1 سَمَٰعِيلَ 15 - أَتَّوْرَتْ دَ أَنَّبَاوَا

يَاڧِ دَ أَمَلٜىٰكَاوَا

¹ سَمَٰعِيلَ يَثٜىٰ وَ طَالُوتَ ‏«‏نِنٜىٰ يَهْوٜىٰهْ يَعَيْكٜىٰنِ إِنْ ذَاٻٜىٰكَ إِنْكُمَ نَطَكَ سَرْكِے عَكَنْ مُتَنٜىٰنْسَ إِسْرَٰٓءِيلَ؞ دُواْمِنْ حَكَ كَجِ أَبِنْدَ يَهْوٜىٰهْ يَثٜىٰ؞

² يَهْوٜىٰهْ مَيْ إِيكُواْ دُكَ يَثٜىٰ، ‏‹‏ذَنْ حُكُنْتَ أَمَلٜىٰكَاوَا سَبُواْدَ أَ لُواْكَثِنْ دَ إِسْرَٰٓءِيلَاوَا سُكَ ڢِتَ دَغَ ڧَسَرْ مَصَرْ، أَمَلٜىٰكَاوَا سُنْيِ ڧُواْڧَرِ سُهَنَاسُ ذُوَا ڧَسَرْ كَنْعَنَ؞

³ سَيْ كَتَڢِے كَيِ يَاڧِ دَ أَمَلٜىٰكَاوَا، كَكٜىٰٻٜىٰسُ دُواْمِنْ هَلَّكَرْوَ؞ كَدَ كَبَرْ كُواْمٜىٰ؞ كَكَشٜىٰ مَظَا دَ مَاتَا، ڧأَنَانً يَارَا دَ جَرِرَيْ، شَانُو دَ تُمَكِ، رَاڧُمَ دَ جَاكُنَ؞›‏ »‏

⁴ طَالُوتَ يَتَارَ سُواْجُواْجِنْسَ دُكَ أَ تٜىٰلٜىٰمْ؞ يَڧِرْغَسُ يَسَامِ مُتُمْ دُبُو غُواْمَ دَغَ يَهُودَ دَ مُتُمْ دُبُو طَرِے بِيُ دَغَ سَوْرَنْ ذُرِيَرْ إِسْرَٰٓءِيلَ؞

⁵ سَيْ طَالُوتَ يَتَڢِے بِرْنِنْ أَمَلٜىٰكْ يَٻُواْيٜىٰ كَنْسَ عَثِكِنْ ݣُورِ؞

⁶ طَالُوتَ يَعَيْكَ دَ سَڧُواْ ذُوَاغَ كٜىٰنِيَاوَا يَثٜىٰ ‏«‏كُتَاشِ كُبَرْ أَمَلٜىٰكَاوَا، دُواْمِنْ كَدَ عَكَشٜىٰكُ تَرٜىٰدَسُو، سَبُواْدَ كُنْيِ وَ إِسْرَٰٓءِيلَاوَا كِرْكِ سَعَدَّ سُكَ ڢِتَ دَغَ ڧَسَرْ مَصَرْ؞»‏ سَيْ كٜىٰنِيَاوَنْ سُكَ ڢِتَ سُكَ رَبُ دَ أَمَلٜىٰكَاوَنْ؞

⁷ طَالُوتَ يَثِ أَمَلٜىٰكَاوَا دَ يَاڧِ تُنْدَغَ هَوِلَ حَرْ ذُوَا شُرْ وَنْدَ يَكٜىٰ غَبَسْ دَ ڧَسَرْ مَصَرْ؞

⁸ يَكَامَ أَغَغْ سَرْكِنْ أَمَلٜىٰكْ دَ رَيْ؞ عَمَّا يَكَشٜىٰ دُكَنْ مُتَنٜىٰنْسَ دَ تَكُواْبِے؞

⁹ طَالُوتَ دَ سُواْجُواْجِنْسَ سُكَ بَرْ سَرْكِے أَغَغْ دَ رَيْ، تَرٜىٰدَ تُمَكِ مَڢِے ݣَوْ دَ شَانُو دَ یَیَنْ شَانُو دَ یَیَنْ تُمَكِ دَ كُمَ دُكْ أَبِنْدَ يَيِ مُسُ ݣَوْ سُواْسَيْ؞ دُكْ وَطَنَّنْ كُوَ بَسُ كَشٜىٰسُبَ؞ عَمَّا سُنْ كَشٜىٰ دُكَنْ دَبُّواْبِنْ دَسُكٜىٰ مَرَرْ لَاڢِيَ كُواْ مَرَرْ أَمْڢَانِ؞

يَهْوٜىٰهْ يَا ڧِ طَالُوتَ دَ ذَمَنْ سَرْكِے

¹⁰ سَيْ يَهْوٜىٰهْ يَيِ مَغَنَ دَ سَمَٰعِيلَ ثٜىٰوَ

¹¹ ‏«‏نَا يِبَڧِنْ ثِكِ دَ نَنَطَ طَالُوتَ سَرْكِے، غَمَا يَا جُويَا مِنِ بَايَ كُمَ بَيْ ثِكَ عُمَرْنِنَبَ؞»‏ سَمَٰعِيلَ كُوَ يَدَامُ يَيِ تَضُواْڧُواْ غَ يَهْوٜىٰهْ دُكَنْ دَرٜىٰ؞

¹² وَشٜىٰغَرِ دَ سَڢٜىٰ سَيْ يَتَاشِ يَنَ نٜىٰمَنْ طَالُوتَ؞ عَكَ ڢَطَا مَسَ ثٜىٰوَ طَالُوتَ يَتَڢِے كَرْمٜىٰلْ، عِنْدَ يَغِنَ وَكَنْسَ أَبِنْدَ ذَاعَ دِنْ‌غَ تُنَاوَا دَشِ؞ دَغَ ثَنْ يَوُثٜىٰ ذُوَا غِلْغَلْ؞

¹³ سَمَٰعِيلَ يَتَڢِے وُرِنْ طَالُوتَ؞ دَ طَالُوتَ يَغَنْشِ، سَيْيَثٜىٰ ‏«‏سَلَمَ أَغَرٜىٰكَ!‏ نَا ثِكَ عُمَرْنِنْ يَهْوٜىٰهْ!‏»‏

¹⁴ سَمَٰعِيلَ يَأَمْسَ يَثٜىٰ ‏«‏تُواْ عِدَنْ حَكَنٜىٰ، مٜىٰنٜىٰنٜىٰ نَكٜىٰ جِ كَمَرْ كُوكَنْ تُمَكِ دَ نَشَانُو؟»‏

¹⁵ طَالُوتَ يَأَمْسَ يَثٜىٰ ‏«‏أَنْ كَٰوُاْسُ دَغَ أَمَلٜىٰكْ نٜىٰ؞ غَمَا سُواْجُواْجِنْ بَسُ سُواْ سُكَكَّشٜىٰ تُمَكِ دَ شَانُو مَڢِے ݣَوْ عَبَنْظَ بَ، دُواْمِنْ حَكَ سُكَ كَٰوُاْسُ دُواْمِنْ هَدَايَ غَ يَهْوٜىٰهْ اللَّهْ نْكَ؞ عَمَّا مُنْ مِيڧَ سَوْرَنْ دُكَ هَدَايَ تَهَلَّكَرْوَ؞»‏

¹⁶ سَمَٰعِيلَ يَثٜىٰ وَ طَالُوتَ ‏«‏ڟَيَ!‏ بَرِ إِنْڢَطَا مَكَ دُكَنْ أَبِنْدَ يَهْوٜىٰهْ يَڢَطَا مِنِ أَدَرٜىٰنْ جِيَ؞»‏ سَيْ طَالُوتَ يَأَمْسَ يَثٜىٰ ‏«‏ڢَطَا مِنِ؞»‏

¹⁷ سَمَٰعِيلَ يَثٜىٰ ‏«‏كُواْدَيَكٜىٰ كَنَ غَنِنْ كَنْكَ بَكُواْمٜىٰبَنٜىٰ، عَمَّا كَيْنٜىٰ شُوغَبَنْ ذُرِيَرْ إِسْرَٰٓءِيلَ؞ يَهْوٜىٰهْ يَاكٜىٰٻٜىٰكَ سَرْكِنْ إِسْرَٰٓءِيلَ؞

¹⁸ يَعَيْكٜىٰكَ كَجٜىٰ كَمِيڧَ مُوغَيٜىٰنْ مُتَنٜىٰنَّنْ نَ أَمَلٜىٰكْ هَدَايَ تَهَلَّكَرْوَ؞ يَثٜىٰ كَيَاڧٜىٰسُ حَرْ سَيْ كَاشَرٜىٰسُ كَكَڢْ؞

¹⁹ دُوانْمٜىٰ كَڧِ يِنْ بِيَيَّ غَ مَغَنَرْ يَهْوٜىٰهْ؟ مٜىٰيَسَا كَڨُوثٜىٰ أَبُبُوَ مَڢِے ݣَوْ؟ دُوانْمٜىٰ كَيِ أَبِنْدَ يَكٜىٰ مُوغُ أَعِدَانُنْ يَهْوٜىٰهْ؟»‏

²⁰ طَالُوتَ يَأَمْسَ يَثٜىٰ ‏«‏أَيْ، نَايِ بِيَيَّ دَ مُرْيَرْ يَهْوٜىٰهْ!‏ نَتَڢِے عِنْدَ يَهْوٜىٰهْ يَعَيْكٜىٰنِ؞ نَمِيڧَ دُكَنْ أَمَلٜىٰكَاوَا هَدَايَ تَهَلَّكَرْوَ، نَكُمَ كَامَ أَغَغْ سَرْكِنْسُ نَكَٰوُاْ؞

²¹ سُواْجُواْجِ سُكَ طِبَ تُمَكِ دَ شَانُو دَغَ ثِكِنْ كَايَنْ دَ عَكَ ڨُوثٜىٰ، وَتُواْ أَبُبُوَ مَڢِے ݣَوْ دَغَ ثِكِنْ كَايَنْ دَ عَكَ كٜىٰٻٜىٰ دُواْمِنْ هَلَّكَرْوَ، دُواْمِنْ سُيِ هَدَايَ غَ يَهْوٜىٰهْ اللَّهْ نْكَ أَ غِلْغَلْ؞»‏

²² عَمَّا سَمَٰعِيلَ يَأَمْسَ يَثٜىٰ ‏«‏مٜىٰنٜىٰنٜىٰ يَهْوٜىٰهْ يَڢِ جِنْ دَاطِنْسَ، بَيٜىٰ بَيٜىٰ دَ هَدَايُ نٜىٰ، كُواْ كُوَ يِنْ بِيَيَّ دَ مُرْيَرْسَ؟ بَاشَكَّ، يِنْ بِيَيَّ دَ مُرْيَرْسَ تَڢِے هَدَايَ؞ حَكَكُمَ بِنْ مَغَنَرْ اللَّهْ يَڢِ كِڟٜىٰنْ ضَغُواْ؞

²³ غَمَا يِنْ تَاوَيٜىٰ غَ يَهْوٜىٰهْ دَيْدَيْ يَكٜىٰدَ يِنْ ذُنُوبِنْ دُوبَا؞ غِرْمَنْ كَيْ كُمَ دَيْدَيْ يَكٜىٰدَ ذُنُوبِنْ بَوْتَرْ غُمَكَ؞ سَبُواْدَ كَڧِجِنْ مَغَنَرْ يَهْوٜىٰهْ شِے مَا يَڧِكَ دَ ذَمَنْ سَرْكِے؞»‏

²⁴ سَعَنً طَالُوتَ يَثٜىٰ وَ سَمَٰعِيلَ ‏«‏نَيِ ذُنُوبِ؞ نَوُثٜىٰ غُواْنَ دَ إِرِ دَ أَبِنْدَ نَيِ غَمٜىٰدَ مَغَنَرْ يَهْوٜىٰهْ دَ كُمَ مَغَنَرْكَ، غَمَا نَا جِڟُواْرُوانْ سُواْجُواْجِ نٜىٰ؞ شِيَسَا نَيِ أَبِنْدَ سُكٜىٰسُواْ؞

²⁵ يَنْذُ إِنَ ضُواْڧُوانْكَ، كَيَاڢٜىٰ مِنِ ذُنُوبِنَ، كَكُواْمَ تَرٜىٰدَنِ دُواْمِنْ إِنْيِ وَ يَهْوٜىٰهْ سُجَّدَ؞»‏

²⁶ عَمَّا سَمَٰعِيلَ يَأَمْسَ مَسَ يَثٜىٰ ‏«‏بَذَنْ كُواْمَ تَرٜىٰدَكَيْ بَ؞ سَبُواْدَ كَڧِجِنْ مَغَنَرْ يَهْوٜىٰهْ، يَهْوٜىٰهْ شِے مَا يَڧِكَ دَ ذَمَنْ سَرْكِنْ إِسْرَٰٓءِيلَ؞»‏

²⁷ دَ سَمَٰعِيلَ يَجُويَ ذَيْ تَڢِے، سَيْ طَالُوتَ يَكَامَ رِغَرْسَ حَرْ تَيَاغٜىٰ؞

²⁸ سَمَٰعِيلَ يَثٜىٰ مَسَ ‏«‏كَمَرْ يَدَّ كَيَاغٜىٰ رِغَاتَ، حَكَمَا يَوْ يَهْوٜىٰهْ يَيَاغٜىٰ مُلْكٍ إِسْرَٰٓءِيلَ دَغَ حَنُّنْكَ، يَبَا وَنِ وَنْدَ ذُوثِيَارْسَ تَڢِے تَاكَ؞

²⁹ غَمَا مَطَوْكَكِ نَ إِسْرَٰٓءِيلَ بَايَ ڧَضْيَا، كُمَ بَايَ ثَنْجَ نِيَّرْسَ، دُواْمِنْ شِے بَمُتُمْ بَنٜىٰ دَ ذَيْ ثَنْجَ نِيَّرْسَ؞»‏

³⁰ سَيْ طَالُوتَ يَثٜىٰ ‏«‏نَيِ ذُنُوبِ؞ عَمَّا إِنَ ضُواْڧُوانْكَ كُواْ تَيَيَا دَيْ كَطَنْ غِرْمَمَنِ أَغَبَنْ شُوغَبَنِّنْ مُتَنٜىٰنَ دَ كُمَ إِسْرَٰٓءِيلَ دُكَ؞ كَدَاوُاْ تَرٜىٰدَنِ دُواْمِنْ إِنْسَامِ دَامَ إِنْيِ وَ يَهْوٜىٰهْ اللَّهْ نْكَ سُجَّدَ؞»‏

³¹ سَمَٰعِيلَ كُوَ يَكُواْمَ تَرٜىٰدَشِ، سَعَنً طَالُوتَ يَيِ وَ يَهْوٜىٰهْ سُجَّدَ؞

³² سَعَنً سَمَٰعِيلَ يَثٜىٰ ‏«‏كُكَٰوُاْ مِنِ أَغَغْ سَرْكِنْ أَمَلٜىٰكْ أَنَنْ؞»‏ أَغَغْ يَذُواْ بَابُ ڟُواْرُواْ يَنَ تُنَانِ أَ ذُوثِيَارْسَ ثٜىٰوَ ‏«‏بَذَاعَ كَشٜىٰنِبَ؞»‏

³³ سَمَٰعِيلَ يَثٜىٰ ‏«‏كَمَرْ يَدَّ تَكُواْبِنْكَ يَمَيْدَ مَاتَادَيَوَ مَرَسَ یَیَ، حَكَكُمَ يَنْذُ مَامَرْكَ عِتَمَا ذَاتَ رَسَ يَرُوانْتَ؞»‏ سَيْ يَيَيَّنْكَشِ أَغَبَنْ يَهْوٜىٰهْ أَ غِلْغَلْ؞

³⁴ بَايَنْ حَكَ سَمَٰعِيلَ يَتَڢِے رَمَ، سَيْ طَالُوتَ يَكُواْمَ غِدَنْسَ أَ غِبٜىٰيَ؞

³⁵ سَمَٰعِيلَ بَيْسَاكٜىٰ سَدُوَ دَ طَالُوتَ بَ دُكَنْ ݣُونَكِنْ رَنْسَ، عَمَّا سَمَٰعِيلَ يَيِ بَڧِنْ ثِكِ سُواْسَيْ عَكَنْ طَالُوتَ؞ يَهْوٜىٰهْ كُوَ بَيْجِ دَاطِے يَدَّ يَسَا طَالُوتَ يَذَمَ سَرْكِنْ إِسْرَٰٓءِيلَ بَ؞