٜىٰ ذَيْ شِغَ غِدَانَ؟»‏