1 سَرَاكُنَ 14 - أَتَّوْرَتْ دَ أَنَّبَاوَا

حُكُنْثِ عَكَنْ غِدَنْ يٜىٰرُواْبُواْوَمْ

﴿شٜىٰكَرَا 931‏-910 كَاڢِنْ حَيْڢُوَرْ عِيسَىٰ ﴾

¹ أَ لُواْكَثِنَّنْ، ثِيوُاْ يَݣُونْتَرْدَ أَبِيَ طَنْ يٜىٰرُواْبُواْوَمْ؞

² سَيْ يٜىٰرُواْبُواْوَمْ يَثٜىٰ وَمَاتَرْسَ ‏«‏كِتَاشِ كِسَا كَايَ يَدَّ مُتَنٜىٰ بَذَاسُ غَانٜىٰ كٜىٰثٜىٰ مَاتَتَبَ؞ سَعَنً كِتَڢِے شِلُواْ، غَمَا أَنَّبِے أَهِيَ يَنَ وُرِنْ، وَنْدَ يَثٜىٰمِنِ ذَنْ ذَمَ سَرْكِنْ جَمَعَرْ إِسْرَٰٓءِيلَ؞

³ كِطَوْكِ دُنْڧُلٜىٰنْ غُرَاسَ غُواْمَ دَ وَيْنَ دَ تُلُنْ ظُمَ دُواْمِنْسَ، كِجٜىٰ كِسَامٜىٰشِ؞ شِے ذَيْ ڢَطَا مِكِ أَبِنْدَ ذَيْ ڢَرُ دَ يَرُوانْ؞»‏

⁴ مَاتَرْ يٜىٰرُواْبُواْوَمْ كُوَ تَيِ حَكَ؞ تَا تَاشِ، تَتَڢِے شِلُواْ غِدَنْ أَهِيَ؞ أَهِيَ كُوَ بَايَ غَنِ سَبُواْدَ ڟُوڢَ؞

⁵ يَهْوٜىٰهْ يَڢَطَا مَسَ ثٜىٰوَ ‏«‏غَا مَاتَرْ يٜىٰرُواْبُواْوَمْ تَنَ ذُوَا وُرِنْكَ دُوانْ تَيِ تَمْبَيَ عَكَنْ طَنْتَ، غَمَا يَنَ ثِيوُاْ؞ كَڢَطَا مَتَ أَبِنْدَ نَثٜىٰ كَڢَطَا؞»‏ سَعَدَّ تَ إِسُواْ سَيْ تَنُونَ كَمَرْ عِتَ وَتَ مَثٜىٰثٜىٰ دَبَمْ؞

⁶ عَمَّا دَ أَهِيَ يَجِ مُواْڟِنْ تَاكَاوَرْتَ يَايِنْ دَتَكٜىٰ شِغَ ڧُواْڢَ، سَيْيَثٜىٰ ‏«‏كِشِغُواْ، مَاتَرْ يٜىٰرُواْبُواْوَمْ؞ مٜىٰيَسَا كِكٜىٰيِ كَمَرْ كٜىٰ وَتَ ثٜىٰ دَبَمْ؟ غَمَا أَنْبَانِ سَڧُواْ مَيْ نَوْيِ إِنْ بَاكِ؞

⁷ تَڢِے كِڢَطَا وَ يٜىٰرُواْبُواْوَمْ ثٜىٰوَ ‏‹‏إِنْجِ يَهْوٜىٰهْ اللَّهْ نَ إِسْرَٰٓءِيلَ ‏«‏نِے نَا طَوْكَكَاكَ دَغَ ثِكِنْ مُتَنٜىٰ، نَا مَيْدَكَيْ شُوغَبَنْ جَمَعَتَ إِسْرَٰٓءِيلَ،

⁸ نَا كُمَ ثِرٜىٰ رَبِنْ مُلْكٍ دَغَ غِدَنْ دَاوُدَ نَبَاكَ؞ عَمَّا دُكْدَهَكَ، بَكَيِ تَڢِيَ كَمَرْ دَاوُدَ بَاوَنَبَ؞ دَاوُدَ يَيِ بِيَيَّ دَ عُمَرْنَيْنَ، يَكُمَ بِينِ دَ دُكَنْ ذُوثِيَارْسَ، يَنَ عَيْكَتَ أَبِنْدَ يَيِ دَيْدَيْ أَعِدُواْنَ كَطَيْ؞

⁹ عَمَّا كَيْ يٜىٰرُواْبُواْوَمْ كَا عَيْكَتَ مُغُنْتَا ڢِيٜىٰدَ دُكَنْ وَطَنْدَ سُكَارِغَاكَ؞ كَيِ وَكَنْكَ أَلُّواْلِ، كَيِ صِڢُّواْڢِنْ ظُبِے، وَطَنْدَ سُكَسَا نِے اللَّهْ نَيِ ڢُشِے، كَكُمَ جُويَا مِنِ بَايَ؞

¹⁰ سَبُواْدَ حَكَ، غَاشِ، ذَنْ كَٰوُاْ مَسِيڢَ عَكَنْ غِدَنْكَ؞ ذَنْ كَوَرْدَ دُكَنْ یَیَنْكَ مَظَا، كُواْ سُو بَايِ نٜىٰ، كُواْ سُو بَ بَايِ بَنٜىٰ عَ إِسْرَٰٓءِيلَ؞ ذَنْ كُمَ ثِنْيٜىٰ ذُرِيَرْكَ كَمَرْ يَدَّ مُتُمْ يَكَنْ ڧُواْنٜىٰ تَاكِنْ دَبُّواْبِے حَرْ سَيْ يَڧَارٜىٰ ڧُرْمُسْ؞

¹¹ دُكْ وَنِ دَغَ ثِكِنْ عِيَلِنْكَ وَنْدَ يَمُتُ عَثِكِنْ بِرْنِ، كَرْنُكَ ذَاسُ ثِنْيٜىٰشِ؞ كُمَ دُكْ وَنْدَ يَمُتُ أَدَاجِ، ڟُنْڟَيٜىٰنْ سَرَرِنْ سَمَ ذَاسُ ثِنْيٜىٰشِ؞ غَمَا نِے يَهْوٜىٰهْ نَا ڢَطَا؞»‏ ›‏ »‏

¹² أَهِيَ يَثٜىٰ وَمَاتَرْ يٜىٰرُواْبُواْوَمْ ‏«‏كِتَاشِ كِتَڢِے غِدَا؞ سَعَدَّ كِكٜىٰ شِغَ غَرِنْ، يَرُوانْ ذَيْ مُتُ؞

¹³ دُكَنْ جَمَعَرْ إِسْرَٰٓءِيلَ ذَاسُيِ كُوكَنْسَ، سُكُمَ بِنّٜىٰشِ؞ غَمَا شِينٜىٰ كَطَيْ دَغَ ثِكِنْ عِيَلِنْ يٜىٰرُواْبُواْوَمْ دَ ذَاعَ بِنّٜىٰ عَكَبَرِ، سَبُواْدَ أَغَرٜىٰشِ كَطَيْ ثِكِنْ عِيَلِنْسَ نِے يَهْوٜىٰهْ اللَّهْ نَ إِسْرَٰٓءِيلَ نَسَامِ طَنْ أَبُ مَيْݣَوْ؞

¹⁴ بَنْدَ حَكَ، نِے يَهْوٜىٰهْ ذَنْ تَادَ وَنِ يَذَمَ سَرْكِنْ إِسْرَٰٓءِيلَ، وَنْدَ بَدَ دَطٜىٰوَبَ ذَيْهَلَّكَ غِدَنْ يٜىٰرُواْبُواْوَمْ؞

¹⁵ نِے يَهْوٜىٰهْ ذَنْ بُغِ إِسْرَٰٓءِيلَ، ذَاتَيِ ضَوَ كَمَرْ ثِيَوَ عَبَاكِنْ ضُوً رَاڢِ؞ ذَنْ تُمْٻُكٜىٰ مُتَنٜىٰنْ إِسْرَٰٓءِيلَ دَغَ ڧَسَا مَيْݣَوْ طِنَّنْ دَ نَبَا كَاكَنِّنْسُ، ذَنْ كُمَ وَرْوَاڟَرْ دَسُو عَيَنْكِنْ ڧٜىٰتَرٜىٰنْ كُواْغِنْ يُڢِرٜىٰتِسْ، سَبُواْدَ سُنْ سَا نَيِ ڢُشِے تَوُرِنْ يِنْ غُنْكِنَّنْ مَيْ سُونَ أَشٜىٰرَ؞

¹⁶ ذَنْ ڢِدَّ ذُوثِيَا عَكَنْ إِسْرَٰٓءِيلَ سَبُواْدَ ذُنُوبِنْ دَشِے يٜىٰرُواْبُواْوَمْ يَسَا جَمَعَرْ إِسْرَٰٓءِيلَ سُكَ شِغَ ثِكِ؞»‏

¹⁷ مَاتَرْ يٜىٰرُواْبُواْوَمْ كُوَ تَكُواْمَ غَرِنْ تِرْظَ؞ دَتَتَاكَ بَاكِنْ ڧُواْڢَرْ شِغَ غِدَنْتَ، سَيْ يَرُوانْ يَمُتُ؞

¹⁸ دُكَنْ جَمَعَرْ إِسْرَٰٓءِيلَ سُكَ بِنّٜىٰشِ سُكَيِ كُوكَا سَبُواْدَ شِ، بِسَغَ مَغَنَرْ يَهْوٜىٰهْ وَدَّ تَڢِتُواْ تَبَاكِنْ بَاوَنْسَ أَنَّبِے أَهِيَ؞

مُتُوَرْ يٜىٰرُواْبُواْوَمْ

¹⁹ سَوْرَنْ أَيُّكَنْ يٜىٰرُواْبُواْوَمْ دَ يَاڧٜىٰ يَاڧٜىٰنْسَ دَ يَدَّ يَيِ مُلْكِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

²⁰ يٜىٰرُواْبُواْوَمْ يَيِ مُلْكِ شٜىٰكَرَا عَشِرِنْ دَ بِيُ، سَيْ يَكُواْمَ غَ كَاكَنِّنْسَ عَكَ بِنّٜىٰشِ؞ نَدَبْ طَنْسَ كُوَ يَغَاجٜىٰشِ يَذَمَ سَرْكِے؞ ﴿شٜىٰكَرَا 931‏-913 كَاڢِنْ حَيْڢُوَرْ عِيسَىٰ﴾

سَرْكِے رٜىٰهُواْبُواْوَمْ نَ يَهُودَ

﴿شٜىٰكَرَا 931‏-913 كَاڢِنْ حَيْڢُوَرْ عِيسَىٰ ﴾

²¹ رٜىٰهُواْبُواْوَمْ طَنْ سُلَيْمَٰنُ يَيِ مُلْكِ أَ يَهُودَ؞ يَڢَارَ مُلْكِ يَنَدَ شٜىٰكَرَا أَرْبَعِنْ دَ طَيَ، يَكُوَ يِمُلْكِ شٜىٰكَرَا غُواْمَشَا بَݣَويْ أَ عُرُوشَلِيمَ؞ عُرُوشَلِيمَ نٜىٰ بِرْنِنْ دَ يَهْوٜىٰهْ يَذَاٻَا دَغَ ثِكِنْ دُكَنْ ذُرِيَرْ إِسْرَٰٓءِيلَ دُواْمِنْ أَغِرْمَمَ سُونَنْسَ أَوُرِنْ؞ سُونَنْ مَامَرْسَ نَعَمَ دَغَ أَمُّوانْ؞

²² مُتَنٜىٰنْ يَهُودَ كُوَ سُكَ عَيْكَتَ مُغُنْتَا أَعِدُوانْ يَهْوٜىٰهْ ڢِيٜىٰدَ يَدَّ كَاكَنِّنْسُ سُكَيِ؞ يَوَنْ ذُنُبَنْسُ يَڟُواْكَنٜىٰ يَهْوٜىٰهْ يَيِ ڢُشِے سُواْسَيْ؞

²³ غَمَا سُنْ غِنَاوَا كَنْسُ وَطَنْسُ وُرَارٜىٰنْ سُجَّدَ، سُكَ كَڢَ دُووَڟُنْ سُجَّدَ دَ غُمَكَنْ أَشٜىٰرَ عَكَنْ كُواْوَنٜىٰ تُدُ دَ كُمَ ڧَرْڧَشِنْ كُواْوَنٜىٰ إِتَاثٜىٰ مَيْ بَادَ إِنُوَ؞

²⁴ أَݣَويْ كُمَ مَظَا دَ مَاتَا عَڧَسَرْ يَهُودَ وَطَنْدَ سُكٜىٰيِنْ كَارُوَنْثِ أَوُرَارٜىٰنْ سُجَّدَ دَ بَسُ دَاثٜىٰبَ؞ سُكَ عَيْكَتَ أَبُبُوَنْ بَنْ ڨَمَ إِرِنْ نَأَلْعُمَّنْ دَ يَهْوٜىٰهْ يَكُواْرَ دَغَ ڧَسَرْ دُواْمِنْ مُتَنٜىٰنْ إِسْرَٰٓءِيلَ سُذَوْنَ أَوُرِنْ؞

²⁵ أَنَانً أَ شٜىٰكَرَا تَبِيَرْ تَمُلْكٍ سَرْكِے رٜىٰهُواْبُواْوَمْ، سَرْكِے شِشَكْ نَ مَصَرْ يَڢَاطَوَ عُرُوشَلِيمَ دَ يَاڧِ؞

²⁶ يَݣُوشِ دُكَنْ كَايَ مَاسُ دَرَجَ نَغِدَنْ يَهْوٜىٰهْ دَ نَغِدَنْ سَرْكِے يَتَڢِے؞ يَكُمَ ݣُوشٜىٰ غَرْكُوُاْيِنْ ظِينَارِيَ وَطَنْدَ سُلَيْمَٰنُ يَيِ؞

²⁷ أَ مَيْمَكُوانْسُ سَرْكِے رٜىٰهُواْبُواْوَمْ يَسَاكٜىٰيِنْ وَطَنْسُ غَرْكُوُاْيِ نَڧَرْڢٜىٰنْ تَغُلَّ، سَيْ يَدَنْڧَ أَ حَنُّنْ سُواْجُواْجِنْ دَسُكٜىٰ غَادِنْ ڧُواْڢُواْڢِنْ غِدَنْ سَرْكِے؞

²⁸ دُكْ لُواْكَثِنْ دَ سَرْكِے ذَاشِ غِدَنْ يَهْوٜىٰهْ، سَيْ سُواْجُواْجِ مَاسُ غَادِ سُطَوْكِ غَرْكُوُاْيِنْ سُبِيشِ دَسُو، بَايَنْ حَكَكُمَ سَيْ سُكُواْمَرْ دَسُو أَطَاكِنْ أَجِيَ؞

²⁹ سَوْرَنْ أَيُّكَنْ رٜىٰهُواْبُواْوَمْ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

³⁰ يَاڧِ كُوَ يَكَسَنْثٜىٰ كُلُّمْ ڟَكَانِنْ رٜىٰهُواْبُواْوَمْ دَ يٜىٰرُواْبُواْوَمْ؞

³¹ رٜىٰهُواْبُواْوَمْ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَ كَاكَنِّنْسَ عَبِرْنِنْ دَاوُدَ؞ سُونَنْ مَامَرْسَ نَعَمَ دَغَ أَمُّوانْ؞ طَنْسَ أَبِيَ كُوَ يَغَاجٜىٰشِ يَذَمَ سَرْكِے؞