1 يَحْيَى 4 - أَتَّوْرَتْ دَ أَنَّبَاوَاأَ ڠُودَ رُوحُواْحِ 1 يَا كُو وَطَنْدَ نَكٜىٰ ڧَوْنَ، كَدَ كُبَادَ غَسْكِيَ دَ دُكْ وَنْدَ يَثٜىٰ يَنَدَ رُوحٌ اللَّهْ، عَمَّا كُڠُودَاسُ دُكَ دُواْمِنْ كُغَنِ كُواْ دَغَ وُرِنْ اللَّهْ سُكٜىٰ؞ غَمَا أَنَّبَاوَنْ ڧَضْيَا سُنْ بَظُو كُواْعِنَ عَدُونِيَا؞ 2 غَا يَدَّ ذَاكُ غَانٜىٰ كُواْ مُتُمْ يَنَدَ رُوحٌ اللَّهْ؞ دُكْ مُتُمِنْ دَ يَشَيْدَ ثٜىٰوَ عِيسَىٰ أَلْمَسِيحُ يَا ذُواْ ثِكِنْ جِكِے، مُتُمِنَّنْ يَنَدَ رُوحٌ اللَّهْ؞ 3 عَمَّا دُكْ مُتُمِنْ دَ بَيْ شَيْدَ حَكَ عَكَنْ عِيسَىٰ بَ، تُواْ، رُوحٌ دَ يَكٜىٰدَشِ بَ دَغَ وُرِنْ اللَّهْ بَنٜىٰ؞ وَنَّنْ رُوحٌ دَ يَكٜىٰدَشِ نَمَيْ غَابَادَ أَلْمَسِيحُ نٜىٰ وَنْدَ كُكَجِ ثٜىٰوَ ذَيْذُواْ، أَيْ، يَنْذُ مَا يَا رِغَا يَا شِغُواْ دُونِيَا؞ 4 يَا كُو یَیَنَ وَطَنْدَ نَكٜىٰ ڧَوْنَ، كُو كَمْ نَ اللَّهْ نٜىٰ، كُنْكُمَثِ نَصَرَا عَكَنْ أَنَّبَاوَنْ ڧَضْيَارْ نَنْ، دُواْمِنْ رُوحٌ اللَّهْ دَيَكٜىٰ ثِكِنْكُ يَاڢِ رُوحٌ دَيَكٜىٰ ثِكِنْ مُتَنٜىٰنْ دَسُكٜىٰ نَدُونِيَا؞ 5 تُنْدَا مَا سُو نَدُونِيَا نٜىٰ، سَبُواْدَ حَكَ دُكْ أَبِنْدَ سُكَ ڢَطَا دَغَ دُونِيَا نٜىٰ، دُونِيَا كُوَ تَنَ جِنْسُ؞ 6 عَمَّا مُو، نَ اللَّهْ نٜىٰ؞ وَطَنْدَ سُنْ سَنْ اللَّهْ سُكَنْجِيمُ، وَطَنْدَ كُمَ بَسُ سَنْ اللَّهْ بَ، بَاسَجِنْمُ؞ تُواْ، تَهَكَنٜىٰ مُكَسَنْ مُتُمِنْ دَ يَكٜىٰدَ رُوحٌ غَسْكِيَ دَ مُتُمِنْ دَ يَكٜىٰدَ رُوحٌ ڧَضْيَا؞ اللَّهْ ڧَوْنَنٜىٰ 7 يَا كُو وَطَنْدَ نَكٜىٰ ڧَوْنَ، سَيْ مُڧَوْنَثِ جُونَ، غَمَا ڧَوْنَ دَغَ وُرِنْ اللَّهْ تَكٜىٰ؞ دُكْ مَيْ نُونَ ڧَوْنَ شِ طَنْ اللَّهْ نٜىٰ، يَا كُمَ سَنْ اللَّهْ؞ 8 دُكْ وَنْدَ بَايَ نُونَ ڧَوْنَ، بَيْسَنْ اللَّهْ بَ سَمْ، غَمَا اللَّهْ ڧَوْنَ نٜىٰ؞ 9 غَا يَدَّ اللَّهْ يَنُونَ مَنَ ڧَوْنَرْسَ؞ يَاعَيْكُواْ دَ مَكَطَيْثِنْ طَنْسَ ذُوَا ثِكِنْ دُونِيَا دُواْمِنْ مُسَامِ رَيْ تَوُرِنْسَ؞ 10 غَا يَدَّ ڧَوْنَ تَغَسْكِيَ تَكٜىٰ، وَتُواْ بَا مُو نٜىٰ مُكَ ڧَوْنَثِ اللَّهْ بَ، سَيْدَيْ شِينٜىٰ يَڧَوْنَثٜىٰمُ، حَرْ يَعَيْكُواْ دَ طَنْسَ دُواْمِنْ يَذَمَ هَدَايَ تَطَوْكَرْ أَلْحَكِنْ ذُنُبَنْمُ؞ 11 يَا كُو وَطَنْدَ نَكٜىٰ ڧَوْنَ، تُنْدَيَكٜىٰ اللَّهْ يَا ڧَوْنَثٜىٰمُ حَكَ، يَا كَمَاتَ مُو مَا مُڧَوْنَثِ جُونَ؞ 12 بَا مُتُمِنْ دَ يَتَٻَ غَنِنْ اللَّهْ، عَمَّا إِنْ مُنَ ڧَوْنَرْ جُونَ، اللَّهْ يَنَ ذَمَ عَثِكِنْمُ كٜىٰنَنْ، ڧَوْنَرْسَ كُمَ تَا ذَمَ ثِكَكِّيَ عَثِكِنْمُ؞ 13 تَهَكَ مُكَ تَبَّتَا مُنَ ذَمَ عَثِكِنْسَ، شِيكُمَ عَثِكِنْمُ، سَبُواْدَ يَا بَامُ رُوحُنْسَ؞ 14 مُنْ دُوبَ، مُنَ كُمَ بَادَ شَيْدَ ثٜىٰوَ عُبَنْ يَا عَيْكُواْ طَنْسَ يَذَمَ مَيْ ثٜىٰتُوانْ دُونِيَا؞ 15 دُكْ وَنْدَ يَبُوطٜىٰ بَاكِ يَشَيْدَ ثٜىٰوَ عِيسَىٰ طَنْ اللَّهْ نٜىٰ، تُواْ، يَنَ ثِكِنْ اللَّهْ، اللَّهْ كُمَ يَنَ ثِكِنْسَ؞ 16 حَڧِيڧَ، مُنْ سَنِ مُنْ كُمَ بَادَ غَسْكِيَ غَ ڧَوْنَرْ دَ اللَّهْ يَكٜىٰ نُونَ مَنَ؞ اللَّهْ ڧَوْنَ نٜىٰ، دُكْ وَنْدَ يَكٜىٰ نُونَ ڧَوْنَ يَنَ ذَمَ ثِكِنْ اللَّهْ نٜىٰ، اللَّهْ كُمَ يَنَ ذَمَ عَثِكِنْسَ؞ 17 ڧَوْنَرْسَ تَا ذَمَ ثِكَكِّيَ عَثِكِنْمُ دُواْمِنْ مُكَسَنْثٜىٰ دَ تَبَّثِ ذَامُ ڟَيَ أَغَبَنْ اللَّهْ أَ رَانَرْ دَ ذَيْ يِشَرِيعَ؞ غَمَا كَمَرْ يَدَّ أَلْمَسِيحُ يَكٜىٰ، حَكَ مُكٜىٰ عَدُونِيَرْ نَنْ؞ 18 عِنْدَ ڧَوْنَرْ اللَّهْ تَكٜىٰ، بَابُ ڟُواْرُواْ، دُواْمِنْ ثِكَكِّيَرْ ڧَوْنَ تَكَنْ كَوَرْدَ ڟُواْرُواْ؞ عِدَنْ مُتُمْ يَنَدَ ڟُواْرُواْ، أَيْ، سَبُواْدَ ڟُواْرُوانْ حُكُنْثِ نٜىٰ؞ وَنَّنْ مَا تَبَّثِنٜىٰ ثٜىٰوَ مُتُمِنْ بَاشِ دَ ثِكَكِّيَرْ ڧَوْنَ؞ 19 مُنَ ڧَوْنَ غَمَا اللَّهْ نٜىٰ يَڢَارَ ڧَوْنَرْمُ؞ 20 عَمَّا عِدَنْ وَنِ يَثٜىٰ، «أَيْ، إِنَڧَوْنَرْ اللَّهْ،» سَعَنً يَنَڧِنْ طَنْعُوَنْسَ، تُواْ، وَنَّنْ مُتُمْ مَيْڧَضْيَا نٜىٰ؞ غَمَا دُكْ وَنْدَ بَايَڧَوْنَرْ طَنْعُوَنْسَ وَنْدَ يَكٜىٰ غَنِ، بَذَيْ عِيَ ڧَوْنَرْ اللَّهْ وَنْدَ بَيْتَٻَ غَنِبَ؞ 21 أَلْمَسِيحُ كُمَ يَا بَامُ دُواْكَا ثٜىٰوَ دُكْ مَيْ ڧَوْنَرْ اللَّهْ، دُواْلٜىٰنٜىٰ يَڧَوْنَثِ طَنْعُوَنْسَ كُمَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria