1 سَمَٰعِيلَ 13 - أَتَّوْرَتْ دَ أَنَّبَاوَا

يَاڧِنْ إِسْرَٰٓءِيلَاوَا دَ ڢِلِسْتِيَاوَا

¹ سَعَدَّ طَالُوتَ يَذَمَ سَرْكِے يَنَدَ شٜىٰكَرَا تَلَاتِنْ؞ دَ يَيِ مُلْكٍ إِسْرَٰٓءِيلَ شٜىٰكَرَا بِيُ،

² سَيْ يَذَاٻِ سُواْجُواْجِ دُبُو عُكُ دَغَ جَمَعَرْ إِسْرَٰٓءِيلَ؞ يَكٜىٰٻٜىٰ دُبُو بِيُ سُذَوْنَ تَرٜىٰ دَشِ أَ مِكْمَشْ دَ كُمَ عَتُدَّنْ يَنْكِنْ بٜىٰتٜىٰلْ؞ يَكُمَ بَرْ دُبُو طَيَ تَرٜىٰدَ طَنْسَ يُواْنَتَنْ أَ غِبٜىٰيَ عَيَنْكِنْ ذُرِيَرْ بِلِيَامِنُ؞ سَوْرَنْ سُواْجُواْجِنْ كُوَ طَالُوتَ يَسَلَّمٜىٰسُ سُكُواْمَ غِدَاجٜىٰنْسُ؞

³ أَنَانً سَيْ يُواْنَتَنْ يَكَيْ هَرِ وَ سَنْسَنِنْ ڢِلِسْتِيَاوَنْ أَ غٜىٰبَ، يَثِسُ دَ يَاڧِ؞ سَيْ دُكَنْ ڢِلِسْتِيَاوَا سُكَجِ لَابَرِنْ؞ سَيْ طَالُوتَ يَعَيْكَ عَكَ بُوسَ ڧَهُواْ دُواْمِنْ عَيِ شٜىٰلَ غَ دُكَنْ إِبْرَانِيَاوَا سُڢِتُواْ دُواْمِنْ يَاڧِ؞

⁴ دَ دُكَنْ إِسْرَٰٓءِيلَاوَا سُكَجِ ثٜىٰوَ طَالُوتَ يَثِ سَنْسَنِنْ ڢِلِسْتِيَاوَا دَ يَاڧِ، كُمَ إِسْرَٰٓءِيلَاوَا سُنْ ذَمَ أَبِنْ ڨَمَ أَوُرِنْ ڢِلِسْتِيَاوَا، سَيْ سُكَ ڢِتُواْ غَبَاطَيَ، سُكَ تَارُ وُرِنْ طَالُوتَ أَ غِلْغَلْ؞

⁵ سَيْ ڢِلِسْتِيَاوَا سُكَ تَارُ دُواْمِنْ سُيِ يَاڧِ دَ إِسْرَٰٓءِيلَاوَا؞ سُكَ ڢِتُواْ دَ كٜىٰكُنَنْ دُواْكِنْ يَاڧِ دُبُو تَلَاتِنْ دَ مَاسُ هَوَنْ دَوَكِ دُبُو شِدَ دَ سُواْجُواْجِ مَاسُيَوَ كَمَرْ يَشِ عَبَاكِنْ تٜىٰكُ؞ سُكَ تَڢِے مِكْمَشْ أَغَبَشِنْ بٜىٰتَوٜىٰنْ، سُكَ كَڢَ سَنْسَنِ أَوُرِنْ؞

⁶ سَعَدَّ ڢِلِسْتِيَاوَنْ سُكَ ڢَاطَوَ إِسْرَٰٓءِيلَاوَا دَ يَاڧِ مَيْ ڟَنَنِ، سُكَسَاسُ ثِكِنْ وَنِ حَلِ مَيْ وُيَ حَرْ إِسْرَٰٓءِيلَاوَا سُكَ ٻُواْيٜىٰ كَنْسُ عَكُواْڠُونِّ دَ دُوَڟُو دَ رَامُكَ دَ رِجِيُواْيِ؞

⁷ وَطَنْسُنْسُ سُكَ حَيٜىٰ كُواْغِنْ يُواْدَنْ ذُوَا يَنْكِنْ ذُرِيَرْ غَدْ دَ يَنْكِنْ غِلٜىٰيَدْ؞ طَالُوتَ كُوَ يَذَوْنَ أَ غِلْغَلْ، كُمَ مُتَنٜىٰنْ دَسُكٜىٰ تَرٜىٰ دَشِ سُكَ ثِكَ دَ ضَوَرْ جِكِے سَبُواْدَ ڟُواْرُواْ؞

⁸ يَجِرَا سَمَٰعِيلَ حَرْ ݣُونَ بَݣَويْ، بِسَغَ يَدَّ سَمَٰعِيلَ يَعُمَرْثٜىٰشِ يَيِ؞ عَمَّا سَمَٰعِيلَ بَيْ ذُواْ غِلْغَلْ بَ؞ مُتَنٜىٰنْ طَالُوتَ كُوَ سُكَ ڢَارَ وَڟٜىٰوَ؞

⁹ سَيْ طَالُوتَ يَثٜىٰ ‏«‏كُكَٰوُاْ مِنِ هَدَايَرْ ڧُواْنَاوَا دَ هَدَايُ نَڠَرَنْ زُمُنْثِ؞»‏ عَكَ كَٰوُاْ، يَكُوَ مِيڧَ هَدَايَ تَڧُواْنَاوَا؞

¹⁰ يَنَ غَمَ مِيڧَاوَرْ هَدَايَرْ كٜىٰنَنْ سَيْ سَمَٰعِيلَ يَٻُلُّواْ؞ طَالُوتَ كُوَ يَتَڢِے دُواْمِنْ يَمَرَبْثٜىٰشِ؞

¹¹ عَمَّا سَمَٰعِيلَ يَثٜىٰ مَسَ ‏«‏مٜىٰنٜىٰنٜىٰ كَا عَيْكَتَ كٜىٰنَنْ؟»‏ طَالُوتَ يَأَمْسَ يَثٜىٰ ‏«‏نَغَ مُتَنٜىٰ سُنْ ڢَارَ وَڟٜىٰوَ ذَاسُبَرْنِ، كَيْ كُمَ بَكَذُوابَ يَدَّ كَيِ أَلْڧَوَرِ؞ بَنْدَ حَكَمَا ڢِلِسْتِيَاوَا سُنَ تَارُوَ أَ مِكْمَشْ؞

¹² سَيْ نَيِ تُنَانِ ثٜىٰوَ ‏‹‏غَاشِ ڢِلِسْتِيَاوَا ذَاسُ ڢَاطَ مِنِ دَ يَاڧِ أَنَنْ غِلْغَلْ نِے كُوَ بَنْ ضُواْڧِ يَهْوٜىٰهْ بَ تُكُنَ؞ شِيَسَا يَذَمَ مِنِ تِلَسْ إِنْمِيڧَ هَدَايَ تَڧُواْنَاوَا؞›‏ »‏

¹³ سَمَٰعِيلَ يَأَمْسَ يَثٜىٰ ‏«‏أَيْ، كَيِ رَشِنْ حَنْكَلِ!‏ بَكَكِيَايٜىٰ عُمَرْنِنْ دَ يَهْوٜىٰهْ اللَّهْ نْكَ يَبَاكَبَ؞ دَ كَيِ بِيَيَّ دَشِ دَ يَهْوٜىٰهْ ذَيْسَا ذُرِيَرْكَ تَيِ تَمُلْكٍ إِسْرَٰٓءِيلَ حَرْ أَبَدَا؞

¹⁴ عَمَّا يَنْذُ مُلْكِنْكَ بَ ذَيْثِيغَبَبَ؞ يَهْوٜىٰهْ يَا رِغَا يَا نٜىٰمِ وَنِ مَيْ ذُوثِيَا إِرِنْ تَاسَ، حَرْ يَنَطَشِ سَرْكِنْ مُتَنٜىٰنْسَ، غَمَا كَا ڧِيِنْ بِيَيَّ دَ عُمَرْنِنْسَ؞»‏

¹⁵ سَيْ سَمَٰعِيلَ يَتَاشِ دَغَ غِلْغَلْ يَيِ تَڢِيَرْسَ؞ طَالُوتَ كُوَ يَڧِرْغَ سَوْرَنْ مُتَنٜىٰنْ دَسُكٜىٰ تَرٜىٰ دَشِ أَ غِبٜىٰيَ عَيَنْكِنْ ذُرِيَرْ بِلِيَامِنُ، سَيْيَسَامِ طَرِے شِدَ؞

¹⁶ طَالُوتَ دَ طَنْسَ يُواْنَتَنْ دَ سَوْرَنْ سُواْجُواْجِنْ دَسُكٜىٰ تَرٜىٰ دَشِ سُكَ ذَوْنَ أَ غِبٜىٰيَ عَيَنْكِنْ ذُرِيَرْ بِلِيَامِنُ؞ ڢِلِسْتِيَاوَا كُمَ سُكَ كَڢَ سَنْسَنِنْسُ أَ مِكْمَشْ؞

¹⁷ سَيْ ڧُنْ‌غِيُواْيِ عُكُ نَسُواْجُواْجِنْ ڢِلِسْتِيَاوَا مَاسُ هَرِ سُكَ ڢِتَ دَغَ سَنْسَنِنْ يَاڧِنْسُ؞ ڧُنْ‌غِيَ طَيَ تَنُڢِ بِرْنِنْ عُواڢْرَ دَيَكٜىٰ ثِكِنْ يَنْكِنْ شُوَلْ،

¹⁸ وَتَ ڧُنْ‌غِيَ كُمَ تَنُڢِ غَرِنْ بٜىٰتْ حُواْرُوانْ، نَعُكُنْ تَهَوْرَ ذُوَا يَنْكِنْ دَيَكٜىٰ ڢُسْكَنْتَرْ ݣُورِنْ ظٜىٰبُواْيِمْ تَوَجٜىٰنْ دَاجِ؞

إِسْرَٰٓءِيلَاوَا بَاسُ دَ كَايَنْ يَاڧِ

¹⁹ غَاشِ بَابُ مَڧٜىٰرِ أَدُكَنْ ڧَسَرْ إِسْرَٰٓءِيلَ، سَبُواْدَ ڢِلِسْتِيَاوَا سُنْ حَنَ إِبْرَانِيَاوَا ڧٜىٰرَ وَكَنْسُ مَاسُنْ يَاڧِ كُواْ تَكُواْبِے؞

²⁰ دُواْمِنْ حَكَ إِسْرَٰٓءِيلَاوَا سُكَنْ غَنْ‌غَرَ ذُوَا وُرِنْ ڢِلِسْتِيَاوَا دُواْمِنْ سُڠَرَ بَاكِنْ غَرْمَرْسُ دَ ڢَرْتَنْيَرْسُ دَ غَاتَرِنْسُ دَ لَوْجٜىٰنْسُ؞

²¹ دُكْ لُواْكَثِنْدَ ذَاسُ ڠَرَ بَاكِنْ غَرْمَرْسُ دَ ڢَرْتَنْيَرْسُ سَيْ سُبِيَ ڟَابَرْ أَظُرْڢَا بِيُ؞ حَكَ مَا عِدَنْ ذَاسُ ڠَرَ غَاتَرِ كُواْ بَكُنَنْ أَبِنْ كُواْرَرْ شَانُنْ نُواْمَ ذَاسُ بِيَ ڟَابَرْ أَظُرْڢَا طَيَ؞

²² سَبُواْدَ حَكَ دَيَاڧِ يَتَاشِ بَابُ سُواْجَنْ إِسْرَٰٓءِيلَ وَنْدَ يَكٜىٰدَ مَاشِ كُواْ تَكُواْبِے، سَيْ طَالُوتَ دَ طَنْسَ يُواْنَتَنْ كَطَيْ؞

يُواْنَتَنْ يَا كَيْوَ ڢِلِسْتِيَاوَا هَرِ

²³ أَنَانً سَيْ ڢِلِسْتِيَاوَا كُوَ سُكَ عَيْكَ دَ وَتَ ڧُنْ‌غِيَرْ سُواْجَ تَيِ غَادِنْ حَنْيَرْ شِغَ مِكْمَشْ؞