1 كُواْرِنْتِيَاوَا 7 - أَتَّوْرَتْ دَ أَنَّبَاوَا

دَامُوَ غَمٜىٰدَ عَوْرٜىٰ

¹ تُواْ، غَمٜىٰدَ أَبِنْدَ كُكَ رُبُوتُواْ، يَنَدَ ݣَوْ مُتُمْ يَذَوْنَ بَ مَتَ؞

² عَمَّا دُوانْ أَغُجٜىٰ وَحَلِنْ لَلَتَ، كُواْوَنٜىٰ مُتُمْ يَكَسَنْثٜىٰ دَ مَاتَرْسَ، كُمَ كُواْوَثٜىٰ مَثٜىٰ دَ مِجِنْتَ؞

³ مِجِ يَبَا مَاتَرْسَ حَكِّنْتَ نَ عَوْرٜىٰ، حَكَكُمَ مَاتَرْ غَ مِجِنْتَ؞

⁴ دُوانْ مَاتَرْ بَاتَ دَ إِيكُواْ دَ جِكِنْتَ، سَيْدَيْ مِجِنْ، حَكَمَا مِجِنْ بَاشِ دَ إِيكُواْ دَ جِكِنْسَ، سَيْدَيْ مَاتَرْ؞

⁵ كَدَ طَيَنْكُ يَحَنَ وَطَيَنْ، سَيْ كُواْ كُنْيَرْدَ دَ حَكَ نَطَنْ لُواْكَثِ دُواْمِنْ كُنَڟُ ثِكِنْ أَدُّعَ؞ سَعَنً كُسَاكٜىٰ حَطُوَ، كَدَ شَيْطَنْ يَرُوطٜىٰكُ وَجٜىٰنْ رَشِنْ كَمٜىٰوَ؞

⁶ وَنَّنْ شَوَرَاثٜىٰ نَكٜىٰ بَاكُ، بَ عُمَرْنِبَ؞

⁷ دَمَا عَثٜىٰ كُواْوَ كَمَرْنِ يَكٜىٰ، عَمَّا دَيْ كُواْوَ يَنَدَ بَيْوَرْ دَ اللَّهْ يَبَا شِ، وَنِ يَنَدَ إِرِنْ وَنَّنْ، وَنِ يَنَدَ إِرِنْ وَنْثَنْ؞

⁸ غَمٜىٰ دَ وَطَنْدَ بَسُيِ عَوْرٜىٰبَ دَ وَطَنْدَ مَذَنْسُ سُكَ مُتُ، إِنَ غَنِ ذَيْڢِ ݣَوْ سُذَوْنَ بَا عَوْرٜىٰ كَمَرْ يَدَّ نَكٜىٰ؞

⁹ عَمَّا عِدَنْ بَاسُدَ كَمٜىٰوَ، يَا كَمَاتَ سُيِ عَوْرٜىٰ؞ غَمَا غَارَ عَيِ عَوْرٜىٰ دَ شَعَوَ تَشَا كَنْ مُتُمْ؞

¹⁰ وَطَنْدَ سُكَيِ عَوْرٜىٰ كُمَ، إِنَبَاكُ عُمَرْنِ، بَ نِے بَنٜىٰ، عَمَّا عُبَنْ‌غِجِ، ثٜىٰوَ كَدَ مَتَ تَرَبُ دَ مِجِنْتَ؞

¹¹ عِدَنْ كُوَ تَا رَبُ دَشِ، كَدَ تَيِ عَوْرٜىٰ، سَيْدَيْ تَسَاكٜىٰ شِرْيَ دَ مِجِنْتَ، مِجِ كُمَ كَدَ يَسَكِ مَاتَرْسَ؞

¹² غَمٜىٰ دَ سَوْرَنْ كُمَ، إِنْجِنِ، بَ إِنْجِ عُبَنْ‌غِجِ بَ، عِدَنْ وَنِ طَنْعُوَ يَنَدَ مَثٜىٰ مَرَرْ بِے، تَكُمَ يَرْدَ سُذَوْنَ تَرٜىٰ، تُواْ، كَدَ يَرَبُ دَ عِتَ؞

¹³ عِدَنْ كُمَ وَتَ مَثٜىٰ تَنَدَ مِجِ مَرَرْ بِے، يَكُوَ يَرْدَ سُذَوْنَ تَرٜىٰ، تُواْ، كَدَ تَرَبُ دَشِ؞

¹⁴ نَثٜىٰ حَكَنٜىٰ، غَمَا مِجِ مَرَرْ بَادَ غَسْكِيَ أَڟَرْكَكٜىٰ يَكٜىٰ تَوُرِنْ ذَمَ طَيَ دَ مَاتَرْسَ، حَكَ كُوَ مَثٜىٰ مَرَرْ بَادَ غَسْكِيَ أَڟَرْكَكٜىٰ تَكٜىٰ، تَوُرِنْ ذَمَ طَيَ دَ مِجِنْتَ؞ إِنْ بَهَكَبَ یَیَنْكُ ذَاسُ ذَمَ ڧَظَامَيْ، عَمَّا يَنْذُ سُو مَاسُ ڟَرْكِے نٜىٰ؞

¹⁵ عِدَنْ كُوَ مَرَرْ بِنْ يَنَ سُواْ يَرَبُ دَ مَيْبِنْ، تُواْ، سَيْ سُرَبُ؞ أَوَنَّنْ حَلِ، طَنْعُوَ كُواْ یَرْعُوَ مَيْبِے بَابُ دُواْلٜىٰ عَكَنْسُ، دُوانْ اللَّهْ يَكِرَامُ غَ ذَمَنْ لَاڢِيَنٜىٰ؞

¹⁶ كٜىٰ مَتَ، كِنْسَنِ كُواْ ذَاكِ ثٜىٰثِ مِجِنْكِ؟ كَيْ مِجِ، كَسَنِ كُواْ ذَاكَثٜىٰثِ مَاتَرْكَ؟

إِرِنْ ذَمَنْ دَ عُبَنْ‌غِجِ يَكٜىٰسُواْ عَيِ

¹⁷ سَيْ دَيْ عَثِكِنْ كُواْوَنٜىٰ حَلِ، كُواْوَ يَيِ ذَمَ إِرِنْ وَنْدَ عُبَنْ‌غِجِ يَسَا مَسَ، وَنْدَ كُمَ اللَّهْ يَكِرَا شِ يَيِ؞ عُمَرْنِنْ دَ نَكٜىٰ بَا دُكَنْ جَمَعَرْ مَاسُبِے كٜىٰنَنْ؞

¹⁸ دُكْ وَنْدَ اللَّهْ يَكِرَا، وَنْدَ دَا مَا يَنَدَ كَاثِيَ، تُواْ، كَدَ يَنٜىٰمِ يَذَمَ مَرَرْ كَاثِيَ؞ وَنْدَ كُمَ اللَّهْ يَكِرَا، وَنْدَ دَا مَا بَاشِ دَ كَاثِيَ، تُواْ، كَدَ يَثٜىٰ سَيْ أَنْيِ مَسَ كَاثِيَ؞

¹⁹ كَاثِيَ، كُواْ رَشِنْ كَاثِيَ، بَكُواْمٜىٰبَنٜىٰ، عَمَّا يِنْ بِيَيَّ دَ دُواْكُواْكِنْ اللَّهْ شِينٜىٰ دَ مُهِمَّنْثِ؞

²⁰ كُواْوَ يَكَسَنْثٜىٰ يَدَّ يَكٜىٰ سَعَدَّ عَكَ كِرَشِ؞

²¹ عِدَنْ كَيْ بَاوَ نٜىٰ لُواْكَثِنْ دَ عَكَ كِرَاكَ، كَدَ كَدَامُ؞ عِدَنْ كُوَ ذَاكَ عِيَ سَامُنْ یَنْثِ، سَيْ كَيِ أَمْڢَانِ دَ وَنَّنْ دَامَرْ؞

²² دُكْ وَنْدَ يَكٜىٰ بَاوَ نٜىٰ، سَعَدَّ عَكَ كِرَشِ ذُوَا وُرِنْ عُبَنْ‌غِجِ، شِے بَ بَاوَ بَنٜىٰ كُمَ، شِے نَ عُبَنْ‌غِجِ نٜىٰ؞ حَكَكُمَ وَنْدَ عَكَ كِرَشِ سَعَدَّ يَكٜىٰدَ یَنْثِ، يَذَمَ بَاوَنْ أَلْمَسِيحُ؞

²³ دَ ڟَادَ عَكَ سَيٜىٰكُ، كَدَ كُذَمَ بَايِنْ مُتَنٜىٰ؞

²⁴ تُواْ، یَنْعُوَ، دُكْ حَلِنْ دَ مُتُمْ يَكٜىٰ ثِكِ لُواْكَثِنْ دَ عَكَ كِرَشِ، سَيْ يَذَوْنَ حَكَ تَرٜىٰدَ اللَّهْ؞

مَرَسَ عَوْرٜىٰ دَ وَطَنْدَ مَذَنْسُ سُكَ مُتُ

²⁵ غَمٜىٰ دَ مَتَنْ دَ بَسُيِ عَوْرٜىٰبَ كُوَ، عُبَنْ‌غِجِ بَيْبَانِ عُمَرْنِبَ، عَمَّا إِنَبَادَ رَعَيِنَ نٜىٰ عَكَنْ ثٜىٰوَ نِے وَنْدَ عَكَ أَمِنْثٜىٰ دَشِينٜىٰ، بِسَغَ جِنْڧَنْ عُبَنْ‌غِجِ؞

²⁶ إِنَ غَنِ ذَيْڢِ ݣَوْ مُتُمْ يَذَوْنَ يَدَّ يَكٜىٰ سَبُواْدَ يَنْذُ لُواْكَثِنْ وَهَلَ نٜىٰ؞

²⁷ عِدَنْ كَيِ عَوْرٜىٰ، كَدَ كَكَشٜىٰ عَوْرٜىٰنْ؞ عِدَنْ بَ كَارِغَا كَايِ عَوْرٜىٰبَ، كَدَ كَيِ عَوْرٜىٰ؞

²⁸ عَمَّا عِدَنْ كَيِ عَوْرٜىٰ، بَ لَيْڢِے، بَ ذُنُوبِ بَنٜىٰ، كُمَ عِدَنْ يَارِنْيَ تَيِ عَوْرٜىٰ، بَ ذُنُوبِ بَنٜىٰ؞ دُكْدَهَكَ وَطَنْدَ سُكَيِ عَوْرٜىٰ ذَاسُ شَا وَهَلَ أَ رَايُوَرْ نَنْ، كُمَ إِنَ سُواْ إِنْ ڟَرٜىٰكُ دَغَ حَكَ؞

²⁹ أَبِنْ دَ نَكٜىٰ نُڢِ یَنْعُوَ، شِينٜىٰ لُواْكَثِنْ دَ عَكَ شِرْيَ يَكُسَ ڧَارٜىٰوَ؞ دَغَ يَنْذُ، مَاسُ عَوْرٜىٰ سُذَمَ كَمَرْ بَاسُدَ عَوْرٜىٰ؞

³⁰ وَطَنْدَ سُكٜىٰ بَڧِنْ ثِكِ سُذَمَ كَمَرْ بَاسَ بَڧِنْ ثِكِ، وَطَنْدَ سُكٜىٰ مُرْنَ سُذَمَ كَمَرْ بَاسَ مُرْنَ، كُمَ مَاسُ سَيٜىٰنْ كَايَ سُذَمَ كَمَرْ بَاسُ دَكُواْمٜىٰ،

³¹ مَاسُ يِنْ أَمْڢَانِ دَ كَايَنْ دُونِيَا كُمَ كَدَ سُدُواْغَرَ غَرٜىٰسُ، غَمَا يَدَّ دُونِيَرْ نَنْ تَكٜىٰ، تَنَ وُثٜىٰوَنٜىٰ؞

³² إِنَ سُواْ كُسَامِ یَنْثِ دَغَ دَامُوَ؞ وَنْدَ بَيْيِ عَوْرٜىٰبَ يَكَنْ دَامُ دَ شَعَنِنْ عُبَنْ‌غِجِ سُواْسَيْ، يَدَّ ذَيْسَا عُبَنْ‌غِجِ يَجِ دَاطِے؞

³³ عَمَّا وَنْدَ يَكٜىٰدَ عَوْرٜىٰ يَكَنْ دَامُ دَ أَبُبُوَنْ دُونِيَا، يَدَّ ذَيْسَا مَاتَرْسَ تَجِ دَاطِے؞

³⁴ حَنْكَلِنْسَ يَرَبُ بِيُ كٜىٰنَنْ؞ كُمَ مَثٜىٰ مَرَرْ عَوْرٜىٰ، كُواْ يَارِنْيَ، تَكَنْ دَامُ دَ شَعَنِنْ عُبَنْ‌غِجِ سُواْسَيْ يَدَّ ذَاتَ ذَمَ مَيْ ڟَرْكِے عَثِكِنْ جِكِے دَ رُوحُ؞ مَثٜىٰ مَيْ عَوْرٜىٰ كُوَ تَكَنْ دَامُ دَ أَبُبُوَنْ دُونِيَا، يَدَّ ذَاتَسَا مِجِنْتَ يَجِ دَاطِے؞

³⁵ نَڢَطِ حَكَ دُوانْ أَمْڢَانِنْكُنٜىٰ، بَ دُوانْ إِنْ مَاڟَ مُكُبَ، سَيْدَيْ دُوانْ ذَمَنْكُ يَيِݣَوْ، دُوانْ كُبَوْتَا وَ عُبَنْ‌غِجِ بَاتَرٜىٰدَ رَبَ حَنْكَلِنْكُبَ؞

³⁶ عَمَّا عَثٜىٰ مُتُمْ يَيِ أَلْڧَوَرِ دَ وَتَ دَ تَ إِسَ عَوْرٜىٰ، كُمَ يَنَ ڟَمَّنِ يَنَ يِنْ أَبِنْدَ بَيْ دَاثٜىٰبَ غَرٜىٰتَ، سَعَنً يَنَ شَعَوَرْتَ سُواْسَيْ، سَيْ يَ عَوْرٜىٰتَ؞ عِدَنْ حَكَنٜىٰ، بَ لَيْڢِے بَنٜىٰ؞

³⁷ عَمَّا مُتُمِنْدَ يَڟَيَ سُواْسَيْ عَكَنْ شَوَرَرْ ذُوثِيَارْسَ، أَبِنْ كُوَ بَا دُواْلٜىٰ بَنٜىٰ غَرٜىٰشِ، كُمَ يَنَ عِيَ كَمٜىٰ كَنْسَ، حَرْ كُمَ يَطَوْكَ أَ رَنْسَ بَذَيْ عَوْرٜىٰتَبَ، تُواْ، وَنَّنْ مَا دَيْدَيْنٜىٰ؞

³⁸ سَبُواْدَ حَكَ وَنْدَ يَ عَوْرِ يَارِنْيَرْ دَ يَيِ أَلْڧَوَرِ دَ عِتَ، يَيِ دَيْدَيْ؞ شِے كُوَ دَ بَيْ عَوْرٜىٰتَبَ مَا يَڢِ؞

³⁹ مَثٜىٰ بَذَاتَ رَبُ دَ مِجِنْتَبَ إِنْ دَيْ يَنَدَ رَيْ، عَمَّا عِدَنْ يَا مُتُ، تَنَ عِيَ عَوْرٜىٰنْ وَنِ دَ رَنْتَ يَكٜىٰسُواْ، عَمَّا ڢَا مَيْبِنْ عُبَنْ‌غِجِ؞

⁴⁰ عَمَّا أَ نَوَ رَعَيِنْ، ذَاتَڢِ جِنْ دَاطِے عِدَنْ تَذَوْنَ يَدَّ تَكٜىٰ؞ أَغَنِينَ كُوَ إِنَدَ رُوحٌ اللَّهْ؞