1 سَرَاكُنَ 11 - أَتَّوْرَتْ دَ أَنَّبَاوَا

سَرْكِے سُلَيْمَٰنُ يَجُيَ وَ اللَّهْ بَايَ

¹ أَنَانً سَيْ سَرْكِے سُلَيْمَٰنُ يَڧَوْنَثِ مَاتَادَيَوَ، بَڧِنْ دَ بَ إِسْرَٰٓءِيلَاوَا بَنٜىٰ؞ بَنْ دَ یَرْ سَرْكِنْ مَصَرْ، سُلَيْمَٰنُ يَ عَوْرِ مَتَ دَغَ مُواْوَبْ دَ أَمُّوانْ دَ عٜىٰدُوامْ دَ سِدُوانْ دَ كُمَ دَغَ ثِكِنْ هِتِّيَاوَا؞

² مَاتَنَّنْ كُوَ سُنْ ڢِتُواْ دَغَ ڧَبِيلُنْ دَ يَهْوٜىٰهْ يَعُمَرْثِ مُتَنٜىٰنْسَ ثٜىٰوَ كَدَ سُيِ عَوْرٜىٰ دَغَ ثِكِنْسُ نٜىٰ؞ غَمَا حَڧِيڧَ مَاتَنَّنْ دَ سُكَ عَوْرَ ذَاسُ جُويَا ذُوثِيَارْسُ ذُوَاغَ بَوْتَرْ أَلُّواْلِ؞ عَمَّا دُكْدَهَكَ سُلَيْمَٰنُ يَنَاثٜىٰ يَنَ ڧَوْنَرْسُ؞

³ عَثِكِنْ مَاتَنْسَ أَݣَويْ یَیَنْ سَرَاكُنَ طَرِے بَݣَويْ، أَݣَويْ كُمَ مَتَنْ دَ يَأَجِيٜىٰسُ طَرِے عُكُ؞ مَاتَنْسَ كُوَ سُكَ جُويَا مَسَ ذُوثِيَا؞

⁴ سَعَدَّ سُلَيْمَٰنُ يَڟُوڢَ مَاتَنْسَ سُكَسَا يَجُويَ يَنَ بِنْ وَطَنْسُ أَلُّواْلِ؞ بَيْ مِيڧَ ذُوثِيَارْسَ غَبَاطَيَ غَ يَهْوٜىٰهْ اللَّهْ نْسَ كَمَرْ يَدَّ بَابَنْسَ دَاوُدَ يَيِبَ؞

⁵ غَمَا سُلَيْمَٰنُ يَذَمَ مَيْبِنْ غُنْكِنَّنْ عَشْتُواْرٜىٰتْ، صِڢَّرْ وَتَ اللَّهْ تَمُتَنٜىٰنْ سِدُوانْ دَ كُمَ مُواْلٜىٰكْ غُنْكِ مَيْ ڧَظَنْتَرْ نَنْ نَ أَمُّواْنَاوَا؞

⁶ سُلَيْمَٰنُ كُوَ يَعَيْكَتَ مُغُنْتَا أَعِدُوانْ يَهْوٜىٰهْ، بَيْ كُمَبِے يَهْوٜىٰهْ دَ دُكَنْ ذُوثِيَارْسَ كَمَرْ يَدَّ بَابَنْسَ دَاوُدَ يَيِبَ؞

⁷ عَكَنْ بَبَّنْ تُدُنْ دَيَكٜىٰ غَبَسْ غَ عُرُوشَلِيمَ يَغِنَ وُرِنْ سُجَّدَ وَ كٜىٰمُواشْ، غُنْكِ مَيْ ڧَظَنْتَرْ نَنْ نَمُتَنٜىٰنْ مُواْوَبْ دَ كُمَ وُرِنْ سُجَّدَ غَ مُواْلٜىٰكْ غُنْكِ مَيْ ڧَظَنْتَرْ نَنْ نَمُتَنٜىٰنْ أَمُّوانْ؞

⁸ سُلَيْمَٰنُ كُمَ يَغِنَ بَغَدَيْ دُواْمِنْ دُكَنْ مَاتَنْسَ بَاڧِ وَطَنْدَ بَ إِسْرَٰٓءِيلَاوَا بَنٜىٰ، دُواْمِنْ سُدِنْ‌غَ ڧُواْنَ تُرَارٜىٰ دَ يِنْ هَدَايُ غَ أَلُّواْلِنْسُ؞

⁹ يَهْوٜىٰهْ كُوَ يَيِ ڢُشِے دَ سُلَيْمَٰنُ سَبُواْدَ سَرْكِے سُلَيْمَٰنُ يَجُويَ ذُوثِيَارْسَ دَغَ بِنْ يَهْوٜىٰهْ اللَّهْ نَ إِسْرَٰٓءِيلَ، وَنْدَ يَبَيَّنَ أَغَرٜىٰشِ سَوْ بِيُ؞

¹⁰ يَهْوٜىٰهْ كُمَ يَغَرْغَطِے سُلَيْمَٰنُ مُسَمَّنْ كَدَ يَيِ سُجَّدَ غَ وَطَنْسُ أَلُّواْلِ، عَمَّا سُلَيْمَٰنُ بَيْيِ بِيَيَّ دَ عُمَرْنِنْ يَهْوٜىٰهْ بَ؞

¹¹ سَيْ يَهْوٜىٰهْ يَثٜىٰ وَ سُلَيْمَٰنُ ‏«‏تُنْدَيَكٜىٰ كَيِ وَنَّنْ، كُمَ بَكَكِيَايٜىٰ يَرْجٜىٰجٜىٰنِيَتَ دَ ڧَٰعِدُواْدِنَ وَطَنْدَ نَعُمَرْثٜىٰكَ بَ، لَلَّيْ ذَنْ ثِرٜىٰ مُلْكٍ دَغَ حَنُّنْكَ إِنْ بَا وَنِ دَغَ ثِكِنْ دَتَّاوَنْكَ؞

¹² عَمَّا، سَبُواْدَ ڧَوْنَرْ دَ نَكٜىٰيِ وَبَابَنْكَ دَاوُدَ، بَذَنْ ثِرٜىٰ مُلْكٍ سَعَدَّ كَكٜىٰ دَ رَيْبَ؞ ذَنْ ثِرٜىٰ مُلْكٍ دَغَ حَنُّنْ طَنْكَ وَنْدَ ذَيْ ذَمَ سَرْكِے؞

¹³ دُكْدَهَكَ، بَذَنْ ثِرٜىٰ مُلْكٍ غَبَاطَيَ دَغَ حَنُّنْسَبَ، ذَنْبَرْ مَسَ ذُرِيَ طَيَ يَيِ مُلْكِنْسُ؞ ذَنْيِ وَنَّنْ سَبُواْدَ بَاوَنَ دَاوُدَ دَ كُمَ عُرُوشَلِيمَ، بِرْنِنْدَ نَذَاٻَا؞»‏

أَبُواْكَنْ غَابَنْ سُلَيْمَٰنُ

¹⁴ سَيْ يَهْوٜىٰهْ يَسَا هَدَدْ دَغَ غِدَنْ مُلْكٍ عٜىٰدُوامْ يَيِ وَ سُلَيْمَٰنُ تَاوَيٜىٰ؞

¹⁵ أَ شٜىٰكَرُنْ بَايَ دَاوُدَ يَثِ عٜىٰدُوامْ دَ يَاڧِ؞ أَ لُواْكَثِنْ كُوَ، يُواْوَبْ شُوغَبَنْ سُواْجُواْجِنْسَ يَتَڢِے وُرِنْ دُواْمِنْ يَبِنّٜىٰ إِسْرَٰٓءِيلَاوَا وَطَنْدَ سُكَ مُتُ عَيَاڧِ؞ سَعَدَّ سُكٜىٰ أَوُرِنْ، سُواْجُواْجِنْ إِسْرَٰٓءِيلَ سُكَ كَشٜىٰ كُواْوَنٜىٰ نَمِجِ أَ عٜىٰدُوامْ؞

¹⁶ يُواْوَبْ كُوَ دَ سَوْرَنْ سُواْجُواْجِنْ إِسْرَٰٓءِيلَ سُنْ ذَوْنَ أَ عٜىٰدُوامْ وَتَنِّ شِدَ حَرْ سَيْ دَ سُكَ كَكَّشٜىٰ دُكَنْ یَیَ مَذَنْ وُرِنْ؞

¹⁷ عَمَّا هَدَدْ يَغُدُ ذُوَا ڧَسَرْ مَصَرْ تَرٜىٰدَ مُتَنٜىٰنْ عٜىٰدُوامْ مَاسُيِ وَبَابَنْسَ حِدِمَ؞ أَ لُواْكَثِنْ كُوَ هَدَدْ طَنْ سَوْرَيِ نٜىٰ؞

¹⁸ سُكَ غُدُ دَغَ مَدْيَنَ سُكَ تَڢِے ڢَرَنْ عِنْدَ سُكَ سَامِ وَطَنْسُ دَ سُكَ تَڢِے تَرٜىٰدَسُو؞ دَغَ ڢَرَنْ سُكَ تَڢِے مَصَرْ وُرِنْ سَرْكِے ڢِرْعَوْنَ، وَنْدَ يَبَا شِ غِدَا، يَدِنْ‌غَ بَاشِ عَبِنْثِ، يَكُمَ بَاشِ ڧَسَا؞

¹⁹ هَدَدْ يَسَامِ ڢَضٍ جِنِ أَعِدَانُنْ ڢِرْعَوْنَ سُواْسَيْ، حَرْ ڢِرْعَوْنَ يَبَا شِ یَرْعُوَرْ مَاتَرْسَ سَرَوْنِيَ تَڢٜىٰنٜىٰسْ تَذَمَ مَاتَرْ هَدَدْ؞

²⁰ یَرْعُوَرْ تَڢٜىٰنٜىٰسْ تَحَيْڢَ مَسَ طَا مَيْ سُونَ غٜىٰنُبَتْ؞ غٜىٰنُبَتْ كُوَ يَيِ غِرْمَ أَغِدَنْ ڢِرْعَوْنَ تَرٜىٰدَ یَیَنْ سَرْكِنْ؞

²¹ لُواْكَثِنْ دَ هَدَدْ يَجِ أَ مَصَرْ ثٜىٰوَ دَاوُدَ يَكُواْمَ غَ كَاكَنِّنْسَ عَكَ كُمَ بِنّٜىٰشِ، كُمَ يُواْوَبْ شُوغَبَنْ سُواْجُواْجِ يَمُتُ، سَيْيَثٜىٰ وَ سَرْكِے ڢِرْعَوْنَ ‏«‏كَبَرْ نِے إِنْكُواْمَ ڧَسَاتَ؞»‏

²² سَيْ سَرْكِے يَثٜىٰ ‏«‏دُوانْمٜىٰ كَكٜىٰسُواْ كَكُواْمَ ڧَسَرْكَ؟ مٜىٰنٜىٰنٜىٰ كَرَسَ أَوُرِينَ؟»‏ سَيْ يَأَمْسَ يَثٜىٰ ‏«‏بَا كُواْمٜىٰ، كَدَيْ بَرْنِ إِنْتَڢِے؞»‏

²³ اللَّهْ كُمَ يَسَا رٜىٰظُوانْ طَنْ عٜىٰلِيَدَ يَيِ وَ سُلَيْمَٰنُ تَاوَيٜىٰ؞ دَا مَا رٜىٰظُوانْ يَغُدُ دَغَ وُرِنْ مَيْغِدَنْسَ، سَرْكِے هَدَدٜىٰظٜىٰرْ نَ ذُوابَ؞

²⁴ دَا بَايَنْدَ دَاوُدَ يَثِ ذُوابَ دَ يَاڧِ، سَيْ رٜىٰظُوانْ يَتَارَ وَكَنْسَ یَنْ تَاوَيٜىٰ يَذَمَ شُوغَبَنْسُ؞ سُكَ غُدُ ذُوَا دِمَشْڧُ عِنْدَ سُكَ ذَوْنَ سُكَ نَطَ رٜىٰظُوانْ سَرْكِے؞

²⁵ رٜىٰظُوانْ يَذَمَ بَبَّنْ أَبُواْكِنْ غَابَنْ إِسْرَٰٓءِيلَ ثِكِنْ دُكَنْ ݣُونَكِنْ مُلْكٍ سُلَيْمَٰنُ؞ يَڧَارَ ضِكِثِ عَكَنْ ضِكِثِنْ هَدَدْ؞ رٜىٰظُوانْ يَڧِ مُلْكٍ إِسْرَٰٓءِيلَ دَ دُكَنْ رَنْسَ، يَكُمَيِ مُلْكِ عَكَنْ سُورِيَ؞

يٜىٰرُواْبُواْوَمْ يَيِ وَ سُلَيْمَٰنُ تَاوَيٜىٰ

²⁶ يٜىٰرُواْبُواْوَمْ طَنْ نٜىٰبَتْ، مُتُمِنْ إِڢْرَيِمْ دَغَ ظٜىٰرٜىٰدَ، طَيَ دَغَ ثِكِنْ دَتَّاوَا أَمُلْكٍ سُلَيْمَٰنُ، شِے مَا يَيِ وَ سَرْكِے سُلَيْمَٰنُ تَاوَيٜىٰ؞ سُونَنْ مَامَرْسَ ظٜىٰرُوَ وَدَّ مِجِنْتَ يَمُتُ؞

²⁷ غَا يَدَّ تَاوَيٜىٰنْ يَكَسَنْثٜىٰ؞ دَ سُلَيْمَٰنُ يَنَ غِنَا مِلُّواْ، وَتُواْ وُرِنْ دَ عَكَ ثِثِّكَ دَ ڧَسَا، يَنَ كُمَ ڠَغْڠَرَ كَتَنْ‌غَرْ بِرْنِنْ عُرُوشَلِيمَ، بِرْنِنْ بَابَنْسَ دَاوُدَ،

²⁸ سَيْ يَغَانٜىٰ يٜىٰرُواْبُواْوَمْ مُتُمْ مَيْ ڨُوذُواْ نٜىٰ سُواْسَيْ؞ دَ سُلَيْمَٰنُ يَغَ يَنَ عَيْكِ سُواْسَيْ، سَيْ يَمَيْدَشِ شُوغَبَنْ مَاسُ عَيْكِنْ دُواْلٜىٰ نَظُرِيَرْ إِڢْرَيِمْ دَ نَ مَنَسّٜىٰ؞

²⁹ وَتَرَانَ يٜىٰرُواْبُواْوَمْ يَڢِتَ دَغَ عُرُوشَلِيمَ ذَاشِ وَنِ وُرِے، سَيْ يَغَمُ دَ أَنَّبِے أَهِيَ مُتُمِنْ شِلُواْ، سَنْيٜىٰ دَ سَابُوَرْ رِغَا؞ سُكَ غَمُ سُو بِيُ كَطَيْ عَكَنْ حَنْيَ بَايَنْ غَرِ؞

³⁰ سَيْ أَهِيَ يَكَامَ سَابُوَرْ رِغَرْسَ يَيَيَّاغٜىٰ تَكَشِ غُواْمَشَا بِيُ؞

³¹ سَعَنً يَثٜىٰ وَ يٜىٰرُواْبُواْوَمْ ‏«‏كَطَوْكِ كَشِ غُواْمَ وَكَنْكَ، غَمَا يَهْوٜىٰهْ اللَّهْ نَ إِسْرَٰٓءِيلَ يَثٜىٰ ذَيْثِرٜىٰ مُلْكٍ دَغَ حَنُّنْ سُلَيْمَٰنُ يَبَاكَ ذُرِيَ غُواْمَ؞

³² عَمَّا ذَيْ بَرْ مَسَ ذُرِيَ غُدَا سَبُواْدَ بَاوَنْسَ دَاوُدَ دَ كُمَ عُرُوشَلِيمَ، بِرْنِنْدَ يَذَاٻَا دَغَ دُكَنْ ذُرِيَرْ إِسْرَٰٓءِيلَ؞

³³ يَهْوٜىٰهْ ذَيْ عَيْكَتَ وَنَّنْ سَبُواْدَ مُتَنٜىٰنْ سُنْ يَاشٜىٰشِ، سُنْ كُواْمَ سُنَ سُجَّدَ غَ غُنْكِ عَشْتُواْرٜىٰتْ، صِڢَّرْ وَتَ اللَّهْ تَمُتَنٜىٰنْ سِدُوانْ دَ غُنْكِنْ كٜىٰمُواشْ اللَّهْ‌نْ مُتَنٜىٰنْ مُواْوَبْ دَ كُمَ غُنْكِنْ مُواْلٜىٰكْ اللَّهْ‌نْ مُتَنٜىٰنْ أَمُّوانْ؞ بَ سُيِ تَڢِيَ أَ حَنْيَرْسَبَ، بَسُ كُمَيِ أَبِنْدَ يَكٜىٰ دَيْدَيْ أَغَبَنْسَبَ؞ بَسُ كُمَيِ بِيَيَّ دَ ڧَٰعِدُواْدِ دَ عُمَرْنَنْ اللَّهْ كَمَرْ دَاوُدَ بَابَنْ سُلَيْمَٰنُ بَ؞

³⁴ عَمَّا دُكْدَهَكَ، اللَّهْ يَثٜىٰ بَذَيْثِرٜىٰ مُلْكٍ دُكَ دَغَ حَنُّنْ سُلَيْمَٰنُ بَ؞ ذَيْ بَرْ شِ يَيِ مُلْكِ دُكَنْ ݣُونَكِنْ رَنْسَ، سَبُواْدَ بَاوَنْسَ دَاوُدَ وَنْدَ يَذَاٻَا، دَاوُدَ وَنْدَ كُمَ يَكِيَايٜىٰ دُكَنْ عُمَرْنَنْ اللَّهْ دَ ڧَٰعِدُواْدِنْسَ؞

³⁵ عَمَّا اللَّهْ ذَيْثِرٜىٰ مُلْكٍ دَغَ حَنُّنْ طَنْ سُلَيْمَٰنُ، يَبَاكَ ذُرِيَ غُواْمَ كَيِ مُلْكِنْسُ؞

³⁶ عَمَّا اللَّهْ ذَيْ بَرْ وَ طَنْ سُلَيْمَٰنُ ذُرِيَ طَيَ، دُواْمِنْ ڢِتِلَرْ مُلْكٍ دَاوُدَ بَاوَنْ اللَّهْ تَكَسَنْثٜىٰ كُلُّمْ أَغَبَنْسَ أَ عُرُوشَلِيمَ، بِرْنِنْ دَ يَهْوٜىٰهْ يَذَاٻَا دُواْمِنْ يَتَبَّتَرْ دَ سُونَنْسَ؞

³⁷ يٜىٰرُواْبُواْوَمْ، اللَّهْ ذَيْ طَوْكٜىٰكَ يَمَيْدَكَيْ سَرْكِنْ إِسْرَٰٓءِيلَ، ذَاكَ كُمَيِ مُلْكِ عَكَنْ دُكَنْ أَبِنْدَ رَنْكَ يَكٜىٰسُواْ؞

³⁸ عِدَنْ كُوَ ذَاكَ كَسَ كُنّٜىٰ غَ دُكَنْ عُمَرْنَنْسَ، إِنْكُمَ كَيِ تَڢِيَ تَرٜىٰ دَشِ، كَكُمَيِ أَبِنْدَ يَكٜىٰ دَيْدَيْ أَعِدَنُونْسَ تَوُرِنْ كِيَايٜىٰ ڧَٰعِدُواْدِنْسَ دَ دُواْكُواْكِنْسَ كَمَرْ يَدَّ دَاوُدَ بَاوَنْ اللَّهْ يَيِ، تُواْ اللَّهْ ذَيْ كَسَنْثٜىٰ تَرٜىٰدَكَيْ؞ ذَيْ كُمَ كَڢَ مَكَ غِدَنْ مُلْكِ مَرَرْ ڧَارٜىٰوَ كَمَرْ يَدَّ يَكَڢَ وَ دَاوُدَ، ذَيْ كُمَبَاكَ مُلْكٍ إِسْرَٰٓءِيلَ؞

³⁹ اللَّهْ ذَيْ حُكُنْتَ ذُرِيَرْ دَاوُدَ سَبُواْدَ ذُنُوبِنْ سُلَيْمَٰنُ، عَمَّا حُواْرُوانْ بَذَيْ كَسَنْثٜىٰ حَرْ أَبَدَابَ؞»‏

⁴⁰ سُلَيْمَٰنُ يَنٜىٰمَ يَكَشٜىٰ يٜىٰرُواْبُواْوَمْ، عَمَّا يٜىٰرُواْبُواْوَمْ يَتَاشِ يَغُدُ ذُوَا وُرِنْ سَرْكِے شِشَكْ نَ مَصَرْ، يَذَوْنَ أَوُرِنْ سَيْ بَايَنْ مُتُوَرْ سُلَيْمَٰنُ؞

مُتُوَرْ سُلَيْمَٰنُ

⁴¹ سَوْرَنْ أَيُّكَنْ سُلَيْمَٰنُ دَ دُكَنْ أَبِنْدَ يَيِ دَ حِكِمَرْسَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سُلَيْمَٰنُ؞

⁴² يَيِ مُلْكٍ دُكَنْ إِسْرَٰٓءِيلَ أَ عُرُوشَلِيمَ شٜىٰكَرَا أَرْبَعِنْ؞

⁴³ يَكُواْمَ غَ كَاكَنِّنْسَ، عَكَ بِنّٜىٰشِ عَبِرْنِنْ دَاوُدَ، بِرْنِنْ بَابَنْسَ، سَعَنً طَنْسَ رٜىٰهُواْبُواْوَمْ يَغَاجٜىٰشِ يَذَمَ سَرْكِے؞