1 سَرَاكُنَ 19 - أَتَّوْرَتْ دَ أَنَّبَاوَا

يَهْوٜىٰهْ يَسَاكٜىٰ ثِيَرْ دَ إِلْيَاسُ

¹ سَرْكِے أَهَبْ يَڢَطَا وَمَاتَرْسَ يٜىٰظٜىٰبٜىٰلْ دُكْ أَبِنْدَ إِلْيَاسُ يَيِ، يَدَّ يَكَكَّشٜىٰ أَنَّبَاوَنْ بَعَلْ دَ تَكُواْبِے؞

² سَيْ يٜىٰظٜىٰبٜىٰلْ تَعَيْكَ دَ طَنْ عَيْكَ ذُوَا وُرِنْ إِلْيَاسُ تَنَ ثٜىٰوَ ‏«‏بَرِ أَلُّواْلِ سُحُكُنْتَنِ حَرْ مَا ڢِيٜىٰدَ حَكَ، عِدَنْ وَرْهَكَ غُواْبٜىٰ بَنْ كَشٜىٰكَ كَمَرْ يَدَّ كَكَكَّشٜىٰ أَنَّبَاوَنْ بَعَلْ بَ؞»‏

³ إِلْيَاسُ يَجِڟُواْرُواْ، يَتَاشِ يَغُدُ دُواْمِنْ يَثٜىٰثِ رَنْسَ؞ دَ يَ إِسَ غَرِنْ بٜىٰيٜىٰرْشٜىٰبَ عَيَنْكِنْ يَهُودَ، سَيْ يَبَرْ مَيْيِ مَسَ حِدِمَ أَوُرِنْ؞

⁴ عَمَّا إِلْيَاسُ يَوُثٜىٰ؞ دَ يَيِ تَڢِيَ تَرَانَ غُدَا ثِكِنْ دَاجِ، يَكَيْ وُرِنْ وَنِ إِتَاثٜىٰ يَذَوْنَ أَغِنْدِنْسَ؞ سَيْ إِلْيَاسُ يَيِ أَدُّعَ يَثٜىٰ ‏«‏يَا يَهْوٜىٰهْ، كُواْمٜىٰ يَ إِشٜىٰنِ؞ بَرِ كَطَوْكِ رَيْنَ، غَمَا بَنْڢِے كَاكَنِّنَ وَطَنْدَ سُكَ مُتُبَ؞»‏

⁵ سَعَنً يَݣُونْتَ أَغِنْدِنْ إِتَاثٜىٰنْ يَيِ بَرْثِ؞ سَيْ وَنِ مَلاَىِٕكَ يَتَٻَ شِ يَثٜىٰ ‏«‏تَاشِ كَثِ عَبِنْثِ؞»‏

⁶ دَ يَدُوبَ، سَيْ يَغَ وَيْنَرْ دَ عَكَيِ عَكَنْ دُووَڟُنْ وُتَادَ كُمَ تُلُنْ ضُوَ كُسَدَ كَنْسَ؞ سَيْ يَثِ يَشَا يَسَاكٜىٰ ݣُونْتَاوَ؞

⁷ مَلاَىِٕكَنْ يَهْوٜىٰهْ يَا سَاكٜىٰ ذُوَا يَتَٻَشِ يَثٜىٰ مَسَ ‏«‏تَاشِ كَثِ، إِنْ بَهَكَبَ، تَڢِيَرْ ذَاتَڢِ ڧَرْڢِنْكَ؞»‏

⁸ سَعَنً يَتَاشِ يَثِ عَبِنْثِنْ يَشَا ضُوً، عَبِنْثِنْ كُوَ يَبَاشِ ڧَرْڢِنْ يِنْ تَڢِيَ يِنِ أَرْبَعِنْ دَ دَرٜىٰ أَرْبَعِنْ ذُوَا بَبَّنْ تُدُنْ سِنَيْ، وَتُواْ بَبَّنْ تُدُنْ اللَّهْ؞

يَهْوٜىٰهْ يَبَيَّنَ غَ إِلْيَاسُ

⁹ أَ نَنْ يَشِغَ كُواْغُوانْ دُوڟٜىٰ دُواْمِنْ يَݣُونْتَ سَبُواْدَ دَرٜىٰ يَيِ؞ سَيْ يَهْوٜىٰهْ يَيِ مَغَنَ دَ إِلْيَاسُ ثٜىٰوَ ‏«‏إِلْيَاسُ مٜىٰ كَكٜىٰيِ أَنَنْ؟»‏

¹⁰ إِلْيَاسُ يَثٜىٰ ‏«‏دَڨُوذُواْ سُواْسَيْ نَبَوْتَا مَكَ، يَهْوٜىٰهْ اللَّهْ مَيْ ضُنْدُنَا؞ عَمَّا مُتَنٜىٰنْ إِسْرَٰٓءِيلَ سُنْ كَرْيَ يَرْجٜىٰجٜىٰنِيَرْكَ، سُكَ رُشٜىٰ بَغَدٜىٰنْكَ، سُكَ كَكَّشٜىٰ أَنَّبَاوَنْكَ دَ تَكُواْبِے؞ نِنٜىٰ كَطَيْ نَضَغٜىٰ؞ يَنْذُ سُنَ نٜىٰمَ سُكَشٜىٰنِ؞»‏

¹¹ يَهْوٜىٰهْ يَثٜىٰ مَسَ ‏«‏ڢِتَ كَڟَيَ عَكَنْ بَبَّنْ تُدُ أَغَبَنَ؞»‏ سَيْ يَهْوٜىٰهْ يَوُثٜىٰ تَوُرِنْ تَرٜىٰدَ إِسْكَ مَيْ ڧَرْڢِے، وَنْدَ يَڟَٰغٜىٰ تُدُنْ يَكُمَ ڢَرْڢَسَ مَنْيَنْ دُوَڟُو ذُوَا ڧأَنَانً دُوَڟُو؞ عَمَّا يَهْوٜىٰهْ بَايَ ثِكِنْ إِسْكَرْ؞ بَايَنْ إِسْكَرْ عَكَيِ ضَوَرْ ڧَسَا، عَمَّا يَهْوٜىٰهْ بَايَ ثِكِنْ ضَوَرْ ڧَسَرْ؞

¹² بَايَنْ ضَوَرْ ڧَسَرْ، وُتَا تَسَوْكَ، عَمَّا يَهْوٜىٰهْ بَايَ ثِكِنْ وُتَرْ؞ بَايَنْ وُتَرْ، سَيْغَا ڧَرَمَرْ مُرْيَ تَڢِتُواْ أَ حَنْكَلِ؞

¹³ دَ إِلْيَاسُ يَجِ مُرْيَرْ، سَيْ يَرُڢٜىٰ ڢُسْكَرْسَ دَ رِغَرْسَ يَڢِتَ يَڟَيَ عَبَاكِنْ شِغَرْ كُواْغُوانْ دُوڟٜىٰنْ؞ وَتَ مُرْيَ تَثٜىٰمَسَ ‏«‏إِلْيَاسُ مٜىٰنٜىٰنٜىٰ كَكٜىٰيِ أَنَنْ؟»‏

¹⁴ سَيْ يَأَمْسَ يَثٜىٰ ‏«‏دَڨُوذُواْ سُواْسَيْ نَبَوْتَا مَكَ، يَهْوٜىٰهْ اللَّهْ مَيْ ضُنْدُنَا؞ عَمَّا مُتَنٜىٰنْ إِسْرَٰٓءِيلَ سُنْ كَرْيَ يَرْجٜىٰجٜىٰنِيَرْكَ، سُكَ رُشٜىٰ بَغَدٜىٰنْكَ، سُكَ كُمَ كَكَّشٜىٰ أَنَّبَاوَنْكَ دَ تَكُواْبِے؞ نِنٜىٰ كَطَيْ نَضَغٜىٰ؞ يَنْذُ سُنَ نٜىٰمَ سُكَشٜىٰنِ؞»‏

¹⁵ يَهْوٜىٰهْ يَثٜىٰ مَسَ ‏«‏كَكُواْمَ ذُوَا دَاجِنْ دَيَكٜىٰ كُسَدَ دِمَشْڧُ؞ سَعَدَّ كَشِغَ بِرْنِنْ، كَظُبَوَ هَظَيٜىٰلْ مَيْ نَكٜىٰٻٜىٰشِ سَرْكِنْ سُورِيَ؞

¹⁶ كَكُمَ ظُبَاوَ يٜىٰهُو طَنْ نِمْشِ مَيْ نَكٜىٰٻٜىٰشِ سَرْكِنْ إِسْرَٰٓءِيلَ؞ سَعَنً كَظُبَوَ أَلْيَسَعَ طَنْ شَڢَتْ دَغَ غَرِنْ أَبٜىٰلْ مٜىٰهُواْلَ مَيْ نَكٜىٰٻٜىٰشِ أَنَّبِے بَايَنْكَ؞

¹⁷ دُكْ وَنْدَ يَڟٜىٰرٜىٰ دَغَ مُتُوَ أَ حَنُّنْ هَظَيٜىٰلْ، يٜىٰهُو ذَيْ كَشٜىٰشِ، كُمَ دُكْ وَنْدَ يَڟٜىٰرٜىٰ دَغَ مُتُوَ أَ حَنُّنْ يٜىٰهُو، أَلْيَسَعَ ذَيْ كَشٜىٰشِ؞

¹⁸ دُكْدَهَكَ ذَنْبَرْ مُتَنٜىٰ دُبُو بَݣَويْ عَ إِسْرَٰٓءِيلَ دَ رَيْ، دُكَنْ وَطَنْدَ بَسُ دُرْڧُسَ دَ ڠُوِوُاْيِنْسُ سُكَيِ وَ بَعَلْ سُجَّدَبَ، بَسُ كُمَسَا بَاكِنْسُ سُكَيِ وَغُنْكِنْ سُمْبَبَ؞»‏

كِرَنْ أَلْيَسَعَ

¹⁹ سَيْ إِلْيَاسُ يَتَاشِ دَغَ وُرِنْ يَتَرَرْ دَ أَلْيَسَعَ طَنْ شَڢَتْ يَنَ نُواْمَ دَ شَانُنْ نُواْمَ؞ شَانُنْ نُواْمَنْ سُنَانَنْ بِيُ بِيُ حَرْ غُواْمَشَا بِيُ أَغَبَنْسَ؞ أَلْيَسَعَ يَنَ كُوَ تَرٜىٰدَ نَغُواْمَشَا بِيُ طِنْ؞ دَ إِلْيَاسُ يَنَ وُثٜىٰوَ سَيْ يَثِرٜىٰ بَبَّرْ رِغَرْسَ يَجٜىٰڢَ عَكَنْ أَلْيَسَعَ؞

²⁰ أَلْيَسَعَ يَبَرْ شَانُنْ نُواْمَنْسَ يَبِے إِلْيَاسُ عَبَايَ دَ غُدُ يَثٜىٰ ‏«‏بَرِ إِنْ كُواْمَ إِنْيِ وَبَابَنَ دَ مَامَاتَ سُمْبَرْ بَنْ ݣُونَ، سَعَنً إِنْ كُواْمَ إِنْ عَيْكَ؞»‏ إِلْيَاسُ يَأَمْسَ يَثٜىٰ ‏«‏كَتَڢِے، أَيْ مٜىٰنَيِمَكَ؟»‏

²¹ أَلْيَسَعَ يَكُواْمَ يَطَوْكِ شَانُنْ دَيَكٜىٰ نُواْمَ دَسُو يَيَنْكَ، يَيِ أَمْڢَانِ دَ غُنْ‌غُمٜىٰنْ وُيَنْ شَانُنْ نُواْمَ يَدَڢَ نَامَنْ، يَبَا مُتَنٜىٰ، سُكَثِ؞ سَيْ يَكُواْمَ يَبِے إِلْيَاسُ يَنَيِ مَسَ حِدِمَ؞