1 كُواْرِنْتِيَاوَا 4 - أَتَّوْرَتْ دَ أَنَّبَاوَا

مَنْذَنِّےنْ أَلْمَسِيحُ

¹ كُطَوْكٜىٰمُ مُو مَاسُ عَيْكِنْ أَلْمَسِيحُ نٜىٰ، وَطَنْدَ اللَّهْ يَبَاسُ أَمَانَرْ غَسْكِيَرْ أَسِيرِنْسَ؞

² عَكَنْ حَكَكُمَ دُواْلٜىٰنٜىٰ مَاسُ رِڧُوانْ أَمَانَ سُذَمَ مَاسُ أَمِنْثِ؞

³ عَمَّا ڧَرَمِنْ أَبُ نٜىٰ غَرٜىٰنِ كُڠُودَ نِے، كُواْ كُمَ أَڠُودَ نِے بِسَغَ غَنِنْ مُتُمْ؞ بَانَ ڠُودَ كَيْنَ؞

⁴ بَنْ سَنِ كُواْ إِنَدَ وَنِ لَيْڢِے بَ، عَمَّا حَكَنْ بَيْ ذَمَ ثٜىٰوَ بَانِ دَ لَيْڢِے بَ سَمْ؞ عُبَنْ‌غِجِ نٜىٰ ذَيْڠُودَانِ؞

⁵ دُواْمِنْ حَكَ كَدَ كُيَنْكٜىٰ وَوَنِ حُكُنْثِ تُنْ لُواْكَثِ بَيْيِبَ، كُجِرَا سَيْ عُبَنْ‌غِجِ يَدَاوُاْ؞ شِينٜىٰ ذَيْ نُونَ أَبُبُوَنْ دَسُكٜىٰ ٻُواْيٜىٰ أَدُهُ، يَكُمَ بَيَّنَ نُڢِنْ ظُكَاتَنْ مُتَنٜىٰ؞ أَ سَعَنً نٜىٰ كُواْوَ ذَيْ كَرْٻِ يَبُواْ دَغَ وُرِنْ اللَّهْ دَيْدَيْ ڠُورْڠُودُواْ؞

⁶ تُواْ، یَنْعُوَ، غَ ذَنْثٜىٰنْ وَطَنَّنْ أَبُبُوَ نَاكُوَ مَيْدَسُو مِصَالِ غَ كَيْنَ دَ كُمَ أَڢُواْلُّواسْ سَبُواْدَكُو، دُوانْ كُيِ كُواْيِ عَكَنْ مَغَنَرْ نَنْ مَيْ ثٜىٰوَ ‏«‏كَدَ كُوُثٜىٰ أَبِنْدَ عَكَ رُبُوتَ؞»‏ دُوانْ كَدَ وَنِنْكُ يَيِ تَاڧَمَ دَ نَاسَ مَيْكُواْيَرْوَا عَكَنْ نَوَنِ؞

⁷ وَنٜىٰنٜىٰ يَثٜىٰ كَڢِ سَوْرَنْ؟ مٜىٰنٜىٰنٜىٰ كَكٜىٰ دَ شِے وَنْدَ بَ اللَّهْ نٜىٰ يَبَاكَبَ؟ تُواْ، إِنْ حَكَنٜىٰ مٜىٰنٜىٰنٜىٰ يَسَا كَنَ طَغَ كَيْ كَمَرْ بَ عَݣَوْتَا كَسَامُبَ؟

⁸ كُنْ رِغَا كُنْ سَامِ دُكْ أَبِنْدَ كُكٜىٰسُواْ!‏ كُنْ رِغَا كُنْ ذَمَ مَاسُ أَرْزِڧِ!‏ كُنْ ذَمَ كَمَرْ سَرَاكُنَ، مُو كُوَ بَ كُواْمٜىٰبَنٜىٰ!‏ دَمَا عَثٜىٰ كُو سَرَاكُنَ نٜىٰ، سَيْ مُيِ مُلْكِ تَرٜىٰدَكُو!‏

⁹ غَمَا أَغَنِينَ، اللَّهْ يَنُونَ أَڢِيلِ ثٜىٰوَ مُو مَنْذَنِّے مُو نٜىٰ نَڧَرْشٜىٰ عَكُواْمٜىٰ، كَمَرْ وَطَنْدَ عَكَ يَنْكٜىٰوَ حُكُنْثِنْ مُتُوَ، دُوانْ مُو مُنْذَمَ أَبِنْدَ دُونِيَا دُكَ دَ مَلاَىِٕكُ دَ مُتَنٜىٰ ذَاسُ سَاوَ عِدُواْ؞

¹⁰ مُنْ ذَمَ وَوَيٜىٰ سَبُواْدَ أَلْمَسِيحُ، عَمَّا كُو كُنَدَ حِكِمَ ثِكِنْ أَلْمَسِيحُ!‏ بَامُ دَڧَرْڢِے، عَمَّا كُو كُنَدَ ڧَرْڢِے!‏ أَنَ غَنِنْكُ دَ مُتُنْثِ، عَمَّا مُو أَنَ وُلَڧَنْتَمُ!‏

¹¹ عَيَنْظُ حَكَ مُنَ جِنْ يُنْوَ دَ ڧِشِنْ ضُوَ، بَامَسَا كَايَنْ كِرْكِ، أَنَ دُوكَنْمُ، بَامُ دَ غِدَا؞

¹² مُنَ ڢَامَرْ عَيْكِ دَ كَنْمُ؞ عِدَنْ عَكَذَغٜىٰمُ، سَيْمُسَا أَلْبَرْكَ أَمَيْمَكُواْ، عِدَنْ عَكَ ڟَنَنْتَ مَنَ، سَيْ مُجِمْرٜىٰ؞

¹³ عِدَنْ مُتَنٜىٰ سُكَيِ مَغَنَرْ ٻَاتَ سُونَ، سَيْ مُيِمُسُ مَغَنَ ثِكِنْ سَلَمَ؞ مُنْ ذَمَ كَمَرْ مُو نٜىٰ بُواْلَرْ دُونِيَا، أَبِنْدَ كُواْوَ يَكٜىٰ ڨَمَ، هَرْوَيَوْ مَا، حَكَ يَكٜىٰ؞

¹⁴ نَرُبُوتَ مُكُ وَنَّنْ بَدُوانْ إِنْسَا كُجِ كُنْيَا بَنٜىٰ، سَيْدَيْ دُوانْ إِنْيِ مُكُ غَرْغَطِے دُوانْ كُو یَیَنَ نٜىٰ وَطَنْدَ نَكٜىٰ ڧَوْنَ كُمَ؞

¹⁵ كُواْ دَ كُنَدَ مَلَمَيْ ثِكِنْ أَلْمَسِيحُ وَطَنْدَ بَعَ عِيَ ڧِرْغَوَ، بَاكُ دَ عُبَنِّ دَيَوَ؞ لَلَّيْ ثِكِنْ أَلْمَسِيحُ عِيسَىٰ نَذَمَ عُبَا أَغَرٜىٰكُ تَوُرِنْ كَٰوُاْ مُكُ لَابَرِ مَيْ دَاطِے؞

¹⁶ دُواْمِنْ حَكَ إِنَ ضُواْڧُوانْكُ كُيِ كُواْيِ دَغَ وُرِينَ؞

¹⁷ سَبُواْدَ حَكَ نَعَيْكَ مُكُ تِمُواْتِ وَنْدَ يَكٜىٰ طَانَ وَنْدَ نَكٜىٰ ڧَوْنَ، مَيْ أَمِنْثِ كُمَ ثِكِنْ عُبَنْ‌غِجِ؞ ذَيْ كُمَسَا كُتُنَ دَ يَدَّ نَكٜىٰبِنْ أَلْمَسِيحُ عِيسَىٰ، يَدَّ نَكٜىٰ كُواْيَرْوَا كُواْعِنَ عَكُواْوَثٜىٰ جَمَعَرْ مَاسُبِے؞

¹⁸ عَمَّا وَطَنْسُنْكُ سُنْ طَوْكَ بَذَنْ ذُواْ وُرِنْكُبَ، حَرْ سُنَ طَغَ كَيْ؞

¹⁹ عَمَّا عِدَنْ عُبَنْ‌غِجِ يَيَرْدَ ذَنْذُواْ وُرِنْكُ بَدَدَطٜىٰوَبَ، ذَنْ كُمَ دُوبَ إِنْ‌غَا وَنّٜىٰ إِيكُواْ مَاسُ طَغَ كَنَّنْ سُكٜىٰ دَشِ، بَ مَغَنْ‌غَنُنْسُبَ؞

²⁰ غَمَا مُلْكٍ اللَّهْ بَذَنْثٜىٰنْ مَغَنَرْ بَاكِ يَكٜىٰبَ، سَيْدَيْ ذَنْثٜىٰنْ إِيكُواْ نٜىٰ؞

²¹ تُواْ، مٜىٰ كُكَ ذَاٻَا، إِنْذُواْ مُكُ دَ بُلَلَ، كُواْ كُوَ إِنُّونَ مُكُ ڧَوْنَ ثِكِنْ سَوْڧِنْكَيْ؟