1 سَرَاكُنَ 5 - أَتَّوْرَتْ دَ أَنَّبَاوَا

شِرِ دُواْمِنْ أَ غِنَ غِدَنْ يَهْوٜىٰهْ

¹ حِرَمْ سَرْكِنْ تَيَ كُوَ يَعَيْكَ دَ وَكِلَيْ سُغَيْ دَ سُلَيْمَٰنُ سَعَدَّ حِرَمْ يَجِ ثٜىٰوَ أَنَّطَ سُلَيْمَٰنُ سَرْكِے أَمَڟَيِنْ بَابَنْسَ دَاوُدَ، غَمَا شِے دَ دَاوُدَ أَبُواْكَيْ نٜىٰ سُواْسَيْ دُكَنْ ݣُونَكِنْسَ؞

² سُلَيْمَٰنُ يَعَيْكَ دَ سَڧُواْ ذُوَا وُرِنْ سَرْكِے حِرَمْ يَثٜىٰ،

³ ‏«‏كَا سَنْ ثٜىٰوَ دَاوُدَ بَابَنَ بَيْ غِنَا غِدَا دُواْمِنْ سُونَنْ يَهْوٜىٰهْ اللَّهْ نْسَ بَ، سَبُواْدَ يَوَنْ يَاڧٜىٰ يَاڧٜىٰ دَ أَبُواْكَنْ غَابَنْسَ دَسُكٜىٰ كٜىٰوَيٜىٰ دَشِ؞ يَجِرَا سَيْ دَ يَهْوٜىٰهْ يَبَا شِ نَصَرَا عَكَنْسُ، يَسَاسُ عَڧَرْڧَشِنْ ڧَڢَاڢُنْسَ؞

⁴ عَمَّا يَنْذُ يَهْوٜىٰهْ اللَّهْ نَا يَهُوتَشّٜىٰنِ عَكُواْوَنٜىٰ غٜىٰڢٜىٰ، كُمَ يَنْذُ بَانِ دَ أَبُواْكِنْ غَابَا كُواْ مَسِيڢَ؞

⁵ دُواْمِنْ حَكَ إِنَ شِرِنْ غِنَا غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَا، كَمَرْ يَدَّ يَعُمَرْثِ بَابَنَ دَاوُدَ يَثٜىٰ، ‏‹‏طَنْكَ، وَنْدَ ذَنْبَاشِ كُجٜىٰرَرْ مُلْكِنْكَ أَمَڟَيِنْكَ، شِينٜىٰ ذَيْ غِنَا غِدَا دُواْمِنْ سُونَنَ؞›‏

⁶ دُواْمِنْ حَكَ، كَاعُمَرْتَ عَيَنْكُواْ مِنِ عِتَتُوَنْ سٜىٰدَ نَڧَسَرْ لٜىٰبَنُوانْ؞ مَعَيْكَتَنَ ذَاسُ حَطَ حَنُّ دَ مَعَيْكَتَنْكَ، نِے كُوَ ذَنْ بِيَاكَ أَلْبَشِنْ مَعَيْكَتَنْكَ كَمَرْ يَدَّ كَڢَطَا؞ غَمَا كَاسَنْ ثٜىٰوَ بَابُوَنِ عَثِكِنْمُ دَ يَ عِيَ يَنْكَ إِتَاثٜىٰنْ كَتَكُواْ كَمَرْ مُتَنٜىٰنْكَ نَ سِدُوانْ!‏»‏

⁷ سَعَدَّ حِرَمْ يَكَرْٻِ سَڧُوانْ سُلَيْمَٰنُ يَيِ مُرْنَ سُواْسَيْ يَثٜىٰ ‏«‏يَوْ، بَرِ أَلْبَرْكَ تَا تَبَّتَا غَ يَهْوٜىٰهْ!‏ غَمَا يَبَا دَاوُدَ طَا مَيْ حِكِمَ دَ يَغَاجٜىٰشِ يَذَمَ سَرْكِنْ بَبَّرْ ڧَسَرْ نَنْ!‏»‏

⁸ حِرَمْ كُوَ يَمَيْدَ أَمْسَ غَ سُلَيْمَٰنُ يَثٜىٰ، ‏«‏نَا كَرْٻِ سَڧُوانْدَ كَعَيْكَ مِنِ؞ إِنَ أَشِرْيٜىٰ إِنْيِ دُكَنْ أَبِنْدَ كَكٜىٰسُواْ غَمٜىٰدَ بَتُنْ كَتَكَنْ سٜىٰدَ دَ نَڢِرْ؞

⁹ مَعَيْكَتَنَ ذَاسُ غَنْ‌غَرُواْ دَسُو ذُوَا بَاكِنْ تٜىٰكُ؞ ذَنْسَا أَطَطَّوْرٜىٰسُ سُبِے ضُوً تٜىٰكُ دَغَ لٜىٰبَنُوانْ ذُوَا بَاكِنْ تٜىٰكُنْ دَ ذَاكَ نُونَ مِنِ؞ أَوُرِنْ ذَنْ كُنْثٜىٰ مَكَسُ، سَعَنً كَݣُوشٜىٰ؞ كَيْ كُمَ ذَاكَ بِيَ بُڧَاتَتَ تَوُرِنْ تَنَدِنْ عَبِنْثِنْ غِدَانَ؞»‏

¹⁰ تَهَكَ حِرَمْ يَبَا سُلَيْمَٰنُ دُكَنْ كَتَكَنْ سٜىٰدَ دَ نَڢِرْ دَيَكٜىٰ بُڧَاتَ؞

¹¹ سَعَنً سُلَيْمَٰنُ يَبَا حِرَمْ أَلْكَمَ بُهُ دُبُو عَشِرِنْ دَ مَنْ ظَيْتُنْ دَ عَكَ تَاثٜىٰ لِتَ دُبُو طَرِے حُطُ كُواْوَثٜىٰ شٜىٰكَرَا دُواْمِنْ يَثِيَرْدَ غِدَنْسَ؞

¹² يَهْوٜىٰهْ كُوَ يَبَا سُلَيْمَٰنُ حِكِمَ كَمَرْ يَدَّ يَيِ أَلْڧَوَرِ؞ عَكَيِ ذَمَنْ سَلَمَ ڟَكَانِنْ حِرَمْ دَ سُلَيْمَٰنُ، سُكَيِ يَرْجٜىٰجٜىٰنِيَ ڟَكَانِنْسُ؞

¹³ سَرْكِے سُلَيْمَٰنُ يَتِلَسْتَ مُتَنٜىٰ دُبُو تَلَاتِنْ دَغَ دُكَنْ إِسْرَٰٓءِيلَ سُيِ عَيْكِنْ دُواْلٜىٰ،

¹⁴ سَيْ يَسَا أَدُواْنِرَمْ يَذَمَ مَيْ لُورَ دَسُو؞ سُلَيْمَٰنُ يَرَبَسُ كَشِ عُكُ، كُواْوَنٜىٰ كَشِ دَ مُتَنٜىٰ دُبُو غُواْمَ؞ كُواْوَنٜىٰ كَشِ يَكَنْيِ وَتَا طَيَ عَثَنْ لٜىٰبَنُوانْ، سَعَنً سُدَاوُاْ غِدَا سُيِ وَتَا بِيُ؞

¹⁵ سُلَيْمَٰنُ يَنَدَ مُتَنٜىٰ دُبُو تَمَٰنِنْ مَاسُ سَسَّڧَ دُوَڟُو دَغَ تُدَّيْ، تَرٜىٰ كُمَ دَ مُتَنٜىٰ دُبُو سَبَعِنْ مَاسُ ݣُوشٜىٰوَا؞

¹⁶ يَسَا شُوغَبَنِّ دُبُو عُكُ دَ طَرِے عُكُ سُلُورَ دَ مَعَيْكَتَنْ؞

¹⁷ دَ عُمَرْنِنْ سَرْكِے سُكَ حَڧَ ݣَوَوَنْ مَنْيَنْ دُوَڟُو دَغَ تُدَّيْ، أَنْكُمَ سَسَّڧَسُ دُواْمِنْ كَڢَ تُوشٜىٰنْ غِنِنْ غِدَنْ دَ دُوَڟُو مَاسُ ݣَنْ غَنِ؞

¹⁸ تَهَكَ مَاسُ غِنِ نَ سُلَيْمَٰنُ دَ نَ حِرَمْ دَ مُتَنٜىٰنْ غٜىٰبَلْ سُكَ سَسَّڧَ دُوَڟُو، سُكَ شِرْيَ كَتَكَيْ دَ دُوَڟُو دُواْمِنْ غِنِنْ غِدَنْ؞