1 تَارِيحِ 18 - أَتَّوْرَتْ دَ أَنَّبَاوَا

نَصَرُواْرِنْ يَاڧٜىٰ يَاڧٜىٰنْ دَاوُدَ

¹ أَنَانً بَايَنْ وَنَّنْ، سَيْ دَاوُدَ يَثِ ڢِلِسْتِيَاوَا دَ يَاڧِ يَمَيْدَسُو بَايِنْسَ؞ يَكُمَ ڨُوثٜىٰ غَرِنْ غَتْ دَ سَوْرَنْ ڧَوْيُكَنْسَ دَغَ حَنُّنْسُ؞

² يَكُمَثِ مُتَنٜىٰنْ مُواْوَبْ دَ يَاڧِ، سُكَ ذَمَ بَايِنْسَ سُنَ كَٰوُاْ مَسَ هَرَاجِ؞

³ دَاوُدَ كُمَ يَثِ سَرْكِے هَدَدٜىٰظٜىٰرْ نَ ذُوابَ دَ يَاڧِ كُسَدَ هَمَتْ؞ غَمَا هَدَدٜىٰظٜىٰرْ يَسُواْ يَبُوطٜىٰ يَنْكِنْ مُلْكِنْسَ حَرْ كُواْغِنْ يُڢِرٜىٰتِسْ؞

⁴ دَاوُدَ يَڨُوثٜىٰ كٜىٰكُنَنْ دُواْكِنْسَ دُبُو طَيَ دَ مُتُمْ دُبُو بَݣَويْ مَاسُ هَوَنْ دَوَكِ دَ سُواْجُواْجِ دُبُو عَشِرِنْ؞ سَيْ دَاوُدَ يَغُرْغُنْتَ دُكَنْ دَوَكِ مَاسُ جَنْ كٜىٰكٜىٰنْ دُواْكِ، عَمَّا يَبَرْ غُدَا طَرِے؞

⁵ سَعَدَّ مُتَنٜىٰنْ سُورِيَ نَ دِمَشْڧُ سُكَذُواْ دُواْمِنْ سُتَيْمَكِ سَرْكِے هَدَدٜىٰظٜىٰرْ نَ ذُوابَ، دَاوُدَ يَكَشٜىٰ سُواْجُواْجِنْسُ غُدَا دُبُو عَشِرِنْ دَ بِيُ؞

⁶ سَيْ يَكَڢَ بَرِكُواْكِنْ سُواْجُواْجِنْسَ أَ دِمَشْڧُ تَ سُورِيَ؞ مُتَنٜىٰنْ سُورِيَ كُوَ سُكَ ذَمَ بَايِنْ دَاوُدَ سُنَ كَٰوُاْ مَسَ هَرَاجِ؞ يَهْوٜىٰهْ يَكَنْ بَا دَاوُدَ نَصَرَا كُواْعِنَ دَ يَتَڢِے؞

⁷ دَاوُدَ يَݣُوشِ غَرْكُوُاْيِ نَظِينَارِيَ نَمَنْيَنْ سُواْجُواْجِنْ هَدَدٜىٰظٜىٰرْ يَكَٰوُاْ عُرُوشَلِيمَ؞

⁸ دَاوُدَ يَكُمَ ݣُوشِ كَايَ دَيَوَ دَ عَكَيِ دَ تَغُلَّ دَغَ بِرَنٜىٰ عَڧَرْڧَشِنْ مُلْكٍ هَدَدٜىٰظٜىٰرْ، وَتُواْ تِبْهَتْ دَ كُنْ؞ دَغَ بَايَ سُلَيْمَٰنُ يَيِ أَمْڢَانِ دَ تَغُلَّرْ يَيِ ڧَتُوانْ ݣُونُوانْ ضُوَ وَنْدَ عَكٜىٰ كِرَنْسَ تٜىٰكُ دَ غِنْشِڧَيْ دَ كَايَيَّكِنْ هَيْكَلِ؞

⁹ سَعَدَّ سَرْكِے تُواْيِ نَ هَمَتْ يَجِ ثٜىٰوَ دَاوُدَ يَيِ نَصَرَا عَكَنْ سُواْجُواْجِنْ سَرْكِے هَدَدٜىٰظٜىٰرْ نَ ذُوابَ،

¹⁰ سَيْ يَعَيْكِ طَنْسَ هَدُواْرَمْ وُرِنْ سَرْكِے دَاوُدَ دُواْمِنْ يَغَيْشٜىٰشِ، يَكُمَ يَبٜىٰشِ سَبُواْدَ يَثِ هَدَدٜىٰظٜىٰرْ دَ يَاڧِ، غَمَا هَدَدٜىٰظٜىٰرْ يَنَ يَاڧِ دَ تُواْيِ كُلُّمْ؞ هَدُواْرَمْ يَكَٰوُاْ ݣَوْتَيْ نَكَايَنْ دَ عَكَيِ دَ ظِينَارِيَ دَ أَظُرْڢَا دَ تَغُلَّ؞

¹¹ سَرْكِے دَاوُدَ يَمِيڧَ وَطَنَّنْ غَ يَهْوٜىٰهْ تَرٜىٰدَ ظِينَارِيَ دَ أَظُرْڢَا وَطَنْدَ يَݣُوشٜىٰ دَغَ ڧَسَاشٜىٰنْدَ يَثِ، وَتُواْ عٜىٰدُوامْ دَ مُواْوَبْ دَ أَمُّوانْ دَ ڢِلِسْتِ دَ أَمَلٜىٰكْ؞

¹² أَبِشَيْ، وَنْدَ عَكٜىٰ ثٜىٰ دَ مَامَرْسَ ظٜىٰرُوِيَ، يَكَشٜىٰ عٜىٰدُواْمَاوَا دُبُو غُواْمَشَا تَݣُوسْ أَ ݣُورِنْ غِشِرِ؞

¹³ دَاوُدَ يَكَڢَ بَرِكُواْكِنْ سُواْجُواْجِنْسَ أَ عٜىٰدُوامْ؞ مُتَنٜىٰنْ عٜىٰدُوامْ كُمَ سُكَ ذَمَ بَايِنْسَ؞ يَهْوٜىٰهْ كُوَ يَبَا دَاوُدَ نَصَرَا دُكْ عِنْدَ يَتَڢِے؞

مَنْيَنْ شُوغَبَنِّ نَ دَاوُدَ

¹⁴ دَاوُدَ يَيِ مُلْكِ عَكَنْ دُكَنْ إِسْرَٰٓءِيلَ، يَكُمَيِ شَرِيعَ مَيْ غَسْكِيَ دَ أَدَلْثِے غَ دُكَنْ جَمَعَ؞

¹⁵ يُواْوَبْ، وَنْدَ عَكٜىٰ ثٜىٰ دَ مَامَرْسَ ظٜىٰرُوِيَ، شِينٜىٰ شُوغَبَنْ سُواْجُواْجِ؞ يٜىٰهُواْشَڢَتْ طَنْ أَهِلُدْ شِينٜىٰ مَرُبُوثِنْ تَارِيحِ؞

¹⁶ ظَدُواكْ طَنْ أَهِتُبْ دَ أَهِمٜىٰلٜىٰكْ طَنْ أَبِيَتَرْ سُونٜىٰ ڢِرِسْتُواْثِے؞ سٜىٰرَيَ نٜىٰ مَرُبُوثِنْ؞

¹⁷ بٜىٰنَيَ طَنْ يٜىٰهُواْيِدَ شِينٜىٰ شُوغَبَنْ كٜىٰرٜىٰتِيَاوَا دَ ڢٜىٰلٜىٰتِيَاوَا، وَتُواْ مَاسُ غَادِنْ سَرْكِے دَاوُدَ؞ یَیَ مَظَا نَ دَاوُدَ سُكَ كَسَنْثٜىٰ شُوغَبَنِّ عَثِكِنْ حِدِمَرْسَ؞