1 بِتْرُسْ 1 - أَتَّوْرَتْ دَ أَنَّبَاوَا

غَيْسُوَا

¹ دَغَ بِتْرُسْ، مَنْذُوانْ عِيسَىٰ أَلْمَسِيحُ، ذُوَاغَ مُتَنٜىٰنْ اللَّهْ وَطَنْدَ يَذَاٻَا، وَطَنْدَ سُكٜىٰ ذَمَنْ بَڧُنْثِ، أَوَرْوَڟٜىٰ كُمَ عَڧَسَاشٜىٰنْ ڢُوانْتُسْ دَ غَلَتِيَ دَ كَڢَدُواْكِيَ دَ أَسِيَ دَ كُمَ بِتِنِيَ،

² وَتُواْ، كُو دَ اللَّهْ عُبَا نٜىٰ يَذَاٻٜىٰكُ بِسَغَ يَدَّ يَارِغَا يَسَنِ، يَكُمَ كٜىٰٻٜىٰكُ تَوُرِنْ ڟَرْكَكٜىٰوَ تَ رُوحُ مَيْ ڟَرْكِے؞ نُڢِنْسَنٜىٰ كُيِ وَ عِيسَىٰ أَلْمَسِيحُ بِيَيَّ، كُكُمَ سَامِ أَمْڢَانِنْ يَيَّڢَاوَرْ جِنِنْسَ؞ بَرِ اللَّهْ يَڧَارَ مُكُ أَلْحٜىٰرِ دَ سَلَمَ عَيَلْوَثٜىٰ؞

اللَّهْ يَا بَادَ أَبِنْ سَا ذُوثِيَا

³ أَلْبَرْكَ تَا تَبَّتَا غَ اللَّهْ، عُبَنْ عُبَنْ‌غِجِنْمُ عِيسَىٰ أَلْمَسِيحُ!‏ شِينٜىٰ يَجِ تَوْسَيِنْمُ بِسَغَ جِنْڧَنْسَ، يَسَاكٜىٰ حَيْڢُوَرْمُ تَوُرِنْ تَاشِنْ عِيسَىٰ أَلْمَسِيحُ دَغَ مَتَتُّو؞ وَنَّنْ يَسَا مُنَدَ رَايَيَّرْ سَا ذُوثِيَا،

⁴ غَ سَامُنْ غَادُواْنَّنْ مَرَرْ لَلَثٜىٰوَ مَرَرْ ٻَثٜىٰوَ مَرَرْ ڧَارٜىٰوَ كُمَ، وَنْدَ عَكَ أَجِيٜىٰ أَ سَمَ دُواْمِنْكُ،

⁵ كُو وَطَنْدَ اللَّهْ ثِكِنْ إِيكُوانْسَ يَنَ كِيَايٜىٰكُ تَوُرِنْ بَنْ‌غَسْكِيَ؞ نُڢِنْسَ نٜىٰ كُكَيْ غَ ثٜىٰتُواْنَّنْ دَيَشِرْيَ ذَيْ بَيَّنَ عَڧَرْشٜىٰنْ زَامَانِ؞

⁶ عَكَنْ وَنَّنْ دَيْ، كُيِ ڢَضٍ ثِكِ سُواْسَيْ، كُواْدَيَكٜىٰ يَنْذُ ثِكِنْ طَنْ لُواْكَثِ كَطَنْ كُنَدَ بَڧِنْ ثِكِ سَبُواْدَ ڠُوجٜىٰ ڠُوجٜىٰ إِرِ إِرِنْ دَ كُكٜىٰ ثِكِ؞

⁷ دَلِيلِنْ وَنَّنْ شِينٜىٰ دُواْمِنْ عَتَبَّتَرْ دَ بَنْ‌غَسْكِيَرْكُ، كَمَرْ يَدَّ عَكَنْ ڠُودَ دَرَجَرْ ظِينَارِيَ دَ وُتَا، أَبِنْدَ يَكٜىٰ ڧَارٜىٰوَ؞ حَكَ مَا أَنَ ڠُودَ بَنْ‌غَسْكِيَرْكُ وَدَّ تَڢِے ظِينَارِيَ دَرَجَ دُواْمِنْ بَنْ‌غَسْكِيَرْكُ تَجَٰوُاْ مُكُ يَبُواْ دَ طَوْكَكَ دَ غِرْمَ أَ رَانَرْ دَ عِيسَىٰ أَلْمَسِيحُ ذَيْ بَيَّنَ؞

⁸ كُواْدَيَكٜىٰ بَكُ تَٻَ غَنِنْ عِيسَىٰ أَلْمَسِيحُ بَ، عَمَّا دُكْدَهَكَ كُنَ ڧَوْنَرْسَ؞ كُواْدَيَكٜىٰ بَكُ غَنْشِ عَيَنْظُ بَ، دُكْدَهَكَ كُنَ بَادَ غَسْكِيَ غَرٜىٰشِ، كُنَ كُمَ دَ ڢَضٍ ثِكِ وَنْدَ يَڢِ غَبَنْ مِصَالِ، مَيْ كُمَ ثِكٜىٰ دَ طَوْكَكَ،

⁹ غَمَا كُنَ سَامُنْ ثٜىٰتُوانْ رَايُكَنْكُ وَنْدَ شِينٜىٰ مَنُڢَرْ بَنْ‌غَسْكِيَرْكُ؞

¹⁰ أَنَّبَاوَنْ دَ سُكَيِ أَنَّبْثِ غَمٜىٰدَ أَلْحٜىٰرِنْ دَ ذَيْ ذَمَ نَاكُ، سُنْيِ بِنْثِكٜىٰ مَيْ ظُرْڢِ، سُنْ كُمَ نٜىٰمَ سُغَانٜىٰ مَنُڢَرْ وَنَّنْ ثٜىٰتُواْ؞

¹¹ سُنْ نٜىٰمَ سُسَنْ كُواْ وَنٜىٰ لُواْكَثِ نٜىٰ أَبِنَّنْ ذَيْ ڢَرُ دَ يَدَّ ذَاعَيِشِ، سَعَدَّ رُوحٌ أَلْمَسِيحُ، وَنْدَ يَكٜىٰ مَغَنَ أَ ذُوثِيَارْسُ، يَنُونَ مُسُ يَدَّ أَلْمَسِيحُ ذَيْ شَا وَهَلَ دَ كُمَ طَوْكَكَرْ دَ تَبِبَايَ؞

¹² لُواْكَثِنْ دَسُكٜىٰ أَنَّبْثِ، اللَّهْ كُمَ يَبَيَّنَ مُسُ ثٜىٰوَ بَسَبُواْدَ كَنْسُ نٜىٰ يَكٜىٰ بَاسُ مَغَنَرْبَ، عَمَّا سَبُواْدَكُو نٜىٰ؞ يَنْذُ كُوَ رُوحُ مَيْ ڟَرْكِے وَنْدَ اللَّهْ يَعَيْكُواْ دَغَ سَمَ، يَا سَا أَنْبَيَّنَا مُكُ دُكَنْ وَطَنَّنْ أَبُبُوَ عَثِكِنْ لَابَرِ مَيْ دَاطِے نَ أَلْمَسِيحُ وَنْدَ عَكَيِ شٜىٰلَرْسَ أَوُرِنْكُ؞ أَيْ، وَطَنَّنْ أَبُبُوَ، حَرْ مَلاَىِٕكُ مَا سُنَ مَرْمَرِ سُغَانٜىٰ؞

حَلِنْدَ يَيِݣَوْ غَ مَاسُبِے

¹³ دُواْمِنْ حَكَ سَيْ كُشِرْيَ تُنَانِنْكُ دُواْمِنْ عَيْكِ، كُنَڟُ، كُسَا ذُوثِيَارْكُ سُواْسَيْ عَكَنْ أَلْحٜىٰرِنْ دَ ذَاعَ بَاكُ أَ رَانَرْ دَ عِيسَىٰ أَلْمَسِيحُ ذَيْ بَيَّنَ؞

¹⁴ يَنْذُ دَ كُكٜىٰ یَیَ مَاسُبِيَيَّ، كَدَ كُيَرْدَ أَبُبُوَنْ دَ كُكٜىٰ مَرْمَرِنْسُ أَدَا سُطَوْكٜىٰ مُكُ حَنْكَلِ؞ أَ لُواْكَثِنْ، أَيْ، كُنَ ذَمَنْ دُهُ نٜىٰ؞

¹⁵ عَمَّا دَيَكٜىٰ اللَّهْ وَنْدَ يَكِرَاكُ مَيْ ڟَرْكِے نٜىٰ، سَيْ كُكٜىٰٻٜىٰ كَنْكُ دَ ڟَرْكِے عَثِكِنْ دُكَنْ أَيُّكَنْكُ؞

¹⁶ أَ رُبُوثٜىٰ يَكٜىٰثٜىٰوَ ‏«‏سَيْ كُذَمَ دَ ڟَرْكِے، غَمَا نِے مَيْ ڟَرْكِينٜىٰ؞»‏

¹⁷ أَ لُواْكَثِنْ أَدُّعَ كُكَنْ كِرَا اللَّهْ ‏«‏عُبَا»‏؞ غَمَا شِے مَيْ شَرِيعَ نٜىٰ، وَنْدَ بَايَ نُونَ بَمْبَنْثِ سَعَدَّ يَكٜىٰيِوَكُواْوَ شَرِيعَ ڠُورْڠُودُوانْ أَيُّكَنْسَ؞ تُواْ، سَيْ كُيِ تَڢِيَرْكُ دَ ڟُواْرُواْ حَرْ رَانَرْ دَ ذَاكُ غَمَ ذَمَنْكُ نَبَڧُنْثِ أَنَنْ دُونِيَا؞

¹⁸ غَمَا كُنْ سَنِ ثٜىٰوَ أَنْڢَنْشٜىٰكُ نٜىٰ دَغَ أَلْعَادُنْ بَنْظَ وَطَنْدَ كَاكَنِّنْكُ سُكَ بَرْ مُكُ غَادُواْ؞ بَعَكُوَ ڢَنْشٜىٰكُ دَ أَبُبُوَ مَاسُ لَلَثٜىٰوَ كَمَرْ أَظُرْڢَا دَ ظِينَارِيَبَ،

¹⁹ عَمَّا دَ جِنِنَّنْ مَيْ دَرَجَ نَ أَلْمَسِيحُ، وَنْدَ يَذَمَ كَمَرْ طَنْ ضَغُواْ نَهَدَايَ مَرَرْ تَبُواْ، مَرَرْ ثِيوُاْ؞

²⁰ شِينٜىٰ اللَّهْ يَذَاٻَا تُنْ كَاڢِنْ أَ حَلِثِّ دُونِيَا، كُمَ سَبُواْدَكُو نٜىٰ عَكَ بَيَّنَا شِ أَ زَامَانِنْ ڧَرْشٜىٰ؞

²¹ تَوُرِنْسَ نٜىٰ كُكَ غَسْكَتَادَ اللَّهْ وَنْدَ يَتَادَشِ دَغَ مَتَتُّو، يَكُمَ طَوْكَكَ شِ، دُواْمِنْ بَنْ‌غَسْكِيَرْكُ دَ سَا ذُوثِيَارْكُ سُكَسَنْثٜىٰ غَ اللَّهْ؞

²² يَنْذُ دَيَكٜىٰ كُنْ ڟَبْتَثٜىٰ رَنْكُ تَوُرِنْ يِنْ بِيَيَّ غَ غَسْكِيَ حَرْ كُنَ ڧَوْنَرْ یَنْعُوَنْكُ دَ ڧَوْنَ تَعَّيْنِحِ، سَيْ كُثِيغَبَدَ ڧَوْنَرْ جُونَ دَ ذُوثِيَا طَيَ؞

²³ غَمَا أَنْسَاكٜىٰ حَيْڢُوَرْكُ، بَاتَ إِرِ مَيْ رُٻٜىٰوَ عَكَ سَامُبَ، سَيْدَيْ تَ إِرِ مَرَرْ رُٻٜىٰوَ؞ دَيَكٜىٰ أَنْحَيْڢٜىٰكُ تَوُرِنْ كَلْمَرْ اللَّهْ وَدَّ تَكٜىٰ مَيْ رَيْ، مَيْ دَوَّمَ؞

²⁴ غَمٜىٰ دَ وَنَّنْ أَرُبُوثٜىٰ يَكٜىٰثٜىٰوَ ‏«‏دُكْ طَنْ أَدَمْ كَمَرْ ثِيَوَ يَكٜىٰ، دُكْ دَرَجَرْسَ كَمَرْ ڢُلَوَرْ ثِيَوَ تَكٜىٰ؞ ثِيَوَ تَكَنْ بُوشٜىٰ، ڢُلَوَرْ كُمَ تَكَنْ ڢَاطِ،

²⁵ عَمَّا كَلْمَرْ عُبَنْ‌غِجِ ذَاتَ كَسَنْثٜىٰ حَرْ أَبَدَا؞»‏ وَنَّنْ كَلْمَ عِتَثٜىٰ لَابَرِ مَيْ دَاطِنْ دَ عَكَيِ مُكُ وَعَظِنْسَ؞