1 بِتْرُسْ 3 - أَتَّوْرَتْ دَ أَنَّبَاوَا

ذَمَنْ عَوْرٜىٰ

¹ حَكَكُمَ، كُو مَتَنْ عَوْرٜىٰ كُمِيڧَ كَنْكُ غَ مَذَنْكُ؞ دُواْمِنْ عِدَنْ أَݣَويْ وَطَنْسُ مَذَنْ دَ بَسُ غَسْكَتَادَ كَلْمَرْ اللَّهْ بَ، مَيْيِوُوَ تَوُرِنْ حَلِ مَيْݣَوْ نَمَاتَنْسُ، اللَّهْ ذَيْ جَٰوُاْسُ، كُواْ بَعَيِ مُسُ مَغَنَبَ؞

² سَعَدَّ سُكَغَ حَلِنْكُ مَيْ ڟَبْتَ دَ كُمَ لَدَبِنْكُ، سُجُويُواْ؞

³ كَدَ أَدُوانْ دَ كُكٜىٰيِ يَذَمَ نَجِكِے كَوَيْ، كَمَرْ سُو كِڟُواْ دَ كَايَنْ ظِينَارِيَ دَ تُڢَاڢِ مَاسُ ڟَادَ؞

⁴ أَ مَيْمَكُوانْ حَكَ، بَرِ أَدُوانْكُ يَذَمَ نَذُوثِيَا، وَتُواْ أَدُوانْكُ نَسَوْڧِنْ كَيْ دَ كُمَ نَڟُوَ، وَنْدَ بَايَ لَلَثٜىٰوَ وَنْدَ يَكٜىٰدَ مُهِمِّيَرْ دَرَجَ أَوُرِنْ اللَّهْ؞

⁵ غَمَا أَدَا حَكَ مَاتَانْدَ سُكَ كٜىٰٻٜىٰ كَنْسُ دَ ڟَرْكِے غَ اللَّهْ، مَاسُسَا ذُوثِيَا غَرٜىٰشِ كُمَ سُكَنْيِ وَكَنْسُ أَدُواْ، سُكَنْ كُمَ مِيڧَ كَنْسُ غَ مَذَنْسُ؞

⁶ مِصَالِ، سَارَةُ تَيِ وَمِجِنْتَ إِبْرَٰهِيمْ بِيَيَّ، حَرْ تَنَ كِرَنْسَ عُبَنْ‌غِجِنْتَ؞ كُو كُمَ، یَیَنْتَ نٜىٰ نَغَسْكٜىٰ عِدَنْ كُنْيِ عَيْكِ مَيْݣَوْ، عِدَنْ كُمَ بَكُ يَرْدَ وَنِ أَبُ يَڟُواْرَتَرْ دَكُوبَ؞

⁷ حَكَكُمَ كُو مَظَا، سَيْ كُيِ ذَمَنْكُ دَ مَاتَنْكُ تَرٜىٰدَ تُنَانِ؞ كُغِرْمَمَاسُ دَيَكٜىٰ سُو بَاسُ دَ ڧَرْڢِے كَمَرْكُ؞ غَمَا دَكُو دَ مَاتَنْكُ دُكَ، عَتَرٜىٰ كُنْ سَامِ غَادُوانْ أَلْحٜىٰرِنْ رَيْ دَغَ وُرِنْ اللَّهْ؞ كُيِ حَكَ دُواْمِنْ كَدَ وَنِ أَبُ يَحَنَ أَدُّعُواْعِنْكُ؞

شَنْ وُيَ سَبُواْدَ أَدَلْثِے

⁸ عَڧَرْشٜىٰ كُمَ، بَرِ دُكَنْكُ كُهَطَ حَنْكَلِنْكُ يَذَمَ طَيَ؞ كُنَ جِنْ تَوْسَيِنْ جُونَ، كُنَ كُمَ ڧَوْنَرْ یَنْعُوَ، كُنَ نُونَ حَلِنْ تَيْمَكُوانْ جُونَ بَاتَرٜىٰدَ طَغَكَيْبَ؞

⁹ كَدَ كُرَامَ مُغُنْتَادَ مُغُنْتَا، كُواْ ذَاغِ دَ ذَاغِ؞ كُرَامَ دَيْ دَ أَلْبَرْكَ؞ أَيْ دُواْمِنْ وَنَّنْ نٜىٰ مُسَمَّنْ اللَّهْ يَكِرَاكُ؞ نُڢِنْسَ نٜىٰ كُو دَكَنْكُ كُسَامِ أَلْبَرْكَ؞

¹⁰ غَمَا أَرُبُوثٜىٰ يَكٜىٰثٜىٰوَ ‏«‏وَنْدَ يَكٜىٰسُواْ يَجِ دَاطِنْ رَايُوَا، وَنْدَ يَكٜىٰسُواْ يَغَ ݣُونَكِے مَاسُ ݣَوْ، سَيْ يَكَمٜىٰ هَرْشٜىٰنْسَ دَغَ مُغُنْتَا، يَكُمَ كَمٜىٰ بَاكِنْسَ دَغَ يِنْ ڧَضْيَا؞

¹¹ سَيْ يَرَبُ دَ مُغُنْتَا، يَيِ كِرْكِ، يَنٜىٰمِ سَلَمَ دَ دُكَنْ ذُوثِيَارْسَ؞

¹² غَمَا إِدَانُنْ عُبَنْ‌غِجِ سُنَ عَكَنْ مَاسُ عَيْكَتَ أَدَلْثِے، كُنُّوَنْسَ كُمَ سُنَ جِنْ كُوكَنْسُ؞ عَمَّا ڢُسْكَرْ عُبَنْ‌غِجِ تَنَ ڧِنْ مَاسُ عَيْكَتَ مُغُنْتَا؞»‏

¹³ تُواْ، إِنْ كُنَ ڨُوظُوانْ يِنْ أَبِنْدَ يَكٜىٰ نَغَرِ، بَاوَنْدَ ذَيْ يِمُكُ وَنِ أَبُ؞

¹⁴ عَمَّا كُواْ كُنْشَا وُيَ سَبُواْدَ عَيْكَتَ أَدَلْثِے، أَيْ، كُو مَاسُ أَلْبَرْكَنٜىٰ؞ دُواْمِنْ حَكَ كَدَ كُجِڟُواْرُوانْ مَاسُ يِمُكُ مُغُنْتَا، كَدَ كُمَ كُدَامُ دَسُو؞

¹⁵ سَيْ دَيْ كُغِرْمَمَ أَلْمَسِيحُ أَ ظُكَاتَنْكُ كُيَرْدَ شِے عُبَنْ‌غِجِ نٜىٰ؞ كُكُمَ ذَوْنَ أَشِرْيٜىٰ كُلُّمْ كُبَيَّنَ وَدُكْ وَنْدَ يَتَمْبَيٜىٰكُ دَلِيلِنْدَ يَسَا كُكَسَا ذُوثِيَا غَ بِنْ أَلْمَسِيحُ؞ عَمَّا كُيِشِ دَ سَوْڧِنْ كَيْ دَ بَنْ‌غِرْمَ؞

¹⁶ حَرْ يَنْذُ، كُتَبَّتَا كُنْ كَسَنْثٜىٰ دَ تُنَانِنْكُ بَابُ لَيْڢِے، دُواْمِنْ إِنْ أَنْيِ مُكُ مَغَنَرْ ٻَاتَ سُونَ، وَطَنْدَ سُكَ ذَاغٜىٰكُ سَبُواْدَ هَلَيٜىٰنْكُ مَاسُ ݣَوْ ثِكِنْ أَلْمَسِيحُ، سُشَا كُنْيَا؞

¹⁷ غَمَا ذَيْڢِ ݣَوْ، عِدَنْ اللَّهْ نٜىٰ يَنُڢَ حَكَ، كُشَا وَهَلَ عَكَنْ أَبِنْدَ يَكٜىٰ دَيْدَيْ دَ كُشَا وُيَ عَكَنْ أَبِنْدَ بَ دَيْدَيْبَ؞

¹⁸ حَكَ يَكٜىٰدَ أَلْمَسِيحُ؞ شِے مَيْ أَدَلْثِے يَمُتُ سَبُواْدَمُو مَرَسَ أَدَلْثِے، يَمُتُ سَوْ طَيَ نٜىٰ تَكْ بَا ڧَارِ سَبُواْدَ ذُنُبَيْ دُواْمِنْ يَكَيْمُ غَ اللَّهْ؞ أَنْ كَشٜىٰشِ أَجِكِے، عَمَّا أَنْرَايَرْ دَشِ أَ رُوحُ؞

¹⁹ عَثِكِنْ رُوحٌ نٜىٰ كُمَ يَتَڢِے وُرِنْ رُوحُواْحِنْ دَسُكٜىٰ ثِكِنْ كُرْكُكُ، يَيِ مُسُ شٜىٰلَ؞

²⁰ رُوحُواْحِنَّنْ سُونٜىٰ وَطَنْدَ أَدَا بَسُيِ بِيَيَّ غَ اللَّهْ بَ، كُواْدَيَكٜىٰ اللَّهْ يَيِ حَڧُرِ دَسُو أَ لُواْكَثِنْ دَ نُوحُ يَكٜىٰ سَسَّڧَ جِضْغٍ؞ أَ لُواْكَثِنْ مُتَنٜىٰ كَطَنْ نٜىٰ سُكَ ڟِيرَا تَوُرِنْ ضُوَ، وَتُواْ مُتَنٜىٰ تَݣُوسْ؞

²¹ ضُوً كُوَ ݣُوتَنْثِ نٜىٰ نَوَنْكَنْ بَڢْتِسْمَرْ دَ تَثٜىٰثٜىٰكُ عَيَنْظُ؞ عَمَّا ثٜىٰتُوانْ دَ مُكَ سَامُ كُوَ بَسَبُواْدَ أَنْڢِتَرْدَ دَتِّ دَغَ جِكِنْمُ بَنٜىٰ، عَمَّا تَوُرِنْ ضُواْڧُوانْ اللَّهْ مُكَسَنْثٜىٰ دَ تَبَّثِ ثٜىٰوَ تُنَانِنْمُ بَذَيْبَامُ لَيْڢِے بَ سَبُواْدَ تَاشِنْ عِيسَىٰ أَلْمَسِيحُ دَغَ مَتَتُّو؞

²² أَلْمَسِيحُ دَيْ يَا تَڢِے سَمَ؞ يَنَ أَ حَنُّنْ دَامَ نَ اللَّهْ، عِنْدَ أَنْسَا مَلاَىِٕكُ دَ مَاسُ مُلْكِ دَ مَاسُ إِيكُواْ عَڧَرْڧَشِنْسَ؞