1 تَارِيحِ 19 - أَتَّوْرَتْ دَ أَنَّبَاوَا

دَاوُدَ يَثِ أَمُّواْنَاوَا دَ سُرِيَاوَا دَ يَاڧِ

¹ أَنَانً سَيْ سَرْكِے نَهَشْ نَ أَمُّواْنَاوَا يَمُتُ، سَيْ طَنْسَ يَغَاجٜىٰشِ يَذَمَ سَرْكِے؞

² سَيْ دَاوُدَ يَثٜىٰ ‏«‏ذَنْ نُونَ أَلْحٜىٰرِ غَ هَنُنْ طَنْ نَهَشْ، غَمَا بَابَنْسَ يَنُونَ مِنِ أَلْحٜىٰرِ؞»‏ دَاوُدَ يَعَيْكَ دَ وَكِلَنْسَ ذُوَا وُرِنْ هَنُنْ دُواْمِنْ سُغَيْشٜىٰشِ عَكَنْ مُتُوَرْ بَابَنْسَ؞ سَيْ وَكِلَيْ سُكَ تَڢِے وُرِنْ هَنُنْ عَڧَسَرْ أَمُّوانْ دُواْمِنْ سُغَيْشٜىٰشِ؞

³ عَمَّا شُوغَبَنِّنْ أَمُّوانْ سُكَثٜىٰ وَ هَنُنْ ‏«‏كَنَ ڟَمَّنِ دَاوُدَ يَنَ غِرْمَمَ بَابَنْكَ نٜىٰ دَ يَعَيْكِ مَاسُ حِدِمَرْسَ سُغَيْشٜىٰكَ عَكَنْ مُتُوَرْ بَابَنْكَ؟ أَيْ سُنْ ذُواْ نٜىٰ دُواْمِنْ سُدُوبِے أَسِيرِنْ ڧَسَرْ، سُبِنْثِكٜىٰتَ، سُثِتَ دَيَاڧِ؞»‏

⁴ هَنُنْ كُوَ يَكَامَ وَكِلَنَّنْ نَ دَاوُدَ؞ دُواْمِنْ يَوُلَڧَنْتَاسُ، سَيْ يَ أَسْكٜىٰ غٜىٰمُنْسُ تَغٜىٰڢٜىٰ طَيَ؞ يَكُمَ يَيَّنْكَ مُسُ رِيغُنَ أَدَيْدَيْ طُوَوُنْسُ؞ سَيْ يَسَلَّمٜىٰسُ سُتَڢِے؞

⁵ عَمَّا بَسُ كُواْمَ غِدَا بَ غَمَا سُنْ جِكُنْيَا سُواْسَيْ؞ دَ عَكَ ڢَطَا وَ دَاوُدَ، سَيْيَعَيْكِ وَطَنْسُ مُتَنٜىٰ دَ سَڧُواْ وُرِنْ وَطَنَّنْ دَ عَكَ وُلَڧَنْتَ ثٜىٰوَ سُدَكَتَ أَ يٜىٰرِكُواْ حَرْ سَيْ غٜىٰمُنْسُ سُكَسَاكٜىٰ ڟِرُواْوَ، سَعَنً سُدَاوُاْ غِدَا؞

⁶ لُواْكَثِنْ دَ أَمُّواْنَاوَا سُكَ غَانٜىٰ ثٜىٰوَ سُنْ سَا دَاوُدَ يَڧِ جِنِنْسُ، سَيْ سَرْكِے هَنُنْ دَ أَمُّواْنَاوَا سُكَ عَيْكَ دَ كِلُواْ دُبُو تَلَاتِنْ دَ حُطُ نَأَظُرْڢَا دُواْمِنْ سُيِ هَيَرْ كٜىٰكُنَنْ دُواْكِ دَ سُواْجُواْجِ مَاسُ هَوَنْ دَوَكِ دَغَ يَنْكِنْ مٜىٰسُواْڢُواْتَمِيَ دَغَ كُمَ مَعَكَ دَ ذُوابَ تَڧَسَرْ سُورِيَ؞

⁷ أَمُّواْنَاوَا سُكَيِ هَيَرْ كٜىٰكُنَنْ دُواْكِ دُبُو تَلَاتِنْ دَ بِيُ نَسَرْكِنْ مَعَكَ تَرٜىٰدَ سُواْجُواْجِنْسَ؞ سَيْ سُكَذُواْ سُكَ كَڢَ سَنْسَنِنْ يَاڧِ كُسَدَ بِرْنِنْ مٜىٰدٜىٰبَ؞ أَمُّواْنَاوَا سُكَ ڢِڢِّتَ دَغَ غَرُرُوَنْسُ سُكَذُواْ دُواْمِنْ يَاڧِ؞

⁸ سَعَدَّ دَاوُدَ يَجِ لَابَرِنْ شِرِنْسُ، سَيْ يَعَيْكَ يُواْوَبْ دَ دُكَنْ سُواْجُواْجِ، ڠُونَيٜىٰنْ يَاڧِ، سُتَڢِے سُيِ يَاڧِ دَسُو؞

⁹ سَيْ أَمُّواْنَاوَا سُكَ ڢِتَ سُكَيِ شِرِ دُواْمِنْ يَاڧِ عَبَاكِنْ ڧُواْڢَرْ بِرْنِنْسُ؞ سُواْجُواْجِنْ هَيَ دَ سَرَاكُنَنْسُ سُكَ وَارٜىٰ كَنْسُ دُواْمِنْ يَاڧِ أَ ڢِيلِ؞

¹⁰ دَ يُواْوَبْ يَغَانٜىٰ ثٜىٰوَ يَاڧِنْ ذَيْ كَسَنْثٜىٰ تَغَبَ دَ تَبَايَ، سَيْ يَذَاٻِ سُواْجُواْجِ مَڢِيَ عِيَ يَاڧِ نَ إِسْرَٰٓءِيلَ، يَسَاسُ سُڢُسْكَنْثِ سُرِيَاوَا؞

¹¹ يَسَا سَوْرَنْ سُواْجُواْجِنْ سُڢُسْكَنْثِ أَمُّواْنَاوَا عَڧَرْڧَشِنْ جَغُواْرَنْثِنْ طَنْعُوَنْسَ أَبِشَيْ؞

¹² يُواْوَبْ يَثٜىٰ وَ أَبِشَيْ ‏«‏عِدَنْ سُرِيَاوَا سُنْ شَا ڧَرْڢِينَ، سَيْ كَذُواْ كَتَيْمَكٜىٰنِ؞ عِدَنْ كُمَ نَغَ أَمُّواْنَاوَا سُنْ شَا ڧَرْڢِنْكَ، ذَنْذُواْ إِنْ تَيْمَكٜىٰكَ؞

¹³ كَيِ ڧَرْڢِنْ حَلِ، مُيِ ڢَطَ بَا ڟُواْرُواْ سَبُواْدَ مُتَنٜىٰنْمُ دَ بِرَنٜىٰنْ اللَّهْ نْمُ؞ بَرِ يَهْوٜىٰهْ يَيِ أَبِنْدَ يَيِمَسَ دَيْدَيْ؞»‏

¹⁴ سَيْ يُواْوَبْ دَ سُواْجُواْجِنْسَ سُكَيِ غَبَ دُواْمِنْ سُڢَارَ يَاڧِ، عَمَّا سُورِيَاوَنْ سُكَ غُدُ؞

¹⁵ عَمَّا دَ أَمُّواْنَاوَا سُكَغَ سُورِيَاوَنْ سُنَ غُدُ، سَيْ سُو مَا سُكَ غُدُ دَغَ أَبِشَيْ طَنْعُوَنْ يُواْوَبْ، سُكَ شِغَ ثِكِنْ بِرْنِنْ؞ سَيْ يُواْوَبْ يَكُواْمَ عُرُوشَلِيمَ؞

¹⁶ سَعَدَّ سُرِيَاوَا سُكَ غَنِ ثٜىٰوَ إِسْرَٰٓءِيلَاوَا سُنْثِسُ دَ يَاڧِنْ، سَيْ سُكَ عَيْكَ عَكَٰوُاْ سُورِيَاوَنْ دَسُكٜىٰ غَبَسْ دَ كُواْغِنْ يُڢِرٜىٰتِسْ؞ شُواْبَكْ شُوغَبَنْ سُواْجُواْجِنْ هَدَدٜىٰظٜىٰرْ نٜىٰ يَجَغُواْرَنْثٜىٰسُ؞

¹⁷ لُواْكَثِنْ دَ دَاوُدَ يَجِ حَكَ، سَيْ يَتَارَ سُواْجُواْجِنْ إِسْرَٰٓءِيلَ سُكَ ڧٜىٰتَرٜىٰ كُواْغِنْ يُواْدَنْ؞ سَيْ يَشِرْيَسُ دُواْمِنْ يَاڧِ سُنَ ڢُسْكَنْتَرْ سُرِيَاوَا؞ سَعَنً عَكَ شِغَ يَاڧِ؞

¹⁸ سَيْ سُرِيَاوَا سُكَ غُدُ أَغَبَنْ إِسْرَٰٓءِيلَاوَا؞ دَاوُدَ كُوَ يَكَشٜىٰ سُواْجُواْجِنْ سُورِيَ دُبُو بَݣَويْ مَاسُ كٜىٰكٜىٰنْ دُواْكِنْ يَاڧِ دَ سُواْجُواْجِ دُبُو أَرْبَعِنْ مَاسُ يَاڧِ عَڧَسَا؞ يَكُمَ كَشٜىٰ شُواْبَكْ شُوغَبَنْ سُواْجُواْجِنْسُ؞

¹⁹ سَعَدَّ سَرَاكُنَ عَڧَرْڧَشِنْ هَدَدٜىٰظٜىٰرْ سُكَغَ ثٜىٰوَ سُواْجُواْجِنْ إِسْرَٰٓءِيلَ سُنْ شَا ڧَرْڢِنْسُ، سَيْ سُكَ نٜىٰمِ ذَمَنْ لَاڢِيَ دَ دَاوُدَ، سُكَ ذَمَ بَايِنْسَ؞ دُواْمِنْ حَكَ سُرِيَاوَا بَسُسُواْ سُتَيْمَكِ أَمُّواْنَاوَا بَ كُمَ؞