1 سَمَٰعِيلَ 11 - أَتَّوْرَتْ دَ أَنَّبَاوَا

طَالُوتَ يَا ثِ أَمُّواْنَاوَا دَ يَاڧِ

¹ بَايَنْ وَنَّنْ نَهَشْ سَرْكِنْ أَمُّوانْ يَكٜىٰوَيٜىٰ بِرْنِنْ يَبٜىٰشْ أَ غِلٜىٰيَدْ دُواْمِنْ يَڢَاطَ مُسُ دَ يَاڧِ؞ سَيْ دُكَنْ مَذَنْ يَبٜىٰشْ أَ غِلٜىٰيَدْ سُكَثٜىٰ مَسَ ‏«‏كَيِ يَرْجٜىٰجٜىٰنِيَ دَمُو، مُو كُوَ ذَامُ بَوْتَا مَكَ؞»‏

² نَهَشْ كُوَ يَأَمْسَ مُسُ يَثٜىٰ ‏«‏ذَنْيِ يَرْجٜىٰجٜىٰنِيَ دَكُو عَكَنْ أَبُ غُدَا، ثٜىٰوَ كُواْوَنٜىٰ مُتُمْ ذَاعَ ثِرٜىٰ عِدُوانْسَ نَدَمَ؞ تَهَكَ ذَنْسَا دُكَنْ إِسْرَٰٓءِيلَ سُجِ كُنْيَا؞»‏

³ دَتَّاوَنْ بِرْنِنْ يَبٜىٰشْ أَ غِلٜىٰيَدْ سُكَثٜىٰ مَسَ ‏«‏تُواْ، كَبَامُ ݣُونَ بَݣَويْ مُعَيْكَ دَ یَنْ عَيْكَ ذُوَاغَ دُكَنْ يَنْكِنْ إِسْرَٰٓءِيلَ؞ عِدَنْ بَاوَنْدَ يَذُواْ يَثٜىٰثٜىٰمُ، تُواْ، سَيْ مُڢِتَ مُمِيڧَ كَنْمُ غَرٜىٰكَ؞»‏

⁴ دَ یَنْ عَيْكَ سُكَ إِسُواْ غِبٜىٰيَ عِنْدَ طَالُوتَ يَكٜىٰ، سَيْ سُكَ بَادَ لَابَرِنْ أَبِنْدَ يَڢَرُ، دُكَنْ جَمَعَ سُكَ ڢَشٜىٰ دَ كُوكَا؞

⁵ دَيْدَيْ لُواْكَثِنْ كُوَ طَالُوتَ يَنَ دَاوُاْوَ دَغَ غُواْنَ دَ شَانُنْ نُواْمَنْسَ؞ سَيْ يَتَمْبَيَ يَثٜىٰ ‏«‏مٜىٰيَڢَرُ دَ جَمَعَ سُكٜىٰ كُوكَا حَكَ؟»‏ سَيْ عَكَ ڢَطَا مَسَ لَابَرِنْ مُتَنٜىٰنْ بِرْنِنْ يَبٜىٰشْ؞

⁶ دَ يَجِ وَنَّنْ سَيْ رُوحٌ اللَّهْ يَيِ إِيكُواْ عَكَنْسَ، سَيْ يَيِ ڢُشِے سُواْسَيْ؞

⁷ سَيْ طَالُوتَ يَكَشٜىٰ شَانُنْسَ بِيُ، يَرَرَّبَ نَامَنْسُ ڟُواْكَ ڟُواْكَ، يَبَا یَنْ عَيْكَ سُكَيْسُ كُواْعِنَ عَيَنْكِنْ إِسْرَٰٓءِيلَ؞ يَثٜىٰ دُكْ عِنْدَ سُكَ تَڢِے سُنُونَ نَامَنْ سُثٜىٰ ‏«‏دُكْ وَنْدَ بَيْ ڢِتَ يَغُواْيِ بَايَنْ طَالُوتَ دَ سَمَٰعِيلَ عَيَاڧِ بَ، حَكَ ذَاعَيِ دَ شَانُنْسَ؞»‏ دَجِنْ وَنَّنْ، ڟُواْرُواْ دَغَ وُرِنْ يَهْوٜىٰهْ يَاكَامَ جَمَعَرْ إِسْرَٰٓءِيلَ سُواْسَيْ؞ سَيْ دُكَنْ مَظَا سُكَ ڢِتُواْ غَبَاطَيَ؞

⁸ طَالُوتَ يَتَتَّارَ يَشِشِرْيَسُ أَ بٜىٰظٜىٰكْ، مُتَنٜىٰ دُبُو طَرِے عُكُ دَغَ إِسْرَٰٓءِيلَ، سَعَنً مُتَنٜىٰ دُبُو تَلَاتِنْ دَغَ يَهُودَ؞

⁹ سُكَثٜىٰ وَ یَنْ عَيْكَنْ دَ سُكَذُواْ دَغَ بِرْنِنْ يَبٜىٰشْ أَ غِلٜىٰيَدْ ‏«‏كُغَيَوَ مُتَنٜىٰنْكُ ثٜىٰوَ ذُوَا ڟَكَرْ رَانَ غُواْبٜىٰ ذَاعَ ثٜىٰثٜىٰسُ؞»‏ دَ مُتَنٜىٰنْ يَبٜىٰشْ سُكَ كَرْٻِ سَڧُواْنَّنْ، سَيْ سُكَيِ ڢَضٍ ثِكِ سُواْسَيْ؞

¹⁰ عَمَّا سُكَ رُوطِ مُتَنٜىٰنْ أَمُّوانْ سُكَثٜىٰ ‏«‏غُواْبٜىٰ ذَامُ ڢِتَ مُمِيڧَ كَنْمُ غَرٜىٰكُ كُيِ أَبِنْدَ كُكَغَ دَامَ دَمُو؞»‏

¹¹ وَشٜىٰغَرِ كُوَ دَ سَسَّڢٜىٰ طَالُوتَ يَرَبَ مُتَنٜىٰنْ كَشِ عُكُ؞ سَيْ سُكَ كَيْ هَرِ أَ سَنْسَنِنْ أَمُّواْنَاوَا؞ سُكَيِ تَكَكَّشٜىٰسُ حَرْ ذُوَا ڟَكَرْ رَانَ؞ وَطَنْدَ سُكَ رَغُ عَثِكِنْسُ كُوَ سُكَ وَرْوَڟٜىٰ كُواْوَ يَنَ تَكَنْسَ؞

¹² سَيْ جَمَعَ سُكَجٜىٰ وُرِنْ سَمَٰعِيلَ سُكَثٜىٰ مَسَ ‏«‏إِنَا وَطَنْدَ دَا مَا سُكَ ڢَطَا ثٜىٰوَ طَالُوتَ ذَيْ عِيَ ذَمَ سَرْكِنْمُ كُوَ؟ أَ ڢِتَرْ مَنَ دَسُو مُكَشٜىٰ!‏»‏

¹³ عَمَّا طَالُوتَ يَأَمْسَ مُسُ يَثٜىٰ ‏«‏أَعَ!‏ بَذَاعَ كَشٜىٰ مُتُمْ يَوْبَ؞ غَمَا أَوَنَّنْ رَانَ يَهْوٜىٰهْ يَايِ ثٜىٰتُواْ عَ إِسْرَٰٓءِيلَ؞»‏

¹⁴ سَيْ سَمَٰعِيلَ يَثٜىٰ وَجَمَعَ ‏«‏كُذُواْ مُتَڢِے غِلْغَلْ دُواْمِنْ مُسَاكٜىٰ تَبَّتَرْ دَ طَالُوتَ سَرْكِنْمُ؞»‏

¹⁵ جَمَعَ غَبَاطَيَ سُكَ تَڢِے غِلْغَلْ؞ عَثَنْ غِلْغَلْ سُكَ تَبَّتَرْ دَ طَالُوتَ سَرْكِے أَغَبَنْ يَهْوٜىٰهْ؞ سُكَ مِيڧَ هَدَايُ نَڠَرَنْ زُمُنْثِ غَ يَهْوٜىٰهْ؞ طَالُوتَ كُوَ دَ دُكَنْ مُتَنٜىٰنْ إِسْرَٰٓءِيلَ سُكَيِ ڢَضٍ ثِكِ سُواْسَيْ؞