1 كُواْرِنْتِيَاوَا 3 - أَتَّوْرَتْ دَ أَنَّبَاوَا

أَبُواْكَنْ عَيْكِ نَ اللَّهْ

¹ یَنْعُوَ، نِے بَنْ عِيَيِ مُكُ مَغَنَ كَمَرْ وَطَنْدَ رُوحُ يَكٜىٰبِيدَسُو بَ، سَيْدَيْ كَمَرْ مُتَنٜىٰنْ دُونِيَا، كَمَرْ جَرِرَيْ ثِكِنْ بِنْ أَلْمَسِيحُ؞

² نَثِيَرْ دَكُو دَ مَدَرَ، بَ دَ عَبِنْثِ مَيْ تَوْرِ بَ، دُوانْ بَكُ إِسَ ثِنْ عَبِنْثِ مَيْ تَوْرِبَ؞ حَرْ يَنْذُ مَا بَكُ إِسَ بَ،

³ دُوانْ حَرْ يَنْذُ كُنَدَ حَلِنْ مُتُنْتَكَ؞ عِدَنْ دَيْ كُنَ كِيشِ، كُنَ ڢَطَ دَ جُونَنْكُ، أَيْ، حَرْ يَنْذُ كُنَدَ حَلِنْ مُتُنْتَكَ كٜىٰنَنْ، كُنَ كُمَيِنْ أَيُّكَ إِرِنْ نَحَلِنْ مُتُنْتَكَ؞

⁴ دُوانْ عِدَنْ وَنِ يَثٜىٰ ‏«‏نِے نَ بُلُسْ نٜىٰ،»‏ وَنِ كُمَ يَثٜىٰ ‏«‏نِے نَ أَڢُواْلُّواسْ نٜىٰ،»‏ أَشٜىٰ، بَحَلِنْ مُتُنْتَكَ كُكٜىٰ نُونَاوَبَ كٜىٰنَنْ؟

⁵ وَنٜىٰنٜىٰ مَا أَڢُواْلُّواسْ؟ وَنٜىٰنٜىٰ بُلُسْ؟ أَشٜىٰ، بَا مَاسُ حِدِمَ بَنٜىٰ كَوَيْ، وَطَنْدَ كُكَ بَادَ غَسْكِيَ تَوُرِنْسُ، كُواْوَنّٜىٰنْسُ كُوَ بِسَغَ عَيْكِنْ دَ عُبَنْ‌غِجِ يَبَا شِ؟

⁶ نِے نَشُوكَ، أَڢُواْلُّواسْ يَيِبَنْ ضُوَ، عَمَّا اللَّهْ نٜىٰ يَسَا شُوكَرْ تَيِ غِرْمَ؞

⁷ سَبُواْدَ حَكَ دَ وَنْدَ يَشُوكَ دَ وَنْدَ يَيِ بَنْ ضُوً بَعَبَاكِنْ كُواْمٜىٰ سُكٜىٰبَ، سَيْدَيْ اللَّهْ كَطَيْ شِے دَيَسَا شُوكَرْ تَيِ غِرْمَ؞

⁸ دَ مَيْ شُوكَرْ دَ كُمَ شِے مَيْ بَنْ ضُوً دَيْدَيْ سُكٜىٰ، سَيْدَيْ كُواْوَنّٜىٰ ذَيْسَامِ لَادَنْسَ بِسَغَ عَيْكِنْسَ؞

⁹ غَمَا مُو أَبُواْكَنْ عَيْكِ نَ اللَّهْ نٜىٰ، كُو كُوَ غُواْنَ ثٜىٰ تَ اللَّهْ، غِنِنْ اللَّهْ كُمَ؞

¹⁰ تَوُرِنْ أَلْحٜىٰرِنْ دَ اللَّهْ يَبَا نِے، نَكَڢَ تُوشٜىٰنْ غِنِ كَمَرْ ڠُونِنْ غِنِ، وَنِ كُمَ يَنَ غِنِ عَكَيْ؞ دُواْلٜىٰ كُواْوَنٜىٰ مَيْ غِنِ يَلُورَ دَ إِرِنْ غِنِنْ دَ ذَيْ يِ عَكَيْ؞

¹¹ غَمَا بَاوَنْدَ ذَيْ عِيَ كَڢَ وَنِ تُوشٜىٰ دَبَمْ دَ يَڢِ وَنَّنْ دَ أَنْرِغَا أَنْكَڢَ وَتُواْ، عِيسَىٰ أَلْمَسِيحُ؞

¹² تُواْ، عِدَنْ وَنِ يَيِ غِنِ عَكَنْ تُوشٜىٰنَّنْ دَ ظِينَارِيَ، كُواْ دَ أَظُرْڢَا، كُواْ دَ دُوَڟُو مَاسُ دَرَجَ، كُواْ دَ إِتَاثٜىٰ، كُواْ دَ ثِيَوَ، كُواْ دَ كَرَ،

¹³ أَيْ، ذَاعَ غَ عَيْكِنْ كُواْوَنّٜىٰ مَيْ غِنِ، ذَاعَ تُواْنَ شِ أَ رَانَرْ نَنْ؞ غَمَا دَ وُتَا ذَاعَ نُونَ عَيْكِنْ كُواْوَ، كُمَ وُتَرْ ذَاتَ ڠُودَ إِرِنْ عَيْكِنْ دَ كُواْوَ يَيِ؞

¹⁴ عِدَنْ غِنِنْ دَ عَكَيِ عَكَنْ تُوشٜىٰنْ بَيْ ڧُواْنٜىٰبَ، تُواْ، وَنْدَ يَيِ غِنِنْ ذَيْسَامِ لَادَ؞

¹⁵ عِدَنْ كُوَ عَيْكِنْ يَڧُواْنٜىٰ، مَيْ غِنِنْ ذَيْ يِ هَسَرَ، كُواْدَيَكٜىٰ شِ كَنْسَ ذَيْسَامِ ثٜىٰتُواْ، عَمَّا دَيْ كَمَرْ يَبِے تَثِكِنْ وُتَا نٜىٰ؞

¹⁶ أَشٜىٰ، بَكُ سَنِ كُو هَيْكَلِنْ اللَّهْ نٜىٰبَ، كُمَ رُوحٌ اللَّهْ يَنَ ظَوْنٜىٰ عَثِكِنْكُ؟

¹⁷ دُكْ وَنْدَ يَٻَاتَ هَيْكَلِنْ اللَّهْ، اللَّهْ ذَيْ ٻَاتَشِ، غَمَا هَيْكَلِنْ اللَّهْ يَنَدَ ڟَرْكِے، كُمَ كُونٜىٰ هَيْكَلِنْسَ؞

¹⁸ كَدَ كُواْوَ يَرُوطِ كَنْسَ؞ عِدَنْ وَنِ يَنَ ڟَمَّنِ شِے مَيْ حِكِمَ نٜىٰ بِسَغَ يَدَّ دُونِيَا تَطَوْكِ حِكِمَ، سَيْ يَمَيْدَ كَنْسَ كَمَرْ وَاوَا دُواْمِنْ يَذَمَ مَيْ حِكِمَ؞

¹⁹ غَمَا حِكِمَرْ وَنَّنْ دُونِيَا وَوَنْثِنٜىٰ أَوُرِنْ اللَّهْ، دُواْمِنْ أَرُبُوثٜىٰ يَكٜىٰثٜىٰوَ ‏«‏يَكَنْ كَامَ مَاسُ حِكِمَ دَ نَاسُ وَيُواْ؞»‏

²⁰ كُمَ أَرُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ ‏«‏عُبَنْ‌غِجِ يَسَنْ ثٜىٰوَ تُنَانِنْ مَاسُ حِكِمَ بَنْظَنٜىٰ؞»‏

²¹ دُواْمِنْ حَكَ كَدَ وَنِ يَيِ تَاڧَمَ دَ مُتُمْ!‏ غَمَا كُواْمٜىٰ دُكَ نَاكُنٜىٰ،

²² كُواْ بُلُسْ، كُواْ أَڢُواْلُّواسْ، كُواْ كٜىٰڢَسْ، كُواْ دُونِيَا، كُواْ رَيْ، كُواْ مُتُوَ، كُواْ أَبُبُوَنْ يَنْذُ، كُواْ نَنَنْ غَبَ، أَيْ، دُكْ نَاكُنٜىٰ،

²³ كُو كُوَ نَ أَلْمَسِيحُ نٜىٰ، أَلْمَسِيحُ كُمَ نَ اللَّهْ نٜىٰ؞