1 سَرَاكُنَ 9 - أَتَّوْرَتْ دَ أَنَّبَاوَا

يَهْوٜىٰهْ يَسَاكٜىٰ بَيَّنَ غَ سُلَيْمَٰنُ

¹ سُلَيْمَٰنُ يَغَمَ غِنِنْ غِدَنْ يَهْوٜىٰهْ دَ غِدَنْ سَرْكِے دَ كُمَ دُكَنْ أَبِنْدَ يَيِ نِيَّرْيِ؞

² سَعَنً يَهْوٜىٰهْ يَا سَاكٜىٰ بَيَّنَ مَسَ كَمَرْ يَدَّ يَيِ أَ غِبٜىٰيُوانْ؞

³ يَهْوٜىٰهْ يَثٜىٰ مَسَ، ‏«‏نَاجِ أَدُّعَ دَ ضُواْڧُواْ وَنْدَ كَيِ مِنِ؞ نَا كُوَ ڟَرْكَكٜىٰ وَنَّنْ غِدَنْدَ كَغِنَ، نَا كُمَ تَبَّتَرْ دَ سُونَنَ أَوُرِنْ حَرْ أَبَدَا؞ عِدَنُونَ دَ ذُوثِيَاتَ بَذَاسُ تَٻَ رَبُوَ دَ غِدَنْ بَ؞

⁴ ‏«‏كَيْ كُوَ، عِدَنْ ذَاكَيِ تَڢِيَ تَرٜىٰدَنِ دَ غَسْكِيَ أَ ظُوثِ دَ أَمِنْثِ كَمَرْ يَدَّ بَابَنْكَ دَاوُدَ يَيِ تَڢِيَ تَرٜىٰدَنِ، كُمَ إِنْ كَيِ بِيَيَّ دَ دُواْكُواْكِنَ دَ ڧَٰعِدُواْدِنَ دَ عُمَرْنَيْنَ،

⁵ تُواْ، ذَنْ كَڢَ ذُرِيَرْكَ تَدِنْ‌غَ كَسَنْثٜىٰ عَكَنْ كُجٜىٰرَرْ مُلْكٍ إِسْرَٰٓءِيلَ، بِسَغَ يَرْجٜىٰجٜىٰنِيَرْدَ نَيِ دَ بَابَنْكَ؞ غَمَا نَا ثٜىٰ مَسَ، ‏‹‏بَذَاعَ رَسَ مُتُمْ دَغَ ذُرِيَرْكَ دَ ذَيْ يِمُلْكٍ إِسْرَٰٓءِيلَ بَ؞›‏

⁶ ‏«‏عَمَّا عِدَنْ كَيْ كُواْ ذُرِيَرْكَ كُنْ جُويَا مِنِ بَايَ، كُكَڧِ بِنْ عُمَرْنَيْنَ دَ ڧَٰعِدُواْدِنَ وَطَنْدَ نَشِمْڢِطَا أَغَبَنْكُ، حَرْ كُكَ كُواْمَ كُكَ بَوْتَاوَ وَطَنْسُ أَلُّواْلِ، كُكَيِ مُسُ سُجَّدَ،

⁷ تُواْ، ذَنْ كَوَرْدَ مُتَنٜىٰنْ إِسْرَٰٓءِيلَ دَغَ ڧَسَرْ نَنْدَ نَبَاسُ؞ ذَنْ كُمَڧِ وَنَّنْ غِدَنْدَ نَكٜىٰٻٜىٰ دُواْمِنْ أَغِرْمَمَ سُونَنَ؞ إِسْرَٰٓءِيلَ كُوَ ذَاتَ ذَمَ أَبِنْ مِصَالِ دَ أَبِنْ غُواْرِ أَ ڢُسْكَرْ دُكَنْ أَلْعُمَّيْ؞

⁸ كُواْدَيَكٜىٰ وَنَّنْ غِدَا يَذَمَ أَبِنْ أَ ذُواْ أَغَنِ يَنْذُ، نَنْ غَبَ دُكَنْ وَنْدَ يَوُثٜىٰ يَغَنِ ذَيْ رَسَ أَبِنْ ڢَطَا؞ ذَيْ يِڟَكِ يَنَ ثٜىٰوَ ‏‹‏مٜىٰيَسَا يَهْوٜىٰهْ يَيِ حَكَ دَ غِدَنَّنْ دَ ڧَسَرْ نَنْ؟›‏

⁹ ذَاعَبَادَ أَمْسَ عَثٜىٰ، ‏‹‏سَبُواْدَ مُتَنٜىٰنْ يَهْوٜىٰهْ اللَّهْ سُنْ مَنْتَادَشِ، شِے وَنْدَ يَڢِتَرْدَ كَاكَنِّنْسُ دَغَ ڧَسَرْ مَصَرْ، سُكَبِے وَطَنْسُ أَلُّواْلِ، سُكَيِ مُسُ سُجَّدَ، سُكَ بَوْتَا مُسُ؞ أَبِنْدَ يَسَا يَهْوٜىٰهْ يَكَٰوُاْ دُكَنْ مَسِيڢَرْ نَنْ عَكَنْسُ كٜىٰنَنْ؞›‏ »‏

سَوْرَنْ أَيُّكَنْ سَرْكِے سُلَيْمَٰنُ

¹⁰ عَڧَرْشٜىٰنْ شٜىٰكَرَا عَشِرِنْ دَ سُلَيْمَٰنُ يَطَوْكَ يَنَ غِنَا غِدَنْ يَهْوٜىٰهْ دَ غِدَنْ سَرْكِے،

¹¹ يَبَا سَرْكِے حِرَمْ نَڧَسَرْ تَيَ غَرُرُوَ عَشِرِنْ عَيَنْكِنْ غَلِيلِ؞ غَمَا حِرَمْ يَبَا سُلَيْمَٰنُ كَتَكَنْ سٜىٰدَ دَ نَڢِرْ دَ كُمَ دُكَنْ يَوَنْ ظِينَارِيَرْدَ يَسُواْ دُواْمِنْ عَيْكِنْ؞

¹² عَمَّا دَ حِرَمْ يَذُواْ دَغَ تَيَ دُواْمِنْ يَدُوبِے غَرُضُوً دَ سُلَيْمَٰنُ يَبَا شِ، بَيْ جِ دَاطِے بَ؞

¹³ سَيْيَثٜىٰ وَ سُلَيْمَٰنُ ‏«‏طَنْعُوَنَ، وَطَنّٜىٰ إِرِنْ غَرُرُوَنٜىٰ حَكَ كَبَا نِے؟»‏ سَيْ عَكَبَاسُ سُونَنْ كَبُلْ، وَتُواْ مَرَرْ أَمْڢَانِ، هَرْوَيَوْ أَنَ كِرَنْسُ حَكَ؞

¹⁴ دَا مَا حِرَمْ يَعَيْكَ وَ سُلَيْمَٰنُ دَ ظِينَارِيَ كِلُواْ دُبُو حُطُ؞

¹⁵ غَا لِسَّڢِنْ عَيْكِنْ دُواْلٜىٰ وَنْدَ سُلَيْمَٰنُ يَسَا مُتَنٜىٰ سُيِ، وَتُواْ عَيْكِنْ غِنِنْ غِدَنْ يَهْوٜىٰهْ دَ نَسَرْكِے دَ نَ مِلُّواْ دَ نَكَتَنْ‌غَرْ بِرْنِنْ عُرُوشَلِيمَ دَ كُمَ عَيْكِنْ دُواْلٜىٰ نَسَاكٜىٰ غِنَا كَتَنْ‌غَرْ بِرْنِنْ حَزُوارْ دَ مٜىٰغِدُّواْ دَ غٜىٰظٜىٰرْ؞

¹⁶ دَا سَرْكِنْ مَصَرْ يَڢَاطَوَ غٜىٰظٜىٰرْ يَثِسُ دَ يَاڧِ، يَكَكَّشٜىٰ كَنْعَنِيَاوَنْ دَسُكٜىٰ ثِكِنْ بِرْنِنْ، يَكُمَ ڧُواْنٜىٰ بِرْنِنْ؞ سَعَنً يَبَا یَرْسَ بِرْنِنْ يَذَمَ مَتَ ݣَوْتَرْ عَوْرٜىٰ سَعَدَّ تَ عَوْرِ سُلَيْمَٰنُ؞

¹⁷ تَوُرِنْ عَيْكِنْ دُواْلٜىٰ، سُلَيْمَٰنُ يَسَاكٜىٰ غِنَا بِرْنِنْ غٜىٰظٜىٰرْ دَ بٜىٰتْ حُواْرُوانْ تَݣُورِ،

¹⁸ دَ بَعَلَتْ دَ كُمَ تَمَرْ عَثِكِنْ دَاجِنْ يَهُودَ؞

¹⁹ سُلَيْمَٰنُ يَكُمَ غِنَا غَرُضُوً أَجِيَرْ كَايَ دَ نَكِيوُانْ دَوَكِنْسَ دَ كُمَ نَأَجِيَرْ كٜىٰكُنَنْ دُواْكِنْ يَاڧِنْسَ؞ يَغِنَ دُكْ أَبِنْدَ يَسُواْ غِنَاوَا أَ عُرُوشَلِيمَ دَ لٜىٰبَنُوانْ دَ دُكَنْ يَنْكُنَنْ دَيَكٜىٰ مُلْكِنْسُ؞

²⁰ دُكَنْ مُتَنٜىٰنْ دَ سُكَ رَغُ دَغَ أَمُواْرِيَاوَا دَ هِتِّيَاوَا دَ ڢٜىٰرِظِّيَاوَا دَ هِوِيَاوَا دَ يٜىٰبُسِيَاوَا، وَطَنْدَ بَ نَمُتَنٜىٰنْ إِسْرَٰٓءِيلَ بَنٜىٰ،

²¹ وَتُواْ، سُو ظُرِيُواْيِنْ ڧَبِيلُنْ دَ مُتَنٜىٰنْ إِسْرَٰٓءِيلَ بَسُ عِيَ سُهَلَّكَ غَبَاطَيَ بَ، وَطَنَّنْ نٜىٰ سُلَيْمَٰنُ يَسَا سُيِ مَسَ عَيْكِنْ دُواْلٜىٰ، حَكَ كُوَ سُكٜىٰ هَرْوَيَوْ؞

²² عَمَّا سُلَيْمَٰنُ بَيْسَا مُتُمِنْ إِسْرَٰٓءِيلَ يَيِ عَيْكِنْ دُواْلٜىٰبَ؞ مَيْمَكُوانْ حَكَ يَسَاسُ سُذَمَ مَاسُ يَاڧِ دَ شُوغَبَنِّنْ ڠُومْنَتِ دَ شُوغَبَنِّنْ سُواْجُواْجِ دَ شُوغَبَنِّنْ سُواْجُواْجِ مَاسُ يَاڧِ دَ كٜىٰكُنَنْ يَاڧِ دَ كُمَ مَاسُ هَوَنْ دَوَكِ؞

²³ يَكُمَ نَطَ مُتَنٜىٰ طَرِے بِيَرْ دَ حَمْسِنْ سُذَمَ شُوغَبَنِّ مَاسُ لُورَ دَ أَيُّكَنْسَ؞

²⁴ بَايَنْدَ مَاتَرْ سُلَيْمَٰنُ، یَرْ سَرْكِنْ مَصَرْ، تَتَاشِ دَغَ بِرْنِنْ دَاوُدَ ذُوَا سَابُوانْ غِدَنْ دَ سُلَيْمَٰنُ يَغِنَ مَتَ، سَيْ يَغِنَ مِلُّواْ، وَتُواْ وُرِنْ دَ عَكَ ثِثِّكَ دَ ڧَسَا عَتَوَجٜىٰ؞

²⁵ سَوْ عُكُ كُواْوَثٜىٰ شٜىٰكَرَا سُلَيْمَٰنُ يَكَنْ مِيڧَ هَدَايُنْ ڧُواْنَاوَا دَ نَڠَرَنْ زُمُنْثِ دَ نَڧُواْنَ تُرَارٜىٰ عَكَنْ بَغَدٜىٰنْدَ يَغِنَ وَ يَهْوٜىٰهْ؞ تَهَكَ يَغَمَ غِنِنْ غِدَنْ؞

²⁶ سُلَيْمَٰنُ كُمَ يَيِ جِضَاغٜىٰنْ ضُوَ أَ عٜىٰظِيُوانْ‌غٜىٰبٜىٰرْ، وَتُواْ وَتَ تَشَرْ جِضْغِ كُسَدَ عٜىٰلَتْ عَڧَسَرْ عٜىٰدُوامْ، عَبَاكِنْ ضُوً تٜىٰكُنْ ثِيَوَرْ إِوَ؞

²⁷ سَرْكِے حِرَمْ يَعَيْكَ مَاسُ عِيَ تُوڧِ سُواْسَيْ سُتَيْمَكِ مُتَنٜىٰنْ سُلَيْمَٰنُ تُوڧَ جِضَاغٜىٰنْ؞

²⁸ سُكَيِ تَڢِيَ ذُوَا ڧَسَرْ عُواْڢِرْ سُكَ كَٰوُاْوَ سُلَيْمَٰنُ ظِينَارِيَ كِلُواْ دُبُو غُواْمَشَا حُطُ؞