1 سَمَٰعِيلَ 16 - أَتَّوْرَتْ دَ أَنَّبَاوَا

أَنْ كٜىٰٻٜىٰ دَاوُدَ سَرْكِے

¹ سَيْ يَهْوٜىٰهْ يَثٜىٰ وَ سَمَٰعِيلَ ‏«‏حَرْ يَوْشٜىٰ ذَاكَ ثِيغَبَدَ يِنْ بَڧِنْ ثِكِ عَكَنْ طَالُوتَ؟ نَارِغَا نَا ڧِيشِ دَ ذَمَنْ سَرْكِنْ إِسْرَٰٓءِيلَ؞ يَنْذُ سَيْ كَطَوْكِ ڧَهُواْ ثِكٜىٰدَ مَنْ كٜىٰٻٜىٰوَ، كَتَڢِے غَرِنْ بَيْتَلَحْمِ وَجٜىٰنْ وَنِ مُتُمْ مَيْ سُونَ يٜىٰسّٜىٰ، غَمَا نَا ذَاٻِ طَيَ دَغَ ثِكِنْ یَیَنْسَ مَظَا يَذَمَ سَرْكِے؞»‏

² عَمَّا سَمَٰعِيلَ يَثٜىٰ ‏«‏يَيَ ذَنْيِ حَكَ؟ عِدَنْ طَالُوتَ يَجِ ذَيْ كَشٜىٰنِ؞»‏ يَهْوٜىٰهْ يَأَمْسَ يَثٜىٰ ‏«‏تُواْ، كَطَوْكِ یَرْ سَانِيَ تَرٜىٰدَكَيْ، عِدَنْ كَا إِسُواْ سَيْ كَثٜىٰ كَاذُواْ مِيڧَ هَدَايَ غَ يَهْوٜىٰهْ؞

³ سَيْ كَغَيَّثِ يٜىٰسّٜىٰ ذُوَا وُرِنْ هَدَايَرْ؞ أَوُرِنْ ذَنْ ڢَطَا مَكَ أَبِنْدَ ذَاكَيِ؞ ذَاكَ ظُبَ مَنْ كٜىٰٻٜىٰوَ عَكَنْ وَنْدَ ذَنْ نُونَ مَكَ؞»‏

⁴ سَمَٰعِيلَ يَيِ أَبِنْدَ يَهْوٜىٰهْ يَعُمَرْثٜىٰشِ؞ دَ يَشِغَ بَيْتَلَحْمِ، سَيْ دَتَّاوَنْ غَرِنْ سُكَ مَرَبْثٜىٰشِ دَ ضَوَرْ جِكِے؞ سُكَ تَمْبَيٜىٰشِ سُكَثٜىٰ ‏«‏لَاڢِيَ دَيْ كَذُواْ؟»‏

⁵ يَأَمْسَ يَثٜىٰ ‏«‏عِ، لَاڢِيَ لَوْ؞ نَا ذُواْ يِنْ هَدَايَ نٜىٰ غَ يَهْوٜىٰهْ؞ كُكٜىٰٻٜىٰ كَنْكُ دَ ڟَرْكِے، كُذُواْ تَرٜىٰدَنِ وُرِنْ هَدَايَ؞»‏ سَمَٰعِيلَ كُوَ يَڟَبْتَثٜىٰ يٜىٰسّٜىٰ دَ یَیَنْسَ مَظَا؞ سَعَنً يَغَيَّثٜىٰسُ ذُوَا وُرِنْ هَدَايَرْ؞

⁶ دَ يٜىٰسّٜىٰ دَ یَیَنْسَ سُكَ إِسُواْ وُرِنْ دُواْمِنْ هَدَايَ، سَمَٰعِيلَ يَغَ عٜىٰلِيَبْ طَنْ يٜىٰسّٜىٰ، سَيْ يَيِ تُنَانِ أَ رَنْسَ ‏«‏وَنَّنْ دَيَكٜىٰ ڟَيٜىٰ أَغَبَنْ يَهْوٜىٰهْ لَلَّيْ شِينٜىٰ سَرْكِنْ دَ يَهْوٜىٰهْ يَكٜىٰٻٜىٰ!‏»‏

⁷ عَمَّا يَهْوٜىٰهْ يَثٜىٰمَسَ ‏«‏كَدَ كَدُوبِے ڟَيِنْسَ كُواْ ݣَنْسَ، دُوانْ نَڧِيشِ؞ غَمَا يَدَّ يَهْوٜىٰهْ يَكٜىٰ غَنِ بَهَكَ مُتُمْ يَكٜىٰ غَنِبَ؞ مُتُمْ يَكَنْ دُوبَ يَدَّ مُتُمْ يَكٜىٰ دَغَ وَجٜىٰ، عَمَّا يَهْوٜىٰهْ يَكَنْ دُوبِے ذُوثِيَا نٜىٰ؞»‏

⁸ سَيْ يٜىٰسّٜىٰ يَكِرَا أَبِينَدَبْ يَسَا يَوُثٜىٰ أَغَبَنْ سَمَٰعِيلَ؞ عَمَّا سَمَٰعِيلَ يَيِ تُنَانِ أَ رَنْسَ يَثٜىٰ ‏«‏وَنَّنْ مَا يَهْوٜىٰهْ بَيْ ذَاٻٜىٰشِبَ؞»‏

⁹ سَيْ يٜىٰسّٜىٰ يَسَا شَمَّ يَوُثٜىٰ أَغَبَنْ سَمَٰعِيلَ؞ سَمَٰعِيلَ يَيِ تُنَانِ أَ رَنْسَ يَثٜىٰ ‏«‏أَعَ، شِے مَا يَهْوٜىٰهْ بَيْ ذَاٻٜىٰشِبَ؞»‏

¹⁰ يٜىٰسّٜىٰ يَسَا یَیَنْسَ مَظَا دُكَ بَݣَويْ سُكَ وُثٜىٰ أَغَبَنْ سَمَٰعِيلَ؞ عَمَّا سَمَٰعِيلَ يَيِ تُنَانِ أَ رَنْسَ يَثٜىٰ ‏«‏دُكَنْسُ يَهْوٜىٰهْ بَيْ ذَاٻٜىٰسُبَ؞»‏

¹¹ سَيْ يَتَمْبَيِ يٜىٰسّٜىٰ يَثٜىٰ ‏«‏دُكَنْ یَیَنْكَ مَظَا كٜىٰنَنْ؟»‏ يٜىٰسّٜىٰ يَأَمْسَ يَثٜىٰ ‏«‏أَعَ، أَݣَويْ طَنْ أَوْتَنْ، يَنَ كِيوُانْ تُمَكِ أَدَاجِ؞»‏ سَيْ سَمَٰعِيلَ يَثٜىٰ ‏«‏أَ عَيْكَ عَكِرَشِ، غَمَا بَذَامُ ذَوْنَ مُثِ عَبِنْثِبَ سَيْيَاذُواْ؞»‏

¹² سَيْ يٜىٰسّٜىٰ يَعَيْكَ عَكَ كِرَا طَنْ أَوْتَنْ؞ شِ ݣَكْݣَاوَا نٜىٰ، كُمَ مَيْ ڧُواْشِنْ لَاڢِيَ؞ سَيْ يَهْوٜىٰهْ يَثٜىٰ وَ سَمَٰعِيلَ ‏«‏تَاشِ كَظُبَ مَسَ مَنْ كٜىٰٻٜىٰوَ كَكٜىٰٻٜىٰشِ، غَمَا شِينٜىٰ نَكٜىٰٻٜىٰ؞»‏

¹³ سَمَٰعِيلَ كُوَ يَطَوْكِ ڧَهُوانْ مَنْ كٜىٰٻٜىٰوَ يَظُبَ مَسَ مَيْ، يَكٜىٰٻٜىٰشِ أَغَبَنْ یَنْعُوَنْسَ؞ دَغَ رَانَرْ نَنْ سَيْ رُوحٌ يَهْوٜىٰهْ يَيِ إِيكُواْ عَكَنْ دَاوُدَ عَيَلْوَثٜىٰ؞ سَعَنً سَمَٰعِيلَ يَتَاشِ يَكُواْمَ رَمَ؞

دَاوُدَ يَا شِغَ حِدِمَرْ طَالُوتَ

¹⁴ رُوحٌ يَهْوٜىٰهْ يَا رِغَا يَا رَبُ دَ طَالُوتَ، يَنْذُ وَنِ مُوغُنْ رُوحُ دَغَ يَهْوٜىٰهْ يَڢَارَ بَاشِ عَذَابَ؞

¹⁵ سَيْ مَاسُيِمَسَ حِدِمَ سُكَثٜىٰ مَسَ ‏«‏غَاشِ، وَنِ مُوغُنْ رُوحُ دَغَ اللَّهْ نٜىٰ يَكٜىٰ بَاكَ عَذَابَرْ نَنْ؞

¹⁶ رَنْكَيَدَطٜىٰ!‏ إِنْ كَا يَرْدَ ذَامُ نٜىٰمِ وَنْدَ يَ عِيَ كِطِنْ مُواْلُواْ دُواْمِنْ دُكْ سَعَدَّ مُوغُنْ رُوحُنَّنْ يَتَاشِ، سَيْ يَكَطَ مُواْلُوانْ دُواْمِنْ حَنْكَلِنْكَ يَݣُونْتَ؞»‏

¹⁷ طَالُوتَ يَعُمَرْثِ مَاسُيِمَسَ حِدِمَ سُنٜىٰمَ مَسَ مُتُمِنْدَ يَ عِيَ كِطِنْ مُواْلُواْ سُواْسَيْ، سُكَٰوُاْ مَسَشِ؞

¹⁸ طَيَ دَغَ ثِكِنْ مَاسُيِمَسَ حِدِمَ يَأَمْسَ يَثٜىٰ ‏«‏نَتَٻَ غَنِنْ وَنِ طَنْ يٜىٰسّٜىٰ مُتُمِنْ بَيْتَلَحْمِ وَنْدَ يَ عِيَ كِطِ سُواْسَيْ؞ شِے مَيْ ڧَرْڢِنْ ذُوثِيَا نٜىٰ، مَيْ عِيَ يَاڧِ كُمَ؞ يَرُوانْ ݣَكْݣَاوَا نٜىٰ، مَيْ عِيَ مَغَنَ، كُمَ يَهْوٜىٰهْ يَنَ تَرٜىٰ دَشِ؞»‏

¹⁹ سَيْ طَالُوتَ يَعَيْكَ وَ يٜىٰسّٜىٰ دَ یَنْ عَيْكَ سُثٜىٰ ‏«‏كَعَيْكُواْ مِنِ دَ طَنْكَ دَاوُدَ، وَنْدَ يَكٜىٰ كِيوُانْ تُمَكِ؞»‏

²⁰ يٜىٰسّٜىٰ يَشِرْيَ جَاكِ طَوْكٜىٰ دَ عَبِنْثِ دَ سَلْكَرْ ضُوً إِنَبِے دَ یَرْ عَكُيَ، يَعَيْكَرْ دَسُو غَ سَرْكِے طَالُوتَ تَهَنُّنْ دَاوُدَ؞

²¹ تَهَكَ دَاوُدَ يَشِغَ حِدِمَرْ طَالُوتَ؞ طَالُوتَ كُوَ يَسُواْ دَاوُدَ سُواْسَيْ حَرْ يَمَيْدَشِ مَيْ رِڧٜىٰ مَسَ كَايَنْ يَاڧِ؞

²² سَيْ طَالُوتَ يَعَيْكَ دَ سَڧُواْ ذُوَاغَ يٜىٰسّٜىٰ يَثٜىٰ ‏«‏كَبَرْ دَاوُدَ يَذَوْنَ يَيِ مِنِ حِدِمَ، غَمَا يَا سَامِ ڢَضٍ جِنِ أَغَبَنَ؞»‏

²³ تُنْدَغَ لُواْكَثِنْ دُكْ سَعَدَّ مُوغُنْ رُوحُنَّنْ دَغَ اللَّهْ يَهَوْ طَالُوتَ، دَاوُدَ يَكَنْ طَوْكِ مُواْلُواْ يَكَطَ مَسَ؞ سَيْ مُوغُنْ رُوحُ يَبَرْشِ، طَالُوتَ كُمَ يَسَامِ سَوْڧِ؞