1 يَحْيَى 5 - أَتَّوْرَتْ دَ أَنَّبَاوَاحَنْيَرْ يِنَّصَرَا دَ دُونِيَا 1 دُكْ وَنْدَ يَبَادَ غَسْكِيَ ثٜىٰوَ عِيسَىٰ نٜىٰ أَلْمَسِيحُ، مُتُمِنَّنْ طَنْ اللَّهْ نٜىٰ؞ دُكْ مَيْ ڧَوْنَرْ عُبَنْ ذَيْ ڧَوْنَثِ طَنْ مَا؞ 2 غَا يَدَّ ذَامُ سَنِ ثٜىٰوَ مُنَ ڧَوْنَرْ یَیَنْ اللَّهْ، إِنْ مُنَ ڧَوْنَرْ اللَّهْ، مُنَ كُمَ كِيَايٜىٰ عُمَرْنَنْسَ؞ 3 غَمَا ڧَوْنَرْمُ غَ اللَّهْ عِتَثٜىٰ، مُكِيَايٜىٰ عُمَرْنَنْسَ، كُمَ عُمَرْنَنْسَ بَاسُدَ نَوْيِ؞ 4 غَمَا كُواْوَنٜىٰ طَنْ اللَّهْ يَنَدَ إِيكُواْ يَثِ نَصَرَا دَ دُونِيَا؞ بَنْغَسْكِيَرْمُ ثِكِنْ أَلْمَسِيحُ عِتَثٜىٰ تَكٜىٰ بَامُ وَنَّنْ نَصَرَا؞ 5 وَنٜىٰنٜىٰ مَيْ نَصَرَا دَ دُونِيَا؟ سَيْ وَنْدَ يَابَادَ غَسْكِيَ ثٜىٰوَ عِيسَىٰ طَنْ اللَّهْ نٜىٰ؞ شَيْدَ غَمٜىٰدَ طَنْ اللَّهْ 6 أَنْ بَيَّنَ عِيسَىٰ أَلْمَسِيحُ أَمَڟَيِنْسَ نَ طَنْ اللَّهْ تَوُرِنْ بَڢْتِسْمَرْسَ ثِكِنْ ضُوَ دَ كُمَ تَوُرِنْ ظُبْدَ جِنِنْسَ عَكَنْ غِثِّيٜىٰ، وَتُواْ، بَا وَيْ تَوُرِنْ ضُوَ كَطَيْبَ، عَمَّا تَوُرِنْ ضُوَ دَ جِنِ؞ رُوحٌ نٜىٰ كُمَ وَنْدَ يَكٜىٰ غَسْكِيَ يَا تَبَّتَرْ مَنَ دَ وَنَّنْ؞ 7 أَݣَويْ أَبُبُوَ عُكُ وَطَنْدَ سُكٜىٰ شَيْدَ ثٜىٰوَ عِيسَىٰ طَنْ اللَّهْ نٜىٰ؞ 8 وَتُواْ، سُونٜىٰ رُوحٌ اللَّهْ دَ ضُوً بَڢْتِسْمَ دَ جِنِنْسَ وَنْدَ يَظُبَرْ سَبُواْدَمُو؞ وَطَنَّنْ أَبُبُوَ عُكُ كُوَ سُنَ ڢَطِنْ أَبُ طَيَ نٜىٰ؞ 9 عِدَنْ مُكَنْ كَرْٻِ شَيْدَرْ مُتُمْ، أَيْ، شَيْدَرْ اللَّهْ تَاڢِ تَمُتُمْ غِرْمَ، غَمَا شَيْدَرْ اللَّهْ كٜىٰنَنْ وَدَّ يَبَايَرْ غَمٜىٰدَ طَنْسَ؞ 10 سَبُواْدَ حَكَ، دُكْ مُتُمِنْ دَ يَبَادَ غَسْكِيَ غَ طَنْ اللَّهْ، يَنَدَ وَنَّنْ شَيْدَ أَ ذُوثِيَارْسَ؞ عَمَّا دُكْ مُتُمِنْدَ بَيْ غَسْكَتَادَ اللَّهْ بَ، يَا مَيْدَ اللَّهْ مَيْ ڧَضْيَا كٜىٰنَنْ، غَمَا بَيْ بَادَ غَسْكِيَ غَ شَيْدَرْ دَ اللَّهْ يَا بَايَرْ غَمٜىٰدَ طَنْسَبَ؞ 11 وَنَّنْ كُمَ عِتَثٜىٰ شَيْدَرْ ثٜىٰوَ اللَّهْ يَا بَامُ رَيْ نَهَرْ أَبَدَا، وَنَّنْ رَيْ كُوَ عَثِكِنْ طَنْسَ يَكٜىٰ؞ 12 دُكْ وَنْدَ يَنَدَ طَنْ، يَنَدَ رَيْ؞ عَمَّا دُكْ وَنْدَ بَاشِ دَ طَنْ اللَّهْ، بَاشِ دَرَيْ؞ رَيْ نَهَرْ أَبَدَا 13 كُو مَاسُ بَادَ غَسْكِيَ ثِكِنْ طَنْ اللَّهْ، نَارُبُوتَ مُكُ وَطَنَّنْ أَبُبُوَ دُكَ نٜىٰ دُواْمِنْ كُسَنِ كُنَدَ رَيْ نَهَرْ أَبَدَا؞ 14 وَنَّنْ نٜىٰ تَبَّثِنْ دَمُكٜىٰ دَشِ أَغَبَنْ اللَّهْ، وَتُواْ، عِدَنْ مُنْ ضُواْڧِ كُواْمٜىٰ بِسَغَ نُڢِنْسَ، ذَيْ سَوْرَرٜىٰمُ؞ 15 دَيَكٜىٰ مُنْ سَنْ يَنَ جِنْمُ كُواْوَنٜىٰ لُواْكَثِنْ دَ مُكَ ضُواْڧٜىٰشِ وَنِ أَبُ، مُنْ سَنِ ثٜىٰوَ ذَامُ سَامِ أَبِنْدَ مُكَ ضُواْڧَا؞ 16 عِدَنْ وَنِ يَغَ طَنْعُوَنْسَ يَنَ يِنْ ذُنُوبِ وَنْدَ بَيْكَيْ غَ مُتُوَبَ، سَيْ يَيِ مَسَ أَدُّعَ؞ سَبُواْدَ مَيْ أَدُّعَرْ نَنْ كُوَ اللَّهْ ذَيْبَا مَيْ ذُنُوبِنَّنْ رَيْ؞ كُواْدَيَكٜىٰ أَݣَويْ ذُنُوبِنْ دَ يَكَنْ كَيْ غَ مُتُوَ، عَمَّا بَنْثٜىٰ عَيِ أَدُّعَ غَمٜىٰدَ وَنَّنْبَ؞ 17 دُكْ رَشِنْ أَدَلْثِے ذُنُوبِنٜىٰ، عَمَّا بَكُواْوَنٜىٰ ذُنُوبِ يَنَ كَيْ غَ مُتُوَبَ؞ 18 مُنْ سَنْ ثٜىٰوَ دُكْ یَیَنْ اللَّهْ بَاسَثِيغَبَدَ يِنْ ذُنُوبِ، غَمَا طَنْ اللَّهْ يَنَ ڟَرٜىٰسُ؞ مُوغُنَّنْ كُوَ بَا يَتَٻَسُ؞ 19 مُنْ سَنِ مُو یَیَنْ اللَّهْ نٜىٰ، كُواْدَيَكٜىٰ دُونِيَا دُكَ تَنَ أَ حَنُّنْ مُوغُنَّنْ؞ 20 مُنْ سَنِ ثٜىٰوَ طَنْ اللَّهْ يَا ذُواْ دُونِيَا، يَا كُمَ بَامُ غَانٜىٰوَ دُواْمِنْ مُسَنْ شِے وَنْدَ يَكٜىٰ نَغَسْكِيَ؞ مُو كُوَ مُنَ ثِكِنْسَ، شِے دَيَكٜىٰ نَغَسْكِيَ وَتُواْ، ثِكِنْ طَنْسَ عِيسَىٰ أَلْمَسِيحُ؞ شِينٜىٰ اللَّهْ نَغَسْكِيَ دَ كُمَ رَيْ نَهَرْ أَبَدَا؞ 21 يَا كُو یَیَنَ وَطَنْدَ نَكٜىٰ ڧَوْنَ، كُكِيَايٜىٰ كَنْكُ دَغَ بِنْ أَلُّواْلِنْ ڧَضْيَا؞ |
Hausa Common Language Ajami Bible © The Bible Society of Nigeria, 2020
Bible Society of Nigeria