1 تَارِيحِ 22 - أَتَّوْرَتْ دَ أَنَّبَاوَا

¹ سَيْ دَاوُدَ يَثٜىٰ ‏«‏أَ نَنْ نٜىٰ غِدَنْ يَهْوٜىٰهْ اللَّهْ دَ بَغَدٜىٰنْ هَدَايَ تَڧُواْنَاوَا نَ إِسْرَٰٓءِيلَ ذَيْ كَسَنْثٜىٰ؞»‏

شِرِنْ غِنِنْ هَيْكَلِ

² سَرْكِے دَاوُدَ يَبَادَ عُمَرْنِ ثٜىٰوَ عَتَتَّارَ دُكَنْ مُتَنٜىٰنْ دَسُكٜىٰ بَ یَنْ ڧَسَرْ إِسْرَٰٓءِيلَ بَ؞ دَغَ ثِكِنْسُ يَسَا سُكَ سَسَّڧَ دُوَڟُو سُڠَرَ دُوَڟُو مَاسُ ݣَنْ غَنِ دُواْمِنْ غِنِنْ غِدَنْ اللَّهْ؞

³ دَاوُدَ يَكُمَبَاسُ بَڧِنْ ڧَرْڢٜىٰ دَيَوَ دُواْمِنْ يِنْ ڧُسُواْشِنْ ڧُواْڢَ نَمَنْيَنْ وُرَارٜىٰنْ شِغَ دَ مَطَوْرِ؞ يَكُمَ تَارَ تَغُلَّ وَدَّ تَوُثٜىٰ غَبَنْ لِسَّڢِ؞

⁴ يَتَنَدَ كَتَكَنْ سٜىٰدَ وَطَنْدَ سُكَ وُثٜىٰ ڧِرْغٜىٰ، غَمَا سِدُواْنِيَاوَا دَ تَيَاوَا سُنْ كَٰوُاْسُ دَيَوَ وُرِنْسَ؞

⁵ دَاوُدَ يَيِ تُنَانِ أَ رَنْسَ يَثٜىٰ ‏«‏طَانَ سُلَيْمَٰنُ سَوْرَيِ نٜىٰ، وَيُوانْ رَايُوَا بَيْ إِشٜىٰشِيبَ تُكُنَ؞ غَاشِ، غِدَنْ دَ ذَاعَ غِنَاوَا يَهْوٜىٰهْ دُواْلٜىٰنٜىٰ يَكَسَنْثٜىٰ دَ غِرْمَ سُواْسَيْ دَ سُونَ دَ دَرَجَ أَعِدُوانْ دُكَنْ ڧَسَاشٜىٰ؞ دُواْمِنْ حَكَ، ذَنْيِ شِرِ دُواْمِنْ غِنِنْ؞»‏ سَيْ دَاوُدَ يَتَارَ كَايَنْ غِنِ مَيْ يَوَنْ غَسْكٜىٰ كَاڢِنْ يَمُتُ؞

⁶ سَعَنً يَكِرَا طَنْسَ سُلَيْمَٰنُ، يَعُمَرْثٜىٰشِ يَغِنَ غِدَا وَ يَهْوٜىٰهْ اللَّهْ نَ إِسْرَٰٓءِيلَ؞

⁷ دَاوُدَ يَكِرَا سُلَيْمَٰنُ يَثٜىٰ ‏«‏طَانَ، نَيِ نِيَّ أَ ذُوثِيَاتَ إِنْ غِنَا غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَا؞

⁸ عَمَّا مَغَنَرْ يَهْوٜىٰهْ تَذُواْ وُرِينَ ثٜىٰوَ نَيِ يَاڧٜىٰ يَاڧٜىٰ دَيَوَ، كُمَ نَكَشٜىٰ مُتَنٜىٰ دَيَوَ؞ سَبُواْدَ نَظُبْدَ جِنِ مَيْ يَوَ عَدُونِيَا، نِے بَذَنْ غِنَا غِدَا دُواْمِنْ أَغِرْمَمَ سُونَنْسَبَ؞

⁹ يَهْوٜىٰهْ يَا كُمَ ثٜىٰمِنِ ذَاعَ حَيْڢَ مِنِ طَا؞ طَنَّنْ ذَيْ كَسَنْثٜىٰ مَيْ سَلَمَ؞ غَمَا شِے يَهْوٜىٰهْ ذَيْبَاشِ ذَمَنْ لَاڢِيَ دَ دُكَنْ أَبُواْكَنْ غَابَنْسَ دَسُكٜىٰ كٜىٰوَيٜىٰ دَشِ؞ ذَاعَكِرَا سُونَنْسَ سُلَيْمَٰنُ؞ عَثِكِنْ دُكَنْ ݣُونَكِنْسَ، يَهْوٜىٰهْ يَثٜىٰ، ذَيْسَا ڧَسَرْ إِسْرَٰٓءِيلَ تَكَسَنْثٜىٰ ثِكِنْ سَلَمَ دَ ذَمَنْ لَاڢِيَ؞

¹⁰ ذَيْ كُمَ غِنَاوَا يَهْوٜىٰهْ غِدَا دُواْمِنْ طَوْكَكَرْ سُونَنْ يَهْوٜىٰهْ؞ يَهْوٜىٰهْ يَثٜىٰ، ‏‹‏ذَيْ ذَمَ طَا أَغَرٜىٰنِ، نِے كُمَ إِنْ ذَمَ بَابَ أَغَرٜىٰشِ، ذَنْ كُمَ كَڢَ كُجٜىٰرَرْ مُلْكِنْسَ حَرْ أَبَدَا؞›‏

¹¹ ‏«‏دُواْمِنْ حَكَ، طَانَ، بَرِ يَهْوٜىٰهْ يَكَسَنْثٜىٰ تَرٜىٰدَكَيْ، دُواْمِنْ كَيِ نَصَرَا ثِكِنْ غِنِنْ غِدَنْ يَهْوٜىٰهْ اللَّهْ نْكَ، كَمَرْ يَدَّ يَيِ مَغَنَ غَمٜىٰدَ كَيْ؞

¹² بَرِ يَهْوٜىٰهْ اللَّهْ نْكَ يَبَاكَ حِكِمَ دَ بَسِيرَ سَعَدَّ يَبَاكَ مُلْكٍ إِسْرَٰٓءِيلَ دُواْمِنْ كَاعِيَ كِيَايٜىٰ كُواْيَرْوَرْ يَهْوٜىٰهْ اللَّهْ نْكَ؞

¹³ ذَاكَ يَلْوَتَ عِدَنْ كَيِ بِيَيَّ دَ ڧَٰعِدُواْدِ دَ عُمَرْنَيْ وَطَنْدَ يَهْوٜىٰهْ يَعُمَرْثِ مُوسَٰى غَمٜىٰدَ إِسْرَٰٓءِيلَاوَا؞ كَڧَرْڢَڢَ، كَيِ ڧَرْڢِنْ حَلِ؞ كَدَ كَجِڟُواْرُواْ، كَدَ كَڢِدَّ ذُوثِيَا؞

¹⁴ عَثِكِنْ وَهَلَ، نَتَارَ ظِينَارِيَ دَيَوَ، مَيْ نَوْيِنْ تُوانْ دُبُو عُكُ دَ طَرِے حُطُ دَ أَظُرْڢَا وَجٜىٰنْ تُوانْ دُبُو تَلَاتِنْ دَ حُطُ دُواْمِنْ عَيْكِنْ غِنِنْ غِدَنْ يَهْوٜىٰهْ؞ أَݣَويْ كُمَ تَغُلَّ دَ بَڧِنْ ڧَرْڢٜىٰنْ دَ سُكَڢِے غَبَنْ ڧِرْغَ؞ أَݣَويْ كُمَ دُوَڟُو دَ كَتَكَنْ دَ نَتَارَ، عَمَّا سَيْ كَڧَارَ عَكَنْسُ؞

¹⁵ كَنَدَ مَاسُ عَيْكِ دَيَوَ؞ أَݣَويْ مَاسُ سَسَّڧَ دُوَڟُو دَ مَاسُ غِنِ دَ كَاڢِنْتُواْثِ دَ كُمَ مَاسُ عِيَيِنْ كُواْوَنٜىٰ إِرِنْ عَيْكِنْ حَنُّ كُواْعِنَ؞

¹⁶ كَنَدَ مَاسُ عِيَ ڧٜىٰرَ ظِينَارِيَ دَ أَظُرْڢَا دَ تَغُلَّ دَ ڧَرْڢٜىٰ؞ تَاشِ كَڢَارَ عَيْكِ!‏ بَرِ يَهْوٜىٰهْ يَكَسَنْثٜىٰ تَرٜىٰدَكَيْ؞»‏

¹⁷ سَيْ دَاوُدَ يَعُمَرْثِ شُوغَبَنِّنْ إِسْرَٰٓءِيلَ سُتَيْمَكِ سُلَيْمَٰنُ؞

¹⁸ يَثٜىٰ ‏«‏أَيْ، يَهْوٜىٰهْ اللَّهْ نْكُ يأَنَانً تَرٜىٰدَكُو؞ غَاشِ، يَبَاكُ ذَمَنْ لَاڢِيَ عَتَكُواْعِنَ، غَمَا يَا بَانِ نَصَرَا عَكَنْ مَذَوْنَنْ ڧَسَرْ؞ شِيَسَا يَهْوٜىٰهْ دَ مُتَنٜىٰنْسَ سُنَدَ إِيكُواْ عَكَنْسُ؞

¹⁹ سَبُواْدَ حَكَ سَيْ كُسَا حَنْكَلِنْكُ دَ رَنْكُ غَ نٜىٰمَنْ يَهْوٜىٰهْ اللَّهْ نْكُ؞ كُڢَارَ غِنِنْ وُرِے مَيْ ڟَرْكِے نَ يَهْوٜىٰهْ، دُواْمِنْ كُ أَجِيٜىٰ عَݣُوتِنْ يَرْجٜىٰجٜىٰنِيَرْ يَهْوٜىٰهْ دَ سَوْرَنْ كَايَنْ دَ عَكَ كٜىٰٻٜىٰ دَ ڟَرْكِے نَيِنْ سُجَّدَ أَوُرِنْ؞»‏