1 تَارِيحِ 16 - أَتَّوْرَتْ دَ أَنَّبَاوَا1 سُكَ كَٰوُاْ عَݣُوتِنْ يَرْجٜىٰجٜىٰنِيَرْ اللَّهْ، سُكَ أَجِيٜىٰ ثِكِنْ تٜىٰنْتِ وَنْدَ دَاوُدَ يَشِرْيَ دُواْمِنْسَ؞ سُكَ مِيڧَ هَدَايُ نَڧُواْنَاوَا دَ نَڠَرَنْ زُمُنْثِ أَغَبَنْ اللَّهْ؞ 2 سَعَدَّ دَاوُدَ يَغَمَ مِيڧَ هَدَايُ نَڧُواْنَاوَا دَ نَڠَرَنْ زُمُنْثِ، سَيْ يَسَا وَمُتَنٜىٰ أَلْبَرْكَ ثِكِنْ سُونَنْ يَهْوٜىٰهْ؞ 3 سَيْ يَرَرَّبَ وَ دُكَنْ مُتَنٜىٰنْ إِسْرَٰٓءِيلَ، مَظَا دَ مَاتَا كُواْوَ دُنْڧُلٜىٰنْ غُرَاسَ دَ ڟُواْكَرْ نَامَ دَ دُنْڧُلٜىٰنْ بُوسَشّٜىٰنْ إِنَبِے؞ 4 دَاوُدَ يَسَا وَطَنْسُ لَوِيَاوَا سُيِ حِدِمَ أَغَبَنْ عَݣُوتِنْ أَلْڧَوَرِنْ يَهْوٜىٰهْ؞ سُونٜىٰ ذَاسُدِنْغَ يِنْ ضُواْڧُواْ دَ مِيڧَ غُواْدِيَ دَ يَبُواْ غَ يَهْوٜىٰهْ اللَّهْ نَ إِسْرَٰٓءِيلَ؞ 5 أَسَڢْ نٜىٰ ذَيْ ذَمَ شُوغَبَنْسُ، نَبِيٜىٰ دَشِ، شِينٜىٰ زَكَرِيَّا دَ يٜىٰيِيٜىٰلْ دَ شٜىٰمِرَمُواتْ دَ يٜىٰهِيٜىٰلْ دَ مَتِّتِيَ دَ عٜىٰلِيَبْ دَ بٜىٰنَيَ دَ عُواْبٜىٰدْ عٜىٰدُوامْ دَ يٜىٰيِيٜىٰلْ، سُونٜىٰ ذَاسُ كَطَ مُواْلُواْ دَ غَرَايُ؞ أَسَڢْ شِينٜىٰ مَيْ كَطَ كُغٜىٰ، 6 سَعَنً بٜىٰنَيَ دَ يَهَظِيٜىٰلْ ڢِرِسْتُواْثِے، ذَاسُدِنْغَ بُوسَ كَكَكِ أَغَبَنْ عَݣُوتِنْ يَرْجٜىٰجٜىٰنِيَرْ اللَّهْ؞ وَاڧَرْ يَبُواْ نَ دَاوُدَ ﴿ زَبُو 105.1-15 ؛ 96.1-13 ؛ 106.1 ، 47-48 ﴾ 7 أَ رَانَرْ نَنْ دَاوُدَ يَسَا أَسَڢْ دَ یَنْعُوَنْسَ سُيِ وَاڧُواْڧِنْ يَبُواْ غَ يَهْوٜىٰهْ؞ 8 كُيِ غُواْدِيَ غَ يَهْوٜىٰهْ، كُكِرَا غَ سُونَنْسَ، كُسَنَرْدَ أَيُّكَنْسَ ثِكِنْ ڧَبِيلُ؞ 9 كُرٜىٰرَ مَسَ وَاڧَا، عِ، كُرٜىٰرَ مَسَ يَبُواْ! كُدِنْغَ هِيرَنْ أَيُّكَنْسَ أَيُّكَنْسَ نَبَنْ مَامَاكِ دُكَ؞ 10 كُيِ تَاڧَمَ عَثِكِنْ سُونَنْسَ مَيْ ڟَرْكِے، بَرِ ظُكَاتَنْ مَاسُ نٜىٰمَنْ سَنِنْ يَهْوٜىٰهْ سُيِ ڢَضٍ ثِكِ؞ 11 كُسَا رَيْ غَ يَهْوٜىٰهْ دَ ڧَرْڢِنْسَ، كُنٜىٰمِ ڢُسْكَرْسَ كُواْيَوْشٜىٰ؞ 12 كُتُنَ دَ أَيُّكَنْسَ نَبَنْ مَامَاكِ، دَ عَلَمُنْسَ نَبَنْ مَامَاكِ، دَ شَرِيعَرْدَ يَيَنْكٜىٰ يَسَنَرْدَ بَاكِنْسَ، 13 يَا كُو ذُرِيَرْ بَاوَنْسَ إِسْرَٰٓءِيلَ، يَا كُو یَیَنْ يَعْڧُوبَ ذَاٻَٻُّنْسَ؞ 14 شِينٜىٰ يَهْوٜىٰهْ اللَّهْ نْمُ، شَرِيعَرْسَ تَنَ كُواْعِنَ عَدُونِيَا؞ 15 كُتُنَ دَ يَرْجٜىٰجٜىٰنِيَرْسَ حَرْ أَبَدَا، مَغَنَرْ عُمَرْنَنْسَ كُمَ غَ دُبَّنْ ذَامَانَيْ، 16 يَرْجٜىٰجٜىٰنِيَرْ دَ يَيِ دَ إِبْرَٰهِيمْ، ضَنْڟُوَارْسَ غَ إِسْحَٰڧَ، 17 دَ يَتَبَّتَرْ وَ يَعْڧُوبَ ڧَٰعِدَ ثٜىٰ، غَ إِسْرَٰٓءِيلَ يَرْجٜىٰجٜىٰنِيَ تَهَرْ أَبَدَا، 18 ثٜىٰوَ «أَغَرٜىٰكَ ذَنْبَادَ ڧَسَرْ كَنْعَنَ، تَذَمَ رَبُوانْكَ نَغَادُواْ؞» 19 أَ لُواْكَثِنْ دَ يَوَنْسُ كَطَنّٜىٰ، عِ، سُو كَطَنْ نٜىٰ كُمَ بَڧِينٜىٰ عَڧَسَرْ، 20 سُنَ تَيَٰوُاْ دَغَ ڧَسَا ذُوَا ڧَسَا، دَغَ وَنَّنْ مُلْكِ ذُوَا وَنْثَنْ، 21 بَيْ يَرْدَ وَنِ يَدَنّٜىٰسُبَ، يَكُمَ ڟَاوَتَا وَ سَرَاكُنَ سَبُواْدَسُو، 22 يَنَ ثٜىٰوَ «كَدَ كُتَٻَ كٜىٰٻَٻُّنَ، كَدَ كُثُوثِ أَنَّبَاوَنَ!» 23 كُرٜىٰرَ وَاڧَا غَ يَهْوٜىٰهْ، يَا كُو دُونِيَا دُكَ! كُيِ شٜىٰلَرْ ثٜىٰتُوانْسَ أَغَرٜىٰمُ كُواْوَثٜىٰ رَانَ؞ 24 كُيِ شٜىٰلَرْ طَوْكَكَرْسَ ثِكِنْ أَلْعُمَّيْ، دَ أَيُّكَنْسَ نَبَنْ مَامَاكِ ثِكِنْ دُكَنْ ڧَبِيلُ! 25 غَمَا يَهْوٜىٰهْ مَيْغِرْمَ نٜىٰ، كُمَ يَثَنْثَنْثِ يَبُواْ سُواْسَيْ؞ دُواْلٜىٰ أَڢِے جِنْ ڟُواْرُوانْسَ ڢِيٜىٰدَ دُكَنْ أَلُّواْلِ؞ 26 غَمَا دُكَنْ أَلُّواْلِنْ ڧَبِيلُ غُمَكَ نٜىٰ، عَمَّا يَهْوٜىٰهْ نٜىٰ يَيِ سَمَّيْ؞ 27 غِرْمَ دَ دَرَجَ سُنَ بَيَّنَا دَغَ غَرٜىٰشِ، ڧَرْڢِے دَ ڢَضٍ ثِكِ سُنَ أَ وُرِنْ ذَمَنْسَ؞ 28 مِيڧَا وَ يَهْوٜىٰهْ، يَا كُو ڧَبِيلُنْ دُونِيَا، مِيڧَا وَ يَهْوٜىٰهْ طَوْكَكَرْسَ دَ ڧَرْڢِنْسَ! 29 مِيڧَا وَ يَهْوٜىٰهْ طَوْكَكَرْدَ يَثَنْثَنْثِ سُونَنْسَ! كُمِيڧَ مَسَ هَدَايَ، كُرُسُنَ أَغَبَنْسَ، كُيِ وَ يَهْوٜىٰهْ سُجَّدَ سَبُواْدَ دَرَجَرْ ڟَرْكِنْسَ؞ 30 كُيِ ضَوَرْ جِكِے أَغَبَنْسَ، يَا كُو دُونِيَا دُكَ! دُونِيَا تَكَڢُ دَرَمْ بَكُوَ ذَاتَ جِجِّغُبَ؞ 31 بَرِ سَمَّيْ سُيِ مُرْنَ، ڧَسَا كُمَ تَيِ ڢَضٍ ثِكِ؞ بَرِ سُثٜىٰ وَ أَلْعُمَّيْ «يَهْوٜىٰهْ يَنَ مُلْكِ!» 32 بَرِ تٜىٰكُ تَيِ رُورِ، دَ دُكَنْ أَبِنْدَ يَكٜىٰ ثِكِنْتَ! بَرِ ڢِيلَيٜىٰ سُيِ ڟَلّٜىٰ دَ مُرْنَ دَ دُكَنْ أَبِنْدَ سُكٜىٰ ثِكِنْسُ! 33 بَرِ دُكَنْ عِتَتُوَنْ كُرْمِ سُتَادَ مُرْيَرْ ڢَضٍ ثِكِ! ذَاسُيِ وَاڧَرْ ڢَضٍ ثِكِ غَ يَهْوٜىٰهْ، غَمَا يَنَ ذُوَا، يَنَ ذُوَا يَشَرْعَنْتَ دُونِيَا؞ 34 كُيِ غُواْدِيَ غَ يَهْوٜىٰهْ غَمَا شِے مَيْ أَلْحٜىٰرِنٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ! 35 كُثٜىٰمَسَ، «ثٜىٰثٜىٰمُ، يَا اللَّهْ نْمُ مَيْ ثٜىٰتُوانْمُ! تَتَّرَامُ دَغَ ثِكِنْ أَلْعُمَّيْ، كَكُٻُتَرْ دَمُو، دُوانْ مُيِ غُواْدِيَ غَ سُونَنْكَ مَيْ ڟَرْكِے، مُيِ تَاڧَمَ عَثِكِنْ يَبُوانْكَ؞ 36 أَلْبَرْكَ تَا تَبَّتَا غَ يَهْوٜىٰهْ، اللَّهْ نَ إِسْرَٰٓءِيلَ، مَرَرْ ڢَرْكُواْ مَرَرْ ڧَرْشٜىٰ؞» سَيْ دُكَنْ مُتَنٜىٰ سُكَ أَمْسَ «أَمِينْ! أَمِينْ!» سُكَ يَبِے يَهْوٜىٰهْ؞ سُجَّدَ أَ عُرُوشَلِيمَ دَ غِبٜىٰيُوانْ 37 سَيْ دَاوُدَ يَبَرْ أَسَڢْ دَ یَنْعُوَنْسَ أَوُرِنْ عَݣُوتِنْ يَرْجٜىٰجٜىٰنِيَرْ يَهْوٜىٰهْ دُواْمِنْ سُيِ حِدِمَ أَغَبَنْسَ كُواْوَثٜىٰ رَانَ بِسَغَ ڧَٰعِدَرْ كُواْوَثٜىٰ رَانَ؞ 38 دَاوُدَ يَكُمَسَا عُواْبٜىٰدْ عٜىٰدُوامْ تَرٜىٰدَ یَنْعُوَنْسَ سِتِّنْ دَ تَݣُوسْ سُيِ حِدِمَرْ تَرٜىٰدَسُو؞ عُواْبٜىٰدْ عٜىٰدُوامْ طَنْ يٜىٰدُتُنْ تَرٜىٰدَ هُواْسَ نٜىٰ مَاسُ غَادِنْ ڧُواْڢُواْڢِ؞ 39 دَاوُدَ يَبَرْ ظَدُواكْ ڢِرِسْتِ تَرٜىٰدَ یَنْعُوَنْسَ ڢِرِسْتُواْثِے سُيِ حِدِمَ عَتٜىٰنْتِنْ كَسَنْثٜىٰوَرْ يَهْوٜىٰهْ وَنْدَ يَكٜىٰ عَكَنْ تُدُ أَ غِبٜىٰيُوانْ؞ 40 كُواْوَثٜىٰ سَاڢِيَ دَ يَمَّ سُنَ مِيڧَ هَدَايُ نَڧُواْنَاوَا عَكَنْ بَغَدٜىٰنْ هَدَايَ تَڧُواْنَاوَا، بِسَغَ دُكَنْ أَبِنْدَ يَكٜىٰ أَرُبُوثٜىٰ ثِكِنْ كُواْيَرْوَرْ دَ يَهْوٜىٰهْ يَبَامُتَنٜىٰنْ إِسْرَٰٓءِيلَ تَبَاكِنْ مُوسَٰى؞ 41 تَرٜىٰدَ مَاسُ حِدِمَ أَݣَويْ هٜىٰمَنْ دَ يٜىٰدُتُنْ دَ كُمَ سَوْرَنْ وَطَنْدَ عَكَ ذَاٻَا نَمُسَمَّنْ دُواْمِنْ يِنْ وَاڧُواْڧِنْ يَبُواْ غَ يَهْوٜىٰهْ سَبُواْدَ ڧَوْنَرْسَ مَرَرْ ثَنْجَاوَا تَهَرْ أَبَدَا ثٜىٰ؞ 42 هٜىٰمَنْ دَ يٜىٰدُتُنْ نٜىٰ سُنَ لُورَ دَ كَكَكِ دَ كُغٜىٰ دَ كَايَنْ كَطٜىٰ كَطٜىٰ وَطَنْدَ عَكٜىٰ أَمْڢَانِ دَسُو دُواْمِنْ يِنْ وَاڧُواْڧِنْ يَبُواْ غَ اللَّهْ؞ یَیَ مَظَا نَ يٜىٰدُتُنْ نٜىٰ عَكَسَا سُيِ غَادِنْ ڧُواْڢَرْ؞ 43 سَعَنً دُكَنْ جَمَعَ سُكَ كُواْمَ غِدَاجٜىٰنْسُ؞ دَاوُدَ شِے مَا يَكُواْمَ غِدَنْسَ دُواْمِنْ يَسَاوَ عِيَلِنْسَ أَلْبَرْكَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria