1 كُواْرِنْتِيَاوَا 2 - أَتَّوْرَتْ دَ أَنَّبَاوَا

سَڧُواْ عَكَنْ أَلْمَسِيحُ نْ دَ عَكَ غِثِّيٜىٰ

¹ یَنْعُوَ، سَعَدَّ نَذُواْ إِنْ‌غَيَ مُكُ أَسِيرِنْ دَ اللَّهْ يَغَيَ مَنَ، بَنْ غَيَ مُكُ وَنَّنْ سَڧُواْ تَوُرِنْ عِيَ مَغَنَ، كُواْ نُونَ حِكِمَبَ؞

² دُوانْ نَيِ نِيَّ أَ ذُوثِيَاتَ ثٜىٰوَ أَ لُواْكَثِنْ دَ ذَنْ ذَوْنَ تَرٜىٰدَكُو بَذَنْ كُواْيَرْ دَ كُواْمٜىٰبَ سَيْ ذَنْثٜىٰنْ عِيسَىٰ أَلْمَسِيحُ، شِے وَنْدَ عَكَ غِثِّيٜىٰ؞

³ ڢَرْكُوانْ ذُوَانَ وُرِنْكُ بَانِ دَ ڧَرْڢِے، إِنَ ضَوَرْ جِكِے سَبُواْدَ ڟُواْرُواْ،

⁴ جَوَابِنَ دَ وَعَظِنَ بَسُ دُواْغَضَ غَ مَغَنَرْ لَلَّشِ كُواْ وَيُواْبَ، سَيْدَيْ سُنْ دُواْغَضَ نٜىٰ غَ شَيْدَ تَ إِيكُوانْ رُوحُ،

⁵ دُواْمِنْ كَدَ بَنْ‌غَسْكِيَرْكُ تَدُواْغَرَ غَ حِكِمَرْ مُتَنٜىٰ، سَيْدَيْ غَ إِيكُوانْ اللَّهْ؞

حِكِمَرْ اللَّهْ

⁶ دُكْدَهَكَ مُنَ مَغَنَرْ حِكِمَ غَ وَطَنْدَ سُكَيِ غِرْمَ ثِكِنْ بَنْ‌غَسْكِيَرْسُ، سَيْدَيْ بَ حِكِمَ إِرِنْ تَوَنَّنْ زَامَانِنْ بَ، بَ كُوَ إِرِنْ تَمَاسُ مُلْكٍ زَامَانِنَّنْ وَطَنْدَ سُكٜىٰ شُوطٜىٰوَبَ؞

⁷ عَمَّا مُنَ مَغَنَرْ حِكِمَرْ اللَّهْ وَدَّ تَكٜىٰ أَ عَسِرْثٜىٰ، حِكِمَرْدَ دَا عَٻُواْيٜىٰ تَكٜىٰ، وَتُواْ، حِكِمَرْ اللَّهْ دَ يَشِرْيَ تُنْ كَاڢِنْ ڢَرْكُوانْ ذَامَانَيْ، دُواْمِنْ طَوْكَكَرْمُ؞

⁸ عَثِكِنْ مَاسُ مُلْكِ نَيَنْظُ بَاوَنْدَ يَغَانٜىٰ حِكِمَرْ نَنْ، دُواْمِنْ دَاعَثٜىٰ سُنْ غَانٜىٰتَ دَبَسُ غِثِّيٜىٰ عُبَنْ‌غِجِ مَطَوْكَكِ بَ؞

⁹ عَمَّا كُوَ يَدَّ يَكٜىٰ أَرُبُوثٜىٰ كٜىٰنَنْ ثٜىٰوَ ‏«‏دُكَنْ أَبِنْدَ اللَّهْ يَشِرْيَ وَمَاسُ ڧَوْنَرْسَ بَاوَنْدَ يَتَٻَ غَنِ، بَاوَنْدَ يَتَٻَجِ، بَا كُمَ وَنْدَ يَتَٻَ تُنَانِ؞»‏

¹⁰ عَمَّا اللَّهْ يَنُونَ مَنَ وَطَنَّنْ أَبُبُوَ تَوُرِنْ رُوحُ، غَمَا رُوحُ شِے يَكٜىٰ بِنْثِكٜىٰ كُواْمٜىٰ، حَرْ مَا أَبُبُوَنْ اللَّهْ مَاسُ وُيَرْ غَانٜىٰوَ؞

¹¹ وَنٜىٰنٜىٰ ذَيْ عِيَ سَنِنْ تُنَانِنْ دَيَكٜىٰ أَ ذُوثِيَارْ وَنِ مُتُمْ عِدَنْ دَيْ بَ رُوحٌ مُتُمِنْ بَ؟ حَكَ كُوَ يَكٜىٰ، بَاوَنْدَ ذَيْ غَانٜىٰ تُنَانِنْ اللَّهْ، سَيْدَيْ رُوحٌ اللَّهْ؞

¹² مُو كُوَ بَ رُوحٌ دُونِيَا مُكَ كَرْٻُواْ بَ، سَيْدَيْ رُوحُ وَنْدَ يَكٜىٰ دَغَ وُرِنْ اللَّهْ، دُواْمِنْ مُغَانٜىٰ أَبُبُوَنْ دَ اللَّهْ يَبَامُ حَنُّ سَكٜىٰ؞

¹³ مُنَ كُمَ غَيَ مُكُ وَطَنَّنْ أَبُبُوَ، بَ دَ كَلْمُواْمِنْ دَ عَكٜىٰ كُواْيَرْوَا تَحِكِمَرْ مُتُمْبَ، سَيْدَيْ تَ رُوحُ، تَوُرِنْ بَيَّنَ أَبُبُوَنْ رُوحُ غَ وَطَنْدَ سُكٜىٰ نَ رُوحُ؞

¹⁴ مُتُمِنْ دَ بَ رُوحُ نٜىٰ يَكٜىٰبِدَ شِيبَ، بَايَ كَرْٻَرْ أَبُبُوَنْ رُوحٌ اللَّهْ، غَمَا أَغَرٜىٰشِ وَوَنْثِنٜىٰ؞ بَ كُوَ ذَيْ عِيَ غَانٜىٰسُبَ، غَمَا تَوُرِنْ رُوحُ نٜىٰ عَكٜىٰ غَانٜىٰوَ؞

¹⁵ مُتُمِنْ دَ رُوحُ يَكٜىٰبِے دَشِ كُوَ، يَنَ عِيَ ڠُودَ كُواْمٜىٰ عَمَّا بَاوَنْدَ ذَيْ عِيَ ڠُودَاشِ؞

¹⁶ ‏«‏وَيَسَنْ تُنَانِنْ عُبَنْ‌غِجِ حَرْ دَ ذَيْ كُواْيَ مَسَ؟»‏ عَمَّا مُو دَيْ تُنَانِنْمُ نَ أَلْمَسِيحُ نٜىٰ؞