1 سَرَاكُنَ 12 - أَتَّوْرَتْ دَ أَنَّبَاوَا

ذُرِيَرْ أَرٜىٰوَ سُنْيِ تَاوَيٜىٰ

¹ رٜىٰهُواْبُواْوَمْ يَتَڢِے شٜىٰكٜىٰمْ، غَمَا دُكَنْ جَمَعَرْ إِسْرَٰٓءِيلَ سُنْ تَارُ أَوُرِنْ دُواْمِنْ سُنَطَشِ سَرْكِے؞

² سَعَدَّ يٜىٰرُواْبُواْوَمْ طَنْ نٜىٰبَتْ يَجِ لَابَرِ ذَاعَ نَطَ رٜىٰهُواْبُواْوَمْ سَرْكِے، يٜىٰرُواْبُواْوَمْ يَنَدَ ذَمَ عَڧَسَرْ مَصَرْ، عِنْدَ يَغُجٜىٰ وَ سُلَيْمَٰنُ؞

³ مُتَنٜىٰ سُكَ عَيْكَ عَكِرَا يٜىٰرُواْبُواْوَمْ يَذُواْ؞ سَيْ شِے دَ دُكَنْ تَارُوانْ جَمَعَرْ إِسْرَٰٓءِيلَ سُكَ تَڢِے وُرِنْ رٜىٰهُواْبُواْوَمْ سُكَثٜىٰ،

⁴ ‏«‏بَابَنْكَ يَسَامُ غُنْ‌غُمٜىٰنْدَ يَدَنّٜىٰمُ سُواْسَيْ؞ يَنْذُ عِدَنْ كَسَوْڧَڧَ مَنَ أَيُّكَنَّنْ دَ سُكَ دَنّٜىٰمُ، كَكُمَ ضَغٜىٰ أَبُبُوَ مَاسُ نَوْيِنْدَ يَسَا عَكَنْمُ، تُواْ، ذَامُيِ مَكَ حِدِمَ؞»‏

⁵ سَيْ سَرْكِے رٜىٰهُواْبُواْوَمْ يَثٜىٰمُسُ ‏«‏كُتَڢِے، بَايَنْ ݣُونَ عُكُ كُدَاوُاْ كُكَرْٻِ أَمْسَ؞»‏ سَيْ مُتَنٜىٰنْ سُكَ تَڢِے؞

⁶ سَعَنً رٜىٰهُواْبُواْوَمْ يَنٜىٰمِ شَوَرَرْ ڟُواْڢَڢِّنْ مَذَنْ دَ سُكَيِ وَبَابَنْسَ سُلَيْمَٰنُ حِدِمَ لُواْكَثِنْ دَ يَكٜىٰدَ رَيْ؞ يَثٜىٰ مُسُ ‏«‏وَثٜىٰ شَوَرَا ذَاكُ بَانِ دُوانْ إِنَمْسَ وَمُتَنٜىٰنَّنْ؟»‏

⁷ سُكَثٜىٰ مَسَ ‏«‏عِدَنْ يَوْ كَنَ سُواْ كَيِ وَمُتَنٜىٰنَّنْ حِدِمَ، كَكُمَيِ مُسُ عَيْكِ، سَيْ كَأَمْسَ مُسُ دَ مَغَنَ مَيْݣَوْ، سُو كُوَ ذَاسُ ذَمَ بَايِنْكَ مَاسُ أَمِنْثِ حَرْ أَبَدَا؞»‏

⁸ عَمَّا رٜىٰهُواْبُواْوَمْ يَڧِ شَوَرَرْ دَ ڟُواْڢَڢِّنْ مَذَنَّنْ سُكَ بَاشِ، سَيْ يَبِے شَوَرَرْ سَمَارِنْ دَ سُكَيِ غِرْمَ تَرٜىٰ دَشِ، وَطَنْدَ يَنْذُ سُونٜىٰ سُكٜىٰ بَاشِ شَوَرَا؞

⁹ يَثٜىٰ مُسُ ‏«‏وَثٜىٰ شَوَرَا ذَاكُ بَانِ دُوانْ مُأَمْسَا وَمُتَنٜىٰنَّنْ وَطَنْدَ سُكَثٜىٰ مِنِ، ‏‹‏كَسَوْڧَڧَ مَنَ نَوْيِنْ غُنْ‌غُمٜىٰنْ بَابَنْكَ وَنْدَ يَدَنّٜىٰمُ›‏؟»‏

¹⁰ سَيْ سَمَارِنْ دَ سُكَيِ غِرْمَ تَرٜىٰدَ رٜىٰهُواْبُواْوَمْ سُكَثٜىٰ مَسَ ‏«‏غَا أَمْسَرْ دَ ذَاكَبَا وَطَنْدَ سُكَثٜىٰ، ‏‹‏بَابَنْكَ يَسَا مَنَ غُنْ‌غُمٜىٰ وَنْدَ يَدَنّٜىٰمُ سُواْسَيْ، بَرِ كَيْ كَسَوْڧَڧَ مَنَ؞›‏ كَأَمْسَ مُسُ كَثٜىٰ، ‏‹‏ڧَرَمَرْ يَڟَاتَ تَاڢِ ݣُونْݣُوسُوانْ بَابَنَ كَوْرِ؞

¹¹ بَابَنَ يَسَا مُكُ غُنْ‌غُمٜىٰنْدَ يَدَنّٜىٰكُ سُواْسَيْ، عَمَّا ذَنْ ڧَارَ دَنّٜىٰكُ؞ بَابَنَ يَدُوكٜىٰكُ دَ بُلَلَ، عَمَّا نِے ذَنْ هُواْرٜىٰكُ دَ كُنَمَيْ!‏›‏ »‏

¹² بَايَنْ ݣُونَ عُكُ سَيْ يٜىٰرُواْبُواْوَمْ دَ دُكَنْ جَمَعَ سُكَ دَاوُاْ وُرِنْ رٜىٰهُواْبُواْوَمْ بِسَغَ يَدَّ يَڢَطَا مُسُ؞

¹³ سَرْكِے يَڧِ شَوَرَرْ دَ ڟُواْڢَڢِّنْ مَذَنْ سُكَ بَاشِ، سَيْ يَيِ وَمُتَنٜىٰنْ مَغَنَ مَيْ ذَاڢِ؞

¹⁴ يَيِ مَغَنَ بِسَغَ شَوَرَرْ دَ سَمَارِنْ سُكَ بَاشِ ثٜىٰوَ ‏«‏بَابَنَ يَسَا مُكُ غُنْ‌غُمٜىٰنْدَ يَدَنّٜىٰكُ سُواْسَيْ، عَمَّا ذَنْ ڧَارَ دَنّٜىٰكُ؞ بَابَنَ يَدُوكٜىٰكُ دَ بُلَلَ، عَمَّا نِے ذَنْ هُواْرٜىٰكُ دَ كُنَمَيْ؞»‏

¹⁵ سَرْكِے بَيْ سَوْرَرِ جَمَعَرْبَ؞ غَمَا نُڢِنْ يَهْوٜىٰهْ نٜىٰ دُواْمِنْ يَكَٰوُاْ ثِكَرْ مَغَنَرْسَ دَ يَيِ غَ يٜىٰرُواْبُواْوَمْ طَنْ نٜىٰبَتْ تَبَاكِنْ أَنَّبِے أَهِيَ مُتُمِنْ شِلُواْ؞

¹⁶ عَمَّا سَعَدَّ إِسْرَٰٓءِيلَ دُكَ سُكَغَ ثٜىٰوَ سَرْكِے بَيْ سَوْرَرٜىٰسُبَ، سَيْ مُتَنٜىٰنْ سُكَ أَمْسَوَ سَرْكِے سُكَثٜىٰ، ‏«‏إِنَا ضُوَنْمُ دَ دَاوُدَ!‏ أَيْ!‏ بَامُ دَ غَادُواْ أَوُرِنْ طَنْ يٜىٰسّٜىٰ؞ يَا إِسْرَٰٓءِيلَ، كُواْوَ يَكُواْمَ تٜىٰنْتِنْسَ!‏ يَا دَاوُدَ، سَيْكَلُورَ دَ غِدَنْكَ؞»‏ دُواْمِنْ حَكَ مُتَنٜىٰنْ إِسْرَٰٓءِيلَ سُكَ وَڟٜىٰ، كُواْوَ يَكُواْمَ غِدَنْسَ؞

¹⁷ عَمَّا رٜىٰهُواْبُواْوَمْ يَثِيغَبَدَ يِنْ مُلْكٍ مُتَنٜىٰنْ إِسْرَٰٓءِيلَ وَطَنْدَ سُكٜىٰ أَغَرُضُوً يَنْكِنْ يَهُودَ؞

¹⁸ سَعَنً سَرْكِے رٜىٰهُواْبُواْوَمْ يَعَيْكِ أَدُواْنِرَمْ شُوغَبَنْ عَيْكِنْ دُواْلٜىٰ ذُوَاغَ مُتَنٜىٰنْ إِسْرَٰٓءِيلَ، سَيْ دُكَنْ مُتَنٜىٰنْ إِسْرَٰٓءِيلَ سُكَ جٜىٰجّٜىٰڢٜىٰشِ دَ دُوَڟُو سُكَ كَشٜىٰشِ؞ غَنِنْ حَكَ، رٜىٰهُواْبُواْوَمْ يَيِ سَوْرِ يَشِغَ كٜىٰكٜىٰنْ دُواْكِنْسَ يَغُدُ ذُوَا عُرُوشَلِيمَ؞

¹⁹ تُنْدَغَ وَنَّنْ لُواْكَثِ، مُتَنٜىٰنْ أَرٜىٰوَثِنْ إِسْرَٰٓءِيلَ سُكَ شِغَ غَابَادَ غِدَنْ دَاوُدَ هَرْوَيَوْ؞

²⁰ سَعَدَّ كُمَ دُكَنْ إِسْرَٰٓءِيلَ سُكَجِ ثٜىٰوَ يٜىٰرُواْبُواْوَمْ يَدَاوُاْ، سُكَ عَيْكَ مَسَ يَذُواْ وُرِنْ تَارُوانْ جَمَعَرْ إِسْرَٰٓءِيلَ سُكَ نَطَشِ سَرْكِنْ إِسْرَٰٓءِيلَ؞ بَابُوَنْدَ يَبِے غِدَنْ دَاوُدَ، سَيْ ذُرِيَرْ يَهُودَ كَطَيْ؞

رَبُوَرْ مُلْكِ

²¹ دَ رٜىٰهُواْبُواْوَمْ يَ إِسُواْ عُرُوشَلِيمَ، سَيْ يَتَارَ سُواْجُواْجِ مَڢِيَ عِيَ يَاڧِ دُبُو طَرِے دَ دُبُو تَمَٰنِنْ دَغَ غِدَنْ يَهُودَ دَ نَ بِلِيَامِنُ؞ عَكَ شِرْيَ كَيْ وَ غِدَنْ إِسْرَٰٓءِيلَ يَاڧِ، دُواْمِنْ أَ مَيْدَسُو ڧَرْڧَشِنْ مُلْكٍ رٜىٰهُواْبُواْوَمْ طَنْ سُلَيْمَٰنُ؞

²² عَمَّا اللَّهْ يَيِ مَغَنَ دَ شٜىٰمَيَ مُتُمِنْ اللَّهْ ثٜىٰوَ

²³ ‏«‏كَثٜىٰ وَ رٜىٰهُواْبُواْوَمْ طَنْ سُلَيْمَٰنُ سَرْكِنْ يَهُودَ دَ دُكَنْ غِدَنْ يَهُودَ دَ نَ بِلِيَامِنُ دَ كُمَ سَوْرَنْ مُتَنٜىٰنْ،

²⁴ ‏‹‏إِنْجِ يَهْوٜىٰهْ ‏«‏كَدَ كُڢَاطَ وَیَنْعُوَنْكُ إِسْرَٰٓءِيلَاوَا دَ يَاڧِ؞ بَرِ كُواْوَنٜىٰ مُتُمْ يَكُواْمَ غِدَنْسَ، غَمَا وَنَّنْ أَبُ دَغَ وُرِينَ نٜىٰ؞»‏ ›‏ »‏ سَيْ سُكَيِ بِيَيَّ دَ مَغَنَرْ يَهْوٜىٰهْ، سُكَ كُواْمَ غِدَاجٜىٰنْسُ بِسَغَ عُمَرْنِنْ يَهْوٜىٰهْ؞

رَبُوَرْ مُلْكِ سَبُواْدَ أَدِّينِ

²⁵ سَيْ يٜىٰرُواْبُواْوَمْ سَرْكِنْ إِسْرَٰٓءِيلَ يَڠَغْڠَرَ شٜىٰكٜىٰمْ وَنْدَ يَكٜىٰ عَيَنْكِنْ تُدَّيْ نَ إِڢْرَيِمْ، يَيِ ذَمَ أَوُرِنْ؞ دَغَ وُرِنْ يَتَڢِے يَڧَارَ غِنَا غَرِنْ ڢٜىٰنُوٜىٰلْ؞

²⁶ يٜىٰرُواْبُواْوَمْ يَيِ تُنَانِ أَ ذُوثِيَارْسَ يَثٜىٰ ‏«‏لَلَّيْ مُلْكٍ ذَيْ كُواْمَ وُرِنْ غِدَنْ دَاوُدَ

²⁷ عِدَنْ نَا بَرْ مُتَنٜىٰنَّنْ سُهَوْرَ ذُوَا عُرُوشَلِيمَ سُمِيڧَ هَدَايُنْسُ غَ يَهْوٜىٰهْ؞ عِدَنْ سُنْيِ حَكَ، ذُوثِيَارْسُ ذَاتَ كُواْمَ غَ رٜىٰهُواْبُواْوَمْ سَرْكِنْ يَهُودَ، ذَاسُ كُوَ كَشٜىٰنِ سُكُواْمَ غَرٜىٰشِ؞»‏

²⁸ سَبُواْدَ حَكَ سَرْكِے يَنٜىٰمِ شَوَرَا، يَيِ صِڢُّواْڢِنْ یَنْ بِجِمَيْ بِيُ نَظِينَارِيَ؞ سَعَنً يَثٜىٰ وَمُتَنٜىٰنْ ‏«‏كُنْ دَطٜىٰ كُنَ تَڢِيَ ثَنْ عُرُوشَلِيمَ دُواْمِنْ سُجَّدَ؞ تُواْ، غَا أَلُّواْلِنْكُ، يَا إِسْرَٰٓءِيلَ، وَطَنْدَ سُكَ ڢِتَرْ دَكُو دَغَ ڧَسَرْ مَصَرْ؞»‏

²⁹ يَكَڢَ طَيَ أَغَرِنْ بٜىٰتٜىٰلْ، سَعَنً طَيَنْ كُمَ أَغَرِنْ دَنْ؞

³⁰ وَنَّنْ يَذَمَ ذُنُوبِ، غَمَا مُتَنٜىٰ سُنَ تَڢِيَ يِوَصِڢُّواْڢِنْ یَنْ بِجِمَيْ سُجَّدَ أَ بٜىٰتٜىٰلْ دَ دَنْ؞

³¹ يٜىٰرُواْبُواْوَمْ يَغِنَ وَطَنْسُ وُرَارٜىٰنْ سُجَّدَ، يَكُمَ نَطَ ڢِرِسْتُواْثِے بَرْكَتَيْ دَغَ ثِكِنْ مُتَنٜىٰنْدَ بَ نَظُرِيَرْ لَوِ بَ؞

³² يٜىٰرُواْبُواْوَمْ يَكُمَ كَڢَ بِكٍ أَدِّينِ أَ رَانَ تَغُواْمَشَا بِيَرْ نَوَتَنْ تَݣُوسْ دَيْدَيْ كَمَرْ بِكٍ أَدِّينِنْ دَ عَكٜىٰيِ أَ يَهُودَ؞ عَكَنْ بَغَدٜىٰنْ دَيَكٜىٰ أَ بٜىٰتٜىٰلْ، يٜىٰرُواْبُواْوَمْ يَمِيڧَ هَدَايُ غَ صِڢُّواْڢِنْ یَنْ بِجِمَيْ نَظِينَارِيَرْ نَنْ دَ يَيِ؞ أَ بٜىٰتٜىٰلْ كُمَ يَنَطَ ڢِرِسْتُواْثِے نَوَطَنْسُ وُرَارٜىٰنْ سُجَّدَ، وَطَنْدَ يَغِغِّنَ؞

³³ أَ رَانَ تَغُواْمَشَا بِيَرْ غَ وَتَنْ تَݣُوسْ، وَدَّ تَكٜىٰ رَانَرْدَ شِے كَنْسَ يَشِرْيَ، يَكَڢَ بِكٍ أَدِّينِ دُواْمِنْ مُتَنٜىٰنْ إِسْرَٰٓءِيلَ؞ أَ رَانَرْ يَتَڢِے بٜىٰتٜىٰلْ يَهَوْ بَغَدٜىٰنْ دُواْمِنْ يَڧُواْنَ تُرَارٜىٰ عَكَيْ؞