1 كُواْرِنْتِيَاوَا 15 - أَتَّوْرَتْ دَ أَنَّبَاوَاتَاشِنْ أَلْمَسِيحُ دَغَ مَتَتُّو 1 يَنْذُ كُمَ، یَنْعُوَ، ذَنْ تُنَ مُكُ دَ لَابَرِ مَيْ دَاطِنْدَ نَسَنَرْ مُكُ، وَدَّ كُكَ كَرْٻَ، كُكٜىٰ كُمَبِے؞ 2 تَوُرِنْ وَنَّنْ لَابَرِ مَيْ دَاطِے نٜىٰ كُكٜىٰ سَامُنْ ثٜىٰتُواْ، مُدِّنْ كُنَ رِڧٜىٰ مَغَنَ سُواْسَيْ وَدَّ نَسَنَرْ مُكُ؞ إِنْ بَهَكَبَ، بَنْغَسْكِيَرْكُ أَبِنْ بَنْظَنٜىٰ؞ 3 أَبُ مَڢِے مُهِمَّنْثِنْدَ نَسَنَرْدَكُو، شِينٜىٰ وَنْدَ نَكَرْٻُواْ، ثٜىٰوَ أَلْمَسِيحُ يَمُتُ سَبُواْدَ ذُنُبَنْمُ، كَمَرْ يَدَّ رُبُوتَثِّيَرْ مَغَنَرْ اللَّهْ تَڢَطَا، 4 ثٜىٰوَ أَنْبِنّٜىٰشِ، أَنْتَادَ شِ أَ رَانَ تَ عُكُ، كَمَرْ يَدَّ رُبُوتَثِّيَرْ مَغَنَرْ اللَّهْ تَڢَطَا، 5 يَكُمَ بَيَّنَ غَ كٜىٰڢَسْ، سَعَنً غَ شَا بِيُنْ؞ 6 سَعَنً يَبَيَّنَ غَ یَنْعُوَ ڢِيٜىٰدَ طَرِے بِيَرْ أَ لُواْكَثِ غُدَا، يَوَنْثِنْسُ كُوَ سُنَانَنْ حَرْ يَنْذُ، عَمَّا وَطَنْسُ سُنْيِ بَرْثِ؞ 7 سَعَنً يَبَيَّنَ غَ يَعْڧُوبَ، سَعَنً كُمَ غَ دُكَنْ مَنْذَنِّے؞ 8 دَغَ ڧَرْشٜىٰ دُكَ، يَبَيَّنَ غَرٜىٰنِ، كُواْدَيَكٜىٰ نِے كَمَرْ مُتُمْ نٜىٰ وَنْدَ أَنْحَيْڢَ أَ لُواْكَثِنْ دَ بَيْ كَمَاتَبَ؞ 9 غَمَا نِنٜىٰ مَڢِے ڧَنْڧَنْتَ عَثِكِنْ مَنْذَنِّےنْ عِيسَىٰ، بَنْ مَا إِسَ عَثٜىٰ دَنِے مَنْذُواْ بَ، سَبُواْدَ نَڟَنَنْتَا وَ جَمَعَرْ مَاسُبِنْ اللَّهْ؞ 10 عَمَّا سَبُواْدَ أَلْحٜىٰرِنْ اللَّهْ نٜىٰ نَذَمَ يَدَّ نَكٜىٰ، كُمَ أَلْحٜىٰرِنْ دَ يَيِ مِنِ كُوَ بَعَبَنْظَ بَنٜىٰ؞ حَرْ مَا نَڢِ كُواْوَنٜىٰ مَنْذُوانْ عِيسَىٰ عَيْكِ، كُواْدَيَكٜىٰ بَنِ بَنٜىٰ، أَلْحٜىٰرِنْ اللَّهْ نٜىٰ دَيَكٜىٰ تَرٜىٰدَنِ؞ 11 تُواْ، كُواْ نِنٜىٰ، كُواْ كُمَ سُونٜىٰ، حَكَ مُكٜىٰ وَعَظِ، تَهَكَ كُمَ كُكَ غَسْكَتَ؞ تَاشِنْ مَتَتُّو 12 تُواْ، عِدَنْ حَرْ أَنَ وَعَظِنْ تَاشِنْ أَلْمَسِيحُ دَغَ مَتَتُّو، يَيَ وَطَنْسُنْكُ سُكٜىٰثٜىٰوَ بَا تَاشِنْ مَتَتُّو؟ 13 عِدَنْ بَا تَاشِنْ مَتَتُّو، أَشٜىٰ، أَلْمَسِيحُ بَيْ تَاشِ دَغَ مَتَتُّو بَ كٜىٰنَنْ؞ 14 عِدَنْ كُوَ أَلْمَسِيحُ بَيْ تَاشِ دَغَ مَتَتُّو بَ، أَشٜىٰ، وَعَظِنْمُ بَنْظَنٜىٰ، بَنْغَسْكِيَرْكُ كُمَ تَذَمَ بَنْظَ؞ 15 سَيْ يَذَمَ حَرْ مُنْيِ وَ اللَّهْ شَيْدَرْ ڧَضْيَا كٜىٰنَنْ، غَمَا مُنْيِ وَ اللَّهْ شَيْدَ ثٜىٰوَ يَتَادَ أَلْمَسِيحُ، وَنْدَ كُوَ بَيْ تَاسَرْ بَ، عِدَنْ دَ غَسْكِيَ نٜىٰ بَعَتَادَ مَتَتُّو؞ 16 غَمَا عِدَنْ بَعَتَادَ مَتَتُّو، أَشٜىٰ، أَلْمَسِيحُ مَا بَعَتَشٜىٰشِ بَ كٜىٰنَنْ؞ 17 عِدَنْ كُوَ بَعَتَادَ أَلْمَسِيحُ بَ، أَشٜىٰ، بَنْغَسْكِيَرْكُ بَنْظَ ثٜىٰ، حَرْ يَنْذُ كُمَ كُنَ ثِكِنْ ذُنُبَنْكُ؞ 18 أَشٜىٰ، وَطَنْدَ سُكَ مُتُ ثِكِنْ أَلْمَسِيحُ، سُنْ هَلَّكَ كٜىٰنَنْ؞ 19 عِدَنْ سَا ذُوثِيَارْمُ غَ أَلْمَسِيحُ دُواْمِنْ رَايُوَرْ نَنْ نٜىٰ كَطَيْ تَكٜىٰ، أَيْ، مُنْڢِے كُواْوَ ذَمَ أَبِنْ تَوْسَيِ كٜىٰنَنْ؞ 20 عَمَّا، حَڧِيڧَ أَنْتَادَ أَلْمَسِيحُ دَغَ مَتَتُّو؞ شِينٜىٰ كُوَ نُونً ڢَارِ دَغَ مَتَتُّو؞ وَنَّنْ تَبَّثِنٜىٰ ثٜىٰوَ سَوْرَنْ مَا ذَاعَ تَادَسُو دَغَ بَرْثِ؞ 21 تُنْدَيَكٜىٰ مُتُوَ تَذُواْ نٜىٰ تَوُرِنْ مُتُمْ، حَكَمَا تَاشِنْ مَتَتُّو يَذُواْ نٜىٰ تَوُرِنْ مُتُمْ؞ 22 غَمَا كَمَرْ يَدَّ دُكَ عَكٜىٰ مُتُوَ سَبُواْدَ ءَادَمُ، حَكَ ذَاعَ تَادَ دُكَ سَبُواْدَ أَلْمَسِيحُ؞ 23 عَمَّا ذَاعَ تَادَ كُواْوَنّٜىٰ بِيدَبِے، أَلْمَسِيحُ شِينٜىٰ نُونً ڢَارِ، سَعَنً وَطَنْدَ سُكٜىٰ نَاسَ أَ رَانَرْ دَ ذَيْ دَاوُاْ؞ 24 سَعَنً سَيْ ڧَرْشٜىٰنْ يَذُواْ، سَعَدَّ ذَيْ مَيَرْ وَ اللَّهْ عُبَا مُلْكِ، بَايَنْدَ يَكَوَرْدَ دُكَنْ مَاسُ مُلْكِ دَ مُلْكِ دَ إِيكُواْ؞ 25 دُوانْ كُوَ دُواْلٜىٰنٜىٰ أَلْمَسِيحُ يَيِ مُلْكِ، حَرْ سَيْ يَسَا دُكَنْ أَبُواْكَنْ غَابَنْسَ عَڧَرْڧَشِنْ ڧَڢَاڢُنْسَ؞ 26 أَبُواْكِيَرْ غَابَا تَڧَرْشٜىٰ دَ ذَاعَ كَوَرْ، عِتَثٜىٰ مُتُوَ؞ 27 غَمَا كَمَرْ مَغَنَرْ اللَّهْ تَثٜىٰ «اللَّهْ يَمَيْدَ دُكَنْ أَبُ عَڧَرْڧَشِنْ مُلْكِنْسَ؞» عَمَّا دَ عَكَثٜىٰ «دُكَنْ أَبُ يَنَ ڧَرْڧَشِنْ مُلْكِنْسَ،» أَ ڢِيلِ يَكٜىٰ كٜىٰنَنْ ثٜىٰوَ شِے وَنْدَ يَبَاشِ إِيكُواْ عَكَنْ دُكَنْ أَبُ، بَايَ ڧَرْڧَشِنْ إِيكُوانْسَ؞ 28 سَعَدَّ اللَّهْ يَمَيْدَ دُكَنْ أَبُ عَڧَرْڧَشِنْسَ، سَيْ طَنْ شِے مَا يَذَمَ عَڧَرْڧَشِنْ اللَّهْ وَنْدَ يَمَيْدَ دُكَنْ أَبُ عَڧَرْڧَشِنْسَ، دُواْمِنْ اللَّهْ يَتَبَّتَا شِينٜىٰ كُواْمٜىٰ دَكُواْمٜىٰ؞ 29 عِدَنْ بَهَكَبَ، مٜىٰ مُتَنٜىٰنَّنْ ذَاسُيِ، وَطَنْدَ عَكَيِوَ بَڢْتِسْمَ أَمَدَدِنْ مَتَتُّو؟ عِدَنْ بَعَتَادَ مَتَتُّو سَمْ، دُوانْمٜىٰ عَكٜىٰيِ وَمُتَنٜىٰ بَڢْتِسْمَ أَمَدَدِنْسُ؟ 30 كُمَ دُوانْمٜىٰ مُكٜىٰ سَا كَنْمُ ثِكِنْ حَڟَرِ كُواْوَنٜىٰ لُواْكَثِ؟ 31 إِنَ مُتُوَ كُلُّمْ؞ غَسْكِيَ نٜىٰ یَنْعُوَ، كَمَرْ يَدَّ يَكٜىٰ تَبَّتَاثّٜىٰ ثٜىٰوَ إِنَ تَاڧَمَ دَكُو ثِكِنْ أَلْمَسِيحُ عِيسَىٰ عُبَنْغِجِنْمُ؞ 32 عِدَنْ نَايِ كُواْكَوَ دَ نَمُواْمِنْ دَاجِ أَعَڢِسَ، بِسَغَ تُنَانِنْ مُتُمْ، مٜىٰثٜىٰثٜىٰ رِبَتَ؟ عِدَنْ دَيْ حَرْ بَذَاعَتَادَ مَتَتُّوبَ، «بَسَيْمُيِ تَثِ دَ شَابَ، تُنْدَ غُواْبٜىٰ ذَامُ مُتُ؟» 33 كَدَ ڢَا أَ رُوطٜىٰكُ! «ذَمَ دَ مُوغَيٜىٰ يَكَنْ ٻَاتَ هَلَيٜىٰنْ كِرْكِ؞» 34 كُدَاوُاْ ثِكِنْ تُنَانِ مَيْݣَوْ، كُدَيْنَ يِنْ ذُنُوبِ؞ غَمَا وَطَنْسُنْكُ بَسُ سَنْ اللَّهْ بَ؞ نَڢَطِ وَنَّنْ نٜىٰ دُواْمِنْ كُجِ كُنْيَا؞ تَاشِنْ جِكِے 35 عَمَّا وَطَنْسُ ذَاسُيِ تَمْبَيَ سُثٜىٰ «يَيَ عَكٜىٰ تَادَ مَتَتُّو؟ دَ وَنٜىٰ إِرِنْ جِكِے سُكٜىٰ ڢِتُواْوَ؟» 36 وَاوَا! أَبِنْدَ كَشُوكَ بَذَيْ ڟِيرَبَ سَيْ يَمُتُ؞ 37 أَبِنْدَ كَشُوكَ كُمَ، بَ شِينٜىٰ عَيْنِحِنْ أَبِنْدَ ذَيْ ڟِيرَبَ، ڨُويَثٜىٰ كَوَيْ، كُواْ تَأَلْكَمَ، كُواْ تَوَتَ إِرِ دَبَمْ؞ 38 عَمَّا اللَّهْ نٜىٰ يَكَنْ بَا ڨُويَرْ جِكِے يَدَّ يَنُڢَ، كُواْوَثٜىٰ ڨُويَ دَ إِرِنْ جِكِنْتَ؞ 39 بَدُكَنْ نَامَ نٜىٰ إِرِ طَيَبَ؞ مُتَنٜىٰ سُنَدَ إِرِنْ نَاسُ دَبُّواْبِے دَ إِرِنْ نَاسُ، ڟُنْڟَيٜىٰ دَ إِرِنْ نَاسُ، كِيڢَيٜىٰ كُمَ دَ إِرِنْ نَاسُ؞ 40 أَݣَويْ حَلِتَّ إِرِنْ تَسَمَ، أَݣَويْ كُمَ إِرِنْ تَڧَسَا؞ عَمَّا طَوْكَكَرْ إِرِنْ تَسَمَ دَبَمْ، طَوْكَكَرْ إِرِنْ تَڧَسَا كُمَ دَبَمْ؞ 41 طَوْكَكَرْ رَانَ دَبَمْ، تَوَتَ دَبَمْ، تَتَوْرَرِ كُمَ دَبَمْ، حَرْ مَا وَنِ تَوْرَرُواْ يَكَنْ ذَمَ دَبَمْ دَ وَنِ وَجٜىٰنْ طَوْكَكَ؞ 42 حَكَكُمَ يَكٜىٰ غَمٜىٰدَ تَاشِنْ مَتَتُّو؞ أَبِنْ دَ عَكَ شُوكَ يَنَدَ حَلِنْ ضُٻَ، أَبِنْدَ عَكَ تَادَ شِ كُمَ بَاشِ دَ حَلِنْ ضُٻَ؞ 43 عَكَنْ شُوكَ شِ ثِكِنْ ڧَسْڧَنْثِ، عَكَنْ تَادَ شِ ثِكِنْ طَوْكَكَ؞ عَكَنْ شُوكَشِ ثِكِنْ رَشِنْ ڧَرْڢِے، عَكَنْ تَادَشِ ثِكِنْ ڧَرْڢِے؞ 44 عَكَنْ شُوكَشِ ثِكِنْ جِكِے نَمُتُنْتَكَ، عَكَنْ تَادَشِ ثِكِنْ جِكِے نَرُوحُ؞ تُنْدَ أَݣَويْ جِكِے نَمُتُنْتَكَ، لَلَّيْ أَݣَويْ جِكِے نَرُوحُ؞ 45 حَكَ يَكٜىٰ أَرُبُوثٜىٰ «ءَادَمُ، مُتُمْ نَڢَرْكُواْ، يَذَمَ مُتُمْ مَيْ رَيْ؞» ءَادَمُ نَڧَرْشٜىٰ كُوَ رُوحُ نٜىٰ مَيْ بَادَ رَيْ؞ 46 عَمَّا بَ نَرُوحٌ نٜىٰ ڢَرْكُواْ بَ، نَمُتُنْتَكَ نٜىٰ كَاڢِنْ نَرُوحُ؞ 47 مُتُمِنْ ڢَرْكُواْ دَغَ ڧَسَا يَكٜىٰ، نَتُرْٻَيَرْ ڧَسَانٜىٰ؞ نَبِيُنْ كُوَ دَغَ سَمَ يَكٜىٰ؞ 48 كَمَرْ يَدَّ شِے نَتُرْٻَيَرْ ڧَسَرْ نَنْ يَكٜىٰ، حَكَكُمَ وَطَنْدَ سُكٜىٰ نَتُرْٻَيَا سُكٜىٰ؞ كَمَرْ يَدَّ شِے نَسَمَنَّنْ يَكٜىٰ، حَكَكُمَ وَطَنْدَ سُكٜىٰ نَسَمَ سُكٜىٰ؞ 49 كَمَرْ يَدَّ مُكَ طَوْكِ كَمَنِّ نَتُرْٻَيَرْ نَنْ، حَكَكُمَ ذَامُ طَوْكِ كَمَنِّ نَمُتُمِنْ سَمَنَّنْ؞ 50 أَبِنْ دَ نَكٜىٰ غَيَ مُكُ، یَنْعُوَ، شِينٜىٰ بَذَيْ يِوُ جِكِنْمُ نَنَامَ دَ جِنِ يَسَامِ غَادُواْ أَمُلْكٍ اللَّهْ بَ، حَكَكُمَ مَيْ ضُٻَ بَايَ غَادُوانْ مَرَرْ ضُٻَ؞ 51 كُسَوْرَرَ، ذَنْ غَيَ مُكُ وَنِ أَسِيرِ! بَا دُكَنْمُ نٜىٰ ذَامُ مُتُبَ، عَمَّا دُكَنْمُ ذَاعَ ثَنْجَ كَمَنِّنْمُ، 52 ڢَرَتْ طَيَ دَ ڨِڢْتَوَرْ عِدُواْ دَ جِنْ ڧَارَرْ ڧَهُواْ نَڧَرْشٜىٰ؞ غَمَا ذَاعَ بُوسَ ڧَهُواْ، ذَاعَ كُمَ تَادَ مَتَتُّو دَ جِكِے إِرِنْ وَنْدَ بَايَ رُٻٜىٰوَ، ذَاعَ كُمَ سَاكٜىٰ كَمَنِّنْمُ؞ 53 غَمَا دُواْلٜىٰنٜىٰ وَنَّنْ جِكِے مَيْ ضُٻَ يَثَنْجَ يَذَمَ مَرَرْ ضُٻَ، جِكِے مَيْ مُتُوَ كُمَ يَثَنْجَ يَذَمَ مَرَرْ مُتُوَ؞ 54 سَعَدَّ كُمَ جِكِے مَيْ ضُٻَنَّنْ يَثَنْجَ يَذَمَ مَرَرْ ضُٻَ، كُمَ جِكِے مَيْ مُتُوَرْ نَنْ يَذَمَ مَرَرْ مُتُوَ، أَ لُواْكَثِنَّنْ نٜىٰ ڢَا مَغَنَرْ نَنْ دَتَكٜىٰ أَرُبُوثٜىٰ ثِكِنْ مَغَنَرْ اللَّهْ ذَاتَ ثِكَ، ثٜىٰوَ «أَنْهَلَّكَ مُتُوَ، أَنْيِنَصَرَا عَكَنْتَ؞ 55 كٜىٰ، مُتُوَ، إِنَا نَصَرَرْكِ؟ كٜىٰ، مُتُوَ، إِنَا دَڢِنْكِ؟» 56 أَيْ، ذُنُوبِ شِينٜىٰ دَڢِنْ مُتُوَ، ذُنُوبِ كُوَ يَسَامِ إِيكُوانْسَ تَدَلِيلِنْ كُواْيَرْوَرْ؞ 57 عَمَّا بَرِ غُواْدِيَ تَتَبَّتَا غَ اللَّهْ وَنْدَ يَكٜىٰ بَامُ نَصَرَا تَوُرِنْ عُبَنْغِجِنْمُ عِيسَىٰ أَلْمَسِيحُ! 58 سَبُواْدَ حَكَ یَنْعُوَنَ وَطَنْدَ نَكٜىٰ ڧَوْنَ، كُڟَيَ دَرَمْ، كُكَڢُ، كُلُّمْ كُنَ يَلْوَتَ ثِكِنْ عَيْكِنْ عُبَنْغِجِ، دُواْمِنْ كُوَ كُنْ سَنْ ڢَامَرْ دَ كُكٜىٰيِ سَبُواْدَ عُبَنْغِجِ بَعَبَنْظَ تَكٜىٰبَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria