1 تَارِيحِ 9 - أَتَّوْرَتْ دَ أَنَّبَاوَا1 عَكَ لِسَّڢْتَا دُكَنْ إِسْرَٰٓءِيلَاوَا بِسَغَ ذُرِيَرْسُ عَثِكِنْ لِتَّڢِنْ سَرَاكُنَنْ إِسْرَٰٓءِيلَ؞ أَنْ ݣُوشِ مُتَنٜىٰنْ يَهُودَ ذُوَا بَوْتَا عَ بَابِيلَ سَبُواْدَ رَشِنْ أَمِنْثِنْسُ غَ يَهْوٜىٰهْ؞ مُتَنٜىٰنْدَ سُكَ كُواْمَ عُرُوشَلِيمَ 2 مُتَنٜىٰنْ دَ سُكَ ذَمَ نَڢَرْكُواْ دَ سُكَسَاكٜىٰ كُواْمَاوَا سُكَ ذَوْنَ أَغُواْنَكِنْسُ أَغَرُرُوَنْسُ نَغَادُواْ سُونٜىٰ وَطَنْسُ إِسْرَٰٓءِيلَاوَا دَ ڢِرِسْتُواْثِے دَ لَوِيَاوَا دَ مَاسُ حِدِمَ أَ هَيْكَلِ؞ 3 أَݣَويْ مُتَنٜىٰ دَغَ ذُرِيَرْ يَهُودَ دَ تَ بِلِيَامِنُ دَ تَ إِڢْرَيِمْ دَ تَ مَنَسّٜىٰ وَطَنْدَ سُكَ ذَوْنَ أَ عُرُوشَلِيمَ؞ سُونٜىٰ، 4 عُتَيْ طَنْ أَمِّهُدْ، جِيكَنْ عُوامْرِ، نَغِدَنْ إِمْرِ طَنْ بَنِ؞ بَنِ طَيَ نٜىٰ دَغَ ثِكِنْ یَیَنْ ڢٜىٰرٜىٰظْ طَنْ يَهُودَ؞ 5 دَغَ دَنْغِنْ شِلُواْ أَݣَويْ أَسَيَ دَ یَیَنْسَ مَظَا؞ أَسَيَ شِينٜىٰ نَڢَارِ أَدَنْغِنْسُ؞ 6 دَغَ دَنْغِنْ ظٜىٰرَ أَݣَويْ يٜىٰوُيٜىٰلْ دَ یَنْعُوَنْسَ نَدَنْغِ، مُتَنٜىٰ طَرِے شِدَ دَ ثَسَعِنْ؞ 7 دَغَ ذُرِيَرْ بِلِيَامِنُ أَݣَويْ سَلُّ طَنْ مٜىٰشُلَّمْ، جِيكَنْ هُواْدَوِيَ، نَغِدَنْ هَسّٜىٰنُوَ، 8 إِبْنٜىٰيَ طَنْ يٜىٰرُواْهَمْ، عٜىٰلَ طَنْ عُظِّ، عُظِّ طَنْ مِكْرِ دَ مٜىٰشُلَّمْ طَنْ شٜىٰڢَتِيَ، جِيكَنْ رٜىٰيُوٜىٰلْ، نَغِدَنْ إِبْنِجَ؞ 9 بِسَغَ تَارِيحِنْ أَصَلِنْسُ، مُتَنٜىٰنْ بِلِيَامِنُ سُنْ كَيْ طَرِے تَرَ دَ حَمْسِنْ دَ شِدَ؞ دُكَنْ مُتَنٜىٰنَّنْ شُوغَبَنِّنْ غِدَاجٜىٰنْ كَاكَنِّنْسُ نٜىٰ؞ 10 دَغَ ڢِرِسْتُواْثِے أَݣَويْ يٜىٰدَيَ دَ يٜىٰهُواْيَرِبْ دَ يَكِنْ، 11 دَ أَظَرِيَ طَنْ هِلْكِيَ، جِيكَنْ مٜىٰشُلَّمْ، نَغِدَنْ ظَدُواكْ، طَنْ مٜىٰرَيْيُواتْ، طَنْ أَهِتُبْ وَنْدَ يَذَمَ شُوغَبَا ثِكِنْ مَاسُ عَيْكِ أَ غِدَنْ اللَّهْ؞ 12 أَݣَويْ أَدَيَ طَنْ يٜىٰرُواْهَمْ، جِيكَنْ ڢَشُرْ، نَغِدَنْ مَلْكِيَ دَ مَعَسَيْ طَنْ أَدِيٜىٰلْ، جِيكَنْ يَهْظٜىٰرَ، نَغِدَنْ مٜىٰشُلَّمْ، طَنْ مٜىٰشِلّٜىٰمِتْ، طَنْ إِمّٜىٰرْ؞ 13 ڢِرِسْتُواْثِنْ دَسُكٜىٰ شُوغَبَنِّنْ غِدَاجٜىٰنْ كَاكَنِّنْسُ سُنْ كَيْ مُتُمْ دُبُو طَيَ دَ طَرِے بَݣَويْ دَ سِتِّنْ؞ دُكَنْسُ مَاسُ عِيَ عَيْكِنٜىٰ سُواْسَيْ عَثِكِنْ حِدِمَ أَ غِدَنْ اللَّهْ؞ 14 لَوِيَاوَنْ دَ سُكَ كُواْمَ سُونٜىٰ، شٜىٰمَيَ طَنْ هَشُّبْ، جِيكَنْ أَظِرِكَمْ، نَغِدَنْ هَشَبِيَ، مُتُمِنْ دَنْغِنْ مٜىٰرَرِ؞ 15 أَݣَويْ بَكْبَكَّرْ دَ هٜىٰرٜىٰشْ دَ غَلَلْ دَ مَتَّنِيَ طَنْ مِيكَ، جِيكَنْ ظِكِرِ، نَغِدَنْ أَسَڢْ؞ 16 أَݣَويْ عُواْبَدِيَ طَنْ شٜىٰمَيَ، جِيكَنْ غَلَلْ، نَغِدَنْ يٜىٰدُتُنْ دَ بٜىٰرٜىٰكِيَ طَنْ أَسَ، جِيكَنْ عٜىٰلْكَنَ، وَطَنْدَ سُكٜىٰ ذَمَ عَڧَوْيُكَ كٜىٰوَيٜىٰ دَ نٜىٰتُواْڢَ؞ 17 مَاسُ غَادِنْ ڧُواْڢُواْڢِ وَطَنْدَ سُكَ كُواْمَ سُونٜىٰ، شَلُّمْ دَ عَكُّبْ دَ تَلْمُوانْ دَ أَهِمَنْ دَ یَنْعُوَنْسُ؞ شَلُّمْ نٜىٰ شُوغَبَنْسُ دُكَ؞ 18 سُونٜىٰ سُكٜىٰ ڟَيَاوَا عَبَاكِنْ ڧُواْڢَرْ سَرْكِے وَدَّ تَكٜىٰ تَسَاشٜىٰنْ غَبَسْ أَ هَيْكَلِ؞ أَ دَا سُونٜىٰ مَاسُ غَادِنْ ڧُواْڢُواْڢِنْ ذَنْغُوانْ لَوِيَاوَا؞ 19 شَلُّمْ طَنْ كُواْرٜىٰ، جِيكَنْ عٜىٰبِيَسَڢْ، نَغِدَنْ ڧَارُونَ، تَرٜىٰدَ یَنْعُوَنْسَ مَاسُ غَادِ دَغَ دَنْغِنْ ڧَارُونَ، سُونٜىٰ مَاسُ لُورَ دَ ڧُواْڢَرْ شِغَ هَيْكَلِ، كَمَرْ يَدَّ كَاكَنِّنْسُ سُكَيِ وَ تٜىٰنْتِنْ كَسَنْثٜىٰوَرْ يَهْوٜىٰهْ أَدَاجِ؞ 20 أَ دَا ڢِنٜىٰهَسْ طَنْ عٜىٰلٜىٰيَظَرْ نٜىٰ شُوغَبَنْ مَاسُ غَادِنْ ڧُواْڢُواْڢِ، كُمَ يَهْوٜىٰهْ يَا كَسَنْثٜىٰ تَرٜىٰ دَشِ؞ 21 زَكَرِيَّا طَنْ مٜىٰشٜىٰلٜىٰمِيَ نٜىٰ مَيْغَادِنْ ڧُواْڢَرْ شِغَ تٜىٰنْتِنْ سَدُوَ؞ 22 دُكْ وَطَنْدَ عَكَ ذَاٻَا سُذَمَ مَاسُ غَادِنْ ڧُواْڢُواْڢِ، مُتُمْ طَرِے بِيُ دَ غُواْمَشَا بِيُ نٜىٰ؞ أَنْ رُبُوتَ سُونَيٜىٰنْسُ بِسَغَ تَارِيحِنْ أَصَلِنْسُ عَڧَوْيُكَ؞ دَاوُدَ دَ سَمَٰعِيلَ مَيْ غَنِ نٜىٰ سُكَسَا كَاكَنِّنْسُ سُيِ عَيْكِنَّنْ نَأَمِنْثِ؞ 23 سُو دَ دَنْغِنْسُ نٜىٰ عَكَبَاسُ حِدِمَرْ غَادِنْ ڧُواْڢُواْڢِنْ غِدَنْ يَهْوٜىٰهْ، وَتُواْ غِدَنْ دَ عَكَثٜىٰ دَشِ تٜىٰنْتِ؞ 24 مَاسُ غَادِنْ ڧُواْڢُواْڢِ سُكَ ڟَيَ عَكُواْوَنٜىٰ غٜىٰڢٜىٰ، وَتُواْ أَغٜىٰڢٜىٰنْ غَبَسْ دَ يَمَّ دَ أَرٜىٰوَ دَ كُدُ؞ 25 یَنْعُوَنْسُ وَطَنْدَ سُكٜىٰ عَڧَوْيُكَ سُكَنْ ذُواْ سُكَرْٻٜىٰسُ، سُيِ ݣُونَ بَݣَويْ، سَعَنً وَطَنْسُ كُمَ سُكَرْٻٜىٰسُ ڟَرُوانْ؞ 26 شُوغَبَنِّ حُطُ ثِكِنْ مَاسُ غَادِنْ ڧُواْڢُواْڢِنْ، لَوِيَاوَا نٜىٰ، سُكَ لُورَ دَ طَكُنَ دَ كُمَ طَكُنَنْ أَجِيَ أَ غِدَنْ اللَّهْ؞ 27 سُكَ ذَوْنَ كٜىٰوَيٜىٰ دَ غِدَنْ اللَّهْ، غَمَا سُنَدَ حَكِّنْ غَادِ؞ سُكَنْ بُوطٜىٰشِ كُواْوَثٜىٰ سَاڢِيَ؞ سَوْرَنْ لَوِيَاوَا 28 وَطَنْسُ لَوِيَاوَا نٜىٰ سُكٜىٰ لُورَ دَ كَايَنْدَ عَكٜىٰ أَمْڢَانِ دَسُو أَوَجٜىٰنْ سُجَّدَ؞ سُكَنْ ڧِرْغَ أَبُبُوَ سَعَدَّ عَكَ ڢِتَرْ دَسُو دَ كُمَ سَعَدَّ عَكَ كُواْمَرْ دَسُو دُواْمِنْ عَ أَجِيٜىٰ؞ 29 وَطَنْسُ كُمَ أَنْسَا سُلُورَ دَ كَايَيَّكِ دَ كَايَنْ دَ عَكَ كٜىٰٻٜىٰ دَ ڟَرْكِے دَ كُمَ غَارِنْ حَڟِ دَ ضُوً إِنَبِے دَ مَيْ دَ تُرَارٜىٰ دَ كَايَنْ يَجِ؞ 30 عَمَّا عَيْكِنْ شِرْيَ كَايَنْ يَجِ يَنَ أَ حَنُّنْ ڢِرِسْتُواْثِے؞ 31 طَيَ دَغَ ثِكِنْ لَوِيَاوَا مَيْ سُونَ مَتِّتِيَ، طَنْ ڢَارِ نَ شَلُّمْ مُتُمِنْ ڧَارُونَ، شِينٜىٰ عَكَ بَاشِ عَيْكِنْ تُواْيَ غُرَاسَرْ هَدَايَ؞ 32 وَطَنْسُ دَغَ دَنْغِنْ كُواْهَتْ نٜىٰ سُكَ لُورَ دَ عَيْكِنْ شِرْيَ غُرَاسَرْ دَ عَكَ كٜىٰٻٜىٰ نَكُواْوَثٜىٰ رَانَرْ هُوتُ تَمَكُواْ؞ 33 وَطَنْدَ سُكٜىٰ مَوَاڧَ، كُمَ شُوغَبَنِّنْ غِدَاجٜىٰنْ كَاكَنِّنْ ذُرِيَرْ لَوِ، سُكَ ذَوْنَ ثِكِنْ طَكُنَنْ دَسُكٜىٰ كٜىٰوَيٜىٰ دَ هَيْكَلِنْ؞ بَعَبَاسُ وَنِ عَيْكِبَ كُمَ، سَبُواْدَ سُنَيِنْ عَيْكِنْسُ دَرٜىٰ دَ رَانَ؞ 34 دُكَنْ وَطَنْدَ عَكَ بَادَ سُونَيٜىٰنْسُ أَنَنْ، شُوغَبَنِّنْ غِدَاجٜىٰنْ كَاكَنِّنْ لَوِيَاوَا نٜىٰ بِسَغَ تَارِيحِنْ أَصَلِنْسُ؞ سُكَ كُوَ ذَوْنَ أَ عُرُوشَلِيمَ؞ أَصَلِنْ ذُرِيَرْ طَالُوتَ 35 يٜىٰيِيٜىٰلْ شُوغَبَنْ غِبٜىٰيُوانْ يَذَوْنَ أَغَرِنْ غِبٜىٰيُوانْ؞ سُونَنْ مَاتَرْسَ مَعَكَ، 36 سُونَنْ طَنْسَ نَڢَارِ أَبْدُوانْ؞ أَݣَويْ كُمَ ظُرْ دَ كِشْ دَ بَعَلْ دَ نٜىٰرْ دَ نَدَبْ، 37 دَ غٜىٰدُوارْ دَ أَهِيُواْ دَ زَكَرِيَّا دَ مِكْلُواتْ؞ 38 مِكْلُواتْ يَحَيْڢِ شِمٜىٰيَمْ؞ دُكَنْ مُتَنٜىٰنْ وَنَّنْ ذُرِيَ سُنْ ذَوْنَ كُسَدَ یَنْعُوَنْسُ نَ عُرُوشَلِيمَ؞ 39 نٜىٰرْ نٜىٰ يَحَيْڢِ كِشْ، كِشْ يَحَيْڢِ طَالُوتَ؞ طَالُوتَ يَحَيْڢِ يُواْنَتَنْ دَ مَلْكِشُوَ دَ أَبِينَدَبْ دَ عٜىٰشْبَعَلْ؞ 40 طَنْ يُواْنَتَنْ شِينٜىٰ، مٜىٰرِبَّعَلْ، وَنْدَ يَحَيْڢِ مِيكَ؞ 41 یَیَ مَظَا نَ مِيكَ سُونٜىٰ، ڢِتُوانْ دَ مٜىٰلٜىٰكْ دَ تَرٜىٰيَ دَ أَهَظْ؞ 42 أَهَظْ يَحَيْڢِ يَرَ، يَرَ يَحَيْڢِ أَلٜىٰمٜىٰتْ دَ أَظْمَوٜىٰتْ دَ ظِمْرِ؞ ظِمْرِ يَحَيْڢِ مُواْظَ؞ 43 مُواْظَ نٜىٰ يَحَيْڢِ بِنٜىٰيَ؞ بِنٜىٰيَ يَحَيْڢِ رٜىٰڢَيَ، رٜىٰڢَيَ يَحَيْڢِ عٜىٰلٜىٰيَسَ، عٜىٰلٜىٰيَسَ يَحَيْڢِ أَظٜىٰلْ؞ 44 أَظٜىٰلْ يَنَدَ یَیَ مَظَا شِدَ؞ سُونٜىٰ أَظِرِكَمْ، بُواْكٜىٰرُ دَ إِسْمَٰعِيلُ دَ شٜىٰيَرِيَ دَ عُواْبَدِيَ دَ هَنَنْ؞ دُكَنْسُ نٜىٰ یَیَ مَظَا نَ أَظٜىٰلْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria