1 سَرَاكُنَ 18 - أَتَّوْرَتْ دَ أَنَّبَاوَا

إِلْيَاسُ دَ أَنَّبَاوَنْ بَعَلْ

¹ بَايَنْ ݣُونَكِے مَاسُيَوَ، يَهْوٜىٰهْ يَيِ مَغَنَ دَ إِلْيَاسُ أَ شٜىٰكَرَا تَ عُكُ تَرَشِنْ ضُوً سَمَ ثٜىٰوَ ‏«‏تَڢِے كَنُونَ كَنْكَ غَ أَهَبْ، نِے كُوَ ذَنْ عَيْكَ دَ ضُوً سَمَ عَڧَسَرْ؞»‏

² سَيْ إِلْيَاسُ يَتَڢِے وُرِنْ أَهَبْ دُواْمِنْ يَنُونَ كَنْسَ؞ أَوَنَّنْ لُواْكَثِ كُوَ يُنْوَ تَايِ ڟَنَنِ أَ سَمَرِيَ؞

³ سَيْ أَهَبْ يَكِرَا عُواْبَدِيَ وَنْدَ يَكٜىٰ شُوغَبَنْ غِدَنْ سَرْكِے؞ عُواْبَدِيَ كُوَ مَيْ ڟُواْرُوانْ يَهْوٜىٰهْ نٜىٰ سُواْسَيْ؞

⁴ أَ لُواْكَثِنْ دَ يٜىٰظٜىٰبٜىٰلْ تَكٜىٰ كَشٜىٰ أَنَّبَاوَنْ يَهْوٜىٰهْ كُوَ، سَيْ عُواْبَدِيَ يَٻُواْيٜىٰ أَنَّبَاوَا طَرِے عَكُواْغُواْ بِيُ، حَمْسِنْ عَكُواْوَنٜىٰ كُواْغُواْ؞ يَنَ كُمَبَاسُ عَبِنْثِ دَ ضُوً شَا؞

⁵ أَهَبْ يَثٜىٰ وَ عُواْبَدِيَ ‏«‏تَڢِے كُواْعِنَ ثِكِنْ ڧَسَرْ، كَبِے تَدُكَنْ مَٻُٻُّغَرْ ضُوَ دَ رَاڢُڢُّكَ؞ وَتَڧِيلَ ذَامُ سَامِ ثِيَوَ دُواْمِنْ مُثٜىٰثِ دَوَكِ دَ جَاكُنَنْ دُواْكِ دَغَ مُتُوَ، كَدَ مُرَسَ دَبُّواْبِنْمُ؞»‏

⁶ سُكَ رَبَ كَنْسُ كُواْوَ دَ سَاشٜىٰنْ ڧَسَرْدَ ذَيْبِے؞ أَهَبْ دَ كَنْسَ يَبِے سَاشٜىٰ غُدَا، سَيْ عُواْبَدِيَ يَبِے سَاشٜىٰ طَيَ؞

⁷ دَ عُواْبَدِيَ يَنَ عَكَنْ تَڢِيَ سَيْ إِلْيَاسُ يَسَامٜىٰشِ؞ دَ عُواْبَدِيَ يَغَانٜىٰ إِلْيَاسُ نٜىٰ، سَيْ يَرُسُنَ دَ ڢُسْكَرْسَ يَثٜىٰ ‏«‏يَا شُوغَبَنَ إِلْيَاسُ، كَيْنٜىٰ؟»‏

⁸ إِلْيَاسُ يَثٜىٰ ‏«‏نِنٜىٰ؞ تَڢِے كَڢَطَا وَشُوغَبَنْكَ ثٜىٰوَ نِے إِلْيَاسُ إِنَ أَنَنْ؞»‏

⁹ عُواْبَدِيَ يَثٜىٰ مَسَ ‏«‏لَيْڢِنْ مٜىٰنَيِدَ كَكٜىٰسُواْ كَسَانِ أَ حَڟَرِنْ مُتُوَ أَ حَنُّنْ سَرْكِے حَكَ؟

¹⁰ نَا ضَنْڟٜىٰ دَ يَهْوٜىٰهْ اللَّهْ نْكَ مَيْ رَيْ، بَابُ أَلْعُمَّ كُواْ ڧَسَرْدَ سَرْكِے بَيْ عَيْكَ أَ نٜىٰمٜىٰكَبَ؞ عِدَنْ كُوَ سُكَثٜىٰ بَاكَ أَوُرِنْ، يَكَنْسَا سُيِ ضَنْڟُوَا ثٜىٰوَ لَلَّيْ بَسُ سَامٜىٰكَبَ؞

¹¹ تُواْ، شِينٜىٰ يَنْذُ كَكٜىٰسُواْ إِنْجٜىٰ إِنْڢَطَا وَشُوغَبَنَ ثٜىٰوَ كَنَ أَنَنْ؟

¹² غَاشِ دَظَرَرْ نَبَرْكَ رُوحٌ يَهْوٜىٰهْ ذَيْ طَوْكٜىٰكَ ذُوَا وَنِ وُرِنْ دَ بَنْ سَنِبَ؞ أَيْ، عِدَنْ نَا ڢَطَا وَ أَهَبْ كَنَ أَنَنْ، بَيْ كُمَذُواْ يَسَامٜىٰكَبَ، ذَيْسَا عَكَشٜىٰنِ؞ تُنَ ڢَا، نِے مَيْ ڟُواْرُوانْ يَهْوٜىٰهْ نٜىٰ تُنْ إِنَ يَرُواْ؞

¹³ يَا شُوغَبَنَ، بَعَڢَطَا مَكَ أَبِنْدَ نَيِ لُواْكَثِنْ دَ يٜىٰظٜىٰبٜىٰلْ تَكَكَّشٜىٰ أَنَّبَاوَنْ يَهْوٜىٰهْ بَ؟ يَدَّ نِے نَا ٻُواْيٜىٰ أَنَّبَاوَا طَرِے، نَسَاسُ حَمْسِنْ حَمْسِنْ عَكُواْغُواْ بِيُ، نَيِ تَبَاسُ عَبِنْثِ دَ ضُوَ؞

¹⁴ شِينٜىٰ يَنْذُ ذَاكَثٜىٰ مِنِ إِنْتَڢِے إِنْڢَطَا وَشُوغَبَنَ ثٜىٰوَ كَنَ أَنَنْ؟ أَيْ، ذَيْ كَشٜىٰنِ!‏»‏

¹⁵ إِلْيَاسُ يَثٜىٰ ‏«‏نَا ضَنْڟٜىٰ دَ يَهْوٜىٰهْ مَيْ ضُنْدُنَا كُمَ مَيْ رَيْ، وَنْدَ نَكٜىٰ بَوْتَا مَسَ، لَلَّيْ ذَنْ نُونَ كَيْنَ غَرٜىٰشِ يَوْ؞»‏

¹⁶ سَيْ عُواْبَدِيَ يَتَڢِے يَڢَطَا وَ أَهَبْ؞ أَهَبْ كُوَ يَتَڢِے يَسَامِ إِلْيَاسُ؞

¹⁷ دَ أَهَبْ يَغَ إِلْيَاسُ يَثٜىٰ مَسَ ‏«‏كَيْ نٜىٰ وَنَّنْ، كَيْ مَيْ بَا إِسْرَٰٓءِيلَ وَهَلَ؟»‏

¹⁸ إِلْيَاسُ يَأَمْسَ يَثٜىٰ ‏«‏بَ نِے نَكٜىٰ بَا إِسْرَٰٓءِيلَ وَهَلَبَ؞ عَمَّا كَيْ دَ غِدَنْ بَابَنْكَنٜىٰ، دُواْمِنْ كُنْڧِ بِيَيَّ دَ عُمَرْنَنْ يَهْوٜىٰهْ كُكَ كُمَبِے غُنْكِنَّنْ بَعَلْ؞

¹⁹ سَبُواْدَ حَكَ، كَعَيْكَ عَتَتَّارَ دُكَنْ إِسْرَٰٓءِيلَ ذُوَا بَبَّنْ تُدُنْ كَرْمٜىٰلْ، تَرٜىٰدَ أَنَّبَاوَا طَرِے حُطُ دَ حَمْسِنْ نَ بَعَلْ دَ أَنَّبَاوَا طَرِے حُطُ نَ أَشٜىٰرَ، وَطَنْدَ سُكٜىٰ ثِنْ عَبِنْثِ أَ حَنُّنْ يٜىٰظٜىٰبٜىٰلْ؞»‏

²⁰ سَيْ أَهَبْ يَتَتَّارَ دُكَنْ مُتَنٜىٰنْ إِسْرَٰٓءِيلَ دَ أَنَّبَاوَا عَبَبَّنْ تُدُنْ كَرْمٜىٰلْ؞

²¹ سَيْ إِلْيَاسُ يَمَڟُواْ كُسَدَ دُكَنْ مُتَنٜىٰنْ يَثٜىٰمُسُ ‏«‏دُوانْمٜىٰ كُكٜىٰ رَبَ حَنْكَلِنْكُ بِيُ؟ عِدَنْ يَهْوٜىٰهْ شِينٜىٰ اللَّهْ، كُبِے شِ؞ عَمَّا عِدَنْ بَعَلْ شِينٜىٰ اللَّهْ، سَيْ كُبِے شِ؞ عَمَّا مُتَنٜىٰنْ بَسُ ثٜىٰ مَسَ كُواْمٜىٰبَ؞»‏

²² سَيْ إِلْيَاسُ يَثٜىٰ ‏«‏نِنٜىٰ كَطَيْ أَنَّبِنْ يَهْوٜىٰهْ وَنْدَ يَرَغُ، عَمَّا أَݣَويْ أَنَّبَاوَنْ بَعَلْ طَرِے حُطُ دَ حَمْسِنْ؞

²³ ‏«‏عَبَامُ بِجِمَيْ بِيُ؞ بَرِ سُذَاٻَا وَكَنْسُ بِجِمِ طَيَ، سُيَيَّنْكَ شِ، سُشِمْڢِطَا عَكَنْ إِتَاثٜىٰ، عَمَّا كَدَ سُكُنَّ وُتَا عَكَنْسَ؞ نِے كُمَ ذَنْ طَوْكِ بِجِمِ طَيَ إِنْشِرْيَ شِ عَكَنْ إِتَاثٜىٰنْ، بَذَنْ كُمَسَا مَسَ وُتَا بَ؞

²⁴ ذَاكُ كِرَا غَ سُونَنْ اللَّهْ‌نْكُ، نِمَا ذَنْكِرَا غَ سُونَنْ يَهْوٜىٰهْ؞ اللَّهْ وَنْدَ يَأَمْسَ تَوُرِنْ عَيْكُواْ دَ وُتَا، لَلَّيْ شِينٜىٰ اللَّهْ؞»‏ دُكَنْ مُتَنٜىٰنْ سُكَ أَمْسَ سُكَثٜىٰ ‏«‏عِ، مَغَنَرْ تَيِݣَوْ؞»‏

²⁵ إِلْيَاسُ يَثٜىٰ وَ أَنَّبَاوَنْ بَعَلْ ‏«‏دَيَكٜىٰ كُنَنَنْ دَيَوَ سَيْ كُڢَارَ، كُذَاٻَا وَكَنْكُ بِجِمِ كُشِرْيَ؞ كُيِ أَدُّعَ غَ اللَّهْ‌نْكُ، عَمَّا كَدَ كُكُنَّوَ إِتَاثٜىٰنْ وُتَا؞»‏

²⁶ سُكَ طَوْكِ بِجِمِنْ دَ عَكَ كَٰوُاْ مُسُ، سُكَ شِرْيَشِ، سُكَيِ تَأَدُّعَ غَ بَعَلْ حَرْ ڟَكَرْ رَانَ؞ سُكَيِ تَ إِيهُ سُنَ ثٜىٰوَ ‏«‏يَا بَعَلْ، أَمْسَ مَنَ!‏»‏ سُكَيِ تَرَوَ سُنَ كٜىٰوَيَ بَغَدٜىٰنْ؞ عَمَّا بَابُ مُرْيَ، كُمَ بَابُ أَمْسَ؞

²⁷ دَ ڟَكَرْ رَانَ تَيِ، سَيْ إِلْيَاسُ يَيِمُسُ غُواْرِ يَثٜىٰ ‏«‏كُيِ كِرَا دَ بَبَّرْ مُرْيَ، أَيْ، شِے اللَّهْ نٜىٰ!‏ وَتَڧِيلَ يَنَ تُنَانِ، كُواْ كُوَ يَڢِتَ يَٰوُاْ نٜىٰ، كُواْ كُوَ يَيِ تَڢِيَ؞ وَتَڧِيلَ كُمَ يَنَ بَرْثِ نٜىٰ، سَيْ عَتَاشٜىٰشِ؞»‏

²⁸ سُكَيِ تَكِرَا دَ ڧَرْڢِے، سُنَ كُمَ ڟَڟَّٰغَ جِكُنَنْسُ دَ وُڧَڧٜىٰ بِسَغَ أَلْعَادَرْسُ، جِنِ يَنَ تَظُبَ؞

²⁹ سُكَيِ تَ إِيهُ دَ سُورُوتَيْ دُكَنْ رَانَ حَرْ ذُوَا لُواْكَثِنْ هَدَايَ تَيَمَّ، عَمَّا دُكْدَهَكَ بَابُ مُرْيَ، بَابُ أَمْسَ، بَابُوَنْدَ يَكُلَ؞

³⁰ سَعَنً إِلْيَاسُ يَثٜىٰ وَدُكَنْ مُتَنٜىٰنْ ‏«‏كُذُواْ كُسَدَنِے؞»‏ سُكَ مَڟُواْ كُسَدَشِ؞ دَ ڢَرْكُواْ يَشِرْيَ بَغَدٜىٰنْ يَهْوٜىٰهْ وَنْدَ عَكَ رُشٜىٰ؞

³¹ يَݣُوسُواْ دُوَڟُو غُواْمَشَا بِيُ، بِسَغَ يَوَنْ ذُرِيَرْ یَیَنْ يَعْڧُوبَ، شِے وَنْدَ يَهْوٜىٰهْ يَيِ مَسَ مَغَنَ ثٜىٰوَ ذَاعَ كِرَشِ دَ سُونَ إِسْرَٰٓءِيلَ؞

³² دَ دُووَڟُنَّنْ يَغِنَ بَغَدٜىٰنْ هَدَايَ ثِكِنْ سُونَنْ يَهْوٜىٰهْ؞ يَكُمَ حَڧَ طَنْ لَمْبَتُ مَيْ رِڧٜىٰ ضُوَ كَمَرْ لِتَ غُواْمَشَا حُطُ كٜىٰوَيٜىٰ دَ بَغَدٜىٰنْ؞

³³ إِلْيَاسُ يَشِرْيَ إِتَاثٜىٰنْ دَيْدَيْ عَكَنْ بَغَدٜىٰ، يَيَيَّنْكَ بِجِمِنْ، سَيْ يَشِمْڢِطَا عَكَنْ إِتَاثٜىٰنْ؞ سَعَنً يَعُمَرْتَ عَثِكَ تُلُنَ حُطُ دَ ضُوَ أَ ظُبَ عَكَنْ نَامَنْ بِجِمِنْ هَدَايَرْدَ كُمَ عَكَنْ إِتَاثٜىٰنْ؞ عَكَ كُوَ ظُبَ؞

³⁴ يَثٜىٰ ‏«‏أَ سَاكٜىٰ ظُبَاوَ سَوْ بِيُ؞»‏ عَكَ سَاكٜىٰ ظُبَاوَ؞ يَثٜىٰ ‏«‏عَڧَارَ ظُبَ نَعُكُ؞»‏ عَكَ ظُبَ نَعُكُنْ؞

³⁵ ضُوً يَجِڧَ بَغَدٜىٰنْ، يَوُثٜىٰ يَثِكَ طَنْ لَمْبَتُنْ دَ عَكَ حَڧَ كٜىٰوَيٜىٰ دَ بَغَدٜىٰنْ؞

³⁶ دَ لُواْكَثِنْ يِنْ هَدَايَ تَيَمَّ يَيِ، سَيْ أَنَّبِے إِلْيَاسُ يَمَڟُواْ كُسَ يَثٜىٰ ‏«‏يَا يَهْوٜىٰهْ اللَّهْ نَ إِبْرَٰهِيمْ دَ نَ إِسْحَٰڧَ دَ نَ يَعْڧُوبَ، كَسَا أَ سَنِ يَوْ ثٜىٰوَ كَيْنٜىٰ اللَّهْ نَ إِسْرَٰٓءِيلَ، نِنٜىٰ كُمَ بَاوَنْكَ، نَاكُوَيِ وَنَّنْ دُكَ بِسَغَ مَغَنَرْكَ نٜىٰ؞

³⁷ يَا يَهْوٜىٰهْ، بَرِ كَأَمْسَ مِنِ؞ كَأَمْسَ مِنِ دُوانْ مُتَنٜىٰنَّنْ سُسَنِ ثٜىٰوَ يَا يَهْوٜىٰهْ، كَيْنٜىٰ اللَّهْ؞ بَرِ كَكُمَ جُويُواْ دَ ذُوثِيَارْسُ ذُوَا غَرٜىٰكَ؞»‏

³⁸ سَيْ وُتَرْ يَهْوٜىٰهْ تَسَوْكُواْ، تَثِنْيٜىٰ هَدَايَ تَڧُواْنَاوَرْ دَ إِتَاثٜىٰنْ دَ دُووَڟُنْ دَ ڧُورَرْ ڧَسَرْ ڧُرْمُسْ، تَكُمَ لَشٜىٰ ضُوً دَيَكٜىٰ أَطَنْ لَمْبَتُنْ؞

³⁹ سَعَدَّ مُتَنٜىٰ سُكَ غَنِ، سَيْ سُكَ رُسُنَ حَرْ ڧَسَا سُكَتَادَ مُرْيُواْيِ سُنَ ثٜىٰوَ ‏«‏لَلَّيْ يَهْوٜىٰهْ شِينٜىٰ اللَّهْ، يَهْوٜىٰهْ شِينٜىٰ اللَّهْ!‏»‏

⁴⁰ إِلْيَاسُ يَبَادَ عُمَرْنِ يَثٜىٰ ‏«‏كُكَامَ أَنَّبَاوَنْ بَعَلْ، كَدَ كُبَرْ طَيَ يَغُدُ!‏»‏ سَيْ مُتَنٜىٰنْ سُكَ كَكَّامَسُ، إِلْيَاسُ كُوَ يَجَغُواْرَنْثٜىٰسُ ذُوَا رَاڢِنْ كِشُوانْ، عَكَ كَكَّشٜىٰسُ أَوُرِنْ؞

إِلْيَاسُ يَيِ أَدُّعَ دُواْمِنْ ضُوً سَمَ

⁴¹ سَعَنً إِلْيَاسُ يَثٜىٰ وَ أَهَبْ ‏«‏كَهَوْرَ غِدَا كَثِ كَشَا، غَمَا إِنَ جِنْ مُواْڟِنْ ضُوً سَمَ مَيْ يَوَ؞»‏

⁴² دَ أَهَبْ يَهَوْرَ غِدَا دُواْمِنْ يَثِ يَشَا، سَيْ إِلْيَاسُ يَهَوْرَ ذُوَا كَنْ بَبَّنْ تُدُنْ كَرْمٜىٰلْ، يَرُسُنَ ڧَسَا، يَسَا كَنْسَ ڟَكَانِنْ ڠُوِوُاْيِنْسَ بِيُ؞

⁴³ يَثٜىٰ وَمَيْيِ مَسَ حِدِمَ ‏«‏كَهَوْرَ كَدُوبَ تَوُرِنْ تٜىٰكُ؞»‏ سَيْ يَهَوْرَ يَدُوبَ، يَكُواْمَ يَثٜىٰ ‏«‏بَنْ‌غَا كُواْمٜىٰبَ؞»‏ سَوْ بَݣَويْ إِلْيَاسُ يَنَاثٜىٰ مَسَ يَجٜىٰ يَدُوبَ؞

⁴⁴ أَ سَوْ نَبَݣَويْ طِنْ، سَيْ مَيْيِ وَ إِلْيَاسُ حِدِمَ يَثٜىٰ ‏«‏نَاغَ طَنْ غِرْغِجٜىٰ ڧَرَمِ كَمَرْ تَڢِنْ حَنُّنْ مُتُمْ يَنَ تَاسُواْوَ سَمَ دَغَ تٜىٰكُ؞»‏ إِلْيَاسُ يَثٜىٰ وَمَيْ حِدِمَرْسَ ‏«‏تَڢِے وُرِنْ أَهَبْ، كَڢَطَا مَسَ يَهَوْ كٜىٰكٜىٰنْ دُواْكِنْسَ يَكُواْمَ غِدَا كَاڢِنْ ضُوً سَمَ يَهَنَشِ؞»‏

⁴⁵ أَ طَنْ لُواْكَثِ سَيْ سَرَرِنْ سَمَ يَجُويَ بَڧِ دَ غِذَغِظَيْ دَ إِسْكَ، عَكَيِ ضُوَ مَيْ يَوَ؞ أَهَبْ يَهَوْ كٜىٰكٜىٰنْ دُواْكِنْسَ يَغُدُ ذُوَا يٜىٰظِرٜىٰيٜىٰلْ؞

⁴⁶ سَيْ حَنُّنْ يَهْوٜىٰهْ يَبَا إِلْيَاسُ وَنِ سَابُوانْ ڧَرْڢِے؞ سَعَنً إِلْيَاسُ يَكَامَ رِغَرْسَ يَطَوْرَا، يَيِ غُدُ حَرْ يَرِغَا أَهَبْ ذُوَا يٜىٰظِرٜىٰيٜىٰلْ؞