1 كُواْرِنْتِيَاوَا 16 - أَتَّوْرَتْ دَ أَنَّبَاوَاتَيْمَكُواْ دُواْمِنْ ڟَرْكَكَا 1 تُواْ، غَمٜىٰدَ ذَنْثٜىٰنْ بَادَ تَيْمَكُواْ دُواْمِنْ ڟَرْكَكَا، كُيِ كَمَرْ يَدَّ نَعُمَرْثِ جَمَعَرْ مَاسُبِے نَ غَلَتِيَ سُيِ؞ 2 عَكُواْوَثٜىٰ رَانَرْ ڢَرْكُواْ تَمَكُواْ، كُواْوَنّٜىٰنْكُ يَدِنْغَ سَامُنْ وَنِ أَبُ، يَنَ أَجِيٜىٰوَ بِسَغَ أَبِنْدَ يَ عِيَ سَامُ، بَسَيْ نَذُوابَ تُكُنَ كَاڢِنْ عَتَارَ تَيْمَكُوانْ؞ 3 سَعَدَّ نَ إِسُواْ، سَيْ إِنْ عَيْكَ وَطَنْدَ كُكَ يَرْدَ دَسُو، تَرٜىٰدَ وَسِيڧُ نَغَبَاتَرْوَ، سُكَيْ بَايَرْوَرْكُ عُرُوشَلِيمَ؞ 4 عِدَنْ يَا يِݣَوْ نِے مَا إِنْجٜىٰ، تُواْ، سَيْ سُرَكَنِ؞ شِرْيٜىٰ شِرْيٜىٰنْ تَڢِيَ 5 ذَنْذُواْ مُكُ زِيَارَ، بَايَنْدَ نَظَظْذَاغَ ڧَسَرْ مَكِدُواْنِيَ، دُوانْ نَيِ نِيَّرْ بِے تَ مَكِدُواْنِيَ؞ 6 وَتَڧِيلَ ذَنْ جِمَ أَوُرِنْكُ، كُواْ مَا حَرْ دَامِنَ تَڧَارٜىٰ، دُواْمِنْ كُيِ مِنِ تَيْمَكُواْ دُكْ عِنْدَ ذَانِ؞ 7 بَ سُواْنَ نٜىٰ إِنْغَنْكُ يَنْذُ إِنْوُثٜىٰ كَوَيْبَ، دُوانْ إِنَ ڢَاتَا مَا إِنْيِ ݣُونَكِے أَوُرِنْكُ، عِدَنْ عُبَنْغِجِ يَيَرْدَ؞ 8 عَمَّا ذَنْ ڟَيَ أَعَڢِسَ حَرْ رَانَرْ ڢٜىٰنْتِكُواسْ؞ 9 دُوانْ كُوَ أَنْبُوطٜىٰ مِنِ حَنْيَ مَيْ ڢَاطِ تَيِنْ عَيْكِ مَيْ أَمْڢَانِ، كُواْدَيَكٜىٰ أَݣَويْ أَبُواْكَنْ غَابَادَيَوَ؞ 10 عِدَنْ تِمُواْتِ يَذُواْ، كُسَا يَسَكٜىٰ عَثِكِنْكُ، دُوانْ شِے مَا يَنَ عَيْكِنْ عُبَنْغِجِ نٜىٰ كَمَرْ يَدَّ نَكٜىٰيِ؞ 11 سَبُواْدَ حَكَ كَدَ كُواْوَ يَرٜىٰنَشِ، كُسَلَّمٜىٰشِ دَ تَيْمَكُواْ يَدَاوُاْ وُرِينَ، دُوانْ إِنَ دُوبَنْ حَنْيَرْسَ تَرٜىٰدَ یَنْعُوَ؞ 12 غَمٜىٰ دَ طَنْعُوَنْمُ أَڢُواْلُّواسْ كُمَ، نَا ضُواْڧٜىٰشِ سُواْسَيْ يَذُواْ وُرِنْكُ تَرٜىٰدَ سَوْرَنْ یَنْعُوَ، عَمَّا بَيْيِ نِيَّرْ ذُوَا يَنْذُبَ سَمْ؞ ذَيْذُواْ دَيْ أَ لُواْكَثِنْدَ يَغَ يَدَاثٜىٰ؞ مَغَنَرْ ڧَرْشٜىٰ 13 كُذَوْنَ دَ شِرِ، كُڟَيَ سُواْسَيْ ثِكِنْ بَنْغَسْكِيَرْكُ، كُذَمَ دَ ڧَرْڢَڢَاوَا، كُمَ دَ ڧَرْڢِے؞ 14 بَرِ دُكَنْ أَبِنْدَ ذَاكُيِ، كُيِشِ دَ ڧَوْنَ؞ 15 تُواْ، یَنْعُوَ، كُنْسَنْ دَيْ مُتَنٜىٰنْ غِدَنْ إِسْتِڢَنُسْ سُونٜىٰ نَڢَرْكُوانْ دَ سُكَ تُوبَ عَڧَسَرْ عَكَيَ، سُنْ كُوَ بَادَ كَنْسُ غَ يِنْ وَ ڟَرْكَكَا حِدِمَ؞ 16 إِنَ ضُواْڧُوانْكُ كُيِ وَ إِرِنْ وَطَنَّنْ مُتَنٜىٰنْ بِيَيَّ، حَرْ مَا دَ دُكَنْ وَطَنْدَ سُكٜىٰ أَبُواْكَنْ عَيْكِنْمُ دَ وَهَلَرْمُ؞ 17 نَجِ دَاطِنْ ذُوَانْ إِسْتِڢَنُسْ دَ ڢَرْتُنَتُسْ دَ عَكَيْكُسْ، وَنْدَ يَذَمَ مِنِ كَمَرْ كُونٜىٰ كُكَذُواْ؞ 18 غَمَا سُنْ ڢَرَنْتَ مِنِ رَيْ، دُكْ دَ نَاكُ؞ إِرِنْ وَطَنَّنْ مُتَنٜىٰ يَا كَمَاتَ أَغِرْمَمَسُ؞ 19 سُو جَمَعَرْ مَاسُبِے عَڧَسَرْ أَسِيَ سُنَ غَيْشٜىٰكُ؞ عَكِيلَ دَ بِرِسْكِلَ، تَرٜىٰدَ جَمَعَرْ مَاسُبِے دَتَكٜىٰ تَارُوَ أَغِدَنْسُ، سُنَ غَيْشٜىٰكُ سُواْسَيْ ثِكِنْ عُبَنْغِجِ؞ 20 دُكَنْ یَنْعُوَ سُنَ غَيْشٜىٰكُ؞ كُغَيْدَ جُونَنْكُ دَ سُمْبَرْ ڧَوْنَ مَيْ ڟَرْكِے؞ 21 نِے بُلُسْ نٜىٰ نَكٜىٰ رُبُوتَ غَيْسُوَرْ نَنْ دَ هَنُّونَ؞ 22 دُكْ وَنْدَ بَايَ ڧَوْنَرْ عُبَنْغِجِ يَذَمَ لَعَنَنّٜىٰ؞ ذُواْ، يَا عُبَنْغِجِ! 23 أَلْحٜىٰرِنْ عُبَنْغِجِنْمُ عِيسَىٰ يَكَسَنْثٜىٰ تَرٜىٰدَكُو؞ 24 بَرِ ڧَوْنَتَ تَكَسَنْثٜىٰ تَرٜىٰ دَكُو دُكَ ثِكِنْ أَلْمَسِيحُ عِيسَىٰ؞ أَمِينْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria