1 كُواْرِنْتِيَاوَا 6 - أَتَّوْرَتْ دَ أَنَّبَاوَا

كَدَ ڟَرْكَكَا سُكَيْ ڧَارَرْ جُونَ

¹ عِدَنْ وَنِنْكُ يَنَ سُواْ يَكَيْ ڧَارَرْ طَنْعُوَنْسَ، أَشٜىٰ، بَرَشِنْ كُنْيَا نٜىٰ بَ يَكَيْ شِ كُواْتُ وُرِنْ مَرَسَ بِے، أَمَيْمَكُواْ يَكَيْ شِ وُرِنْ ڟَرْكَكَا؟

² أَشٜىٰ، بَكُ سَنِبَ ثٜىٰوَ ڟَرْكَكَا نٜىٰ ذَاسُيِ وَدُونِيَا شَرِيعَ؟ عِدَنْ كُوَ كُونٜىٰ ذَاكُيِ وَدُونِيَا شَرِيعَ، شِينٜىٰ بَذَاكُ عِيَيِنْ شَرِيعَ عَكَنْ ڧأَنَانً أَبُبُوَبَ؟

³ بَكُسَنْ ثٜىٰوَ ذَامُيِ وَمَلاَىِٕكُ شَرِيعَبَ؟ بَلّٜىٰ أَبُبُوَنْ دَ سُكَ شَاڢِ ذَمَنْ وَنَّنْ دُونِيَا؟

⁴ عِدَنْ كُنَدَ إِرِنْ وَطَنَّنْ أَلْعَمُرَ، دُوانْمٜىٰ كُكٜىٰ كَيْسُ وُرِنْ وَطَنْدَ بَسُ إِسَ كُواْمٜىٰ غَ جَمَعَرْ مَاسُبِيبَ سُيِ شَرِيعَ؟

⁵ نَڢَطِ وَنَّنْ دُوانْ كُجِ كُنْيَا؞ وَتُواْ، بَابُ كُواْ مُتُمْ طَيَ كٜىٰنَنْ مَيْ حِكِمَ عَثِكِنْكُ دَ ذَيْ عِيَ شِرْيَ ڟَكَانِنْ یَنْعُوَ؟

⁶ عَمَّا أَمَيْمَكُوانْ حَكَ، طَنْعُوَ يَكَنْ كَيْ ڧَارَرْ طَنْعُوَنْسَ عَكُواْتُ، حَرْ مَا أَغَبَنْ وَطَنْدَ بَا مَاسُبِيبَ!‏

⁷ ڧَارَرْ جُونَنْكُ مَا دَ كُكٜىٰيِ، أَيْ، كَاسَوَ ثٜىٰ أَغَرٜىٰكُ؞ بَغَرَ كُهَڧُرَ عَثُوثٜىٰكُبَ؟ كُكُمَ هَڧُرَا كُواْ أَنْحَنَ مُكُ حَكِّنْكُ؟

⁸ عَمَّا غَاشِ، كُو دَ كَنْكُ كُنَ ثُوتَا، كُنَ رِڧٜىٰ حَكِّنْ جُونَ، حَرْ مَا یَنْعُوَنْكُ نٜىٰ كُكٜىٰيِوَ!‏

⁹ أَشٜىٰ، بَكُ سَنِبَ ثٜىٰوَ مَرَسَ أَدَلْثِے بَذَاسُ شِغَ مُلْكٍ اللَّهْ بَ؟ كَدَ ڢَا أَ رُوطٜىٰكُ سَبُواْدَ بَا مَاسُ حَلِنْ لَلَتَ، كُواْ مَاسُ بَوْتَرْ غُمَكَ، كُواْ مَاسُ ظِنَ، كُواْ مَظَا مَاسُ ݣُونَ دَ مَظَا،

¹⁰ كُواْ ٻَرَيِ، كُواْ مَاسُ ݣُوطَيِ، كُواْ مَاسُ بُغُوَ، كُواْ مَاسُ ذَاغٜىٰ ذَاغٜىٰ، كُواْ مَاسُ ڨُوثٜىٰ دَ ذَيْ شِغَ مُلْكٍ اللَّهْ؞

¹¹ حَكَ وَطَنْسُنْكُ مَا سُكٜىٰ دَا، عَمَّا أَنْڟَبْتَثٜىٰكُ، أَنْكٜىٰٻٜىٰكُ دَ ڟَرْكِے غَ اللَّهْ، أَنْكُمَ مَيْدَكُو مَرَسَ لَيْڢِے أَغَبَنْ اللَّهْ ثِكِنْ سُونَنْ عُبَنْ‌غِجِ عِيسَىٰ أَلْمَسِيحُ دَ كُمَ رُوحٌ اللَّهْ نْمُ؞

كُطَوْكَكَ اللَّهْ دَ جِكِنْكُ

¹² ‏«‏دُكَنْ أَبُبُوَ، أَنْيَرْدَ مِنِ»‏، عَمَّا بَ سُكَنْ أَبُبُوَ نٜىٰ سُكٜىٰ دَ أَمْڢَانِبَ؞ ‏«‏دُكَنْ أَبُبُوَ، أَنْيَرْدَ مِنِ»‏، عَمَّا بَذَنْ ذَمَ بَاوَنْ كُواْمٜىٰبَ؞

¹³ ‏«‏أَنْيِ عَبِنْثِ دُوانْ ثِكِ نٜىٰ، ثِكِ كُمَ دُوانْ عَبِنْثِ،»‏ كُمَ اللَّهْ ذَيْ هَلَّكَ دُكَ بِيُ؞ بَ دُوانْ لَلَتَ عَكَيِ جِكِے بَ، سَيْدَيْ دُوانْ عُبَنْ‌غِجِ، عُبَنْ‌غِجِ كُمَ دُوانْ جِكِے؞

¹⁴ اللَّهْ يَتَادَ عُبَنْ‌غِجِ دَغَ مَتَتُّو، حَكَ مُو مَا ذَيْ تَادَمُ تَوُرِنْ إِيكُوانْسَ؞

¹⁵ أَشٜىٰ، بَكُ سَنِبَ ثٜىٰوَ جِكِنْكُ غَٻُواْٻِنْ أَلْمَسِيحُ نٜىٰ؟ سَمْ!‏ بَذَنْ طَوْكِ غَٻُواْٻِنْ أَلْمَسِيحُ إِنْمَيْدَسُو غَٻُواْٻِنْ كَارُوَبَ؞

¹⁶ بَكُ سَنِ ثٜىٰوَ دُكْ وَنْدَ يَهَطَ جِكِے دَ كَارُوَ سُنْ ذَمَ جِكِے طَيَ كٜىٰنَنْبَ؟ غَمَا ثِكِنْ رُبُوتَثِّيَرْ مَغَنَرْ اللَّهْ أَنْثٜىٰ ‏«‏سُو بِيُنْ ذَاسُ ذَمَ جِكِے طَيَ؞»‏

¹⁷ عَمَّا دُكْ وَنْدَ يَهَطَ كَنْسَ دَ عُبَنْ‌غِجِ سُنْ ذَمَ طَيَ أَ رُوحُ كٜىٰنَنْ؞

¹⁸ كُغُجٜىٰ وَحَلِنْ لَلَتَ!‏ دُكْ وَنِ ذُنُوبِنْ دَ مُتُمْ يَكٜىٰيِ بَيْ شَاڢِ جِكِنْسَبَ، عَمَّا مَيْ لَلَتَ يَنَيِ وَجِكِنْسَ ذُنُوبِ؞

¹⁹ كُواْ بَكُسَنِبَ ثٜىٰوَ جِكِنْكُ هَيْكَلِنْ رُوحُ مَيْ ڟَرْكِے نٜىٰ وَنْدَ يَكٜىٰ ثِكِنْكُ، يَكٜىٰ كُمَ دَغَ وُرِنْ اللَّهْ؟ كُمَ بَكُونٜىٰ كُكٜىٰ دَ إِيكُوانْ كَنْكُبَ،

²⁰ سَيٜىٰنْكُ عَكَيِ، عَكَ كُوَ بِيَ؞ سَبُواْدَ حَكَ كُطَوْكَكَ اللَّهْ دَ جِكِنْكُ؞