1 كُواْرِنْتِيَاوَا 5 - أَتَّوْرَتْ دَ أَنَّبَاوَا

حُكُنْثِ دُوانْ مَاسُ حَلِنْ لَلَتَ

¹ نَجِ لَابَرِ ثٜىٰوَ أَݣَويْ حَلِنْ لَلَتَ أَڟَكَانِنْكُ، إِرِنْ مَا وَنْدَ بَعَيِ كُواْ عَثِكِنْ وَطَنْدَ بَسُ سَنْ اللَّهْ بَ، حَرْ مَا وَنِ يَمَيْدَ مَاتَرْ بَابَنْسَ كَمَرْ مَاتَرْسَ؞

² حَرْ مَا كُنَ تَاڧَمَ!‏ أَشٜىٰ، بَيْ كَمَاتَ كُيِ بَڧِنْ ثِكِ، كُڢِتَرْدَ وَنْدَ يَيِ وَنَّنْ أَبُ دَغَ ثِكِنْكُبَ؟

³ كُواْدَيَكٜىٰ دَيْ بَانَ تَرٜىٰدَكُو أَجِكِے، أَيْ، إِنَ تَرٜىٰدَكُو أَ رُوحُ؞ عَثِكِنْ سُونَنْ عُبَنْ‌غِجِنْمُ عِيسَىٰ نَارِغَا نَا يَنْكٜىٰ حُكُنْثِ وَمُتُمِنْ دَ يَيِ وَنَّنْ أَبُ كَمَرْ إِنَانَنْ؞

⁴ أَسَعَدَّ كُكَ تَارُ رُوحُنَ كُمَ يأَنَانً دَ كُمَ إِيكُوانْ عُبَنْ‌غِجِنْمُ عِيسَىٰ،

⁵ سَيْ كُبَادَ مُتُمِنَّنْ غَ شَيْطَنْ، دُوانْ كُواْدَيَكٜىٰ شَيْطَنْ يَٻَاتَ جِكِنْسَ، ذَاعَ ثٜىٰثِ رَنْسَ أَ رَانَرْ عُبَنْ‌غِجِ؞

⁶ تَاڧَمَرْ دَ كُكٜىٰيِبَ أَبُ مَيْݣَوْ بَنٜىٰ؞ أَشٜىٰ، بَكُ سَنِبَ، طَنْ يِسْتِ كَطَنْ يَكٜىٰ كُمْبُرَرْ دَ دُكَنْ دُنْڧُلٜىٰنْ غُرَاسَ؟

⁷ كُڢِتَرْدَ ڟُواْهُوانْ يِسْتِ نَذُنُوبِ دُواْمِنْ كُذَمَ سَابُوانْ دُنْڧُلٜىٰ، كُمَ حَڧِيڧَ حَكَنٜىٰ كُكٜىٰ؞ غَمَا أَنْرِغَا أَنْيِ هَدَايَرْ طَنْ ضَغُوانْمُ نَبِكٍ ڧٜىٰتَرٜىٰوَ، وَتُواْ أَلْمَسِيحُ؞

⁸ سَبُواْدَ حَكَ سَيْ مُيِ بِكِنْمُ، بَ دَ غُرَاسَ مَيْ ڟُواْهُوانْ يِسْتِ بَ، وَتُواْ يِسْتِ نَڧِيَيَّرْ ذُوثِيَا دَ مُغُنْتَابَ، سَيْدَيْ دَ غُرَاسَرْ مَرَرْ يِسْتِ، وَتُواْ غُرَاسَ نَأَمِنْثِ دَ غَسْكِيَ؞

⁹ نَرُبُوتَ مُكُ عَثِكِنْ وَسِيڧَاتَ ثٜىٰوَ كَدَ كُهَطَكَيْ دَ مَاسُ حَلِنْ لَلَتَ؞

¹⁰ بَ إِنَ نُڢِنْ مَاسُ حَلِنْ لَلَتَ نَوَنَّنْ دُونِيَا بَ، كُواْ مَاسُ ݣُوطَيِ، كُواْ مَاسُ سَاتَا، كُواْ مَاسُ بَوْتَرْ غُمَكَ؞ دُواْمِنْ عِدَنْ حَكَنٜىٰ دُواْلٜىٰ كُڢِتَ دَغَ ثِكِنْ دُونِيَا؞

¹¹ عَمَّا إِنَ رُبُوتَ مُكُ ثٜىٰوَ كَدَ كُهَطَكَيْ دَ دُكْ وَنْدَ عَكٜىٰ ثٜىٰ دَشِ طَنْعُوَ مَيْبِے عِدَنْ شِے مَيْ لَلَتَ نٜىٰ، كُواْ مَيْ ݣُوطَيِ نٜىٰ، كُواْ مَيْ بَوْتَرْ غُمَكَ، كُواْ مَيْ ذَاغٜىٰ ذَاغٜىٰ، كُواْ مَيْ بُغُوَ، كُواْ مَيْسَاتَا، كَدَكُ كُواْ ثِ عَبِنْثِ تَرٜىٰدَ إِرِنْ وَطَنَّنْ؞

¹² إِنَا ضُوَنَ دَ شَرْعَنْتَ وَطَنْدَ بَنَامُبَ؟ بَوَطَنْدَ سُكٜىٰ ثِكِنْ جَمَعَرْ مَاسُبِے ذَاكُ شَرْعَنْتَبَ؟

¹³ اللَّهْ نٜىٰ يَكٜىٰ شَرْعَنْتَ وَطَنْدَ بَنَامُبَ؞ كُكَوَرْدَ مُوغُنَّنْ دَغَ ثِكِنْكُ؞