1 تَارِيحِ 28 - أَتَّوْرَتْ دَ أَنَّبَاوَادَاوُدَ يَيِ شِرِنْ غِنَ هَيْكَلِ 1 دَاوُدَ يَسَا دُكَنْ شُوغَبَنِّنْ إِسْرَٰٓءِيلَ سُكَ تَارُ أَ عُرُوشَلِيمَ؞ ثِكِنْسُ أَݣَويْ شُوغَبَنِّنْ ظُرِيُواْيِ دَ شُوغَبَنِّنْ ڧُنْغِيُواْيِنْ دَسُكٜىٰيِ وَسَرْكِے حِدِمَ دَ شُوغَبَنِّنْ سُواْجُواْجِ دُبُو دُبُو دَ نَطَرِے طَرِے دَ مَاسُ لُورَ دَ دُكَنْ كَايَ دَ دَبُّواْبِنْ سَرْكِے دَ نَیَیَنْسَ، تَرٜىٰدَ دَتَّاوَنْسَ دَ مَنْيَنْ مُتَنٜىٰنْ ڧَسَرْدَ دُكَنْ مَنْيَنْ سُواْجُواْجِ؞ 2 دَاوُدَ يَتَاشِ ڟَيٜىٰ أَغَبَنْسُ يَثٜىٰ «كُجِنِ، يَا كُو یَنْعُوَنَ دَ مُتَنٜىٰنَ؞ نَا طَوْكَ أَ ذُوثِيَاتَ ذَنْ غِنَا غِدَنْ هُوتَوَا دُواْمِنْ عَݣُوتِنْ يَرْجٜىٰجٜىٰنِيَرْ يَهْوٜىٰهْ، كُمَ وُرِنْ سَا ڧَڢَرْ اللَّهْ نْمُ؞ نَارِغَا نَا يِشِرِ دُواْمِنْ غِنِنْ، 3 عَمَّا اللَّهْ بَيْ يَرْدَ مِنِبَ؞ يَثٜىٰ بَنِينٜىٰ ذَنْ غِنَا مَسَ غِدَابَ، غَمَا نِے مَيْ يَاڧِنٜىٰ كُمَ نَظُبَرْدَ جِنِ دَيَوَ؞ 4 «عَمَّا دُكْدَهَكَ يَهْوٜىٰهْ اللَّهْ نَ إِسْرَٰٓءِيلَ يَذَاٻٜىٰنِ دَغَ یَیَنْ بَابَنَ دُواْمِنْ إِنْ ذَمَ سَرْكِنْ إِسْرَٰٓءِيلَ حَرْ أَبَدَا؞ غَمَا يَذَاٻِ كَكَنْمُ يَهُودَ يَذَمَ شُوغَبَا ثِكِنْ ظُرِيُواْيِنْ يَهُودَ؞ عَثِكِنْ یَیَنْ يَهُودَ كُمَ يَذَاٻِ بَابَنَ؞ عَثِكِنْ یَیَنْ بَابَنَ كُمَ يَذَاٻٜىٰنِ إِنْ ذَمَ سَرْكِے عَكَنْ إِسْرَٰٓءِيلَ؞ 5 يَهْوٜىٰهْ يَا بَانِ یَیَ مَاسُيَوَ؞ عَثِكِنْ دُكَنْ یَیَنَ يَذَاٻِ سُلَيْمَٰنُ دُواْمِنْ يَذَوْنَ عَكُجٜىٰرَرْ مُلْكٍ يَهْوٜىٰهْ عَكَنْ إِسْرَٰٓءِيلَ؞ 6 يَهْوٜىٰهْ يَثٜىٰ مِنِ، ‹طَنْكَ سُلَيْمَٰنُ نٜىٰ ذَيْ غِنَا مِنِ غِدَا دَ سَوْرَنْ غِنٜىٰ غِنٜىٰ كٜىٰوَيٜىٰ دَ غِدَنْ؞ نَذَاٻِ سُلَيْمَٰنُ يَذَمَ طَانَ، نِے كُمَ إِنْ ذَمَ بَابَنْسَ؞ 7 ذَنْسَا مُلْكِنْسَ يَكَسَنْثٜىٰ حَرْ أَبَدَا عِدَنْ يَا ثِيغَبَدَ يِنْ بِيَيَّ دَ دُواْكُواْكِنَ دَ عُمَرْنَيْنَ دَ ڨُوذُواْ، كَمَرْ يَدَّ عَكٜىٰيِ عَيَوْ؞› 8 «سَبُواْدَ حَكَ، مُتَنٜىٰنَ، أَغَبَنْ تَارُوانْ جَمَعَرْ نَنْ نَدُكَنْ إِسْرَٰٓءِيلَ مُتَنٜىٰنْ يَهْوٜىٰهْ دَ كُمَ أَغَبَنْ اللَّهْ نْمُ، إِنَ كِرَنْكُ كُيِ بِيَيَّ دَ دُكَنْ دُواْكُواْكِنْ دَ يَهْوٜىٰهْ اللَّهْ نْكُ يَعُمَرْثٜىٰكُ؞ تَهَكَ ذَاكُ عِيَ مَلَّكِ ڧَسَرْ نَنْ حَرْ كُإِيَ بَا یَیَنْكُ مُلْكِنْتَ تَغَادُواْ حَرْ أَبَدَا؞ 9 «كَيْ كُمَ طَانَ سُلَيْمَٰنُ، كَا تَبَّتَرْ ثٜىٰوَ كَا سَنْ اللَّهْ نَكَكَنْكَ؞ دُواْلٜىٰنٜىٰ كَيِ مَسَ حِدِمَ دَ دُكَنْ ذُوثِيَارْكَ، كُمَ عَثِكِنْ يَرْدَرْ رَيْ، غَمَا يَهْوٜىٰهْ يَنَ بِنْثِكٜىٰ كُواْوَثٜىٰ ذُوثِيَا كُمَ يَنَ غَانٜىٰ نِيَّرْ كُواْوَثٜىٰ ذُوثِيَا؞ عِدَنْ كَا نٜىٰمٜىٰشِ، ذَيْسَا كَسَامٜىٰشِ؞ عَمَّا عِدَنْ كَا جُويَا مَسَ بَايَ، شِے مَا ذَيْ كَوَرْ دَكَيْ حَرْ أَبَدَا؞ 10 كَسَنِ ڢَا ثٜىٰوَ يَهْوٜىٰهْ يَا ذَاٻٜىٰكَ كَغِنَ مَسَ غِدَا مَيْ ڟَرْكِے؞ كَيِ ڧَرْڢِنْ ذُوثِيَا كَغِنَاشِ؞» 11 دَاوُدَ يَبَا سُلَيْمَٰنُ ڟَارِنْ غِنِنْ غِدَنْدَ نَغِنٜىٰ غِنٜىٰنْسَ دَ نَطَكُنَنْ أَجِيَ دَ نَسَوْرَنْ طَكُنَنْ دَ كُمَ نَوُرِ مَڢِے ڟَرْكِے عِنْدَ عَكٜىٰ طَوْكَرْ أَلْحَكِنْ ذُنُوبِ؞ 12 دَاوُدَ يَبَاشِ ڟَارِنْ دُكْ أَبِنْدَ يَكٜىٰدَشِ أَ ذُوثِيَا يَغِنَ، وَتُواْ ڢِيلَيٜىٰنْ غِدَنْ يَهْوٜىٰهْ دَ غِدَاجٜىٰنْ كٜىٰوَيٜىٰ دَ ڢِيلَيٜىٰنْ دَ طَكُنَنْ أَجِيَ نَغِدَنْ اللَّهْ دَ طَكُنَنْ أَجِيَرْ كَايَنْ دَ عَكَ كٜىٰٻٜىٰ غَ يَهْوٜىٰهْ؞ 13 دَاوُدَ يَكُمَ بَا سُلَيْمَٰنُ ڧَٰعِدُواْدِنْ عَيْكِنْ ڧُنْغِيُواْيِنْ ڢِرِسْتُواْثِے دَ نَ لَوِيَاوَا؞ يَڢَطَا وَ سُلَيْمَٰنُ يَدَّ ذَاعَيِ حِدِمَ أَ غِدَنْ يَهْوٜىٰهْ دَ كُمَ كَايَنْ دَ عَكٜىٰيِنْ أَمْڢَانِ دَسُو أَ حِدِمَرْ غِدَنْ يَهْوٜىٰهْ؞ 14 دَاوُدَ يَبَادَ عُمَرْنِ عَكَنْ يَوَنْ ظِينَارِيَ دَ أَظُرْڢَرْ دَ ذَاعَيِ أَمْڢَانِ دَسُو وَجٜىٰنْ يِنْ كَايَنْ عَيْكِ دُواْمِنْ غِدَنْ يَهْوٜىٰهْ؞ 15 يَڢَطَا وَ سُلَيْمَٰنُ يَوَنْ ظِينَارِيَ دَ أَظُرْڢَرْ دَ عَكٜىٰ بُڧَاتَ دُواْمِنْ عَيِ ڢِتِلُ دَ سَنْدَا مَاسُ رِڧٜىٰ ڢِتِلُ، بِسَغَ إِرِنْ عَيْكِنْ دَ ذَاعَيِ دَ كُواْوَنّٜىٰنْسُ؞ 16 يَكُمَ ڢَطِ يَوَنْ ظِينَارِيَرْ دَ ذَاعَيِ أَمْڢَانِ دَ عِتَ وَجٜىٰنْ يِنْ تٜىٰبُرْ عِنْدَ عَكٜىٰ أَجِيٜىٰ غُرَاسَرْ دَ عَكَ كٜىٰٻٜىٰ دَ كُمَ يَوَنْ أَظُرْڢَرْ دَ ذَاعَيِ أَمْڢَانِ دَ عِتَ دُواْمِنْ يِنْ تٜىٰبُرَنْ أَظُرْڢَا؞ 17 يَكُمَ ڢَطِ يَوَنْ ظِينَارِيَ ظَلَّ وَنْدَ ذَاعَيِ ثُواْكُلَ مَاسُ يَڟُ دَ مَنْيَنْ ݣُونُواْنِ دَ ݣُوڢُنَ دَ يَوَنْ ظِينَارِيَرْ دَ ذَاعَيِ أَمْڢَانِ دَ عِتَ دُواْمِنْ كُواْوَنٜىٰ ݣُونُواْ؞ يَكُمَ ڢَطَا يَوَنْ أَظُرْڢَرْ دَ ذَاعَيِ كُواْوَنٜىٰ ݣُونُوانْ أَظُرْڢَا، 18 دَ يَوَنْ ظِينَارِيَ ظَلَّ وَنْدَ ذَاعَيِ أَمْڢَانِ دَ عِتَ دُواْمِنْ بَغَدٜىٰنْ ڧُواْنَ تُرَارٜىٰ؞ يَكُمَ بَا سُلَيْمَٰنُ ڟَارِنْ كٜىٰكٜىٰنْ دُواْكِ نَظِينَارِيَ دَ نَحَلِتُّو مَاسُ ڢِكَڢِكَنْ دَ ذَاسُ رُڢٜىٰ عَݣُوتِنْ يَرْجٜىٰجٜىٰنِيَ نَ يَهْوٜىٰهْ؞ 19 دَاوُدَ يَثٜىٰ «دُكَنْ وَنَّنْ شِرِنْ يَنَ أَرُبُوثٜىٰ غَمَا حَنُّنْ يَهْوٜىٰهْ يَنَ تَرٜىٰدَنِ، يَكُمَ بَا نِے غَانٜىٰوَرْ دُكَنْ وَطَنَّنْ أَبُبُوَ؞» 20 دَاوُدَ يَكُمَ ثٜىٰ وَطَنْسَ سُلَيْمَٰنُ «كَڧَرْڢَڢَ، كَيِ ڧَرْڢِنْ حَلِ كَيِ عَيْكِنْ؞ كَدَ كَجِڟُواْرُواْ كُواْ كَڢِدَّ ذُوثِيَا، غَمَا يَهْوٜىٰهْ اللَّهْ نَا يأَنَانً تَرٜىٰدَكَيْ؞ بَذَيْ بَرْكَبَ، بَلّٜىٰ يَڧِكَ، حَرْ سَيْ أَنْغَمَ دُكَنْ عَيْكِنْ حِدِمَرْ غِدَنْ يَهْوٜىٰهْ؞ 21 غَاشِ، ڢِرِسْتُواْثِے دَ لَوِيَاوَا أَنْرِغَا أَنْبَاسُ عَيْكِنْ دَ ذَاسُيِ أَ غِدَنْ اللَّهْ؞ كُواْوَنٜىٰ مَيْ عِيَ عَيْكِ سُواْسَيْ يَنَ أَشِرْيٜىٰ دُواْمِنْ يَتَيْمَكٜىٰكَ ثِكِنْ عَيْكِنْ؞ شُوغَبَنِّ دَ دُكَنْ مُتَنٜىٰ ذَاسُيِ بِيَيَّ دَ دُكَنْ عُمَرْنَنْكَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria