1 سَرَاكُنَ 21 - أَتَّوْرَتْ دَ أَنَّبَاوَا

أَهَبْ يَڨُوثٜىٰ غُواْنَرْ نَبُواتْ

¹ أَنَانً بَايَنْ حَكَ سَيْ وَطَنَّنْ أَبُبُوَ سُكَ ڢَرُ؞ نَبُواتْ مُتُمِنْ يٜىٰظِرٜىٰيٜىٰلْ يَنَدَ غُواْنَرْ إِنَبِے أَ يٜىٰظِرٜىٰيٜىٰلْ عَيَنْكِنْ سَمَرِيَ كُسَدَ غِدَنْ سَرْكِے أَهَبْ؞

² وَتَرَانَ أَهَبْ يَثٜىٰ وَ نَبُواتْ ‏«‏تُنْدَيَكٜىٰ غُواْنَرْ إِنَبِنْكَ تَنَ كُسَدَ غِدَانَ، سَيْ كَبَانِ عِتَ دُواْمِنْ إِنْيِ نُواْمَنْ كَايَنْ لَمْبُو عَثِكِ؞ ذَنْ بَاكَ وَتَ غُواْنَرْ إِنَبِے وَدَّ تَڢِے وَنَّنْ؞ عِدَنْ كُوَ كَڢِسُواْ كَسَيَرْ مِنِ، ذَنْبَاكَ كُطِنْ دَ يَيِ دَيْدَيْ دَ دَرَجَرْتَ؞»‏

³ نَبُواتْ يَثٜىٰ وَ أَهَبْ ‏«‏يَهْوٜىٰهْ يَسَوَّڧٜىٰ!‏ بَذَنْ عِيَ طَوْكَرْ غُواْنَرْدَ نَغَادَ دَغَ كَاكَنِّنَ إِنْ بَاكَبَ؞»‏

⁴ أَهَبْ يَكُواْمَ غِدَا دَ ٻَثِنْ رَيْ دَ بَڧِنْ ثِكِ، سَبُواْدَ نَبُواتْ مُتُمِنْ يٜىٰظِرٜىٰيٜىٰلْ يَثٜىٰ مَسَ بَذَيْبَاشِ غُواْنَرْدَ يَغَادَ دَغَ كَاكَنِّنْسَبَ؞ أَهَبْ يَݣُونْتَ أَغَدُواْ يَسَا ڢُسْكَرْسَ تَبَنْ‌غُواْ، يَڧِ ثِنْ عَبِنْثِ؞

⁵ سَيْ مَاتَرْسَ يٜىٰظٜىٰبٜىٰلْ تَذُواْ وُرِنْسَ تَثٜىٰ مَسَ ‏«‏دُوانْمٜىٰ كَكٜىٰ بَڧِنْ ثِكِ حَرْ بَكَ عِيَ ثِنْ عَبِنْثِبَ؟»‏

⁶ يَأَمْسَ مَتَ يَثٜىٰ ‏«‏سَبُواْدَ مَغَنَرْ دَ نَبُواتْ يَيِمِنِ نٜىٰ؞ نَا سُواْ إِنْ سَيِ غُواْنَرْسَ، كُواْ كُوَ إِنْ بَاشِ وَتَ غُواْنَ أَمَيْمَكُوانْ تَاسَ غُواْنَرْ، عَمَّا سَيْيَثٜىٰ مِنِ بَذَيْبَانِ غُواْنَرْ إِنَبِنْسَبَ؞»‏

⁷ يٜىٰظٜىٰبٜىٰلْ تَثٜىٰمَسَ ‏«‏بَ كَيْنٜىٰ سَرْكِنْ إِسْرَٰٓءِيلَ بَ؟ تَاشِ كَثِ عَبِنْثِ، كَجِوَ رَنْكَ دَاطِے؞ ذَنْبَاكَ غُواْنَرْ إِنَبِنْ نَبُواتْ مُتُمِنْ يٜىٰظِرٜىٰيٜىٰلْ؞»‏

⁸ سَيْ تَرُبُوتَ وَسِيڧُ دَ سُونَنْ سَرْكِے أَهَبْ تَبُغَ هَاتِمِنْسَ عَكَيْ؞ تَا رَرَّبَ وَسِيڧُنْ ذُوَا وُرِنْ دَتَّاوَا دَ مَنْيَنْ مُتَنٜىٰ نَبِرْنِنْ دَ نَبُواتْ يَكٜىٰ ذَمَ؞

⁹ وَسِيڧُنْ سُنْثٜىٰ، ‏«‏كُيِ شٜىٰلَرْ رَانَرْ أَظُمِ، كُكِرَا مُتَنٜىٰ كُسَا نَبُواتْ أَغَبَنْ جَمَعَ؞

¹⁰ أَسَا یَنْ إِسْكَ غُدَا بِيُ سُڢُسْكَنْثٜىٰشِ، سُيِ تَكَٰوُاْ هُجُّواْجِ عَكَنْسَ سُنَ ثٜىٰوَ ‏‹‏كَيْ كَلَعَنْثِ اللَّهْ دَ سَرْكِے؞›‏ سَعَنً كُطَوْكٜىٰشِ كُجٜىٰجّٜىٰڢٜىٰشِ دَ دُوَڟُو حَرْ سَيْ يَمُتُ؞»‏

¹¹ سَيْ مُتَنٜىٰنْ بِرْنِنْسَ دَ دَتَّاوَنْ تَرٜىٰدَ مَنْيَنْ مُتَنٜىٰنْ بِرْنِنْ سُكَيِ دَيْدَيْ كَمَرْ يَدَّ يٜىٰظٜىٰبٜىٰلْ تَرُبُوتَ عَيِ؞

¹² سُكَيِ شٜىٰلَرْ رَانَرْ أَظُمِ، سُكَ كَٰوُاْ نَبُواتْ سُكَسَاشِ أَغَبَنْ جَمَعَرْ؞

¹³ سَيْ یَنْ إِسْكَرْ نَنْ غُدَا بِيُ سُكَذُواْ سُكَ ذَوْنَ سُكَ ڢُسْكَنْثٜىٰشِ؞ یَنْ إِسْكَرْ نَنْ سُكَ كَٰوُاْ هُجُّواْجِ عَكَنْ نَبُواتْ أَغَبَنْ جَمَعَرْ سُنَ ثٜىٰوَ ‏«‏كَيْ كَلَعَنْثِ اللَّهْ دَ سَرْكِے؞»‏ سَبُواْدَ حَكَ سُكَ طَوْكٜىٰشِ ذُوَا بَايَنْ غَرِ سُكَ جٜىٰجّٜىٰڢٜىٰشِ دَ دُوَڟُو حَرْ يَمُتُ؞

¹⁴ سَيْ سُكَ عَيْكَ وَ يٜىٰظٜىٰبٜىٰلْ سَڧُواْ ثٜىٰوَ ‏«‏أَنْ رِغَا أَنْجٜىٰجّٜىٰڢِ نَبُواتْ دَ دُوَڟُو يَمُتُ؞»‏

¹⁵ دَظَرَرْ يٜىٰظٜىٰبٜىٰلْ تَكَرْٻِ سَڧُوانْ ثٜىٰوَ أَنْرِغَا أَنْجٜىٰجّٜىٰڢِ نَبُواتْ حَرْ يَمُتُ، تَثٜىٰ وَ أَهَبْ ‏«‏تَاشِ!‏ تَڢِے كَمَلَّكِ غُواْنَرْ دَ نَبُواتْ مُتُمِنْ يٜىٰظِرٜىٰيٜىٰلْ يَڧِ يَسَيَرْ مَكَ، غَمَا نَبُواتْ بَاشِ دَ رَيْ، يَمُتُ؞»‏

¹⁶ حَكَ كُوَ يَكَسَنْثٜىٰ دَ أَهَبْ يَجِ ثٜىٰوَ نَبُواتْ يَمُتُ، سَيْ يَتَاشِ نَنْ دَنَنْ يَغَنْ‌غَرَ ذُوَا غُواْنَرْ إِنَبِنْ نَبُواتْ دُواْمِنْ يَمَلَّكٜىٰتَ؞

إِلْيَاسُ يَڟَاوَتَاوَ أَهَبْ

¹⁷ سَعَنً مَغَنَرْ يَهْوٜىٰهْ تَذُواْ وَ إِلْيَاسُ مُتُمِنْ تِشْبٜىٰ ثٜىٰوَ

¹⁸ ‏«‏تَاشِ!‏ كَغَنْ‌غَرَ وُرِنْ سَرْكِے أَهَبْ نَ إِسْرَٰٓءِيلَ وَنْدَ يَكٜىٰ ذَمَ أَ سَمَرِيَ؞ ذَاكَ سَامٜىٰشِ أَغُواْنَرْ إِنَبِنْ نَبُواتْ، عِنْدَ يَتَڢِے دُواْمِنْ يَمَلَّكٜىٰتَ؞

¹⁹ ڢَطَا مَسَ ثٜىٰوَ ‏‹‏إِنْجِ يَهْوٜىٰهْ ‏«‏بَايَنْدَ كَكَشٜىٰ مُتُمِنْ، كَنَ سُواْ كَمَلَّكِ غُواْنَرْسَ كُمَ؟»‏ كَڧَارَ ثٜىٰمَسَ ‏«‏وُرِنْ دَ كَرْنُكَ سُكَ لَشٜىٰ جِنِنْ نَبُواتْ أَوُرِنْ نٜىٰ ذَاسُ لَشٜىٰ نَاكَ!‏»‏ ›‏ »‏

²⁰ دَ أَهَبْ يَغَ إِلْيَاسُ سَيْيَثٜىٰ ‏«‏أَهَ!‏ كَيْ أَبُواْكِنْ غَابَنَ كَا سَامٜىٰنِ؟»‏ إِلْيَاسُ يَأَمْسَ ‏«‏عِ، نَا سَامٜىٰكَ؞ كَا بَادَ كَنْكَ طُنْ‌غُمْ غَ عَيْكَتَ مُغُنْتَا أَعِدُوانْ يَهْوٜىٰهْ؞

²¹ سَبُواْدَ حَكَ يَهْوٜىٰهْ ذَيْ كَٰوُاْ مَسِيڢَ عَكَنْكَ؞ ذَيْ كَوَرْ دَكَيْ دَ كُواْوَنٜىٰ طَنْكَ نَمِجِ، كُواْ شِے بَاوَ نٜىٰ كُواْ شِے بَ بَاوَ بَنٜىٰ عَ إِسْرَٰٓءِيلَ؞

²² يَهْوٜىٰهْ ذَيْسَا غِدَنْكَ يَهَلَّكَ كَمَرْ غِدَنْ يٜىٰرُواْبُواْوَمْ طَنْ نٜىٰبَتْ دَ كُمَ غِدَنْ بَعَشَ طَنْ أَهِيَ، غَمَا كَا سَا يَهْوٜىٰهْ يَيِ ڢُشِے، كَكُمَ سَا مُتَنٜىٰنْ إِسْرَٰٓءِيلَ سُكَيِ ذُنُوبِ؞

²³ غَمٜىٰ دَ مَاتَرْكَ يٜىٰظٜىٰبٜىٰلْ، يَهْوٜىٰهْ يَثٜىٰ كَرْنُكَنْ بِرْنِنْ يٜىٰظِرٜىٰيٜىٰلْ ذَاسُ ثِنْيٜىٰ نَامَنْتَ عَثِكِنْ بِرْنِنْ؞

²⁴ دُكْ وَنْدَ يَكٜىٰ نَ أَهَبْ دَ ذَيْ مُتُ عَثِكِنْ بِرْنِ، كَرْنُكَ ذَاسُ ثِنْيٜىٰشِ؞ سَعَنً دُكْ وَنْدَ يَمُتُ أَدَاجِ، ڟُنْڟَيٜىٰنْ سَرَرِنْ سَمَ ذَاسُ ثِنْيٜىٰشِ؞»‏

²⁵ حَڧِيڧَ بَعَسَامُ وَنْدَ يَبَادَ كَنْسَ غَ عَيْكَتَ مُغُنْتَا أَعِدُوانْ يَهْوٜىٰهْ كَمَرْ أَهَبْ بَ، سَبُواْدَ مَاتَرْسَ يٜىٰظٜىٰبٜىٰلْ تَظُغَشِ؞

²⁶ يَعَيْكَتَ أَبُبُوَ مَاسُ بَنْ ڨَمَ سُواْسَيْ تَوُرِنْ يِنْ سُجَّدَ غَ غُمَكَ، كَمَرْ يَدَّ أَمُواْرِيَاوَا سُكَيِ، وَطَنْدَ يَهْوٜىٰهْ يَكُواْرَ دَغَ ڧَسَرْ كَاڢِنْ إِسْرَٰٓءِيلَاوَا سُكَ شِغَ؞

²⁷ سَعَدَّ أَهَبْ يَجِ حَكَ، سَيْ يَيَيَّاغٜىٰ رِيغُنَنْسَ، يَسَا رِيغُنَنْ نُونَ بَڧِنْ ثِكِ، يَيِ أَظُمِ، يَكُمَ ݣُونْتَ دَ رِيغُنَنْ نُونَ بَڧِنْ ثِكِ؞ دَيَڢِتَ كُمَ سَيْ يَيِ تَڢِيَ سَنُّ سَنُّ؞

²⁸ يَهْوٜىٰهْ يَا يِمَغَنَ دَ أَنَّبِے إِلْيَاسُ مُتُمِنْ غَرِنْ تِشْبٜىٰ،

²⁹ ‏«‏كَغَا يَدَّ أَهَبْ يَڧَسْڧَنْتَرْ دَكَنْسَ أَغَبَنَ؟ تُنْدَيَكٜىٰ يَڧَسْڧَنْتَرْ دَكَنْسَ أَغَبَنَ حَكَ، بَذَنْ كَٰوُاْ مَسِيڢَرْ نَنْ عَݣُونَكِنْسَبَ؞ عَمَّا عَݣُونَكِنْ مُلْكٍ طَنْسَ ذَنْ كَٰوُاْ مَسِيڢَرْ نَنْ عَكَنْ غِدَنْسَ؞»‏