1 كُواْرِنْتِيَاوَا 14 - أَتَّوْرَتْ دَ أَنَّبَاوَا

بَيٜىٰ بَيٜىٰنْ هَرْسُنَ دَ أَنَّبْثِ

¹ كُنَاثٜىٰ كُنٜىٰمِ ڧَوْنَ، كُكُمَيِ مَرْمَرِنْ بَيٜىٰ بَيٜىٰ نَ رُوحُ مَيْ ڟَرْكِے، مُسَمَّنْ نَيِنْ أَنَّبْثِ؞

² غَمَا مَيْ مَغَنَ دَ هَرْسُنَ بَمُتَنٜىٰ يَكٜىٰ وَ مَغَنَبَ، دَ اللَّهْ يَكٜىٰ مَغَنَ، غَمَا بَاوَنْدَ يَكٜىٰ غَانٜىٰ أَبِنْدَ يَكٜىٰ ڢَطَا، سَبُواْدَ يَنَ ڢَطِنْ أَبُبُوَنْ أَسِيرِ تَوُرِنْ إِيكُوانْ رُوحُ نٜىٰ؞

³ عَمَّا وَنْدَ يَكٜىٰ أَنَّبْثِ يَنَيِ وَمُتَنٜىٰ مَغَنَ نٜىٰ دُواْمِنْ غِنَسُ، عَڧَرْڢَڢَاسُ، عَيِمُسُ تَعَظِيَّ؞

⁴ مَيْ مَغَنَ دَ هَرْسُنَ يَنَ غِنَا كَنْسَ نٜىٰ، عَمَّا مَيْ أَنَّبْثِ يَنَ غِنَا جَمَعَرْ مَاسُبِے نٜىٰ؞

⁵ تُواْ، إِنَ سُواْ دُكَنْكُ كُيِ مَغَنَ دَ هَرْسُنَ، عَمَّا نَڢِ سُواْ كُيِ أَنَّبْثِ؞ وَنْدَ يَكٜىٰيِنْ أَنَّبْثِ يَڢِ وَنْدَ يَكٜىٰ مَغَنَ دَ هَرْسُنَ، سَيْدَيْ إِنْ أَݣَويْ وَنْدَ ذَيْ يِڢَسَّرَ دُواْمِنْ جَمَعَرْ مَاسُبِے تَغِنُو؞

⁶ تُواْ، یَنْعُوَ، عِدَنْ نَاذُواْ إِنَيِ مُكُ مَغَنَ دَ هَرْسُنَ، أَمْڢَانِنْ مٜىٰ ذَنْيِ مُكُ، إِنْ بَنْذُواْ مُكُ دَ وَنِ بَيَانِ، كُواْ عِلِمِ، كُواْ أَنَّبْثِ، كُواْ كُواْيَرْوَرْ كَلْمَرْ اللَّهْ بَ؟

⁷ حَكَ يَكٜىٰدَ أَبُبُوَ مَرَسَ رَيْ كَمَرْ سُو سَرٜىٰوَ دَ مُواْلُواْ؞ عِدَنْ مُرْيَرْسُ بَتَڢِتَ سُواْسَيْبَ، يَيَ وَنِ ذَيْ سَنْ أَبِنْدَ عَكٜىٰ كَطَوَ كُواْ بُوسَوَ؟

⁸ عِدَنْ بَعَبُوسَ ڧَهُواْ دَيْدَيْ يَدَّ ذَاعَ غَانٜىٰبَ، وَ ذَيْ يِشِرِنْ يَاڧِ؟

⁹ حَكَكُمَ يَكٜىٰ غَرٜىٰكُ، إِنْ كُكَيِ مَغَنَ دَ وَنِ يَرٜىٰنْ دَ بَعَغَانٜىٰبَ، يَيَ ذَاعَ سَنْ أَبِنْدَ كُكٜىٰ ڢَطَا؟ كُنْيِ مَغَنَ عَبَنْظَ كٜىٰنَنْ؞

¹⁰ أَݣَويْ يَرٜىٰ إِرِ إِرِ عَدُونِيَا، كُواْوَنّٜىٰ كُوَ يَنَدَ مَعَنَ؞

¹¹ عِدَنْ كُوَ بَانَ جِنْ يَرٜىٰنْ، سَيْ إِنْذَمَ بَڧُواْ غَ مَيْ مَغَنَرْ، مَيْ مَغَنَرْ كُمَ يَذَمَ بَڧُواْ غَرٜىٰنِ؞

¹² حَكَكُمَ يَكٜىٰ أَغَرٜىٰكُ؞ تُنْدَيَكٜىٰ كُنَ مَرْمَرِنْ سَامُنْ بَيٜىٰ بَيٜىٰ نَ رُوحُ، سَيْ كُيِ ڨُوذُواْ كُبَادَ ڧَرْڢِنْكُ غَ يِنْ أَمْڢَانِ دَ وَطَنْدَ ذَاسُ غِنَا جَمَعَرْ مَاسُبِے؞

¹³ سَبُواْدَ حَكَ دُكْ مَيْ مَغَنَ دَ وَنِ هَرْشٜىٰ، سَيْ يَيِ أَدُّعَ دُواْمِنْ عَبَاشِ بَيْوَرْ ڢَسَّرَ؞

¹⁴ عِدَنْ نَيِ أَدُّعَ أَوَنِ هَرْشٜىٰ، رُوحُنَ نٜىٰ يَكٜىٰ أَدُّعَ، عَمَّا تُنَانِنَ بَيْ أَمْڢَانَ كُواْمٜىٰبَ؞

¹⁵ تُواْ، مٜىٰ ذَنْيِ؟ ذَنْيِ أَدُّعَ دَ رُوحُ، عَمَّا كُمَ ذَنْيِ حَرْ دَ تُنَانِنَ مَا؞ ذَنْيِ وَاڧَرْ يَبُوانْ اللَّهْ دَ رُوحُنَ، عَمَّا ذَنْيِ حَرْ دَ تُنَانِنَ كُمَ؞

¹⁶ عِدَنْ بَهَكَبَ، إِنْ كَا غُواْدٜىٰ وَ اللَّهْ دَ رُوحُ كَوَيْ، تَيَيَا وَنْدَ يَكٜىٰ سَوْرَرُوانْكَ دَ بَايَ غَانٜىٰ وَنَّنْ يَرٜىٰ ذَيْثٜىٰ ‏«‏أَمِينْ»‏ عَكَنْ غُواْدِيَرْ دَ كَكٜىٰيِ، إِنْ بَيْ سَنْ أَبِنْدَ كَكٜىٰ ڢَطَا بَ؟

¹⁷ كُواْدَيَكٜىٰ كَا غُواْدٜىٰ وَ اللَّهْ سُواْسَيْ، أَيْ، وَنَّنْ مُتُمْ بَيْ ڧَارُبَ؞

¹⁸ نَا غُواْدٜىٰ اللَّهْ إِنَ مَغَنَ دَ هَرْسُنَ ڢِيٜىٰدَ دُكَنْكُ؞

¹⁹ دُكْدَهَكَ دَيْ عَتَارُوانْ جَمَعَرْ مَاسُبِے، نَاڢِسُواْ إِنْڢَطِ كَلْمُواْمِ بِيَرْ دَ تُنَانِنَ دُوانْ إِنْكُواْيَرْ دَ وَطَنْسُ دَ إِنْڢَطِ كَلْمُواْمِ دُبُو غُواْمَ دَوَنِ هَرْشٜىٰ؞

²⁰ یَنْعُوَ، كَدَ كُيِ تُنَانِ كَمَرْ يَارَا، سَيْدَيْ وَجٜىٰنْ مُغُنْتَا كُذَمَ كَمَرْ جَرِرَيْ، عَمَّا كُذَمَ دَ تُنَانِ إِرِنْ نَمَنْيَ؞

²¹ أَ رُبُوثٜىٰ يَكٜىٰ ثِكِنْ كُواْيَرْوَرْ عِنْدَ اللَّهْ يَثٜىٰ، ‏«‏ذَنْيِ مَغَنَ دَ مُتَنٜىٰنَّنْ تَوُرِنْ مُتَنٜىٰ مَاسُ هَرْسُنَ دَبَمْ، دَ كُمَ تَلٜىٰٻُنَنْ بَاڧِ، دُكْدَهَكَ كُوَ بَذَاسُ سَوْرَرَتَبَ، إِنْجِ عُبَنْ‌غِجِ؞»‏

²² تُواْ أَشٜىٰ، هَرْسُنَ ڢَا دُواْمِنْ عَلَمَ نٜىٰ بَ غَ مَاسُبِيبَ، سَيْدَيْ غَ مَرَسَبِے؞ أَنَّبْثِ كُوَ دُواْمِنْ مَاسُ بَنْ‌غَسْكِيَانٜىٰ، بَ دُوانْ مَرَسَ بَادَ غَسْكِيَابَ؞

²³ سَبُواْدَ حَكَ، عِدَنْ دُكَنْ جَمَعَرْ مَاسُبِے تَتَارُ، كُواْوَ كُمَ يَنَ مَغَنَ دَ وَنِ هَرْسُنَ دَبَمْ، سَيْ وَطَنْسُ دَ بَسُ سَنْ أَبِنْدَ عَكٜىٰيِبَ، كُواْ مَرَسَبِے سُكَ شِغُواْ، أَشٜىٰ، بَسَيْ سُثٜىٰ كُنْ هَوْكَثٜىٰبَ؟

²⁴ عَمَّا عِدَنْ كُواْوَ يَنَ أَنَّبْثِ، وَنِ مَرَرْ بِے، كُواْ وَنْدَ بَيْسَنْ أَبِنْدَ عَكٜىٰيِبَ يَشِغُواْ، سَيْ مَغَنَرْ كُواْوَ تَتَٻَشِ، حَرْ يَنٜىٰمِ تُوبَ؞

²⁵ ذَاعَتُواْنَ أَسِرَنْ ذُوثِيَارْسَ، تَهَكَ سَيْ يَڢَاطِ يَيِ وَ اللَّهْ سُجَّدَ، يَنَ ثٜىٰوَ ‏«‏لَلَّيْ اللَّهْ يَنَ ثِكِنْكُ؞»‏

عَيِ سُجَّدَ يَدَّ يَكَمَتَ

²⁶ تُواْ، يَيَ ذَاعَيِ كٜىٰنَنْ یَنْعُوَ؟ سَعَدَّ كُكَ تَارُ، وَنِ يَنَدَ وَاڧَرْ يَبُوانْ اللَّهْ، وَنِ دَ كُواْيَرْوَا، وَنِ دَ بَيَانِ، وَنِ دَ يِنْ مَغَنَ دَ وَنِ هَرْشٜىٰ، وَنِ كُمَ دَ ڢَسَّرَ؞ بَرِ عَيِ كُواْمٜىٰ دُواْمِنْ غِنَاوَا؞

²⁷ عِدَنْ كُوَ وَطَنْسُ ذَاسُيِ مَغَنَ دَ وَنِ هَرْشٜىٰ، كَدَ سُڢِ مُتُمْ بِيُ كُواْ عُكُ، سُكُمَيِشِ بِيدَبِے، وَنِ كُمَ يَيِ ڢَسَّرَ؞

²⁸ عِدَنْ كُوَ بَا مَيْ ڢَسَّرَ، سَيْ كُواْوَنّٜىٰنْسُ يَيِ شِضُ ثِكِنْ جَمَعَرْ مَاسُبِے، يَيِ وَكَنْسَ مَغَنَ دَ كُمَ اللَّهْ؞

²⁹ مَاسُيِنْ أَنَّبْثِ كُمَ، سَيْدَيْ بِيُ كُواْ عُكُ سُيِ مَغَنَ، سَيْ وَطَنْسُ سُعَوْنَ أَبِنْدَ عَكٜىٰ ڢَطَا؞

³⁰ عِدَنْ كُوَ اللَّهْ يَيِ وَوَنِ وَنْدَ يَكٜىٰ ظَوْنٜىٰ أَوُرِنْ بَيَانِ، سَيْ نَڢَرْكُواْنَّنْ مَيْ مَغَنَ يَيِ شِضُ؞

³¹ دُكَنْكُ كُنَ عِيَيِنْ أَنَّبْثِ طَيَ طَيَ، حَرْ كُواْوَ يَسَامِ كُواْيُواْ، كُواْوَ يَكُمَ سَامِ ڧَرْڢَڢَاوَا؞

³² كُتُنَ ڢَا، وَطَنْدَ سُكٜىٰيِنْ أَنَّبْثِ سُنَ عِيَ بِيدَ رُوحُنْسُ، سُنَ كُمَبَا وَ جُونَ ظَرَڢِ؞

³³ دُواْمِنْ اللَّهْ نْمُ بَ اللَّهْ نَضِكِثِيوَ بَنٜىٰ، عَمَّا اللَّهْ نَسَلَمَ نٜىٰ؞ حَكَ يَكٜىٰ كُوَ أَدُكْ جَمَعُنْ ڟَرْكَكَا؞

³⁴ يَا كَمَاتَ مَاتَا سُيِ شِضُ عَثِكِنْ تَارُوانْ جَمَعَرْ مَاسُبِے، دُواْمِنْ بَعَبَاسُ إِظْنِ سُيِ مَغَنَبَ، سَيْدَيْ سُبِے، كَمَرْ يَدَّ كُواْيَرْوَرْ مُوسَٰى مَا تَثٜىٰ؞

³⁵ عِدَنْ أَݣَويْ وَنِ أَبِنْدَ سُكٜىٰسُواْ سُسَنِ، تُواْ، سَيْ سُتَمْبَيِ مَذَنْسُ أَغِدَا؞ دُوانْ أَبِنْ كُنْيَا نٜىٰ مَثٜىٰ تَيِ مَغَنَ عَثِكِنْ جَمَعَرْ مَاسُبِے؞

³⁶ عَكَنْكُ نٜىٰ كَلْمَرْ اللَّهْ تَا ڢَارَ، كُواْ كُوَ كُو كَطَيْ نٜىٰ تَا كَيْ وَجٜىٰنْكُ؟

³⁷ عِدَنْ وَنِ يَنَ ڟَمَّنِ شِ أَنَّبِے نٜىٰ، كُواْ كُوَ مَيْ وَتَ بَيْوَ تَرُوحُ، تُواْ، سَيْ يَغَانٜىٰ ثٜىٰوَ أَبِنَّنْ دَ نَكٜىٰ رُبُوتَ مُكُ عُمَرْنِ نٜىٰ نَ عُبَنْ‌غِجِ؞

³⁸ عِدَنْ كُوَ وَنِ يَڧِ يَكُلَ دَ وَنَّنْ، شِے مَا سَيْ عَڧِ كُلَ دَشِ؞

³⁹ سَبُواْدَ حَكَ یَنْعُوَنَ، كُدِنْ‌غَ مَرْمَرِنْ يِنْ أَنَّبْثِ، كَدَ كُمَ كُحَنَ يِنْ مَغَنَ دَ وَطَنْسُ هَرْسُنَ؞

⁴⁰ سَيْ دَيْ عَيِكُواْمٜىٰ يَدَّ يَا كَمَاتَ، أَشِرْيٜىٰ كُمَ؞