1 سَمَٰعِيلَ 18 - أَتَّوْرَتْ دَ أَنَّبَاوَا1 بَايَنْدَ دَاوُدَ يَغَمَ مَغَنَ دَ طَالُوتَ، سَيْ يُواْنَتَنْ طَنْ طَالُوتَ يَجِ ذُوثِيَارْسَ تَنَ سُوانْ دَاوُدَ سُواْسَيْ؞ يُواْنَتَنْ كُوَ يَڧَوْنَثِ دَاوُدَ كَمَرْ رَنْسَ؞ 2 دَغَ رَانَرْ نَنْ طَالُوتَ يَرِڧٜىٰ دَاوُدَ وُرِنْسَ، بَيْ يَرْدَ دَاوُدَ يَكُواْمَ غِدَنْ بَابَنْسَبَ كُمَ؞ 3 سَيْ يُواْنَتَنْ يَيِ يَرْجٜىٰجٜىٰنِيَ دَ دَاوُدَ دُواْمِنْ يَنَ ڧَوْنَرْسَ كَمَرْ رَنْسَ؞ 4 دُواْمِنْ عَتَبَّتَرْ دَ يَرْجٜىٰجٜىٰنِيَرْسُ، يُواْنَتَنْ يَتُوٻٜىٰ رِغَرْسَ دَ كَايَنْ يَاڧِنْسَ، تَرٜىٰدَ تَكُواْبِنْسَ دَ بَكَنْسَ دَ كُمَ طَمَرَ تَاسَ يَبَا دَاوُدَ؞ 5 دَاوُدَ كُوَ يَكَنْ تَڢِے دُكْ عِنْدَ طَالُوتَ يَكَنْ عَيْكٜىٰشِ دُواْمِنْ يَاڧٜىٰ يَاڧٜىٰ، يَكَنْ كُمَثِ نَصَرَا عَكُواْوَنّٜىٰنْسُ؞ سَبُواْدَ حَكَ طَالُوتَ يَمَيْدَ دَاوُدَ يَذَمَ طَيَ دَغَ ثِكِنْ مَنْيَنْ سُواْجُواْجِنْسَ؞ دُكَنْ شُوغَبَنِّ دَ سَوْرَنْ مُتَنٜىٰ كُوَ سُكَجِ دَاطِنْ وَنَّنْ؞ 6 يَايِنْ دَ طَالُوتَ دَ سَوْرَنْ سُواْجُواْجِنْ سُكٜىٰ كُواْمَ غِدَا بَايَنْدَ دَاوُدَ يَكَشٜىٰ مُتُمِنْ ڢِلِسْتِيَ، سَيْ مَاتَا سُكَ ڢِڢِّتُواْ دَغَ دُكَنْ غَرُضُوً إِسْرَٰٓءِيلَ دُواْمِنْ سُمَرَبْثِ سَرْكِے طَالُوتَ؞ سُنَ وَاڧُواْڧِ نَنُونَ ڢَضٍ ثِكِ، سُنَ ضَوَ، سُنَ كَطَ تَمْبُرَ دَ مُواْلُواْ؞ 7 سُنَ ضَوَ، سُنَ وَاڧَا، سُنَ ثٜىٰوَ «طَالُوتَ يَكَشٜىٰ دُبَّيْ، دَاوُدَ كُوَ دُبُنْ دُبَّيْ؞» 8 وَنَّنْ يَسَا طَالُوتَ يَيِ ڢُشِے سُواْسَيْ، يَثٜىٰ «مَتَ سُنْ ثٜىٰ دَاوُدَ يَكَشٜىٰ دُبُنْ دُبَّيْ، عَمَّا نِے دُبَّيْ كَطَيْ سُكَ بَا نِے؞ مٜىٰ كُمَ يَضَغٜىٰ مَسَ، أَيْ، سَيْ مُلْكِ؞» 9 سَبُواْدَ حَكَ دَغَ رَانَرْ نَنْ طَالُوتَ يَسَاوَ دَاوُدَ عِدُواْ دُواْمِنْ يَنَ كِيشِنْسَ؞ 10 وَشٜىٰغَرِ وَنِ مُوغُنْ رُوحُ دَغَ اللَّهْ يَثِكَ طَالُوتَ، سَيْ طَالُوتَ يَڢَارَ إِيهُ دَ ضَوَ عَثِكِنْ غِدَنْسَ كَمَرْ يَهَوْكَثٜىٰ؞ دَاوُدَ يَنَ رِڧٜىٰ دَ مُواْلُوانْسَ يَنَ كِطِ يَدَّ يَسَابَا؞ طَالُوتَ يَنَ رِڧٜىٰ دَ مَاشِ أَ حَنُّنْسَ، 11 سَيْيَثٜىٰ أَ رَنْسَ «ذَنْ جٜىٰڢَ مَاشِ إِنْ كَڢٜىٰ دَاوُدَ دَ بَنْغُواْ؞» سَوْ بِيُ طَالُوتَ يَجٜىٰڢِ دَاوُدَ دَ مَاشِ، عَمَّا كُواْوَثٜىٰ جِڢَ دَاوُدَ يَكَوْثٜىٰ؞ 12 طَالُوتَ يَجِڟُواْرُوانْ دَاوُدَ غَمَا يَهْوٜىٰهْ يَنَ تَرٜىٰدَ دَاوُدَ، عَمَّا يَا رِغَا يَا رَبُ دَ طَالُوتَ؞ 13 دُواْمِنْ حَكَ يَرَبَ دَاوُدَ دَغَ غِدَنْ سَرْكِے يَمَيْدَشِ شُوغَبَنْ سُواْجُواْجِ دُبُو دُواْمِنْ يَجَغُواْرَنْثٜىٰسُ عَيَاڧِ؞ 14 كُواْمٜىٰ دَ دَاوُدَ يَيِ يَنَ نَصَرَا دُواْمِنْ يَهْوٜىٰهْ يَنَ تَرٜىٰ دَشِ؞ 15 دَ طَالُوتَ يَغَانٜىٰ دَاوُدَ يَنَ تَيِنْ نَصَرَا سَيْ يَڧَارَ جِنْ ڟُواْرُوانْسَ؞ 16 عَمَّا دُكَنْ مُتَنٜىٰنْ إِسْرَٰٓءِيلَ دَ نَ يَهُودَ سُكَ سُواْ دَاوُدَ سَبُواْدَ يَنَ بِيدَسُو عَيَاڧِ دَݣَوْ؞ دَاوُدَ يَا عَوْرِ یَرْ طَالُوتَ 17 أَنَانً سَيْ طَالُوتَ يَثٜىٰ وَ دَاوُدَ «غَا یَتَ تَڢَارِ مٜىٰرَبْ؞ ذَنْ بَاكَ عِتَ كَأَوْرَ؞ عَمَّا سَيْدَيْ كَيِمِنِ حِدِمَ دَ ڧَرْڢِنْ حَلِ كَكُمَيِ يَاڧٜىٰ يَاڧٜىٰنْ يَهْوٜىٰهْ؞» طَالُوتَ يَثٜىٰ حَكَ غَمَا يَنَ تُنَانِ أَ رَنْسَ ثٜىٰوَ «نِے بَذَنْسَا هَنُّونَ إِنْ كَشٜىٰ دَاوُدَ بَ، بَرِ يَمُتُ أَ حَنُّنْ ڢِلِسْتِيَاوَا؞» 18 عَمَّا دَاوُدَ يَثٜىٰ وَ طَالُوتَ «وَنٜىٰنِے؟ وَنٜىٰنٜىٰ مَا عِيَلِنَ كُواْ دَنْغِنْ بَابَنَ عَ إِسْرَٰٓءِيلَ، حَرْ دَ ذَاعَ ثٜىٰ مِنِ إِنْ ذَمَ مِجِنْ یَرْ سَرْكِے؟» 19 دُواْمِنْ حَكَ دَ لُواْكَثِ يَكَيْ دَ دَاوُدَ ذَيْ عَوْرِ مٜىٰرَبْ یَرْ طَالُوتَ، سَيْ طَالُوتَ يَطَوْكٜىٰتَ يَبَا وَنِ مَيْ سُونَ أَدِرِيٜىٰلْ مُتُمِنْ مٜىٰهُواْلَ؞ 20 سَيْ مِكَلْ، یَرْ طَالُوتَ تَڧَوْنَثِ دَاوُدَ؞ دَ طَالُوتَ يَجِ حَكَ سَيْ يَجِ دَاطِے؞ 21 سَيْيَثٜىٰ وَكَنْسَ «ذَنْ بَا دَاوُدَ مِكَلْ؞ ذَنْسَا تَذَمَ مَسَ تَرْكُواْ، حَرْ سَيْ يَمُتُ أَ حَنُّنْ ڢِلِسْتِيَاوَا؞» دُواْمِنْ حَكَ سَيْ طَالُوتَ يَثٜىٰ وَ دَاوُدَ سَوْ نَبِيُ «يَنْذُ ذَاكَ ذَمَ مِجِنْ یَتَ؞» 22 سَيْ سَرْكِے طَالُوتَ يَغَيَوَ مَاسُيِمَسَ حِدِمَ سُيِ مَغَنَ دَ دَاوُدَ عَٻُواْيٜىٰ سُثٜىٰ مَسَ «غَاشِ سَرْكِے يَنَ جِنْ دَاطِنْكَ سُواْسَيْ، دُكَنْ مَاسُيِمَسَ حِدِمَ كُمَ سُنَ سُوانْكَ، يَنْذُ سَيْ كَذَمَ مِجِنْ یَرْسَ؞» 23 مَاسُيِ وَ طَالُوتَ حِدِمَ سُكَ ڢَطَا وَ دَاوُدَ دُكَنْ وَنَّنْ مَغَنَ؞ سَيْ دَاوُدَ يَأَمْسَ يَثٜىٰ «كُنَ ڟَمَّنِ ڧَرَمِنْ أَبُ نٜىٰ مُتُمْ يَ عَوْرِ یَرْ سَرْكِے؟ نِے دَيْ ڧَرَمِ نٜىٰ، كُمَ مَتَلَوْثِ؞» 24 سَيْ مَاسُيِ وَ طَالُوتَ حِدِمَ سُكَ كُواْمَ سُكَ ڢَطَا وَ طَالُوتَ أَبِنْدَ دَاوُدَ يَڢَطَا؞ 25 سَيْ طَالُوتَ يَثٜىٰ «كُڢَطَا وَ دَاوُدَ، ‹أَيْ، سَرْكِے بَايَ بُڧَاتَرْ كُطِنْ عَوْرٜىٰ؞ أَبِنْ دَ دَيْ يَكٜىٰ بُڧَاتَ شِينٜىٰ ڢَتَرْ أَذَّكَرِ طَرِے نَ ڢِلِسْتِيَاوَا، دُواْمِنْ يَيِ رَامُوَا عَكَنْ أَبُواْكَنْ غَابَنْ سَرْكِے؞› » وَنَّنْ دَبَرَثٜىٰ دَ طَالُوتَ يَيِ دُواْمِنْ دَاوُدَ يَمُتُ أَ حَنُّنْ ڢِلِسْتِيَاوَا؞ 26 سَيْ مَاسُيِ وَ طَالُوتَ حِدِمَ سُكَ ڢَطَا وَ دَاوُدَ أَبِنْدَ سَرْكِے يَثٜىٰ؞ دَ دَاوُدَ يَجِ حَكَ، سَيْ يَيَرْدَ يَ عَوْرِ یَرْ سَرْكِے؞ كَاڢِنْ لُواْكَثِنْ دَ عَكَ شِرْيَ دُواْمِنْ عَوْرٜىٰنْ يَكٜىٰوَيُواْ، 27 دَاوُدَ يَتَاشِ يَتَڢِے دَ مُتَنٜىٰنْسَ سُكَ كَشٜىٰ ڢِلِسْتِيَاوَا طَرِے بِيُ؞ دَاوُدَ يَكَٰوُاْ وَ سَرْكِے ڢَتَرْ أَذَّكَرِنْسُ دُكَ، دُواْمِنْ يَذَمَ مِجِنْ یَرْ سَرْكِے؞ سَيْ طَالُوتَ يَبَا شِ یَرْسَ مِكَلْ يَ عَوْرَ؞ 28 طَالُوتَ كُوَ يَغَانٜىٰ ثٜىٰوَ يَهْوٜىٰهْ يَنَ تَرٜىٰدَ دَاوُدَ، يَكُمَ غَانٜىٰ ثٜىٰوَ یَرْسَ تَنَ ڧَوْنَرْ دَاوُدَ؞ 29 سَبُواْدَ حَكَ سَيْ يَڧَارَ جِنْڟُواْرُوانْ دَاوُدَ سُواْسَيْ، كُمَ يَذَمَ أَبُواْكِنْ غَابَنْ دَاوُدَ دُكَنْ ݣُونَكِنْسَ؞ 30 مَنْيَنْ سُواْجُواْجِنْ ڢِلِسْتِيَاوَا سُكَيِ تَڢِتَ سُنَ يَاڧِ دَ إِسْرَٰٓءِيلَاوَا، عَمَّا كُلُّمْ دَاوُدَ يَنَ سَامُنْ نَصَرَا ڢِيٜىٰدَ سَوْرَنْ مَنْيَنْ سُواْجُواْجِنْ طَالُوتَ؞ تَهَكَ يَيِ سُونَ سُواْسَيْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria