1 سَرَاكُنَ 2 - أَتَّوْرَتْ دَ أَنَّبَاوَا

غَرْغَطِنْ دَ دَاوُدَ يَيِ وَ سُلَيْمَٰنُ

¹ دَ لُواْكَثِنْ مُتُوَرْ سَرْكِے دَاوُدَ يَيِ كُسَ، سَيْ يَكِرَا طَنْسَ سُلَيْمَٰنُ يَغَرْغَطٜىٰشِ يَثٜىٰ،

² ‏«‏نَا كُسَ إِنْمُتُ كَمَرْ يَدَّ كُواْوَ عَدُونِيَا ذَيْ يِ؞ سَيْ كَڧَرْڢَڢَ، كَنُونَ كَنْكَ نَمِجِنٜىٰ؞

³ سَيْ كَيِ أَبِنْدَ يَهْوٜىٰهْ اللَّهْ نْكَ يَعُمَرْثٜىٰكَ كَيِ؞ كَيِ تَڢِيَ أَ حَنْيَرْسَ؞ كَكِيَايٜىٰ ڧَٰعِدُواْدِنْسَ دَ دُواْكُواْكِنْسَ دَ عُمَرْنَنْسَ دَ غَرْغَطِنْسَ كَمَرْ يَدَّ عَكَ رُبُوتَ ثِكِنْ كُواْيَرْوَرْ مُوسَٰى؞ كَيِ وَنَّنْ دُواْمِنْ كَيَلْوَتَ ثِكِنْ دُكَنْ أَبِنْدَ ذَاكَيِ دَ كُمَ دُكْ عِنْدَ ذَاكَ تَڢِے؞

⁴ سَعَنً يَهْوٜىٰهْ ذَيْثِكَ أَلْڧَوَرِنْسَ دَ يَيِ مِنِ ثٜىٰوَ ‏‹‏عِدَنْ یَیَنْكَ سُنَ لُورَ دَ حَنْيَرْسُ، سُنَ تَڢِيَ دَ أَمِنْثِ أَغَبَنَ دَ دُكَنْ ذُوثِيَارْسُ دَ كُمَ دُكَنْ رَنْسُ، بَذَاعَ رَسَ مُتُمْ دَغَ ثِكِنْ یَیَنْكَ وَنْدَ ذَيْ ذَوْنَ عَكُجٜىٰرَرْ مُلْكِنْكَ عَ إِسْرَٰٓءِيلَ بَ؞›‏

⁵ ‏«‏بَنْ دَ وَنَّنْ، كَا سَنْ أَبِنْدَ يُواْوَبْ طَنْ ظٜىٰرُوِيَ يَيِ مِنِ، يَدَّ يَكَشٜىٰ شُوغَبَنِّنْ سُواْجُواْجِنْ إِسْرَٰٓءِيلَ غُدَا بِيُ، وَتُواْ أَبْنٜىٰرْ طَنْ نٜىٰرْ دَ أَمَسَ طَنْ يٜىٰتٜىٰرْ؞ يُواْوَبْ يَظُبَرْدَ جِنِنْسُ أَ لُواْكَثِنْ سَلَمَ كَمَرْ أَنَ ثِكِنْ يَاڧِ؞ شَيْدَرْ جِنِنْ يَاڧِ كُوَ تَنَ عَكَنْ طَمَرَرْ دَتَكٜىٰ أَغِنْدِنْسَ دَ كُمَ تَاكَلْمَنْ دَسُكٜىٰ عَڧَڢَاڢُنْسَ؞

⁶ كَيِمَسَ بِسَغَ حِكِمَرْكَ، عَمَّا كَدَ كَبَرْ شِ يَغَنْ‌غَرَ ذُوَا وُرِنْ ذَمَنْ مَتَتُّو أَڟُوڢَرْسَ لَاڢِيَ؞

⁷ ‏«‏عَمَّا كَيِ أَلْحٜىٰرِ غَ یَیَ مَظَا نَ بَرْظِلَّيْ مُتُمِنْ غِلٜىٰيَدْ؞ بَرِ سُثِ تَرٜىٰدَ مَاسُثِ عَتٜىٰبُرِنْكَ، غَمَا سُنْيِ مِنِ أَلْحٜىٰرِ لُواْكَثِنْ دَ نَكٜىٰ غُدُ دَغَ طَنْعُوَنْكَ أَبْسَلُوامْ؞

⁸ ‏«‏أَݣَويْ كُمَ شِمٜىٰيِ طَنْ غٜىٰرَ مُتُمِنْ بِلِيَامِنُ دَغَ بَهُرِمْ؞ يَظَظْذَغٜىٰنِ سُواْسَيْ رَانَرْدَ نَتَڢِے مَهَنَيِمْ؞ عَمَّا دَ يَڢِتُواْ دُواْمِنْ يَتَرْيٜىٰنِ عَبَاكِنْ كُواْغِنْ يُواْدَنْ، نَا ضَنْڟٜىٰ مَسَ دَ سُونَنْ يَهْوٜىٰهْ ثٜىٰوَ بَذَنْ كَشٜىٰشِيبَ؞

⁹ يَنْذُ كَدَ كَكَاسَ حُكُنْتَشِ؞ تُنْدَيَكٜىٰ كَيْ مُتُمْ مَيْ حِكِمَ نٜىٰ، ذَاكَسَنْ أَبِنْدَ يَكَمَاتَ كَيِ دَشِ، كَيْ دَيْ كَتَبَّتَرْ أَنْكَشٜىٰشِ أَڟُوڢَرْسَ؞»‏

مُتُوَرْ دَاوُدَ

¹⁰ سَعَنً دَاوُدَ يَكُواْمَ غَ كَاكَنِّنْسَ، عَكَ بِنّٜىٰشِ أَ عُرُوشَلِيمَ، بِرْنِنْ دَاوُدَ؞

¹¹ دَاوُدَ يَيِ مُلْكٍ إِسْرَٰٓءِيلَ شٜىٰكَرَا أَرْبَعِنْ؞ يَيِ مُلْكِ شٜىٰكَرُ بَݣَويْ أَ هٜىٰبْرُوانْ دَ كُمَ شٜىٰكَرُ تَلَاتِنْ دَ عُكُ أَ عُرُوشَلِيمَ؞

¹² سُلَيْمَٰنُ يَهَوْ كُجٜىٰرَرْ مُلْكٍ بَابَنْسَ دَاوُدَ، مُلْكِنْسَ كُوَ يَكَڢُ سُواْسَيْ؞

مُتُوَرْ أَدُواْنِيَ

¹³ وَتَرَانَ أَدُواْنِيَ وَنْدَ مَامَرْسَ ثٜىٰ هَغِّتْ، يَذُواْ وُرِنْ بَتْشٜىٰبَةُ، مَامَرْ سُلَيْمَٰنُ؞ سَيْ تَتَمْبَيٜىٰشِ تَثٜىٰ ‏«‏لَاڢِيَ دَيْ كَا ذُواْ؟»‏ يَأَمْسَ ‏«‏لَاڢِيَ لَوْ؞»‏

¹⁴ يَكُمَثٜىٰ ‏«‏نَاذُواْ نٜىٰ إِنْيِمَغَنَ دَكٜىٰ؞»‏ سَيْ تَثٜىٰ ‏«‏يِمَغَنَرْكَ؞»‏

¹⁵ أَدُواْنِيَ يَأَمْسَ يَثٜىٰ ‏«‏كِنْ سَنِ ثٜىٰوَ دَا مَا مُلْكٍ نَوَنٜىٰ، كُمَ دُكَنْ جَمَعَرْ إِسْرَٰٓءِيلَ سُنْسَا رَيْ ثٜىٰوَ نِے ذَنْيِ مُلْكِ؞ عَمَّا أَبُبُوَ سُكَ ثَنْجَ، سَيْ مُلْكٍ يَكُواْمَ غَ ڧَنٜىٰنَ غَمَا نَاسَ نٜىٰ بِسَغَ نُڢِنْ يَهْوٜىٰهْ؞

¹⁶ يَنْذُ دَيْ إِنَدَ ضُواْڧُواْ غُدَا ذُوَا غَرٜىٰكِ، كَدَ كِحَنَ مِنِ؞»‏ بَتْشٜىٰبَةُ تَأَمْسَ تَثٜىٰ ‏«‏يِمَغَنَرْكَ؞»‏

¹⁷ سَيْ يَثٜىٰ ‏«‏كِضُواْڧِ سَرْكِے سُلَيْمَٰنُ يَبَا نِے أَبِشَغْ یَرْ غَرِنْ شُنٜىٰمْ تَذَمَ مَاتَتَ، نَسَنِ بَذَيْڧِ جِنْكِبَ؞»‏

¹⁸ بَتْشٜىٰبَةُ تَثٜىٰمَسَ ‏«‏دَ ݣَوْ، ذَنْيِ وَسَرْكِے مَغَنَ دُواْمِنْكَ؞»‏

¹⁹ سَيْ بَتْشٜىٰبَةُ تَتَڢِے وُرِنْ سَرْكِے سُلَيْمَٰنُ دُواْمِنْ تَيِ مَغَنَ دَشِ أَمَدَدِنْ أَدُواْنِيَ؞ سَرْكِے كُوَ يَتَاشِ دَغَ كَنْ كُجٜىٰرَرْ مُلْكِنْسَ دُواْمِنْ يَمَرَبْثٜىٰتَ، يَرُسُنَ أَغَبَنْتَ؞ دَ يَذَوْنَ، سَيْ يَسَا عَكَ كَٰوُاْ مَتَ وَتَ كُجٜىٰرَرْ مُلْكِ، تَا كُوَ ذَوْنَ تَهَنُّنْ دَامَنْسَ؞

²⁰ سَيْتَثٜىٰ وَسَرْكِے سُلَيْمَٰنُ ‏«‏إِنَدَ طَنْ ضُواْڧُواْ دَ ذَنْيِمَكَ؞ إِنَ ڢَاتَا بَذَاكَ هَنَنِبَ؞»‏ سَرْكِے يَثٜىٰ مَتَ ‏«‏مَامَاتَ، سَيْ كِڢَطَا إِنْجِ، أَيْ، بَذَنْ هَنَكِبَ؞»‏

²¹ سَيْ تَثٜىٰ ‏«‏تُواْ، كَسَا عَبَا طَنْعُوَنْكَ أَدُواْنِيَ أَبِشَغْ یَرْ غَرِنْ شُنٜىٰمْ تَذَمَ مَاتَرْسَ؞»‏

²² سُلَيْمَٰنُ يَأَمْسَ يَثٜىٰ ‏«‏دُوانْمٜىٰ ذَاكِ ضُواْڧَاوَ أَدُواْنِيَ أَبِشَغْ؟ بَڠُومَّ كَوَيْ كِضُواْڧَا مَسَ مُلْكٍ بَ؟ دَيَكٜىٰ مَا شِ یَیَنَ نٜىٰ، كُمَ أَبِيَتَرْ ڢِرِسْتِ دَ يُواْوَبْ طَنْ ظٜىٰرُوِيَ سُنَ غُواْيُوانْ بَايَنْسَ؞»‏

²³ سَعَنً سُلَيْمَٰنُ يَرَنْڟٜىٰ دَ سُونَنْ يَهْوٜىٰهْ يَثٜىٰ ‏«‏بَرِ اللَّهْ يَطَوْكِ رَيْنَ، عِدَنْ وَنَّنْ ضُواْڧُوانْ أَدُواْنِيَ بَيْ جَٰوُاْ مَسَ مُتُوَبَ؞

²⁴ يَهْوٜىٰهْ يَا تَبَّتَرْ دَنِے يَاكُمَ سَا نِے عَكَنْ كُجٜىٰرَرْ مُلْكٍ بَابَنَ دَاوُدَ، يَكُمَ كَڢَ ظُرِيَاتَ تَذَمَ غِدَنْ مُلْكِ؞ نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، سَيْ أَدُواْنِيَ يَمُتُ يَوْ!‏»‏

²⁵ سَيْ سَرْكِے سُلَيْمَٰنُ يَعُمَرْثِ بٜىٰنَيَ طَنْ يٜىٰهُواْيِدَ يَكَشٜىٰ أَدُواْنِيَ؞ تَهَكَ أَدُواْنِيَ يَمُتُ؞

أَنْ كَشٜىٰ يُواْوَبْ أَنْ كُواْرِ أَبِيَتَرْ

²⁶ عَمَّا سَرْكِے يَثٜىٰ وَ أَبِيَتَرْ ڢِرِسْتِ ‏«‏كَكُواْمَ غِدَنْكَ عَثَنْ غَرِنْ أَنَتُواتْ؞ كَا ثَنْثَنْثِ مُتُوَ، عَمَّا بَذَنْ كَشٜىٰكَ يَنْذُ بَ، سَبُواْدَ كَكَنْ طَوْكِ عَݣُوتِنْ يَرْجٜىٰجٜىٰنِيَ نَ عُبَنْ‌غِجِ يَهْوٜىٰهْ أَغَبَنْ بَابَنَ دَاوُدَ، كُمَ دُكَنْ وَهَلُواْلِنْ دَ سُكَ ڢُسْكَنْثِ بَابَنَ، كَجِمْرٜىٰ تَرٜىٰدَشِ؞»‏

²⁷ سَبُواْدَ حَكَ سُلَيْمَٰنُ يَكُواْرِ أَبِيَتَرْ دَغَ ذَمَنْ ڢِرِسْتِ نَ يَهْوٜىٰهْ؞ وَنَّنْ كُوَ يَثِكَ مَغَنَرْ دَ يَهْوٜىٰهْ يَيِ أَ شِلُواْ غَمٜىٰدَ غِدَنْ عٜىٰلِ؞

²⁸ لُواْكَثِنْ دَ يُواْوَبْ يَجِ لَابَرِنَّنْ، سَيْ يَغُدُ ذُوَا تٜىٰنْتِنْ يَهْوٜىٰهْ يَكَامَ ڧَهُواْنِنْ بَغَدٜىٰنْ يَرِڧٜىٰ؞ غَمَا يُواْوَبْ يَا يِغُواْيُوانْ بَايَنْ أَدُواْنِيَ عَمَّا أَدَا ثَنْ بَيْيِ غُواْيُوانْ بَايَنْ أَبْسَلُوامْ بَ؞

²⁹ عَكَ ڢَطَا وَ سَرْكِے سُلَيْمَٰنُ ثٜىٰوَ يُواْوَبْ يَغُدُ ذُوَا ثِكِنْ تٜىٰنْتِنْ يَهْوٜىٰهْ كُمَ يأَنَانً وَجٜىٰنْ بَغَدٜىٰنْ؞ سَيْ سُلَيْمَٰنُ يَعَيْكِ بٜىٰنَيَ ثٜىٰوَ يَتَڢِے يَكَشٜىٰ يُواْوَبْ؞

³⁰ بٜىٰنَيَ يَتَڢِے وُرِنْ تٜىٰنْتِنْ يَهْوٜىٰهْ يَثٜىٰ ‏«‏سَرْكِے يَثٜىٰ كَڢِتُواْ؞»‏ يُواْوَبْ يَأَمْسَ يَثٜىٰ ‏«‏أَعَ، نَنْ ذَنْ مُتُ؞»‏ سَيْ بٜىٰنَيَ يَكُواْمَ وُرِنْ سَرْكِے يَڢَطَا مَسَ أَبِنْدَ يُواْوَبْ يَثٜىٰ؞

³¹ سَرْكِے سُلَيْمَٰنُ يَثٜىٰ ‏«‏كَيِ أَبِنْدَ يُواْوَبْ يَثٜىٰ؞ كَكَشٜىٰشِ كَبِنّٜىٰ، دُواْمِنْ كَرَبَنِ دَ كُمَ ذُرِيَرْ بَابَنَ دَغَ أَلْحَكِنْ جِنِنْ مَرَسَ لَيْڢِنْدَ يُواْوَبْ يَكَشٜىٰ؞

³² تَهَكَ يَهْوٜىٰهْ ذَيْ رَامَ عَكَنْسَ أَلْحَكِنْ جِنِنْ وَطَنْدَ يَكَشٜىٰ بَاتَرٜىٰدَ سَنِنْ بَابَنَ دَاوُدَ بَ؞ يَكَشٜىٰ مُتَنٜىٰ بِيُ دَ تَكُواْبِے، وَتُواْ أَبْنٜىٰرْ طَنْ نٜىٰرْ، شُوغَبَنْ سُواْجُواْجِنْ إِسْرَٰٓءِيلَ دَ أَمَسَ طَنْ يٜىٰتٜىٰرْ، شُوغَبَنْ سُواْجُواْجِنْ يَهُودَ، وَطَنْدَ سُكَ ڢِيشِ أَدَلْثِے دَ أَلْحٜىٰرِ؞

³³ بَرِ أَلْحَكِنْ جِنِنْسُ يَكُواْمَ عَكَنْ يُواْوَبْ دَ كُمَ ذُرِيَرْسَ حَرْ أَبَدَا؞ عَمَّا غَ دَاوُدَ دَ ذُرِيَرْسَ دَ غِدَنْسَ دَ كُمَ مُلْكِنْسَ، بَرِ سَلَمَرْ يَهْوٜىٰهْ تَكَسَنْثٜىٰ حَرْ أَبَدَا؞»‏

³⁴ سَيْ بٜىٰنَيَ طَنْ يٜىٰهُواْيِدَ يَهَوْ يَسَارٜىٰشِ يَكَشٜىٰ؞ عَكَ بِنّٜىٰشِ أَغِدَنْسَ أَدَاجِ؞

³⁵ سَرْكِے يَمَيْدَ بٜىٰنَيَ طَنْ يٜىٰهُواْيِدَ شُوغَبَنْ سُواْجُواْجِ أَمَيْمَكُوانْ يُواْوَبْ، سَيْ يَمَيْدَ ظَدُواكْ ڢِرِسْتِ أَمَيْمَكُوانْ أَبِيَتَرْ؞

مُتُوَرْ شِمٜىٰيِ

³⁶ سَرْكِے يَعَيْكَ عَكَ كِرَا شِمٜىٰيِ يَثٜىٰ مَسَ ‏«‏كَغِنَ وَكَنْكَ غِدَا أَنَنْ عُرُوشَلِيمَ، كَذَوْنَ عَثِكِ؞ كَدَ كَڢِتَ دَغَ بِرْنِنْ ذُوَا وَنِ وُرِے؞

³⁷ رَانَرْدَ كَڢِتَ كَڧٜىٰتَرٜىٰ رَاڢِنْ كِدْرُوانْ، كَسَنِ لَلَّيْ ذَاكَ مُتُ، كُمَ أَلْحَكِنْ جِنِنْكَ ذَيْ كَسَنْثٜىٰ عَكَنْكَ؞»‏

³⁸ شِمٜىٰيِ يَأَمْسَ ‏«‏رَنْكَيَدَطٜىٰ، مَغَنَرْدَ كَيِ دَيْدَيْنٜىٰ، بَاوَنْكَ ذَيْ يِهَكَ؞»‏ سَيْ شِمٜىٰيِ يَذَوْنَ أَ عُرُوشَلِيمَ ݣُونَكِے دَيَوَ؞

³⁹ عَمَّا بَايَنْ شٜىٰكَرَا عُكُ، سَيْ بِيُ دَغَ ثِكِنْ بَايِنْ شِمٜىٰيِ سُكَ غُدُ ذُوَا وُرِنْ عَكِشْ طَنْ مَعَكَ سَرْكِنْ غَتْ؞ عَكَ ڢَطَا وَ شِمٜىٰيِ ثٜىٰوَ بَايِنْسَ سُنَ أَ غَتْ؞

⁴⁰ سَيْ يَتَاشِ يَطَوْرَا وَ جَاكِنْسَ أَبِنْ ذَمَ، يَتَڢِے غَتْ وُرِنْ عَكِشْ دُواْمِنْ نٜىٰمَنْ بَايِنْسَ؞ شِمٜىٰيِ يَكُوَ دَاوُاْ دَسُو غِدَا دَغَ غَتْ؞

⁴¹ سَعَدَّ عَكَڢَطَا وَ سُلَيْمَٰنُ ثٜىٰوَ شِمٜىٰيِ يَڢِتَ دَغَ عُرُوشَلِيمَ ذُوَا غَتْ حَرْ يَدَاوُاْ،

⁴² يَعَيْكَ عَكَ كِرَشِ؞ سَيْ يَثٜىٰ مَسَ ‏«‏بَ نَا سَا كَرَنْڟٜىٰ دَ سُونَنْ يَهْوٜىٰهْ، نَا كُمَ غَرْغَطٜىٰكَ ثٜىٰوَ دُكْ ضَنْدَا كَبَرْ عُرُوشَلِيمَ كَتَڢِے وَنِ وُرِے ذَاكَ مُتُبَ؟ بَ حَرْ كَثٜىٰ مِنِ مَغَنَرْدَ نَيِ دَيْدَيْنٜىٰ، كُمَ ذَاكَيِ بِيَيَّ دَشِيبَ؟

⁴³ تُواْ، دُوانْمٜىٰ كَڧِ كَكِيَايٜىٰ ضَنْڟُوَارْ دَكَيِ وَ يَهْوٜىٰهْ دَ كُمَ دُواْكَرْدَ نَبَاكَ؟

⁴⁴ كَكُمَ سَنِ أَ ذُوثِيَارْكَ دُكَنْ مُغُنْتَارْدَ كَيِ وَبَابَنَ دَاوُدَ؞ يَنْذُ يَهْوٜىٰهْ ذَيْ دَاوُاْ دَ مُغُنْتَارْكَ عَكَنْكَ؞

⁴⁵ عَمَّا نِے سَرْكِے سُلَيْمَٰنُ ذَنْسَامِ أَلْبَرْكَ، كُمَ كُجٜىٰرَرْ مُلْكٍ دَاوُدَ ذَيْ كَڢُ أَغَبَنْ يَهْوٜىٰهْ حَرْ أَبَدَا؞»‏

⁴⁶ سَعَنً سَرْكِے سُلَيْمَٰنُ يَعُمَرْثِ بٜىٰنَيَ طَنْ يٜىٰهُواْيِدَ يَتَڢِے يَكَشٜىٰ شِمٜىٰيِ؞ سَيْيَتَڢِے يَكَشٜىٰشِ؞ أَوَنَّنْ لُواْكَثِ كُوَ مُلْكٍ يَكَڢُ دَݣَوْ أَ حَنُّنْ سُلَيْمَٰنُ؞