1 سَرَاكُنَ 17 - أَتَّوْرَتْ دَ أَنَّبَاوَاأَنَّبْثِنْ إِلْيَاسُ غَمٜىٰدَ رَشِنْ ضُوَ 1 أَنَانً سَيْ وَنِ أَنَّبِے مَيْ سُونَ إِلْيَاسُ دَغَ تِشْبٜىٰ عَيَنْكِنْ غِلٜىٰيَدْ، يَثٜىٰ وَ سَرْكِے أَهَبْ «نَا ضَنْڟٜىٰ دَ يَهْوٜىٰهْ اللَّهْ مَيْ رَيْ نَ إِسْرَٰٓءِيلَ، وَنْدَ نَكٜىٰ بَوْتَا مَسَ، بَذَاعَيِ رَٻَبَ، بَلّٜىٰ ضُوً سَمَ، عَثِكِنْ یَنْ شٜىٰكَرُ مَاسُ ذُوَا، سَيْ كُواْ نَيِ مَغَنَ؞» يَهْوٜىٰهْ يَكِيَايٜىٰ أَنَّبِے إِلْيَاسُ 2 سَيْ يَهْوٜىٰهْ يَيِ مَغَنَ دَ إِلْيَاسُ ثٜىٰوَ 3 «تَاشِ، كَبَرْ وُرِنَّنْ كَكَامَ حَنْيَرْ غَبَسْ، كَجٜىٰ كَٻُواْيٜىٰ كَنْكَ وَجٜىٰنْ رَاڢِنْ كٜىٰرِتْ، وَنْدَ يَكٜىٰ غَبَسْ دَ كُواْغِنْ يُواْدَنْ؞ 4 رَاڢِنْ ذَيْبَاكَ ضُوً شَا، ذَنْ كُمَ عُمَرْثِ هَنْكَكِ سُدِنْغَ كَٰوُاْ مَكَ عَبِنْثِ أَوُرِنْ؞» 5 إِلْيَاسُ كُوَ يَتَڢِے بِسَغَ مَغَنَرْ يَهْوٜىٰهْ، يَتَڢِے يَذَوْنَ أَوَجٜىٰنْ رَاڢِنْ كٜىٰرِتْ وَنْدَ يَكٜىٰ غَبَسْ دَ كُواْغِنْ يُواْدَنْ؞ 6 هَنْكَكِ سُكَيِ تَكَٰوُاْ مَسَ غُرَاسَ دَ نَامَ كُواْوَثٜىٰ سَاڢِيَ دَ كُواْوَثٜىٰ يَمَّ؞ يَكُمَ شَا ضُوَ دَغَ رَاڢِنْ؞ 7 بَايَنْ أَنْجِمَ سَيْ رَاڢِنْ يَبُوشٜىٰ سَبُواْدَ رَشِنْ ضُوً سَمَ عَڧَسَرْ؞ يَهْوٜىٰهْ يَسَ مَثٜىٰ تَا ثِيَرْ دَ إِلْيَاسُ 8 سَيْ يَهْوٜىٰهْ يَيِ مَغَنَ دَ إِلْيَاسُ ثٜىٰوَ 9 «تَاشِ، كَتَڢِے بِرْنِنْ ظَرٜىٰڢَتْ عَيَنْكِنْ سِدُوانْ، كَذَوْنَ أَوُرِنْ؞ نَا عُمَرْثِ وَتَ مَثٜىٰ أَوُرِنْ وَدَّ مِجِنْتَ يَمُتُ تَدِنْغَ بَاكَ عَبِنْثِ؞» 10 دُواْمِنْ حَكَ يَتَاشِ يَتَڢِے ظَرٜىٰڢَتْ؞ دَ يَ إِسُواْ ڧُواْڢَرْ بِرْنِنْ، سَيْ يَتَرَرْ دَ وَتَ مَثٜىٰنْ دَ مِجِنْتَ يَمُتُ تَنَ نٜىٰمَنْ إِتَاثٜىٰنْ دَڢُوَ؞ سَيْ يَثٜىٰ مَتَ «كِكَٰوُاْ مِنِ ضُوَ عَݣُوڢْ إِنْ شَا؞» 11 دَ تَتَاشِ ذَاتَ تَڢِے دُواْمِنْ تَكَٰوُاْ مَسَ، سَيْ يَسَاكٜىٰ كِرَنْتَ يَثٜىٰ «كِكُمَ كَٰوُاْ مِنِ طَنْ غُرَاسَ إِنْثِ؞» 12 سَيْ تَأَمْسَ تَثٜىٰ «نَا ضَنْڟٜىٰ دَ يَهْوٜىٰهْ اللَّهْ نْكَ مَيْ رَيْ، بَانِ دَكُواْمٜىٰ سَيْدَيْ طَنْ غَارِنْ عَبِنْثِ عَتُكُنْيَ دَ طَنْ مَيْ عَتُلُ؞ يَنْذُ إِنَ نٜىٰمَنْ إِتَاثٜىٰنْ دَڢُوَ دَ ذَنْ كَيْ غِدَا إِنْيِ عَبِنْثِ دَشِ، نِے دَ يَرُواْنَ مُثِ مُمُتُ؞» 13 إِلْيَاسُ يَثٜىٰ مَتَ «كَدَ كِجِڟُواْرُواْ؞ تَڢِے كِشِرْيَ عَبِنْثِنْ كَمَرْ يَدَّ كِكَ ڢَطَا؞ عَمَّا دَ ڢَرْكُواْ كِيِ مِنِ طَنْ وَيْنَ دَغَ ثِكِ كِكَٰوُاْ مِنِ؞ بَايَنْ وَنَّنْ سَيْ كِشِرْيَ وَكَنْكِ دَ يَرُوانْكِ كُثِ؞ 14 غَمَا غَ أَبِنْدَ يَهْوٜىٰهْ اللَّهْ نَ إِسْرَٰٓءِيلَ يَثٜىٰ، ‹تُكُنْيَرْ بَذَاتَ رَسَ غَرِبَ، تُلُنْ كُمَ بَذَيْ بُوشٜىٰ بَ، سَيْ رَانَرْ دَنِے يَهْوٜىٰهْ نَا عَيْكُواْ دَ ضُوً سَمَ عَڧَسَرْ؞› » 15 مَثٜىٰنْ كُوَ تَجٜىٰ تَيِ دُكَنْ أَبِنْدَ إِلْيَاسُ يَڢَطَا مَتَ؞ سَيْ شِے دَ مَثٜىٰنْ دَ غِدَنْتَ دُكَ سُكَ كَسَنْثٜىٰ دَ عَبِنْثِ نَݣُونَكِے دَيَوَ؞ 16 تُكُنْيَ بَتَرَسَ غَرِبَ، تُلُنْ كُمَ بَيْ بُوشٜىٰبَ بِسَغَ مَغَنَرْ يَهْوٜىٰهْ تَبَاكِنْ إِلْيَاسُ؞ أَنْ تَادَ يَرُوانْ مَثٜىٰنْ بِرْنِنْ ظَرٜىٰڢَتْ 17 أَنَانً بَايَنْ حَكَ سَيْ يَرُوانْ مَثٜىٰنْ يَݣُونْتَ دَ ثِيوُاْ؞ رَشِنْ لَاڢِيَرْ يَيِ تَڧَارُوَ حَرْ يَرُوانْ يَمُتُ؞ 18 تَا ثٜىٰ وَ إِلْيَاسُ «مُتُمِنْ اللَّهْ، يَيَ كَايِ مِنِ حَكَ؟ كَاذُواْ نٜىٰ دُواْمِنْ كَسَا يَهْوٜىٰهْ يَتُنَ دَ ذُنُبَيْنَ، كَكُمَ جَٰوُاْ مُتُوَرْ يَرُواْنَ؟» 19 إِلْيَاسُ يَثٜىٰ «كِمِيڧُواْ مِنِ يَرُوانْكِ؞» يَكَرْٻِ يَرُوانْ دَغَ حَنُّنْتَ يَهَوْرَ دَشِ طَاكِنْ سَمَ عِنْدَ يَكٜىٰ ذَمَ، يَݣُونْتَرْدَ يَرُوانْ أَغَدُوانْسَ؞ 20 سَيْ يَبُوطٜىٰ بَاكِ يَيِ أَدُّعَ يَنَ ثٜىٰوَ «يَا يَهْوٜىٰهْ اللَّهْ نَا، دُوانْمٜىٰ كَكَٰوُاْ وَنَّنْ مَسِيڢَ عَكَنْ مَثٜىٰنَّنْ؟ كَيْ كَثٜىٰ إِنْ ذَوْنَ تَرٜىٰدَ عِتَ، كُمَ غَاشِ يَنْذُ كَكَشٜىٰ يَرُوانْتَ!» 21 سَعَنً إِلْيَاسُ يَݣُونْتَ يَمِيڧٜىٰ عَكَنْ يَرُوانْ سَوْ عُكُ، يَنَ كُوكَا غَ يَهْوٜىٰهْ يَنَ ثٜىٰوَ «يَا اللَّهْ، كَمَيْدَ رَنْ يَرُواْنَّنْ؞» 22 يَهْوٜىٰهْ كُوَ يَأَمْسَ أَدُّعَرْ إِلْيَاسُ، سَيْ رَنْ يَرُوانْ يَكُواْمُواْ ثِكِنْسَ؞ 23 سَيْ إِلْيَاسُ يَطَوْكِ يَرُوانْ يَسَوْكَ ڧَسَا ذُوَا وُرِنْ مَامَرْ، يَثٜىٰ مَتَ «دُوبِے، طَنْكِ يَنَدَ رَيْ؞» 24 تَا ثٜىٰ وَ إِلْيَاسُ «يَنْذُ نَسَنِ كَيْ أَنَّبِنْ اللَّهْ نٜىٰ، كُمَ مَغَنَرْ يَهْوٜىٰهْ تَبَاكِنْكَ عِتَثٜىٰ غَسْكِيَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria