1 سَرَاكُنَ 1 - أَتَّوْرَتْ دَ أَنَّبَاوَا

سَرْكِے دَاوُدَ أَڟُوڢَرْسَ

¹ سَرْكِے دَاوُدَ كُوَ يَڟُوڢَ، شٜىٰكَرُنْسَ كُمَ سُنْيِيَوَ، بَيْ عِيَ جِنْ طُمِبَ، كُواْ دَ أَنْرُڢٜىٰشِ دَ بَرْغُواْ؞

² سَيْ مَاسُ يِمَسَ حِدِمَ سُكَثٜىٰ ‏«‏رَنْكَيَدَطٜىٰ، بَرِ مُنٜىٰمُواْ مَكَ يَارِنْيَرْ دَ ذَاتَ ذَوْنَ تَرٜىٰدَكَيْ تَلُورَ دَكَيْ؞ ذَاتَ دِنْ‌غَ ݣُونْتَ أَغٜىٰڢٜىٰنْكَ دُوانْ تَسَا كَجِ طُمِ، يَا مَيْغِرْمَ سَرْكِے؞»‏

³ عَكَ شِغَ كُواْعِنَ عَڧَسَرْ إِسْرَٰٓءِيلَ أَنَ نٜىٰمَنْ ݣَكْݣَوَرْ يَارِنْيَ؞ سَيْ عَكَ سَامِ وَتَ يَارِنْيَ مَيْ سُونَ أَبِشَغْ أَغَرِنْ شُنٜىٰمْ، عَكَ كَٰوُاْوَ سَرْكِے؞

⁴ يَارِنْيَرْ كُوَ ݣَكْݣَوَاثٜىٰ سُواْسَيْ، تَلُورَ دَ سَرْكِے تَنَ مَسَ حِدِمَ؞ عَمَّا سَرْكِے بَيْيِ جِمَاعِ دَ عِتَبَ؞

أَدُواْنِيَ يَنٜىٰمِ يَڨُوثٜىٰ مُلْكِ

⁵ أَدُواْنِيَ، طَنْ دَ هَغِّتْ تَحَيْڢَا وَ دَاوُدَ، يَڢِتُواْ دَ كَنْسَ يَنَ ثٜىٰوَ ‏«‏نِے ذَنْ ذَمَ سَرْكِے!‏»‏ سَبُواْدَ حَكَ سَيْ يَشِرْيَ وَكَنْسَ كٜىٰكُنَنْ دُواْكِ دَ دَوَكِ، يَكُمَ سَامِ مُتَنٜىٰ حَمْسِنْ سُوُثٜىٰ غَبَنْسَ؞

⁶ أَ دُكَنْ رَايُوَرْسَ بَابَنْسَ بَيْتَٻَ ڟَاوَتَا مَسَ يَثٜىٰ ‏«‏دُوانْمٜىٰ كَكٜىٰيِنْ حَكَ؟»‏ بَ؞ أَنْ حَيْڢِ أَدُواْنِيَ بَايَنْ أَبْسَلُوامْ، شِے مَا ݣَكْݣَوَنْ مُتُمْ نٜىٰ؞

⁷ أَدُواْنِيَ يَيِ مَغَنَ دَ يُواْوَبْ طَنْ ظٜىٰرُوِيَ دَ كُمَ أَبِيَتَرْ ڢِرِسْتِ؞ سُو كُوَ سُكَ يَرْدَ سُيِ غُواْيُوانْ بَايَنْسَ؞

⁸ عَمَّا ظَدُواكْ ڢِرِسْتِ دَ بٜىٰنَيَ طَنْ يٜىٰهُواْيِدَ دَ أَنَّبِے نَتَنْ دَ شِمٜىٰيِ دَ رٜىٰيِ دَ سُواْجُواْجِنْ دَاوُدَ مَڢِيَ عِيَ يَاڧِ بَسُ غُواْيِ بَايَنْ أَدُواْنِيَ بَ؞

⁹ وَتَرَانَ أَدُواْنِيَ يَتَڢِے دُوڟٜىٰنْ ذُواْهٜىٰلٜىٰتْ كُسَدَ عٜىٰنْرُواْغٜىٰلْ، عِنْدَ يَيِ هَدَايَرْ تُمَكِ دَ شَانُنْ نُواْمَ دَ شَانُنْ دَ عَكٜىٰكِيوُاْ أَغِدَا؞ يَكُمَ غَيَّثِ یَنْعُوَنْسَ، وَتُواْ سَوْرَنْ یَیَنْ سَرْكِے دَاوُدَ، تَرٜىٰدَ دُكَنْ دَتَّاوَنْ سَرْكِے دَ سُكَ ڢِتُواْ دَغَ يَهُودَ؞

¹⁰ عَمَّا أَدُواْنِيَ بَيْ غَيَّثِ أَنَّبِے نَتَنْ دَ بٜىٰنَيَ دَ سُواْجُواْجِنْ دَاوُدَ مَڢِيَ عِيَ يَاڧِ، كُواْ كُوَ طَنْعُوَنْسَ سُلَيْمَٰنُ بَ؞

كُوكَنْ نٜىٰمَ أَنَطَ سُلَيْمَٰنُ سَرْكِے

¹¹ سَعَنً أَنَّبِے نَتَنْ يَتَڢِے وُرِنْ بَتْشٜىٰبَةُ مَامَرْ سُلَيْمَٰنُ، يَتَمْبَيٜىٰتَ يَثٜىٰ ‏«‏بَكِجِ ثٜىٰوَ أَدُواْنِيَ طَنْ هَغِّتْ يَنَطَ كَنْسَ سَرْكِے بَ؟ كُمَ سَرْكِے دَاوُدَ بَيْ سَنْ كُواْمٜىٰ عَكَيْبَ!‏

¹² تُواْ، بَرِ إِنْ بَاكِ شَوَرَا يَدَّ ذَاكِ ثٜىٰثِ رَنْكِ دَ نَطَنْكِ سُلَيْمَٰنُ؞

¹³ يَنْذُ نَنْ كِتَڢِے وُرِنْ سَرْكِے دَاوُدَ كِثٜىٰمَسَ، ‏‹‏رَنْكَيَدَطٜىٰ، سَرْكِے، بَكَيْ كَايِ مِنِ أَلْڧَوَرِ دَ ضَنْڟُوَا ثٜىٰوَ طَانَ سُلَيْمَٰنُ ذَيْ يِمُلْكِ بَايَنْكَ يَذَوْنَ عَكُجٜىٰرَرْ مُلْكِنْكَبَ؟ تُواْ، يَيَ عَكَيِ أَدُواْنِيَ يَذَمَ سَرْكِے؟›‏

¹⁴ يَايِنْ دَ كِكٜىٰ ثِكِنْ مَغَنَ دَ سَرْكِے، ذَنْ شِغُواْ إِنْ تَبَّتَرْ دَ مَغَنَرْكِ؞»‏

¹⁵ سَيْ بَتْشٜىٰبَةُ تَشِغَ ثِكِنْ طَاكِنْ ݣُونْثِيَرْ سَرْكِے؞ أَ لُواْكَثِنْ كُوَ، سَرْكِے يَڟُوڢَ سُواْسَيْ، كُمَ أَبِشَغْ یَرْ غَرِنْ شُنٜىٰمْ ثٜىٰ تَكٜىٰيِ مَسَ حِدِمَ؞

¹⁶ بَتْشٜىٰبَةُ تَرُسُنَ دَ ڢُسْكَرْتَ حَرْ ڧَسَا تَغَيْ دَ سَرْكِے، سَيْ يَتَمْبَيٜىٰتَ يَثٜىٰ ‏«‏مٜىٰكِكٜىٰ نٜىٰمَ؟»‏

¹⁷ تَا أَمْسَ تَثٜىٰ ‏«‏رَنْكَيَدَطٜىٰ، سَرْكِے!‏ كَارِغَا كَا ضَنْڟٜىٰ مِنِ دَ سُونَنْ يَهْوٜىٰهْ اللَّهْ نْكَ ثٜىٰوَ سُلَيْمَٰنُ طَانَ نٜىٰ ذَيْ يِمُلْكِ بَايَنْكَ، ذَيْ كُوَ ذَوْنَ عَكُجٜىٰرَرْ مُلْكِنْكَ؞

¹⁸ غَاشِ يَنْذُ أَدُواْنِيَ يَذَمَ سَرْكِے، رَنْكَيَدَطٜىٰ، كُواْدَيَكٜىٰ بَكَ سَنِبَ؞

¹⁹ يَرِغَا يَمِيڧَ هَدَايَرْ شَانُو دَ دَبُّواْبِنْ دَ عَكَيِ كِيوُانْسُ أَغِدَا دَ تُمَكِ مَاسُيَوَ؞ يَغَيَّثِ أَبِيَتَرْ ڢِرِسْتِ دَ يُواْوَبْ شُوغَبَنْ سُواْجُواْجِنْكَ، تَرٜىٰدَ دُكَنْ یَیَ مَذَنْ سَرْكِے، عَمَّا بَيْ غَيَّثِ مَيْ حِدِمَرْكَ سُلَيْمَٰنُ بَ؞

²⁰ رَنْكَيَدَطٜىٰ، أَغَرٜىٰكَ دُكَنْ جَمَعَرْ إِسْرَٰٓءِيلَ سُكٜىٰ ظُبَ عِدُواْ سُنَ جِرَا دُواْمِنْ كَڢَطَا مُسُ وَنْدَ ذَيْ ذَوْنَ عَكُجٜىٰرَرْ مُلْكِنْكَ بَايَنْكَ؞

²¹ عِدَنْ مَيْغِرْمَ سَرْكِے بَيْيِ حَكَبَ، بَايَنْ يَيِ بَرْثِ تَرٜىٰدَ كَاكَنِّنْسَ، ذَاعَ طَوْكٜىٰنِ دَ طَانَ سُلَيْمَٰنُ مَاسُثِنْ أَمَانَرْ ڧَسَانٜىٰ؞»‏

²² سَعَدَّ تَكٜىٰ ثِكِنْ مَغَنَ دَ سَرْكِے، سَيْ أَنَّبِے نَتَنْ يَشِغَ؞

²³ عَكَثٜىٰ وَ سَرْكِے ‏«‏غَا أَنَّبِے نَتَنْ؞»‏ دَ نَتَنْ يَذُواْ غَبَنْ سَرْكِے سَيْ يَرُسُنَ دَ ڢُسْكَرْسَ حَرْ ڧَسَا يَغَيْ دَ سَرْكِے؞

²⁴ نَتَنْ يَثٜىٰ ‏«‏رَنْكَيَدَطٜىٰ سَرْكِے، كُواْ كَسَنَرْ ثٜىٰوَ أَدُواْنِيَ نٜىٰ ذَيْ ذَمَ سَرْكِے بَايَنْكَ، يَذَوْنَ عَكُجٜىٰرَرْ مُلْكِنْكَ؟

²⁵ غَمَا عَيَوْ طِنَّنْ يَتَڢِے يَمِيڧَ هَدَايَرْ شَانُو دَ دَبُّواْبِنْ دَ عَكَيِ كِيوُانْسُ أَغِدَا دَ تُمَكِ مَاسُيَوَ، كُمَ يَغَيَّثِ دُكَنْ یَیَ مَذَنْ سَرْكِے دَ شُوغَبَنِّنْ سُواْجُواْجِ دَ أَبِيَتَرْ ڢِرِسْتِ؞ غَاشِ كُوَ سُنَثِ سُنَشَا أَغَبَنْ أَدُواْنِيَ سُنَ ثٜىٰ مَسَ، ‏‹‏رَنْكَيَدَطٜىٰ، سَرْكِے أَدُواْنِيَ!‏›‏

²⁶ عَمَّا بَيْ غَيَّثٜىٰنِ مَيْ حِدِمَرْكَبَ، كُواْ ظَدُواكْ ڢِرِسْتِ، كُواْ بٜىٰنَيَ طَنْ يٜىٰهُواْيِدَ، كُواْ مَيْ حِدِمَرْكَ سُلَيْمَٰنُ؞

²⁷ رَنْكَيَدَطٜىٰ، كُواْ غَسْكِيَثٜىٰ ثٜىٰوَ أَبِنْدَ يَكٜىٰ ڢَرُوَ دَ سَنِنْكَ نٜىٰ؟ كُمَ بَكَ كُواْ ڢَطَا وَوَنِ دَغَ ثِكِنْمُ مَاسُ حِدِمَرْكَ وَظَيْ ذَوْنَ عَكُجٜىٰرَرْ مُلْكِنْكَ بَايَنْكَبَ؞»‏

أَنَّطَ سُلَيْمَٰنُ سَرْكِے

²⁸ سَعَنً سَرْكِے دَاوُدَ يَثٜىٰ ‏«‏عَكِرَا مِنِ بَتْشٜىٰبَةُ تَدَاوُاْ ثِكِ؞»‏ سَيْ تَشِغُواْ وُرِنْ سَرْكِے تَڟَيَ أَغَبَنْسَ؞

²⁹ سَرْكِے يَثٜىٰ مَتَ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ وَنْدَ يَڢَنْشٜىٰنِ دَغَ كُواْوَثٜىٰ وَهَلَ، ذَنْ ثِكَ رَنْڟُوَاتَا يَوْ؞

³⁰ يَوْ ذَنْ ثِكَ ضَنْڟُوَارْدَ نَيِ مِكِ ثِكِنْ سُونَنْ يَهْوٜىٰهْ اللَّهْ نَ إِسْرَٰٓءِيلَ ثٜىٰوَ طَنْكِ سُلَيْمَٰنُ ذَيْ غَاجٜىٰنِ يَذَمَ سَرْكِے، ذَيْ ذَوْنَ عَكُجٜىٰرَرْ مُلْكِنَ بَايَنَ؞»‏

³¹ سَيْ بَتْشٜىٰبَةُ تَرُسُنَ دَ ڢُسْكَرْتَ حَرْ ڧَسَا تَثٜىٰ وَسَرْكِے ‏«‏بَرِ رَنْ مَيْغِرْمَنَ سَرْكِے دَاوُدَ يَدَطٜىٰ حَرْ أَبَدَا!‏»‏

³² سَرْكِے دَاوُدَ يَعُمَرْتَ عَكِرَا مَسَ ظَدُواكْ ڢِرِسْتِ دَ أَنَّبِے نَتَنْ دَ بٜىٰنَيَ طَنْ يٜىٰهُواْيِدَ؞ دَ سُكَ إِسُواْ غَبَنْ سَرْكِے سَيْيَثٜىٰ مُسُ،

³³ ‏«‏كُطَوْكِ سُلَيْمَٰنُ تَرٜىٰدَ دَتَّاوَنَ، كُسَا سُلَيْمَٰنُ يَهَوْ جَاكِنْ دُواْكِنَ كُغَنْ‌غَرَ دَشِ ذُوَا غِهُوانْ؞

³⁴ كُسَا ظَدُواكْ ڢِرِسْتِ دَ أَنَّبِے نَتَنْ سُظُبَ مَسَ مَنْ كٜىٰٻٜىٰوَ أَوُرِنْ، سُنَطَشِ سَرْكِنْ إِسْرَٰٓءِيلَ؞ سَيْ كُبُوسَ ڧَهُواْ كُثٜىٰ، ‏‹‏رَنْكَيَدَطٜىٰ، سَرْكِے سُلَيْمَٰنُ!‏›‏

³⁵ سَيْ كُهَوْرُواْ دَشِ نَنْ يَشِغَ ثِكِ يَذَوْنَ عَكُجٜىٰرَرْ مُلْكِنَ؞ غَمَا شِے ذَيْ ذَمَ سَرْكِے بَايَنَ كُمَ نَسَا شِ يَذَمَ سَرْكِنْ إِسْرَٰٓءِيلَ دَ يَهُودَ؞»‏

³⁶ سَيْ بٜىٰنَيَ طَنْ يٜىٰهُواْيِدَ يَأَمْسَا وَ سَرْكِے يَثٜىٰ ‏«‏أَمِينْ!‏ بَرِ يَهْوٜىٰهْ اللَّهْ نَمَيْغِرْمَ سَرْكِے يَتَبَّتَرْ دَ كُواْمٜىٰ؞

³⁷ كَمَرْ يَدَّ يَهْوٜىٰهْ يَكَسَنْثٜىٰ تَرٜىٰدَ مَيْغِرْمَنَ سَرْكِے، حَكَكُمَ بَرِ يَكَسَنْثٜىٰ تَرٜىٰدَ سُلَيْمَٰنُ، يَكُمَسَا مُلْكٍ سُلَيْمَٰنُ يَڢِ نَمَيْغِرْمَنَ سَرْكِے دَاوُدَ؞»‏

³⁸ سَيْ ظَدُواكْ ڢِرِسْتِ دَ أَنَّبِے نَتَنْ دَ بٜىٰنَيَ طَنْ يٜىٰهُواْيِدَ، تَرٜىٰدَ مَاسُ غَادِنْ سَرْكِے سُكَ غَنْ‌غَرَ؞ سُكَسَا سُلَيْمَٰنُ عَكَنْ جَاكِنْ دُواْكِنْ سَرْكِے دَاوُدَ، سَعَنً سُكَ رَكَ شِ ذُوَا غِهُوانْ؞

³⁹ أَوُرِنْ ظَدُواكْ ڢِرِسْتِ يَطَوْكِ ڧَهُوانْ مَيْ وَنْدَ يَكَٰوُاْ دَغَ تٜىٰنْتِنْ يَهْوٜىٰهْ، يَظُبَاوَ سُلَيْمَٰنُ يَنَطَشِ سَرْكِے؞ سَيْ سُكَ بُوسَ ڧَهُواْ، دُكَنْ جَمَعَرْ كُوَ سُكَ طَغَ مُرْيَ سُكَثٜىٰ ‏«‏رَنْكَيَدَطٜىٰ، سَرْكِے سُلَيْمَٰنُ!‏»‏

⁴⁰ سَيْ دُكَنْ جَمَعَ سُكَ هَوْرُواْ سُكَبِيشِ، سُنَ بُوسَ سَرٜىٰوَ سُنَ مُرْنَ سُواْسَيْ، حَرْ مَا ڧَسَا تَغِرْغِظَ سَبُواْدَ إِيهُنْدَ سُكٜىٰيِ؞

⁴¹ أَدُواْنِيَ تَرٜىٰدَ دُكَنْ بَڧِنْ دَسُكٜىٰ دَشِ سُكَجِ إِيهٌ دَيْدَيْ سُنَ ڧَارٜىٰ بِكِنْسُ؞ دَ يُواْوَبْ يَجِ بُوسَرْ ڧَهُواْ سَيْيَثٜىٰ ‏«‏مٜىٰ يَجَٰوُاْ إِيهُ عَثِكِنْ بِرْنِ حَكَ؟»‏

⁴² يُواْوَبْ يَنَ ثِكِنْ مَغَنَ كٜىٰنَنْ، سَيْغَاشِ يُواْنَتَنْ طَنْ أَبِيَتَرْ ڢِرِسْتِ يَ إِسُواْ وُرِنْ؞ سَيْ أَدُواْنِيَ يَثٜىٰ مَسَ ‏«‏شِغُواْ، غَمَا كَيْ مُتُمِنْ كِرْكِنٜىٰ، لَلَّيْ كَنَ كَٰوُاْ لَابَرِ مَيْ دَاطِے؞»‏

⁴³ يُواْنَتَنْ يَثٜىٰ وَ أَدُواْنِيَ ‏«‏أَعَ!‏ مَيْغِرْمَنْمُ سَرْكِے دَاوُدَ يَنَطَ سُلَيْمَٰنُ سَرْكِے!‏

⁴⁴ سَرْكِے كُمَ يَعَيْكِ ظَدُواكْ ڢِرِسْتِ دَ أَنَّبِے نَتَنْ دَ بٜىٰنَيَ طَنْ يٜىٰهُواْيِدَ دَ مَاسُ غَادِنْ سَرْكِے تَرٜىٰدَ سُلَيْمَٰنُ ذُوَا غِهُوانْ؞ سُكَسَا يَهَوْ جَاكِنْ دُواْكِنْ سَرْكِے؞

⁴⁵ ظَدُواكْ دَ نَتَنْ سُكَ ظُبَ مَسَ مَنْ كٜىٰٻٜىٰوَ سُكَ نَطَشِ سَرْكِے أَ غِهُوانْ؞ يَنْذُ نٜىٰ سُكَ هَوْرُواْ ثِكٜىٰ دَسُورُوتُ دَ مُرْنَ؞ دَلِيلِنْ إِيهٌ دَ كُكٜىٰجِ يَكٜىٰ ڢِتُواْوَ دَغَ بِرْنِنْ كٜىٰنَنْ؞

⁴⁶ بَنْدَ حَكَمَا سُلَيْمَٰنُ يَا رِغَا يَا ذَوْنَ عَكُجٜىٰرَرْ مُلْكٍ سَرْكِے؞

⁴⁷ دُكَنْ دَتَّاوَنْ سَرْكِے كُمَ سُنْ تَڢِے سُنْيِ وَمَيْغِرْمَنْمُ سَرْكِے دَاوُدَ غَيْسُوَا سُنَ ثٜىٰوَ ‏‹‏اللَّهْ نْكَ يَسَا سُلَيْمَٰنُ يَيِ سُونَ ڢِيٜىٰ دَكَيْ، بَرِ مُلْكِنْسَ كُمَ يَڢِ نَاكَ!‏›‏ سَيْ سَرْكِے يَيِ سُجَّدَ عَكَنْ غَدُوانْسَ؞

⁴⁸ سَعَنً يَثٜىٰ، ‏‹‏أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ، وَنْدَ يَوْ يَبَانِ وَنْدَ ذَيْ ذَوْنَ عَكُجٜىٰرَرْ مُلْكِنَ، عِدَنُونَ كُوَ سُنَ غَنِ؞›‏ »‏

⁴⁹ دَجِنْ حَكَ، سَيْ دُكَنْ بَڧِنْ أَدُواْنِيَ سُكَ ڟُواْرَتَ سُكَتَاشِ، كُواْوَ يَكَامَ حَنْيَرْسَ؞

⁵⁰ أَدُواْنِيَ، سَبُواْدَ يَنَ جِنْ ڟُواْرُوانْ سُلَيْمَٰنُ، يَا تَاشِ يَتَڢِے وُرِنْ تٜىٰنْتِنْ يَهْوٜىٰهْ يَكَامَ ڧَهُواْنِنْ بَغَدٜىٰنْ؞

⁵¹ عَكَ ڢَطَا وَ سُلَيْمَٰنُ ثٜىٰوَ أَدُواْنِيَ يَنَ جِنْ ڟُواْرُوانْسَ؞ غَاشِ يَكَامَ ڧَهُواْنِنْ بَغَدٜىٰ يَنَ ثٜىٰوَ ‏«‏بَرِ سَرْكِے سُلَيْمَٰنُ يَرَنْڟٜىٰ مِنِ ثٜىٰوَ بَذَيْ كَشٜىٰنِبَ!‏»‏

⁵² سُلَيْمَٰنُ يَأَمْسَ يَثٜىٰ ‏«‏عِدَنْ يَا نُونَ كَنْسَ مُتُمِنْ كِرْكِ نٜىٰ، كُواْ غَاشِنْ كَنْسَ طَيَ بَذَيْ ڢَاطِ عَڧَسَابَ؞ عَمَّا عِدَنْ أَنْسَامٜىٰشِ دَ مُغُنْتَا، ذَيْ مُتُ؞»‏

⁵³ سَيْ سَرْكِے سُلَيْمَٰنُ يَعَيْكَ عَتَڢِے أَ سَوْكَرْ دَشِ دَغَ بِسَنْ بَغَدٜىٰنْ عَكَٰوُاْ شِ؞ دَ أَدُواْنِيَ يَذُواْ سَيْ يَرُسُنَ دَ ڢُسْكَرْسَ حَرْ ڧَسَا أَغَبَنْ سَرْكِے سُلَيْمَٰنُ؞ سُلَيْمَٰنُ كُوَ يَثٜىٰ مَسَ ‏«‏تَڢِے غِدَنْكَ؞»‏