1 بِتْرُسْ 2 - أَتَّوْرَتْ دَ أَنَّبَاوَاكُو نٜىٰ جَمَعَ مَيْ ڟَرْكِے تَ اللَّهْ 1 سَبُواْدَ حَكَ سَيْ كُرَبُ دَ كُواْوَنٜىٰ إِرِنْ ڧِيَيَّرْ ذُوثِيَا دَ يِنْ ڧَضْيَا دَ يِنْ مُنَاڢُنْثِ دَ يِنْ كِيشِ دَ كُواْوَنٜىٰ إِرِنْ ٻَاتَ سُونَ؞ 2 مَيْمَكُوانْ حَكَ، كُذَمَ كَمَرْ جَرِرَيْ سَابَبِّنْ حَيْڢُوَ وَطَنْدَ سُكٜىٰ مَرْمَرِنْ شَنْ نُواْنُواْ، وَتُواْ، كُيِ مَرْمَرِنْ كَلْمَرْ اللَّهْ دُواْمِنْ تَسَ كُيِ غِرْمَ ذُوَا ثٜىٰتُواْ، 3 إِنْ دَيْ كُنْ طَنْطَنَ أَلْحٜىٰرِنْ عُبَنْغِجِ؞ 4 كُنَ ذُوَا وُرِنْسَ، شِے وَنْدَ يَكٜىٰ دُوڟٜىٰنْ غِنِ مَيْ رَيْ؞ شِينٜىٰ دُوڟٜىٰ وَنْدَ مُتَنٜىٰ سُكَڧِ، عَمَّا ذَاٻَٻّٜىٰ نٜىٰ مَيْ دَرَجَ أَوُرِنْ اللَّهْ؞ 5 كُو كُوَ كَمَرْ دُوَڟُو مَاسُ رَيْ نٜىٰ وَطَنْدَ عَكٜىٰ أَمْڢَانِ دَسُو دُواْمِنْ أَغِنَ غِدَا إِرِنَّرُوحُ دَ نُڢِ ثٜىٰوَ كُيِ حِدِمَ كَمَرْ ڧُنْغِيَرْ ڢِرِسْتُواْثِے مَاسُ ڟَرْكِے عَثِكِنْ وَنَّنْ غِدَا، كُنَ مِيڧَ مَسَ هَدَايُ نَرُوحُ إِرِنْ وَنْدَ اللَّهْ يَكٜىٰ كَرْٻَ، تَوُرِنْ عِيسَىٰ أَلْمَسِيحُ؞ 6 غَمَا أَرُبُوثٜىٰ يَكٜىٰ عَثِكِنْ رُبُوتَثِّيَرْ مَغَنَرْ اللَّهْ ثٜىٰوَ «غَاشِ، إِنَ كَڢَ دُوڟٜىٰ أَ سِهِيُواْنَ، دُوڟٜىٰ مَڢِے أَمْڢَانِ أَغِنِ، دُوڟٜىٰ مَيْ دَرَجَ، دُوڟٜىٰنْ دَ عَكَ ذَاٻَا؞ دُكْ مَيْ بَادَ غَسْكِيَ غَرٜىٰشِ، بَذَيْ شَا كُنْيَابَ؞» 7 أَغَرٜىٰكُ، كُو دَ كُكَ غَسْكَتَ، وَنَّنْ دُوڟٜىٰ يَنَدَ دَرَجَ؞ عَمَّا وَطَنْدَ سُكَڧِ غَسْكَتَاوَا دَشِ، تُواْ، «دُوڟٜىٰنْ دَ مَاسُ غِنِ سُكَڧِ، يَذَمَ دُوڟٜىٰ مَڢِے أَمْڢَانِ أَغِنِنْ؞» 8 أَ رُبُوثٜىٰ يَكٜىٰ كُمَ ثٜىٰوَ «دُوڟٜىٰنَّنْ مَيْسَا تُنْتُٻٜىٰ، دُوڟٜىٰنْ كُمَ مَيْسَا ڢَاطُوَ!» غَسْكِيَ نٜىٰ كُوَ! مُتَنٜىٰ سُنْيِ تُنْتُٻٜىٰ نٜىٰ غَمَا سُنْڧِے يِنْ بِيَيَّ دَ كَلْمَرْ اللَّهْ؞ حَكَ كُوَ عَكَ شِرْيَ مُسُ؞ 9 عَمَّا كُو ڧَبِيلَثٜىٰ وَدَّ اللَّهْ يَذَاٻَا، كُمَ ڧُنْغِيَرْ ڢِرِسْتُواْثِثٜىٰ تَ اللَّهْ بَبَّنْ سَرْكِے، أَلْعُمَّثٜىٰ مَيْ ڟَرْكِے، كُمَ جَمَعَرْ اللَّهْ تَمُسَمَّنْ دُواْمِنْ كُيِ شٜىٰلَرْ مَنْيَنْ أَلْعَمُرَنْسَ نَبَنْ مَامَاكِ نَوَنْدَ يَكِرَاكُ دَغَ ثِكِنْ دُهُ، كُكَ شِغَ ثِكِنْ حَصْكٜىٰنْسَ نَبَنْ مَامَاكِ؞ 10 أَ دَا، كُو جَمَعَثٜىٰ مَرَسَ دَرَجَ، عَمَّا يَنْذُ كُو جَمَعَرْ اللَّهْ ثٜىٰ؞ أَ دَا كُو بَكُ سَامِ جِنْڧَنْ اللَّهْ بَ، عَمَّا يَنْذُ كُنْسَامُ؞ بِيَيَّ غَ كُواْوَ 11 يَا كُو وَطَنْدَ نَكٜىٰ ڧَوْنَ، تُنْدَ يَكٜىٰ كُو بَڧِينٜىٰ أَوَنَّنْ دُونِيَا، بَاكُ دَ غِدَا أَنَنْ، كُرَبُ دَ حَلِنْ شَعَوَ نَمُتُنْتَكَ؞ وَنَّنْ حَلِ يَنَ يَاڧِ دَ ذُوثِيَارْكُ؞ 12 كُتَبَّتَا كُنَ يِنْ ذَمَنْدَ يَثَنْثَنْتَ عَثِكِنْ مُتَنٜىٰنَّنْ دَ بَسُسَنْ اللَّهْ بَ، دُواْمِنْ سَعَدَّ سُكٜىٰ زَرْغِنْكُ عَكَنْ كُو مُوغَيٜىٰنٜىٰ، تَوُرِنْ أَيُّكَنْكُ مَاسُ ݣَوْ وَطَنْدَ سُكٜىٰ غَنِ، ذَاسُ طَوْكَكَ اللَّهْ أَ رَانَرْ ذُوَانْسَ؞ 13 دُواْمِنْ أَغِرْمَمَ عُبَنْغِجِ، كُيِ بِيَيَّ غَ كُواْوَثٜىٰ حُكُمَ وَدَّ تَكٜىٰدَ إِيكُواْ عَكَنْ مُتَنٜىٰ؞ كُيِ وَبَبَّنْ سَرْكِے بِيَيَّ، غَمَا يَنَ مُلْكِ بِسَ كُواْوَ؞ 14 كُكُمَيِ وَڠُومْنُواْنِ بِيَيَّ دَيَكٜىٰ سَرْكِے نٜىٰ يَذَاٻٜىٰسُ دُواْمِنْ حُواْرُوانْ مَاسُ يِنْ أَبِنْدَ بَ دَيْدَيْبَ، سُكُمَ يَبِے مَاسُ عَيْكَتَ أَبِنْدَ يَكٜىٰ دَيْدَيْ؞ 15 غَمَا نُڢِنْ اللَّهْ نٜىٰ ثٜىٰوَ كُعَيْكَتَ أَبِنْدَ يَكٜىٰ دَيْدَيْ أَغَبَنْ مَرَسَ حِكِمَ، دُواْمِنْ كُتُواْشٜىٰ مَغَنَرْ دَسُكٜىٰ ڢَطَا ثِكِنْ جَاهِلْثِنْسُ؞ 16 كُيِ ذَمَنْ یَنْثِ، عَمَّا كَدَ كُمَيْدَ وَنَّنْ یَنْثِ يَذَمَ حَنْيَرْ يِنْ أَبِنْدَ بَيْيِ دَيْدَيْبَ؞ مَيْمَكُوانْ حَكَ، كُيِ إِرِنْ ذَمَنْ دَ ذَيْ نُونَ كُو بَايِنْ اللَّهْ نٜىٰ؞ 17 كُبَادَ غِرْمَ غَ كُواْوَ، كُڧَوْنَثِ یَنْعُوَ مَاسُبِنْ عِيسَىٰ؞ كُجِڟُواْرُوانْ اللَّهْ؞ كُبَادَ غِرْمَ غَ بَبَّنْ سَرْكِے؞ بِيَيَّ ثِكِنْ عَيْكِنْ بَوْتَا 18 كُو بَايِ، كُيِ بِيَيَّ غَ مَاسُ غِدَنْكُ دَ بَنْغِرْمَ عَكُواْوَنٜىٰ لُواْكَثِ، بَ غَ مَاسُ كِرْكِ دَ مَاسُ سَوْڧِنْ كَيْ كَوَيْبَ، حَرْ مَا دَ مَرَسَ تَوْسَيِ؞ 19 أَيْ، وَنْدَ يَشَا وَهَلَ عَكَنْ أَبِنْدَ بَا لَيْڢِنْسَبَ، إِنْ يَيِشِ سَبُواْدَ يَنَ تُنَانِنْ نُڢِنْ اللَّهْ نٜىٰ، أَبِنْ يَبُواْ نٜىٰ؞ 20 عَمَّا عِدَنْ أَنْيِ مُكُ بُلَلَ عَكَنْ وَنِ لَيْڢِنْدَ كُكَيِ، كُواْمٜىٰ جِمْرٜىٰوَرْكُ أَيْ، بَا وَتَ رِيبَ أَوُرِنْكُ؞ عَمَّا إِنْ كُنْيِ عَيْكِ مَيْݣَوْ، سَعَنً كُنْ شَا وَهَلَ عَكَنْسَ، كُنْ كُمَ هَڧُرَا، تُواْ، شِينٜىٰ أَبِنْ كَرْٻَ غَ اللَّهْ؞ 21 دُواْمِنْ إِرِنْ وَنَّنْ وَهَلَنٜىٰ عَكَ كِرَاكُ؞ غَمَا أَلْمَسِيحُ مَا يَشَا وَهَلَ دُواْمِنْكُ؞ تَهَكَ يَبَرْ مُكُ غُرْبِے دُواْمِنْ كُبِے حَنْيَرْسَ؞ 22 شِے بَيْتَٻَيِنْ لَيْڢِے بَ كُواْ كَطَنْ؞ بَيْ تَٻَيِنْ ڧَضْيَابَ؞ 23 سَعَدَّ مُتَنٜىٰ سُكَ ذَاغٜىٰشِ، بَيْ مَيْدَ ذَاغِنْبَ؞ سَعَدَّ يَشَا وَهَلَ، بَيْ ثٜىٰ ذَيْ رَامَبَ؞ سَيْ دَيْ يَدُواْغَرَ غَ اللَّهْ وَنْدَ يَكٜىٰيِنْ شَرِيعَرْ غَسْكِيَ؞ 24 مُنْيِ ذُنُوبِ، عَمَّا شِ يَا طَوْكِ ذُنُبَنْمُ أَجِكِنْسَ سَعَدَّ عَكَ غِثِّيٜىٰشِ عَكَنْ غُنْغُمٜىٰنْ إِتَاثٜىٰ؞ يَا يِهَكَ دُواْمِنْ تَوُرِنْ مُتُوَرْسَ مُو مَا مُمُتُ غَ ذُنُوبِ، مُرَايُ غَ يِنْ أَدَلْثِے؞ كَمَرْ يَدَّ عَكَ رُبُوتَ «تَوُرِنْ رَوْنِنْ دَ عَكَيِ مَسَ نٜىٰ كُنْ سَامِ وَرْكٜىٰوَ؞» 25 أَ دَا كُنْ ٻَثٜىٰ كَمَرْ تُمَكِ، عَمَّا يَنْذُ كُنْ دَاوُاْ غَ مَكِيَايِ دَ مَيْ كُلَ دَ رَايُكَنْكُ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria