1 يَحْيَى 3 - أَتَّوْرَتْ دَ أَنَّبَاوَایَیَنْ اللَّهْ 1 إِنَا مِصَالِنْ ڧَوْنَرْ دَ عُبَنْ يَيِ مَنَ عَيَلْوَثٜىٰ، حَرْ دَ عَكٜىٰ ثٜىٰ دَ مُو یَیَنْ اللَّهْ! حَكَ كُوَ مُكٜىٰ؞ دَلِيلِنْ دَ دُونِيَا بَتَسَنْمُبَ شِينٜىٰ بَتَسَنْشِيبَ؞ 2 يَا كُو وَطَنْدَ نَكٜىٰ ڧَوْنَ، يَنْذُ مُو یَیَنْ اللَّهْ نٜىٰ؞ بَعَبَيَّنَ مَنَ أَبِنْدَ ذَامُ ذَمَ نَنْ غَبَبَ تُكُنَ؞ عَمَّا مُنْ سَنِ ثٜىٰوَ إِنْ أَلْمَسِيحُ يَا بَيَّنَ، ذَامُ ذَمَ كَمَرْسَ، غَمَا ذَامُ غَنْ شِ دَيْدَيْ يَدَّ يَكٜىٰ؞ 3 دُكْ وَنْدَ يَكٜىٰسَا ذُوثِيَا عَكَنْ أَلْمَسِيحُ حَكَ يَكَنْ ڟَبْتَثٜىٰ كَنْسَ دُواْمِنْ يَذَمَ كَمَرْسَ، غَمَا شِے ڟَبْتَثٜىٰنٜىٰ؞ 4 دُكْ وَنْدَ يَكٜىٰيِنْ ذُنُوبِ يَنَ كَرْيَ دُواْكَرْ اللَّهْ كٜىٰنَنْ؞ ذُنُوبِ شِينٜىٰ رَشِنْ بِنْ كُواْيَرْوَرْ اللَّهْ؞ 5 كُنْ دَيْ سَنِ ثٜىٰوَ عِيسَىٰ يَا ذُواْ نٜىٰ دُواْمِنْ يَكَوَرْ دَ ذُنُبَيْ، كُمَ بَابُ ذُنُوبِ عَثِكِنْسَ؞ 6 سَبُواْدَ حَكَ دُكْ وَنْدَ يَكٜىٰ ذَمَ ثِكِنْ أَلْمَسِيحُ بَايَثِيغَبَدَ يِنْ ذُنُوبِ؞ دُكْ وَنْدَ يَثِيغَبَدَ يِنْ ذُنُوبِ، تُواْ، بَيْتَٻَ غَنِنْ عِيسَىٰ بَ، بَيْ مَا تَٻَ سَنِنْسَبَ؞ 7 يَا كُو یَیَنَ وَطَنْدَ نَكٜىٰ ڧَوْنَ، كَدَ ڢَا كُواْوَ يَرُوطٜىٰكُ؞ دُكْ وَنْدَ يَنَ عَيْكَتَ أَدَلْثِے شِے مَيْ أَدَلْثِے نٜىٰ، كَمَرْ يَدَّ أَلْمَسِيحُ يَكٜىٰ مَيْ أَدَلْثِے؞ 8 دُكْ وَنْدَ يَثِيغَبَدَ يِنْ ذُنُوبِ شِے نَ شَيْطَنْ نٜىٰ، غَمَا شَيْطَنْ يَنَيِنْ ذُنُوبِ تُنْدَغَ ڢَرْكُواْ؞ دَلِيلِنْ دَ يَسَا طَنْ اللَّهْ يَذُواْ دُونِيَا شِينٜىٰ دُواْمِنْ يَرُشٜىٰ أَيُّكَنْ شَيْطَنْ؞ 9 دُكْ وَنْدَ يَكٜىٰ طَنْ اللَّهْ بَايَثِيغَبَدَ يِنْ ذُنُوبِ، غَمَا سَابُوانْ رَيْ دَغَ وُرِنْ اللَّهْ يَنَ ثِكِنْسَ؞ بَذَيْ إِيَثِيغَبَ دَ يِنْ ذُنُوبِبَ غَمَا يَا ذَمَ طَنْ اللَّهْ؞ 10 غَا يَدَّ ذَاعَ غَانٜىٰ وَطَنْدَ سُكٜىٰ یَیَنْ اللَّهْ دَ كُمَ وَطَنْدَ سُكٜىٰ یَیَنْ شَيْطَنْ؞ دُكْ وَنْدَ بَايَيِنْ أَبِنْدَ يَكٜىٰ دَيْدَيْ، شِے بَا طَنْ اللَّهْ بَنٜىٰ، كُمَ وَنْدَ بَايَڧَوْنَرْ طَنْعُوَنْسَ، شِے مَا بَطَنْ اللَّهْ بَنٜىٰ؞ ڧَوْنَثِ جُونَ 11 وَنَّنْ شِينٜىٰ سَڧُوانْ دَ كُكَجِ تُنْدَغَ ڢَرْكُواْ، ثٜىٰوَ مُڧَوْنَثِ جُونَ؞ 12 كَدَ ڢَا كُذَمَ كَمَرْ كَيِنُ وَنْدَ يَكٜىٰ نَ شَيْطَنْ حَرْ مَا يَكَشٜىٰ طَنْعُوَنْسَ؞ دُوانْمٜىٰ يَكَشٜىٰ طَنْعُوَنْسَ؟ يَا كَشٜىٰشِ دُواْمِنْ أَيُّكَنْسَ مُوغَيٜىٰ نٜىٰ، عَمَّا نَطَنْعُوَنْسَ نَأَدَلْثِنٜىٰ؞ 13 يَا كُو یَنْعُوَ، كَدَ كُيِ مَامَاكِ عِدَنْ مُتَنٜىٰنْ دُونِيَا سُنَ ڧِنْكُ؞ 14 مُو كَمْ، مُنْ تَبَّتَا مُنْ رِغَا مُنْ وُثٜىٰ دَغَ مُتُوَ ذُوَا رَيْ سَبُواْدَ مُنَ ڧَوْنَرْ یَنْعُوَ؞ عَمَّا وَنْدَ بَايَڧَوْنَرْ یَنْعُوَ، حَرْ يَنْذُ ذَمَنْ مُتُوَ يَكٜىٰيِ؞ 15 دُكْ وَنْدَ يَكٜىٰڧِنْ طَنْعُوَنْسَ، شِے مَيْ كِسَنْ كَيْنٜىٰ؞ كُمَ كُنْ سَنِ ثٜىٰوَ بَا مَيْ كِسَنْ كَيْ وَنْدَ يَكٜىٰدَ رَيْ نَهَرْ أَبَدَا عَثِكِنْسَ؞ 16 غَا يَدَّ مُكَ سَنْ يَدَّ ڧَوْنَ تَكٜىٰ، عِيسَىٰ يَا بَادَ رَنْسَ سَبُواْدَمُو؞ يَا كَمَاتَ مُو مَا مُبَادَ رَنْمُ سَبُواْدَ یَنْعُوَنْمُ؞ 17 عِدَنْ وَنِ يَنَدَ دُكَنْ أَبِنْدَ يَكٜىٰ بُڧَاتَ يَكُمَ غَا طَنْعُوَنْسَ عَثِكِنْ بُڧَاتَ، سَعَنً يَڧِ يَتَيْمَكٜىٰشِ، أَنْيَ، ڧَوْنَرْ اللَّهْ تَنَ عَثِكِنْسَ كٜىٰنَنْ؟ 18 يَا كُو یَیَنَ وَطَنْدَ نَكٜىٰ ڧَوْنَ، كَدَ كُنُونَ ڧَوْنَرْكُ تَوُرِنْ سُورُوتُنْ بَاكِ كَوَيْ، عَمَّا كُنُونَ ڧَوْنَرْكُ تَوُرِنْ عَيْكَتَاوَا دَ كُمَ غَسْكِيَ؞ 19 غَا يَدَّ ذَامُ تَبَّتَا مُو نَغَسْكِيَانٜىٰ دَ كُمَ يَدَّ ذُوثِيَارْمُ ذَاتَ كَسَنْثٜىٰ دَ تَبَّثِ ثٜىٰوَ ذَامُ عِيَ ڟَيَاوَا أَغَبَنْ اللَّهْ؞ 20 دُكْ سَعَدَّ ذُوثِيَارْمُ تَنُونَ مَنَ مُنَدَ لَيْڢِے، مُنْ سَنِ ثٜىٰوَ اللَّهْ يَاڢِ ذُوثِيَارْمُ يَا كُمَ سَنْ دُكَنْ كُواْمٜىٰ؞ 21 يَا كُو وَطَنْدَ نَكٜىٰ ڧَوْنَ، عِدَنْ ذُوثِيَارْمُ بَتَنُونَ مَنَ مُنَدَ لَيْڢِے بَ، تُواْ، مُنَدَ تَبَّثِ أَ ذُوثِيَا ثٜىٰوَ ذَامُ ڟَيَ أَغَبَنْ اللَّهْ كٜىٰنَنْ؞ 22 مُكَنْ كُوَ سَامِ دُكْ أَبِنْدَ مُكَ ضُواْڧَا دَغَ وُرِنْسَ، سَبُواْدَ مُنَ كِيَايٜىٰ عُمَرْنَنْسَ، مُنَ كُمَيِنْ أَبِنْدَ يَكٜىٰ ڢَرَنْتَ مَسَ رَيْ؞ 23 عُمَرْنِنْسَ كُوَ شِينٜىٰ مُبَادَ غَسْكِيَ غَ طَنْسَ عِيسَىٰ أَلْمَسِيحُ، مُكُمَ ڧَوْنَثِ جُونَ كَمَرْ يَدَّ أَلْمَسِيحُ يَعُمَرْثٜىٰمُ؞ 24 دُكْ مَاسُ كِيَايٜىٰ عُمَرْنَنْسَ سُنَ ذَمَ عَثِكِنْسَ، شِيكُمَ عَثِكِنْسُ؞ غَا يَدَّ مُكَ تَبَّتَا يَنَ عَثِكِنْمُ، مُنْ تَبَّتَرْ دَ حَكَ تَوُرِنْ رُوحٌ دَ يَبَامُ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria