1 تَارِيحِ 5 - أَتَّوْرَتْ دَ أَنَّبَاوَا

ذُرِيَرْ رَعُبَيْنُ

¹ رَعُبَيْنُ شِينٜىٰ طَنْ ڢَضٍ إِسْرَٰٓءِيلَ؞ عَمَّا سَعَدَّ يَشِغَ يَݣُونَ دَ مَتَنْ دَ بَابَنْسَ يَ أَجِيٜىٰ، سَيْ يَرَسَ غَادُوانْ مَڟَيِنْسَ نَطَنْ ڢَارِ؞ عَكَ بَا یَیَنْ يُوسُڢَ وَنَّنْ إِيكُوانْ ذَمَنْ طَنْ ڢَضٍ؞ سَبُواْدَ حَكَ بَعَلِسَّڢْتَ سُونَنْسَبَ ثِكِنْ تَارِيحِنْ ذُرِيَرْسُ أَمَڟَيِنْ طَنْ ڢَارِ؞

² كُواْدَيَكٜىٰ ذُرِيَرْ يَهُودَ سُنْ كَسَنْثٜىٰ دَ ڧَرْڢِے سُواْسَيْ ثِكِنْ سَوْرَنْ ظُرِيُواْيِنْ، كُمَ ذُرِيَرْ ثٜىٰ تَتَنَدَ سَرْكِے، دُكْدَهَكَ إِيكُوانْ طَنْ ڢَارِ يَنَ أَ حَنُّنْ ذُرِيَرْ يُوسُڢَ؞

³ یَیَ مَظَا نَ رَعُبَيْنُ طَنْ ڢَارِ نَ إِسْرَٰٓءِيلَ سُونٜىٰ، هَنُواكْ دَ ڢَلُّ دَ هٜىٰظْرُوانْ دَ كَرْمِ؞

⁴ یَیَ مَظَا نَ يُواْوٜىٰلْ دَغَ ڟَارَا ذُوَا ڟَارَا سُونٜىٰ، شٜىٰمَيَ دَ غُواغْ دَ شِمٜىٰيِ

⁵ دَ مِيكَ دَ رٜىٰيَيَ دَ بَعَلْ،

⁶ دَ كُمَ بٜىٰيٜىٰرَ وَنْدَ سَرْكِے تِغْلَتْ ڢِلٜىٰسٜىٰرْ نَ أَسُّرِيَ يَݣُوشٜىٰ ذُوَا بَوْتَا؞ بٜىٰيٜىٰرَ شُوغَبَنٜىٰ ثِكِنْ ذُرِيَرْ رَعُبَيْنُ؞

⁷ غَا سُونَيٜىٰنْ یَنْعُوَ نَدَنْ‌غِنْ بٜىٰيٜىٰرَ، كُواْوَنٜىٰ أَنْبَادَ سُونَنْسَ بِسَغَ تَارِيحِنْ أَصَلِنْ كَاكَنِّنْسُ؞ يٜىٰيِيٜىٰلْ شِينٜىٰ سَرْكِے، أَݣَويْ زَكَرِيَّا،

⁸ دَ بٜىٰلَ طَنْ أَظَظْ، وَتُواْ جِيكَنْ شٜىٰمَ دَغَ دَنْ‌غِنْ يُواْوٜىٰلْ؞ دَنْ‌غِنْ يُواْوٜىٰلْ سُنْيِ ذَمَ عَيَنْكِنْ أَرُواْوٜىٰرْ حَرْ ذُوَا بَعَلْمٜىٰيُوانْ؞

⁹ سَبُواْدَ سُنَدَ شَانُو دَيَوَ عَڧَسَرْ غِلٜىٰيَدْ، سَيْ سُكَ بَظُو ذُوَا غَبَسْ حَرْ بَاكِنْ دَاجِنْدَ يَمِيڧٜىٰ ذُوَا كُواْغِنْ يُڢِرٜىٰتِسْ؞

¹⁰ أَ زَامَانِنْ سَرْكِے طَالُوتَ، ذُرِيَرْ رَعُبَيْنُ سُنْ ڢَاطَوَ هَغَرَاوَا دَ يَاڧِ سُكَ كَشٜىٰسُ عَيَاڧِ، سُكَ ذَوْنَ عَڧَسَاشٜىٰنْ هَغَرَاوَا وَطَنْدَ سُكٜىٰ أَغَبَشِنْ يَنْكِنْ غِلٜىٰيَدْ؞

ذُرِيَرْ غَدْ

¹¹ ذُرِيَرْ غَدْ نٜىٰ سُكَ ذَوْنَ تَأَرٜىٰوَ غَ ذُرِيَرْ رَعُبَيْنُ عَيَنْكِنْ بَشَنْ، حَرْ ذُوَا سَلٜىٰكَ أَغَبَسْ؞

¹² يُواْوٜىٰلْ شِينٜىٰ سَرْكِے، شَڢَمْ نٜىٰ نَبِيُنْ، أَݣَويْ كُمَ يَنَيْ دَ شَڢَتْ؞ سُونٜىٰ تُوشٜىٰنْ بَشَنْ؞

¹³ یَنْعُوَنْسُ بِسَغَ غِدَنْ كَاكَنِّنْسُ سُونٜىٰ، مِيكَآءِيلُ دَ مٜىٰشُلَّمْ دَ شٜىٰبَ دَ يُواْرَيْ دَ يَكَنْ دَ ظِيَ دَ عٜىٰبٜىٰرْ، وَتُواْ سُو بَݣَويْ دُكَ كٜىٰنَنْ؞

¹⁴ وَطَنَّنْ سُونٜىٰ یَیَ مَظَا نَ أَبِهَيِلْ طَنْ هُرِ وَتُواْ جِيكَنْ يَرُواْوَ طَنْ غِلٜىٰيَدْ، طَنْ مِيكَآءِيلُ، طَنْ يٜىٰشِشَيْ، طَنْ يَدُواْ نَغِدَنْ بُظْ؞

¹⁵ أَهِ طَنْ أَبْدِيٜىٰلْ، وَتُواْ جِيكَنْ غُنِ شُوغَبَنْ غِدَنْ كَاكَنِّنْسُنٜىٰ؞

¹⁶ مُتَنٜىٰنْ غَدْ سُكَ ذَوْنَ أَ غِلٜىٰيَدْ عَيَنْكِنْ بَشَنْ دَ ڧَوْيُكَنْ دَ سُكَ كٜىٰوَيٜىٰشِ، تَرٜىٰدَ دُكَنْ ڢِيلَيٜىٰنْ كِيوُاْ نَ شَرُوانْ؞

¹⁷ أَنْ رُبُوتَ دُكَنْ وَطَنَّنْ عَتَارِيهِنْ أَصَلِنْ كَاكَنِّنْسُ أَ لُواْكَثِنْ مُلْكٍ سَرْكِے يُواْتَمْ نَ يَهُودَ دَ سَرْكِے يٜىٰرُواْبُواْوَمْ نَ إِسْرَٰٓءِيلَ؞

تَارِيحِنْ ظُرِيُواْيِ نَغَبَسْ دَ كُواْغِنْ يُواْدَنْ

¹⁸ ذُرِيَرْ رَعُبَيْنُ دَ تَ غَدْ دَ رَبِنْ ذُرِيَرْ مَنَسّٜىٰ مَذَوْنَنْ غَبَسْ، سُنَدَ سُواْجُواْجِ دُبُو أَرْبَعِنْ دَ حُطُ دَ طَرِے بَݣَويْ دَ سِتِّنْ وَطَنْدَ سُكَ ڠُونِنْتَ وَجٜىٰنْ أَمْڢَانِ دَ غَرْكُوَ دَ تَكُواْبِے دَ كُمَ بَكَ؞

¹⁹ سَيْ سُكَيِ يَاڧِ دَ هَغَرَاوَا، وَتُواْ يٜىٰتُرْ دَ نَڢِشْ دَ نُواْدَبْ؞

²⁰ سَعَدَّ سُكَ دُواْغَضَ غَ اللَّهْ سُكَيِ أَدُّعَ دُواْمِنْ نٜىٰمَنْ تَيْمَكُواْ، سَيْ اللَّهْ يَأَمْسَ أَدُّعَرْسُ يَسَا سُكَثِ نَصَرَا عَكَنْ هَغَرَاوَا دَ أَبُواْكَنْ ڢَطَنْسُ سَبُواْدَ سُكَ دُواْغَضَ غَرٜىٰشِ؞

²¹ ظُرِيُواْيِنَّنْ سُكَ ݣُوشِ دَبُّواْبِنْ هَغَرَاوَا دَ أَبُواْكَنْ ڢَطَنْسُ، وَتُواْ رَاڧُمَ دُبُو حَمْسِنْ دَ تُمَكِ دُبُو طَرِے بِيُ دَ دُبُو حَمْسِنْ دَ جَاكُنَ دُبُو بِيُ؞ سُكَ كُمَ ݣُوشِ مُتَنٜىٰ دُبُو طَرِے دَ رَيْ؞

²² أَنْ كَشٜىٰ مُتَنٜىٰ دَيَوَ سَبُواْدَ يَاڧِنَّنْ نَ اللَّهْ نٜىٰ؞ سُكَ كُوَ ذَوْنَ عَيَنْكِنْسُ حَرْ ذُوَا لُواْكَثِنْ دَ عَكَ ݣُوشِ مُتَنٜىٰ تِلَسْ ذُوَا ذَمَنْ بَوْتَا أَوَتَ ڧَسَا؞

²³ مُتَنٜىٰنْ رَبِنْ ذُرِيَرْ مَنَسّٜىٰ نَغَبَسْ سُنَدَ يَوَ؞ سُنْ ذَوْنَ عَڧَسَرْ دَغَ يَنْكِنْ بَشَنْ حَرْ ذُوَا بَعَلْ هَرْمُوانْ دَ سٜىٰنِرْ دَ بَبَّنْ تُدُنْ هَرْمُوانْ عَ أَرٜىٰوَ؞

²⁴ غَا سُونَيٜىٰنْ شُوغَبَنِّنْ دَنْ‌غُواْغِنْسُ، عٜىٰڢٜىٰرْ دَ إِشِ دَ عٜىٰلِيٜىٰلْ دَ أَظْرِيٜىٰلْ دَ إِرْمِيَ دَ هُواْدَوِيَ دَ يَدِيٜىٰلْ؞ دُكَنْسُ ڠُونَيٜىٰنْ يَاڧِ نٜىٰ، شُوغَبَنِّنْ دَنْ‌غُواْغِنْسُ مَاسُ سُونَ؞

²⁵ عَمَّا سُكَيِ وَ اللَّهْ نَكَاكَنِّنْسُ رَشِنْ أَمِنْثِ، سُكَيِ كَارُوَنْثِ تَوُرِنْ يِنْ سُجَّدَ غَ أَلُّواْلِنْ مُتَنٜىٰنْ ڧَسَرْ، مُتَنٜىٰنْ دَ اللَّهْ يَهَلَّكَ دُواْمِنْ سُذَوْنَ عَڧَسَرْ؞

²⁶ سَبُواْدَ حَكَ، سَيْ اللَّهْ نَ إِسْرَٰٓءِيلَ يَسَا سَرْكِے ڢُلْ نَ أَسُّرِيَ، وَتُواْ سَرْكِے تِغْلَتْ ڢِلٜىٰسٜىٰرْ نَ أَسُّرِيَ، يَݣُوشِ مُتَنٜىٰنْ ذُرِيَرْ رَعُبَيْنُ دَ نَ غَدْ دَ نَرَبِنْ ذُرِيَرْ مَنَسّٜىٰ نَغَبَسْ ذُوَا بَوْتَا؞ يَكَيْسُ غَرِنْ هَلَ دَ يَنْكِنْ هَبُوارْ دَ هَرَ دَ كُمَ بَاكِنْ كُواْغِنْ غُواْظَنْ، عِنْدَ سُكٜىٰ هَرْوَيَوْ؞