1 سَرَاكُنَ 3 - أَتَّوْرَتْ دَ أَنَّبَاوَا

سُلَيْمَٰنُ يَنٜىٰمِ حِكِمَ

¹ سُلَيْمَٰنُ يَنٜىٰمِ حَنْيَرْ ذَمَنْ أَبُواْكِنْ ڢِرْعَوْنَ سَرْكِنْ مَصَرْ تَوُرِنْ عَوْرٜىٰنْ یَرْسَ؞ سُلَيْمَٰنُ يَكَٰوُاْتَ بِرْنِنْ دَاوُدَ تَذَوْنَ أَوُرِنْ، حَرْ سَيْ دَ يَكَمَّلَ غِنِنْ نَاسَ غِدَنْ سَرْكِے دَ غِدَنْ يَهْوٜىٰهْ دَ كَتَنْ‌غَرْ بِرْنِنْ عُرُوشَلِيمَ؞

² أَ لُواْكَثِنْ كُوَ بَابُ غِدَا عِنْدَ ذَاعَيِ وَ سُونَنْ يَهْوٜىٰهْ سُجَّدَ، سَيْ مُتَنٜىٰ سُكَ دِنْ‌غَ يِنْ هَدَايُ أَوُرَارٜىٰنْ سُجَّدَ عَتُدَّيْ؞

³ كُواْدَيَكٜىٰ سُلَيْمَٰنُ يَا ڧَوْنَثِ يَهْوٜىٰهْ يَاكُمَ بِے ڧَٰعِدُواْدِنْ بَابَنْسَ دَاوُدَ، دُكْدَهَكَ يَمِيڧَ هَدَايُ دَ تُرَارٜىٰ أَوُرَارٜىٰنْ سُجَّدَ عَتُدَّيْ؞

⁴ سَرْكِے سُلَيْمَٰنُ يَتَڢِے غِبٜىٰيُوانْ دُواْمِنْ يَيِ هَدَايَ، غَمَا أَوُرِنْ أَݣَويْ بَبَّنْ وُرِنْ سُجَّدَ عَتُدُ؞ سُلَيْمَٰنُ يَمِيڧَ هَدَايُنْ ڧُواْنَاوَا دُبُو طَيَ عَكَنْ بَغَدٜىٰنْ؞

⁵ أَ دَرٜىٰنْ كُوَ يَهْوٜىٰهْ يَا بَيَّنَ مَسَ أَمَڢَرْكِ أَ غِبٜىٰيُوانْ يَتَمْبَيٜىٰشِ يَثٜىٰ ‏«‏كَضُواْڧِ أَبِنْدَ كَكٜىٰسُواْ إِنْبَاكَ؞»‏

⁶ سَيْ سُلَيْمَٰنُ يَثٜىٰ ‏«‏كَيْ كَنُونَ وَبَاوَنْكَ بَابَنَ دَاوُدَ بَبَّرْ ڧَوْنَ مَرَرْ ثَنْجَاوَا، غَمَا يَيِ تَڢِيَ تَرٜىٰدَكَيْ ثِكِنْ أَمِنْثِ دَ أَدَلْثِے دَ غَسْكِيَ أَ ظُوثِ؞ كَثِيغَبَدَ نُونَ مَسَ بَبَّرْ ڧَوْنَرْ نَنْ مَرَرْ ثَنْجَاوَا تَوُرِنْ بَاشِ طَنْ دَ ذَيْ ذَوْنَ عَكُجٜىٰرَرْ مُلْكِنْسَ يَوْ؞

⁷ ‏«‏يَنْذُ، يَا يَهْوٜىٰهْ اللَّهْ نَا، كَا مَيْدَنِ سَرْكِے أَمَڟَيِنْ بَابَنَ دَاوُدَ، عَمَّا نِے طَنْ يَرُواْ نٜىٰ دَ بَنْسَنْ دَامَ كُواْ هَغُبَ؞

⁸ غَانِ بَاوَنْكَ أَڟَكِيَرْ جَمَعَرْكَ دَ كَذَاٻَا، مُتَنٜىٰنٜىٰ مَاسُ دُبَّنْ يَوَ، حَرْ مَا بَعَ عِيَ ڧِرْغَ كُواْ لِسَّڢْتَاسُ؞

⁹ سَبُواْدَ حَكَ، كَبَانِ، نِے بَاوَنْكَ، ذُوثِيَا مَيْ حِكِمَ دُواْمِنْ إِنْيِ وَجَمَعَرْكَ شَرِيعَرْ غَسْكِيَ، إِنْكُمَ عِيَ بَمْبَنْتَ ڟَكَانِنْ أَبُ مَيْݣَوْ دَ مَرَرْ ݣَوْ؞ غَمَا وَ ذَيْ عِيَ مُلْكِ عَكَنْ دُبَّنْ مُتَنٜىٰنَّنْ نَاكَ؟»‏

¹⁰ يَهْوٜىٰهْ كُوَ يَجِ دَاطِے يَدَّ سُلَيْمَٰنُ يَضُواْڧِ وَنَّنْ؞

¹¹ دُواْمِنْ حَكَ سَيْ اللَّهْ يَثٜىٰ مَسَ ‏«‏سَبُواْدَ كَضُواْڧِ وَنَّنْ دُواْمِنْ كَاعِيَيِنْ شَرِيعَرْ غَسْكِيَ، مَيْمَكُوانْ نٜىٰمَنْ وَكَنْكَ ڟَوُانْ رَيْ، كُواْ دُوكِيَ، كُواْ كُوَ كَنٜىٰمِ مُتُوَرْ أَبُواْكَنْ غَابَنْكَ،

¹² ذَنْ عَيْكَتَ أَبِنْدَ كَضُواْڧَا؞ ذَنْ بَاكَ ذُوثِيَا مَيْ حِكِمَ دَغَانٜىٰوَ، وَدَّ بَابُوَنْدَ يَتَٻَ كَسَنْثٜىٰوَ دَ عِتَ، كُمَ بَابُوَنْدَ ذَيْ كَسَنْثٜىٰ دَ عِتَ نَنْ غَبَ؞

¹³ ذَنْ كُمَ بَاكَ أَبِنْدَ بَكَ ضُواْڧَا بَ، وَتُواْ دُوكِيَ دَ سُونَ أَدُكَنْ ݣُونَكِنْ رَنْكَ، يَدَّ بَابُوَنِ سَرْكِنْ دَ ذَاعَ ݣُوتَنْتَا شِ دَكَيْ؞

¹⁴ عِدَنْ كَيِ تَڢِيَ أَ حَنْيَتَ، كَنَ كِيَايٜىٰ ڧَٰعِدُواْدِنَ دَ دُواْكُواْكِنَ كَمَرْ يَدَّ بَابَنْكَ دَاوُدَ يَيِ، تُواْ، ذَنْ ڧَارَ ڟَوُانْ ݣُونَكِنْ رَنْكَ؞»‏

¹⁵ دَ سُلَيْمَٰنُ يَڢَرْكَ سَيْ يَغَانٜىٰ أَشٜىٰ مَڢَرْكِ نٜىٰ؞ سَيْ يَتَڢِے عُرُوشَلِيمَ يَڟَيَ أَغَبَنْ عَݣُوتِنْ يَرْجٜىٰجٜىٰنِيَرْ يَهْوٜىٰهْ يَمِيڧَ هَدَايُ نَڧُواْنَاوَا دَ هَدَايُ نَڠَرَنْ زُمُنْثِ؞ سُلَيْمَٰنُ يَكُمَ شِرْيَ بِكِ دُواْمِنْ دَتَّاوَنْسَ؞

سُلَيْمَٰنُ يَيَنْكَ شَرِيعَ مَيْ حِكِمَ

¹⁶ أَنَانً سَيْ وَطَنْسُ كَارُوَيْ بِيُ سُكَذُواْ وُرِنْ سَرْكِے سُلَيْمَٰنُ؞

¹⁷ سَيْ مَثٜىٰ تَڢَارِنْ تَثٜىٰ ‏«‏رَنْكَيَدَطٜىٰ!‏ دَنِے دَ مَثٜىٰنَّنْ، مُنَ ذَمَ أَغِدَا طَيَ؞ نَحَيْڢِ جَرِرِ سَعَدَّ تَكٜىٰ أَغِدَنْ؞

¹⁸ بَايَنْ ݣُونَ عُكُ دَ حَيْڢُوَتَ، مَثٜىٰنَّنْ عِتَمَا تَا حَيْڢُ؞ مُو بِيُ كَطَيْ نٜىٰ كُوَ أَغِدَنْ، بَابُوَنِ تَرٜىٰدَمُو؞

¹⁹ سَيْ دَ دَرٜىٰ جَرِرِنْ مَثٜىٰنَّنْ يَمُتُ، سَبُواْدَ تَݣُونْتَ عَكَنْسَ؞

²⁰ دَ ڟَكَرْ دَرٜىٰ سَيْ تَتَاشِ تَ طَوْكِ طَانَ دَغَ غٜىٰڢٜىٰنَ لُواْكَثِنْ دَ نَكٜىٰ بَرْثِ، تَݣُونْتَرْ دَشِ أَغَدُوانْتَ؞ سَيْ تَطَوْكِ طَنْتَ دَ يَمُتُ تَݣُونْتَرْ مِنِ أَغَدُواْنَ؞

²¹ دَنَتَاشِ دَ سَڢٜىٰ ذَنْبَا طَانَ نُواْنُواْ، سَيْ نَتَرَرْ يَمُتُ؞ عَمَّا دَ نَدُوبٜىٰشِ دَݣَوْ دَ سَڢٜىٰ، سَيْ نَغَنِ بَ طَنْدَ نَحَيْڢَ بَنٜىٰ؞»‏

²² سَيْ طَيَ مَثٜىٰنْ تَيِ مَغَنَ تَثٜىٰ ‏«‏أَعَ، يَرُواْ مَيْ رَيْ نٜىٰ طَانَ، عَمَّا مَتَثّٜىٰنْ نٜىٰ طَنْكِ!‏»‏ عَمَّا مَثٜىٰ نَڢَرْكُواْ تَثٜىٰ ‏«‏أَعَ، مَتَثّٜىٰنْ يَرُوانْ نٜىٰ طَنْكِ؞ نَوَنٜىٰ مَيْ رَيْ!‏»‏ سُكَيِ تَغَرْدَمَ أَغَبَنْ سَرْكِے؞

²³ سَعَنً سَرْكِے سُلَيْمَٰنُ يَثٜىٰ ‏«‏طَيَ تَنَ ثٜىٰوَ يَرُواْ مَيْ رَيْ طِنْ شِينٜىٰ نَاتَ، عَمَّا مَتَثّٜىٰنْ يَرُوانْ شِينٜىٰ نَوَثَّنْ؞ طَيَنْ كُمَ تَنَ ثٜىٰوَ يَرُواْ نَوَثَّنْ شِينٜىٰ مَتَثّٜىٰنْ، عَمَّا نَاتَ نٜىٰ مَيْ رَيْ؞»‏

²⁴ سَيْ يَعَيْكَ أَطَوْكُواْ مَسَ تَكُواْبِے؞ دَ عَكَ كَٰوُاْ مَسَ تَكُواْبِنْ،

²⁵ سَيْ سَرْكِے يَعُمَرْتَ ‏«‏يَنْكَ يَرُواْ مَيْ رَيْ طِنْ كَشِ بِيُ كَبَا طَيَنْ مَثٜىٰنْ رَبِے طَيَ، طَيَنْ كُمَ رَبِے طَيَ؞»‏

²⁶ عَيْنِحِنْ مَثٜىٰنْ دَ يَرُوانْتَ نٜىٰ مَيْ رَيْ، تَايِ وَسَرْكِے كُوكَا دُواْمِنْ يَوَنْ ڧَوْنَ دَ تَوْسَيِنْ دَ تَكٜىٰدَشِ عَكَنْ طَنْتَ؞ تَاثٜىٰ ‏«‏رَنْكَيَدَطٜىٰ، كَدَ كَكَشٜىٰ يَرُوانْ!‏ كَبَاتَ كَوَيْ!‏»‏ عَمَّا طَيَنْ مَثٜىٰنْ تَثٜىٰ ‏«‏كَدَ كُبَا وَنِنْمُ، أَ رَبَشِ كَشِ بِيُ؞»‏

²⁷ سَعَنً سُلَيْمَٰنُ يَيَنْكٜىٰ شَرِيعَ يَثٜىٰ ‏«‏كَدَ كُكَشٜىٰ يَرُوانْ!‏ كُبَا مَثٜىٰ نَڢَرْكُوانْ، غَمَا عِتَثٜىٰ عَيْنِحِنْ مَامَرْ؞»‏

²⁸ دَ دُكَنْ مُتَنٜىٰنْ إِسْرَٰٓءِيلَ سُكَجِ شَرِيعَرْ دَ سُلَيْمَٰنُ يَيَنْكٜىٰ، سَيْ سُكَ غِرْمَمَشِ سُواْسَيْ، غَمَا سُنْ غَانٜىٰ ثٜىٰوَ اللَّهْ يَبَاشِ حِكِمَرْ يِنْ شَرِيعَرْ غَسْكِيَ؞