1 تَارِيحِ 29 - أَتَّوْرَتْ دَ أَنَّبَاوَاأَنْ بَادَ ݣَوْتَيْ نَكَايَنْ غِنَ هَيْكَلِ 1 سَعَنً سَرْكِے دَاوُدَ يَيِ مَغَنَ غَ دُكَنْ تَارُوانْ جَمَعَ يَثٜىٰ «طَانَ سُلَيْمَٰنُ، شِے وَنْدَ اللَّهْ يَذَاٻَا، سَوْرَيِ نٜىٰ، وَيُوانْ رَايُوَا بَيْ إِشٜىٰشِيبَ تُكُنَ؞ غَاشِ، عَيْكِنْ كُمَ يَنَدَ يَوَ سُواْسَيْ، غَمَا وَنَّنْ هَيْكَلِبَ وُرِنْ دَ مُتُمْ ذَيْ ذَوْنَ بَنٜىٰ، عَمَّا وُرِے نٜىٰ عِنْدَ يَهْوٜىٰهْ اللَّهْ ذَيْ كَسَنْثٜىٰ؞ 2 نَارِغَا نَايِ إِيَاكَثِنْ ڧُواْڧَرِنَ نَتَارَ كَايَ دُواْمِنْ غِدَنْ اللَّهْ نَا؞ نَا تَارَ ظِينَارِيَ دُواْمِنْ يِنْ كَايَنْ ظِينَارِيَ دَ أَظُرْڢَا دُواْمِنْ يِنْ كَايَنْ أَظُرْڢَا دَ تَغُلَّ دُواْمِنْ يِنْ كَايَنْ تَغُلَّ دَ ڧَرْڢٜىٰ دُواْمِنْ يِنْ كَايَنْ ڧَرْڢٜىٰ دَ كَتَكَيْ دُواْمِنْ يِنْ كَايَنْ كَتَكَيْ؞ أَݣَويْ كُمَ دُوَڟُو مَاسُ دَرَجَ دَيَوَ دَ دُووَڟُنْ عُواْنِسْ دَ نَأَدُواْ دَ دُوَڟُو مَاسُ كَلَرْ إِرِ إِرِ دَ دُووَڟُنْ دَرَجَ إِرِ إِرِ دَ شِرْيَيُّنْ دُووَڟُنْ دَٻٜىٰ دَيَوَ؞ 3 بَنْ دَ أَبِنْدَ نَارِغَا نَا تَارَ دُواْمِنْ غِدَنْ اللَّهْ نَا، ذَنْبَادَ ظِينَارِيَ دَ أَظُرْڢَرْ دَ نَكٜىٰ دَسُو، سَبُواْدَ إِنَ ڧَوْنَرْ غِدَنْ اللَّهْ نَا سُواْسَيْ؞ 4 إِنَ بَادَ ظِينَارِيَ ظَلَّ وَدَّ تَڢِے تُوانْ طَرِے دَ أَظُرْڢَا ظَلَّ وَدَّ تَڢِے تُوانْ أَرْبَعِنْ دُواْمِنْ يِنْ أَدُواْ عَبَنْغُوانْ غِدَنْ يَهْوٜىٰهْ، 5 دَ كُمَ سَوْرَنْ عَيْكِنْ أَدُوانْ دَ مَاسُ سَنَعَرْ حَنُّ ذَاسُيِ؞ دَ ظِينَارِيَ ذَاعَيِ كَايَنْ ظِينَارِيَ دَ أَظُرْڢَا كُمَ ذَاعَيِ كَايَنْ أَظُرْڢَا؞ تُواْ، يَنْذُ وَيَكٜىٰسُواْ يَيِ بَايَرْوَ تَيَرْدَرْ رَيْ، يَكُمَ كٜىٰٻٜىٰ كَنْسَ يَوْ غَ يَهْوٜىٰهْ؟» 6 سَعَنً شُوغَبَنِّنْ غِدَاجٜىٰنْ كَاكَنِّ دَ شُوغَبَنِّنْ ظُرِيُواْيِ دَ شُوغَبَنِّنْ سُواْجُواْجِ دُبُو دُبُو دَ نَطَرِے طَرِے دَ شُوغَبَنِّنْ أَيُّكَنْ سَرْكِے سُكَيِ بَايَرْوَ تَيَرْدَرْ رَيْ؞ 7 سُكَ بَادَ ظِينَارِيَرْ دَ تَڢِے تُوانْ طَرِے دَ سَبَعِنْ دَ أَظُرْڢَرْ دَ تَڢِے تُوانْ طَرِے عُكُ دَ أَرْبَعِنْ دَ تَغُلَّ وَجٜىٰنْ تُوانْ طَرِے شِدَ دَ عَشِرِنْ دَ ڧَرْڢٜىٰنْدَ يَڢِ تُوانْ دُبُو عُكُ دَ طَرِے حُطُ؞ 8 مُتَنٜىٰنْ دَسُكٜىٰ دَ دُوَڟُو مَاسُ دَرَجَ سُكَ بَادَسُو أَوُرِنْ أَجِيَرْ كَايَنْ غِدَنْ يَهْوٜىٰهْ تَهَنُّنْ يٜىٰهِيٜىٰلْ نَدَنْغِنْ غٜىٰرْشُوانْ دَغَ ذُرِيَرْ لَوِ؞ 9 جَمَعَ سُكَيِ مُرْنَ دَ غَنِنْ يَوَنْ أَبِنْدَ عَكَ بَايَرْدَ يَرْدَرْ رَيْ دَ ذُوثِيَا طَيَ غَ يَهْوٜىٰهْ؞ سَرْكِے دَاوُدَ شِے مَا يَيِ مُرْنَ سُواْسَيْ؞ دَاوُدَ يَيَبِے اللَّهْ 10 دَاوُدَ يَيَبِے يَهْوٜىٰهْ أَغَبَنْ دُكَنْ تَارُوانْ جَمَعَ يَثٜىٰ، «يَا يَهْوٜىٰهْ، اللَّهْ نَكَكَنْمُ إِسْرَٰٓءِيلَ، أَلْبَرْكَ تَا تَبَّتَا غَرٜىٰكَ، حَرْ أَبَدَا أَبَدِنْ! 11 يَا يَهْوٜىٰهْ، غِرْمَ دَ إِيكُواْ نَاكَ نٜىٰ! طَوْكَكَ دَ دَرَجَ دَ نَصَرَا نَاكَ نٜىٰ، غَمَا كُواْمٜىٰ أَ سَمَ كُواْ ڧَسَا نَاكَ نٜىٰ؞ نَاكَ نٜىٰ مُلْكِ، يَا يَهْوٜىٰهْ، كَيْنٜىٰ مَيْ طَوْكَكَ ڢِيٜىٰ دَكُواْمٜىٰ؞ 12 دُوكِيَ دَ غِرْمَ دَغَ غَرٜىٰكَ سُكٜىٰ، كَيْنٜىٰ مَيْ مُلْكِ عَكَنْ كُواْمٜىٰ؞ أَ حَنُّنْكَ نٜىٰ ڧَرْڢِے دَ إِيكُواْ سُكٜىٰ، إِيكُوانْ غِرْمَمَ مُتُمْ دَ إِيكُوانْ ڧَرْڢَڢَ شِ؞ 13 يَنْذُ يَا اللَّهْ نْمُ، مُنَ مَكَ غُواْدِيَ، مُنَ كُمَ يَبُوانْ سُونَنْكَ مَيْ دَرَجَ؞ 14 «عَمَّا وَنٜىٰنٜىٰنِے؟ سُو وَنٜىٰنٜىٰ مَا مُتَنٜىٰنَ حَرْ دَ ذَامُ عِيَ كَٰوُاْ مَكَ بَايَرْوَ تَيَرْدَرْ رَيْ؟ غَمَا دُكَنْ أَبُ دَغَ غَرٜىٰكَ سُكٜىٰ، كُمَ دَغَ ثِكِنْ أَبِنْدَ مُكَ كَرْٻَ دَغَ وُرِنْكَ مُكَ بَاكَ؞ 15 أَغَرٜىٰكَ مُو بَڧِينٜىٰ، مَاسُ يَٰوُاْ أَغَبَنْكَ كَمَرْ كَاكَنِّنْمُ؞ ݣُونَكِنْمُ عَدُونِيَا كَمَرْ إِنُوَ مَيْ وُثٜىٰوَ نٜىٰ، بَعَسَا ذُوثِيَا عَكَنْسُ؞ 16 يَا يَهْوٜىٰهْ اللَّهْ نْمُ، دُكَنْ كَايَنْ دَ مُكَ تَارَ دُواْمِنْ غِنَا مَكَ غِدَا عِنْدَ ذَاعَ يَبِے سُونَنْكَ مَيْ ڟَرْكِے سُنْ ڢِتُواْ دَغَ وُرِنْكَ نٜىٰ، كُمَ دُكَ نَاكَنٜىٰ؞ 17 يَا اللَّهْ نَا، نَسَنِ كَيْ مَيْڠُودَ ذُوثِيَارْ مُتُمْ نٜىٰ، كُمَ كَكَنْجِ دَاطِنْ أَبِنْدَ يَكٜىٰ دَيْدَيْ؞ دُكَنْ كَايَنَّنْ نَبَايَرْ دَسُو دَ غَسْكِيَ أَ ظُوثِ؞ نَكُمَ غَنِ يَدَّ مُتَنٜىٰنْكَ سُنَ بَايَرْوَ دَ يَرْدَرْ رَيْ ثِكِنْ ڢَضٍ ثِكِ؞ 18 يَا يَهْوٜىٰهْ، اللَّهْ نَكَاكَنِّنْمُ إِبْرَٰهِيمْ دَ إِسْحَٰڧَ دَ يَعْڧُوبَ، بَرِ كَكِيَايٜىٰ وَنَّنْ يَرْدَرْ رَيْ دَ ڢَضٍ ثِكِ أَ مُتَنٜىٰنْكَ حَرْ أَبَدَا، كَكُمَسَا سُكَسَنْثٜىٰ دَ أَمِنْثِ أَغَرٜىٰكَ؞ 19 بَرِ كَبَا طَانَ سُلَيْمَٰنُ ثِكَكّٜىٰنْ نِيَّ نَعَيْكَتَ دُكَنْ أَبِنْدَ كَاعُمَرْتَ، يَبِے عُمَرْنِنْكَ دَ ڧَٰعِدُواْدِنْكَ دَ دُكَنْ ڟَارِنْدَ كَبَايَرْ دُواْمِنْ غِنَا بَبَّنْ غِدَنْكَ وَنْدَ نَارِغَا نَا كَمَّلَ شِرِنْسَ؞» 20 سَعَنً دَاوُدَ يَثٜىٰ وَدُكَنْ تَارُوانْ جَمَعَ «كُيَبِے يَهْوٜىٰهْ اللَّهْ نْكُ؞» سَيْ دُكَنْ جَمَعَ سُكَ يَبِے يَهْوٜىٰهْ اللَّهْ نَكَاكَنِّنْسُ؞ سُكَ رُسُنَ حَرْ ڧَسَا أَغَبَنْ سَرْكِے دَ كُمَ أَغَبَنْ يَهْوٜىٰهْ؞ أَنْ تَبَّتَرْ دَ سُلَيْمَٰنُ سَرْكِے 21 وَشٜىٰغَرِ مُتَنٜىٰ سُكَيِ هَدَايُ غَ يَهْوٜىٰهْ؞ سُكَ مِيڧَ هَدَايَ تَڧُواْنَاوَا نَبِجِمَيْ دُبُو دَ رَغُنَ دُبُو دَ یَنْ رَغُنَ دُبُو، تَرٜىٰدَ هَدَايُنْسُ نَشَا دَ هَدَايُ مَاسُيَوَ وَطَنْدَ عَكَيِ سَبُواْدَ دُكَنْ مُتَنٜىٰنْ إِسْرَٰٓءِيلَ؞ 22 أَ رَانَرْ نَنْ كُواْوَ يَثِ يَشَا تَرٜىٰدَ مُرْنَ مَيْ يَوَ غَ يَهْوٜىٰهْ؞ سَيْ سُكَسَاكٜىٰ تَبَّتَرْ دَ سُلَيْمَٰنُ طَنْ دَاوُدَ سَرْكِے سَوْ نَبِيُ؞ سُكَ ظُبَ مَسَ مَنْ كٜىٰٻٜىٰوَ نَنَطَ شِ سَرْكِے أَغَبَنْ يَهْوٜىٰهْ؞ حَكَ مَا عَكَ ظُبَ وَ ظَدُواكْ مَنْ كٜىٰٻٜىٰوَ دُواْمِنْ عَكٜىٰٻٜىٰشِ ڢِرِسْتِ؞ 23 سَيْ سُلَيْمَٰنُ يَذَمَ سَرْكِے يَكُوَ هَوْ كُجٜىٰرَرْ مُلْكٍ دَ يَهْوٜىٰهْ يَتَبَّتَرْ أَمَدَدِنْ بَابَنْسَ دَاوُدَ؞ سُلَيْمَٰنُ كُوَ يَيَلْوَتَ ثِكِنْ مُلْكِنْسَ، إِسْرَٰٓءِيلَاوَا دُكَ كُمَ سُكَيِ مَسَ بِيَيَّ؞ 24 دُكَنْ دَتَّاوَا دَ شُوغَبَنِّنْ سُواْجُواْجِ دَ سَوْرَنْ یَیَ مَظَا نَ دَاوُدَ سُكَيِ أَلْڧَوَرِ ذَاسُيِ بِيَيَّ غَ سَرْكِے سُلَيْمَٰنُ؞ 25 يَهْوٜىٰهْ يَا طَوْكَكَ سُلَيْمَٰنُ يَسَا دُكَنْ مُتَنٜىٰنْ إِسْرَٰٓءِيلَ سُنَ غَنِنْسَ دَ دَرَجَ سُواْسَيْ، يَطَوْكَكَ مُلْكِنْسَ سُواْسَيْ، حَرْ بَعَتَٻَ غِرْمَمَ وَنِ سَرْكِنْ إِسْرَٰٓءِيلَ حَكَ كَاڢِنْ سُلَيْمَٰنُ بَ؞ مُتُوَرْ دَاوُدَ 26 غَا تَارِيحِنْ دَاوُدَ طَنْ يٜىٰسّٜىٰ، وَنْدَ يَيِ مُلْكِ عَكَنْ دُكَنْ إِسْرَٰٓءِيلَ؞ 27 يَيِ شٜىٰكَرَا أَرْبَعِنْ يَنَ مُلْكٍ إِسْرَٰٓءِيلَ؞ عَثِكِ يَيِ شٜىٰكَرَا بَݣَويْ يَنَ مُلْكِ أَ هٜىٰبْرُوانْ دَ كُمَ شٜىٰكَرَا تَلَاتِنْ دَ عُكُ يَنَ مُلْكِ أَ عُرُوشَلِيمَ؞ 28 يَكُوَ مُتُ ثِكِنْ ڟُوڢَ سُواْسَيْ، بَايَنْدَ يَيِ رَايُوَا مَيْݣَوْ دَ ݣُونَكِے مَاسُيَوَ وَطَنْدَ سُكٜىٰ ثِكٜىٰ دَ دُوكِيَ دَ غِرْمَ؞ سَيْ طَنْسَ سُلَيْمَٰنُ يَغَاجٜىٰشِ يَذَمَ سَرْكِے؞ 29 أَيُّكَنْ سَرْكِے دَاوُدَ دَغَ ڢَرْكُواْ حَرْ ڧَرْشٜىٰ سُنَ أَرُبُوثٜىٰ أَ لِتَّتَّڢَنْ تَارِيحِ نَ سَمَٰعِيلَ مَيْ غَنِ دَ نَأَنَّبِے نَتَنْ دَ نَ غَدْ مَيْ غَنِ؞ 30 تَارِيحِنْ يَنُونَ إِرِنْ مُلْكٍ دَ يَيِ دَ ڧَرْڢِنْسَ دَ أَبُبُوَنْ دَ سُكَ سَامٜىٰشِ دَ كُمَ إِسْرَٰٓءِيلَ دَ دُكَنْ مُلْكُواْكِنْ سَوْرَنْ ڧَسَاشٜىٰنْ دَسُكٜىٰ كٜىٰوَيٜىٰ دَسُو؞ |
Hausa Common Language Ajami Bible © The Bible Society of Nigeria, 2020
Bible Society of Nigeria