1 تَارِيحِ 21 - أَتَّوْرَتْ دَ أَنَّبَاوَادَاوُدَ يَڧِرْغَ مُتَنٜىٰنْسَ ﴿ 2 سَمْ 24.1-25 ﴾ 1 شَيْطَنْ يَتَاشِ غَابَادَ إِسْرَٰٓءِيلَ، حَرْ يَسَا دَاوُدَ يَڧِرْغَ مُتَنٜىٰنْ إِسْرَٰٓءِيلَ؞ 2 سَيْ دَاوُدَ يَثٜىٰ وَ يُواْوَبْ دَ سَوْرَنْ شُوغَبَنِّنْ سُواْجُواْجِ سُتَڢِے سُڧِرْغَ إِسْرَٰٓءِيلَاوَا دَغَ بٜىٰيٜىٰرْشٜىٰبَ عَكُدُ ذُوَا دَنْ عَ أَرٜىٰوَ؞ سُو كُمَ كَٰوُاْ مَسَ رَهُواْتُواْ، دُواْمِنْ يَسَنْ يَوَنْسُ؞ 3 عَمَّا يُواْوَبْ يَثٜىٰ وَسَرْكِے «رَنْكَيَدَطٜىٰ، سَرْكِے! بَرِ يَهْوٜىٰهْ يَڧَارَ مُتَنٜىٰنْسَ سَوْ طَرِے بِسَ كَنْ يَدَّ سُكٜىٰ عَيَنْظُ! يَا سَرْكِے، بَ دُكَنْسُ نَاكَ بَنٜىٰ؟ دُواْمِنْ مٜىٰنٜىٰنٜىٰ ذَاكَسُواْ مُيِ وَنَّنْ أَبُ؟ دُواْمِنْ مٜىٰ ذَاكَ جَٰوُاْوَ مُتَنٜىٰنْ إِسْرَٰٓءِيلَ أَبِنْدَ ذَيْسَا سُيِ لَيْڢِے؟» 4 عَمَّا سَرْكِے يَنَاثٜىٰ عَكَنْ مَغَنَرْسَ وَدَّ يَيِ وَ يُواْوَبْ؞ سَيْ يُواْوَبْ يَتَاشِ يَتَڢِے كُواْعِنَ عَثِكِنْ إِسْرَٰٓءِيلَ، يَكٜىٰوَيٜىٰ دُكَ يَدَاوُاْ عُرُوشَلِيمَ؞ 5 سَيْ يُواْوَبْ يَبَا دَاوُدَ لِسَّڢِنْ يَوَنْ مُتَنٜىٰنْ؞ أَ دُكَنْ إِسْرَٰٓءِيلَ أَݣَويْ مَظَا مِلِيَنْ طَيَ دَ دُبُو طَرِے وَطَنْدَ سُكَ إِسَ يَاڧِ؞ أَ يَنْكِنْ يَهُودَ أَݣَويْ مَظَا دُبُو طَرِے حُطُ دَ دُبُو سَبَعِنْ دَ سُكَ إِسَ يَاڧِ؞ 6 عَمَّا بَيْسَا ذُرِيَرْ لَوِ دَ بِلِيَامِنُ أَ لِسَّڢِنْسَبَ، غَمَا يُواْوَبْ بَيْجِ دَاطِنْ عُمَرْنِنْ سَرْكِے بَ؞ 7 اللَّهْ بَيْجِ دَاطِنْ وَنَّنْ أَبُ بَ، سَيْ يَحُكُنْتَ إِسْرَٰٓءِيلَ؞ 8 سَيْ دَاوُدَ يَثٜىٰ وَ اللَّهْ «نَيِ ذُنُوبِ سُواْسَيْ دَ نَڧِرْغَ مُتَنٜىٰنْ؞ عَمَّا إِنَ ضُواْڧُوانْكَ، كَغَاڢَرْتَا مِنِ ذُنُوبِنَ؞ غَمَا نَا يِوَوَنْثِ دَ يِنْ حَكَ؞» 9 سَعَنً يَهْوٜىٰهْ يَيِ مَغَنَ دَ أَنَّبِے غَدْ مَيْ غَنِ نَ دَاوُدَ يَثٜىٰ، 10 «كَتَڢِے كَثٜىٰ وَ دَاوُدَ، ‹إِنْجِ يَهْوٜىٰهْ، نَا بَاكَ أَبُبُوَ عُكُ، كَذَاٻِ طَيَ دَ ذَنْ هُواْرٜىٰكَ دَشِ؞› » 11 سَيْ غَدْ يَذُواْ وُرِنْ دَاوُدَ يَثٜىٰ مَسَ «يَهْوٜىٰهْيَثٜىٰ كَذَاٻِ طَيَ دَغَ ثِكِنْ وَطَنَّنْ؞ 12 كُواْ كَذَاٻِ شٜىٰكَرُ عُكُ نَيُنْوَ، كُواْ وَتَنِّ عُكُ نَمُوغُوَرْ ٻَرْنَ دَغَ أَبُواْكَنْ غَابَنْكَ، سَعَدَّ ذَاسُبِے سُنَ كَكَّشٜىٰكُ، كُواْ كُوَ ݣُونَكِے عُكُ نَمُوغُنْ بَلَعِ عَڧَسَرْ دَغَ حَنُّنْ يَهْوٜىٰهْ؞ تُواْ، إِنَ سُواْ كَبَانِ أَمْسَرْ دَ ذَنْ كَيْوَ وَنْدَ يَعَيْكٜىٰنِ؞» 13 دَاوُدَ يَأَمْسَ يَثٜىٰ وَ غَدْ «إِنَ ثِكِنْ بَبَّرْ دَامُوَ! بَرِ إِنْڢَاطَ أَ حَنُّنْ يَهْوٜىٰهْ دُواْمِنْ يَنَدَ يَوَنْ تَوْسَيِ؞ بَانَسُواْ إِنْڢَاطَ أَ حَنُّنْ مُتُمْ؞» 14 سَيْ يَهْوٜىٰهْ يَعَيْكَ دَ بَلَعِ عَڧَسَرْ إِسْرَٰٓءِيلَ؞ مُتَنٜىٰ وَجٜىٰنْ دُبُو سَبَعِنْ سُكَ مُتُ عَ إِسْرَٰٓءِيلَ؞ 15 اللَّهْ يَعَيْكَ دَ مَلاَىِٕكَ ذُوَا عُرُوشَلِيمَ دُواْمِنْ يَهَلَّكَ بِرْنِنْ؞ عَمَّا دَ ذَيْ ڢَارَ هَلَّكَ بِرْنِنْ، سَيْ يَهْوٜىٰهْ يَجِ تَوْسَيِنْ مُتَنٜىٰنْ يَجَنْيٜىٰ حُكُنْثِنْسَ؞ يَثٜىٰ وَمَلاَىِٕكَ مَيْ هَلَّكَرْوَ «يَا إِسَ! كَجَنْيٜىٰ حَنُّنْكَ!» أَ لُواْكَثِنْ مَلاَىِٕكَنْ يَهْوٜىٰهْ يَنَ ڟَيٜىٰ أَوُرِنْ بُغُنْ حَڟِ نَ أَرَوْنَ مُتُمِنْ يٜىٰبُسْ؞ 16 دَاوُدَ يَطَغَ عِدُوانْسَ يَغَ مَلاَىِٕكَنْ يَهْوٜىٰهْ يَنَ ڟَيٜىٰ أَسَرَرِنْ سَمَ دَ تَكُواْبِے أَ ذَارٜىٰ أَ حَنُّنْسَ، يَنَ مِيڧٜىٰ شِ بِسَ عُرُوشَلِيمَ؞ سَيْ دَاوُدَ دَ دَتَّاوَنْ إِسْرَٰٓءِيلَ سَنْيٜىٰ دَ رِيغُنَنْ نُونَ بَڧِنْ ثِكِ سُكَ ڢَاطِ دَ ڢُسْكُواْكِنْسُ حَرْ ڧَسَا؞ 17 سَعَنً دَاوُدَ يَثٜىٰ وَ اللَّهْ «أَيْ، نِنٜىٰ نَا بَادَ عُمَرْنِ عَڧِرْغَ مُتَنٜىٰ؞ نِنٜىٰ مَيْ لَيْڢِے، نِنٜىٰ نَا عَيْكَتَ وَنَّنْ مُغُنْتَا؞ عَمَّا وَطَنَّنْ مُتَنٜىٰ كَمَرْ تُمَكِنٜىٰ؞ مٜىٰنٜىٰنٜىٰ سُكَيِ؟ يَا يَهْوٜىٰهْ اللَّهْ نَا، إِنَضُواْڧُواْ، بَرِ حَنُّنْكَ يَڢَاطِ عَكَيْنَ دَ دَنْغِنْ بَابَنَ؞ عَمَّا كَدَ كَبَرْ وَنَّنْ بَلَعِ يَكَسَنْثٜىٰ عَكَنْ مُتَنٜىٰنْكَ؞» 18 سَيْ مَلاَىِٕكَنْ يَهْوٜىٰهْ يَعُمَرْثِ غَدْ يَتَڢِے يَڢَطَا وَ دَاوُدَ يَهَوْرَ ذُوَا وُرِنْ بُغُنْ حَڟِ نَ أَرَوْنَ مُتُمِنْ يٜىٰبُسْ، يَغِنَ وَ يَهْوٜىٰهْ بَغَدٜىٰنْ هَدَايَ؞ 19 دَاوُدَ كُوَ يَهَوْرَ ذُوَا وُرِنْ بِسَغَ عُمَرْنِنْ يَهْوٜىٰهْ دَغَ بَاكِنْ أَنَّبِے غَدْ؞ 20 أَوُرِنْ بُغُنْ حَڟِنْسَ، أَرَوْنَ يَنَ تَرٜىٰدَ یَیَنْسَ مَظَا غُدَا حُطُ، سُنَ بُغُنْ حَڟِ؞ دَ سُكَغَ مَلاَىِٕكَنْ، سَيْ سُكَ غُدُ سُكَ ٻُيَ؞ 21 سَعَدَّ دَاوُدَ يَذُواْ وُرِنْ، أَرَوْنَ يَغَنْ شِ، سَيْ يَرُسُنَ دَ ڢُسْكَرْسَ حَرْ ڧَسَا يَغَيْشٜىٰشِ؞ 22 سَيْ دَاوُدَ يَثٜىٰ وَ أَرَوْنَ «كَسَيَرْ مِنِ دَ وُرِنْ بُغُنْ حَڟِنْكَ دُواْمِنْ إِنْ غِنَاوَا يَهْوٜىٰهْ بَغَدٜىٰ؞ إِنَ سُواْ كَسَيَرْ مِنِ دَشِ ثِكَكّٜىٰنْ كُطِنْسَ؞ غَمَا إِنَ سُواْ عَكَوَرْدَ بَلَعِنَّنْ دَغَ مُتَنٜىٰ؞» 23 أَرَوْنَ يَأَمْسَ يَثٜىٰ «رَنْكَيَدَطٜىٰ! كَطَوْكَ؞ كَيِ أَبِنْدَ كَكٜىٰسُواْ كَيِ دَشِ؞ إِنَ كُمَبَاكَ بِجِمَيْ دُواْمِنْ هَدَايَ تَڧُواْنَاوَا دَ سَنْدُنَنْ بُغُنْ حَڟِ سُذَمَ إِتَاثٜىٰنْ، سَعَنً حَڟِنْ يَذَمَ نَهَدَايَ؞ نَبَاكَسُ دُكَ؞» 24 عَمَّا سَرْكِے دَاوُدَ يَثٜىٰ وَ أَرَوْنَ «أَعَ، نِے ذَنْسَيِ وُرِنْ دَ ثِكَكّٜىٰنْ كُطِنْدَ يَكَمَاتَ؞ بَذَنْ كَيْوَ يَهْوٜىٰهْ أَبِنْدَ يَكٜىٰ نَاكَبَ، كُواْ كُوَ إِنْمِيڧَ هَدَايَرْدَ أَبِنْدَ بَيْثِمِنِ كُواْمٜىٰبَ؞» 25 دَاوُدَ يَبِيَ أَرَوْنَ ظِينَارِيَ وَدَّ تَكَيْ كِلُواْ بَݣَويْ؞ 26 أَوُرِنْ دَاوُدَ يَغِنَ بَغَدٜىٰ غَ يَهْوٜىٰهْ، يَمِيڧَ هَدَايُ نَڧُواْنَاوَا دَ نَڠَرَنْ زُمُنْثِ؞ يَكِرَا غَ يَهْوٜىٰهْ، يَكُوَ أَمْسَ مَسَ دَ وُتَادَغَ سَمَ عَكَنْ بَغَدٜىٰنْ هَدَايَ تَڧُواْنَاوَا؞ 27 سَيْ يَهْوٜىٰهْ يَعُمَرْثِ مَلاَىِٕكَ يَدَيْنَ، سَيْ مَلاَىِٕكَنْ يَمَيْدَ تَكُواْبِنْسَ ثِكِنْ غِدَنْسَ؞ 28 أَ لُواْكَثِنْ دَ دَاوُدَ يَغَنِ يَهْوٜىٰهْ يَا أَمْسَ مَسَ أَدُّعَ أَوُرِنْ بُغُنْ حَڟِ نَ أَرَوْنَ مُتُمِنْ يٜىٰبُسْ، سَيْ يَثِيغَبَدَ مِيڧَ هَدَايُنْسَ أَوُرِنْ؞ 29 أَ لُواْكَثِنْ كُوَ تٜىٰنْتِنْ كَسَنْثٜىٰوَرْ يَهْوٜىٰهْ وَنْدَ مُوسَٰى يَيِ أَدَاجِ دَ بَغَدٜىٰنْ هَدَايَ تَڧُواْنَاوَا سُنَ أَوُرِنْ سُجَّدَ نَكَنْ تُدُ أَ غِبٜىٰيُوانْ؞ 30 دَاوُدَ كُوَ بَيْ عِيَ تَڢِيَ وُرِنْ دُواْمِنْ نٜىٰمَنْ نُڢِنْ اللَّهْ عَثَنْبَ، غَمَا يَا جِڟُواْرُوانْ تَكُواْبِنْ مَلاَىِٕكَنْ يَهْوٜىٰهْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria