1 تَارِيحِ 15 - أَتَّوْرَتْ دَ أَنَّبَاوَا

أَنْ كَٰوُاْ عَݣُوتِنْ يَرْجٜىٰجٜىٰنِيَرْ يَهْوٜىٰهْ أَ عُرُوشَلِيمَ

¹ دَاوُدَ يَغِنَ وَكَنْسَ غِدَاجٜىٰ دَيَوَ عَبِرْنِنْ دَاوُدَ؞ يَكُمَ شِرْيَ وَ عَݣُوتِنْ يَرْجٜىٰجٜىٰنِيَرْ اللَّهْ وُرِے، يَكَڢَ مَسَ تٜىٰنْتِ؞

² سَيْ دَاوُدَ يَثٜىٰ ‏«‏كَدَ وَنِ يَطَوْكِ عَݣُوتِنْ يَرْجٜىٰجٜىٰنِيَرْ اللَّهْ سَيْدَيْ لَوِيَاوَا، غَمَا سُونٜىٰ يَهْوٜىٰهْ يَذَاٻَا سُطَوْكِ عَݣُوتِنْ سُكُمَيِ مَسَ حِدِمَ حَرْ أَبَدَا؞»‏

³ سَعَنً دَاوُدَ يَتَارَ دُكَنْ مُتَنٜىٰنْ إِسْرَٰٓءِيلَ أَ عُرُوشَلِيمَ دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَرْ يَهْوٜىٰهْ عِنْدَ عَكَ شِرْيَ مَسَ؞

⁴ دَاوُدَ يَتَتَّارَ ذُرِيَرْ هَٰرُونَ دَ لَوِيَاوَا؞

⁵ دَغَ دَنْ‌غِنْ كُواْهَتْ، مُتَنٜىٰ طَرِے دَ عَشِرِنْ؞ عُرِيٜىٰلْ شِينٜىٰ شُوغَبَنْسُ؞

⁶ دَغَ دَنْ‌غِنْ مٜىٰرَرِ، مُتَنٜىٰ طَرِے بِيُ دَ عَشِرِنْ؞ أَسَيَ نٜىٰ شُوغَبَنْسُ؞

⁷ دَغَ دَنْ‌غِنْ غٜىٰرْشُوامْ، مُتَنٜىٰ طَرِے دَ تَلَاتِنْ؞ يُواْوٜىٰلْ نٜىٰ شُوغَبَنْسُ؞

⁸ دَغَ دَنْ‌غِنْ عٜىٰلِظَڢَنْ، مُتَنٜىٰ طَرِے بِيُ؞ شٜىٰمَيَ نٜىٰ شُوغَبَنْسُ؞

⁹ دَغَ دَنْ‌غِنْ هٜىٰبْرُوانْ، مُتَنٜىٰ تَمَٰنِنْ؞ عٜىٰلِيٜىٰلْ نٜىٰ شُوغَبَنْسُ؞

¹⁰ دَغَ دَنْ‌غِنْ عُظِّيٜىٰلْ، مُتَنٜىٰ طَرِے دَ غُواْمَشَا بِيُ؞ أَمِّنَدَبْ نٜىٰ شُوغَبَنْسُ؞

¹¹ سَعَنً دَاوُدَ يَكِرَا ظَدُواكْ دَ أَبِيَتَرْ ڢِرِسْتُواْثِے دَ وَطَنَّنْ لَوِيَاوَا، وَتُواْ عُرِيٜىٰلْ دَ أَسَيَ دَ يُواْوٜىٰلْ دَ شٜىٰمَيَ دَ عٜىٰلِيٜىٰلْ دَ أَمِّنَدَبْ؞

¹² يَثٜىٰ مُسُ ‏«‏كُو نٜىٰ شُوغَبَنِّنْ غِدَاجٜىٰنْ كَاكَنِّنْكُ لَوِيَاوَا؞ كُو دَ یَنْعُوَنْكُ، كُكٜىٰٻٜىٰ كَنْكُ دَ ڟَرْكِے، دُواْمِنْ كُإِيَ كَٰوُاْ عَݣُوتِنْ يَرْجٜىٰجٜىٰنِيَرْ يَهْوٜىٰهْ، اللَّهْ نَ إِسْرَٰٓءِيلَ، ذُوَا وُرِنْدَ نَشِرْيَ مَسَ؞

¹³ سَبُواْدَ بَكُو نٜىٰ كُكَ طَوْكٜىٰشِ دَ ڢَرْكُواْ بَ، سَيْ يَهْوٜىٰهْ اللَّهْ نْمُ يَٻَرْكٜىٰ دَ ڢُشِنْسَ عَكَنْمُ، تُنْدَيَكٜىٰ بَمُ طَوْكِ عَݣُوتِنْ بِسَغَ ڧَٰعِدَرْسَبَ؞»‏

¹⁴ سَيْ ڢِرِسْتُواْثِنْ دَ لَوِيَاوَنْ سُكَ كٜىٰٻٜىٰ كَنْسُ دَ ڟَرْكِے دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَرْ يَهْوٜىٰهْ، اللَّهْ نَ إِسْرَٰٓءِيلَ؞

¹⁵ سَيْ لَوِيَاوَا سُكَ طَوْكِ عَݣُوتِنْ يَرْجٜىٰجٜىٰنِيَرْ اللَّهْ دَ سَنْدُنَ عَكَڢَطَرْسُ دَيْدَيْ يَدَّ مُوسَٰى يَعُمَرْتَ بِسَغَ مَغَنَرْ يَهْوٜىٰهْ؞

¹⁶ دَاوُدَ يَعُمَرْثِ شُوغَبَنِّنْ لَوِيَاوَا سُسَا یَنْعُوَنْسُ سُدِنْ‌غَ رٜىٰرَ وَاڧَا دَ مُرْنَ، سُكُمَ دِنْ‌غَ كَطَ مُواْلُواْ دَ غَرَايَ دَ كُغٜىٰ؞

¹⁷ سَيْ لَوِيَاوَا سُكَ ذَاٻِ هٜىٰمَنْ طَنْ يُواْوٜىٰلْ شُوغَبَادَ طَنْعُوَنْسَ أَسَڢْ طَنْ بٜىٰرٜىٰكِيَ؞ دَغَ دَنْ‌غِنْ مٜىٰرَرِ عَكَسَا عٜىٰتَنْ طَنْ كُشَيَ؞

¹⁸ بِيٜىٰ دَسُو عَكَ ذَاٻِ مَاسُ تَيْمَكُوانْسُ، وَتُواْ زَكَرِيَّا دَ يَعَظِيٜىٰلْ دَ شٜىٰمِرَمُواتْ دَ يٜىٰهِيٜىٰلْ دَ عُنِّ دَ عٜىٰلِيَبْ دَ بٜىٰنَيَ دَ مَعَسٜىٰيَ دَ مَتِّتِيَ دَ عٜىٰلِڢٜىٰلٜىٰهُ دَ مِكْنٜىٰيَ دَ مَاسُ غَادِنْ ڧُواْڢُواْڢِ، وَتُواْ عُواْبٜىٰدْ عٜىٰدُوامْ دَ يٜىٰيِيٜىٰلْ؞

¹⁹ عَكَ كُمَ ذَاٻِ مَوَاڧَ، وَتُواْ هٜىٰمَنْ دَ أَسَڢْ دَ عٜىٰتَنْ سُدِنْ‌غَ كَطَ كُغٜىٰ نَتَغُلَّ؞

²⁰ مَاسُ كَطَ غَرَايُ دَ مُرْيَ أَ سَمَ سُونٜىٰ، زَكَرِيَّا دَ أَظِيٜىٰلْ دَ شٜىٰمِرَمُواتْ دَ يٜىٰهِيٜىٰلْ دَ عُنِّ دَ عٜىٰلِيَبْ دَ مَعَسٜىٰيَ دَ بٜىٰنَيَ؞

²¹ عَمَّا مَتِّتِيَ دَ عٜىٰلِڢٜىٰلٜىٰهُ دَ مِكْنٜىٰيَ دَ عُواْبٜىٰدْ عٜىٰدُوامْ دَ يٜىٰيِيٜىٰلْ دَ أَظَظِيَ سُونٜىٰ ذَاسُ كَطَ مُواْلُواْ مَاسُ مُرْيَ ڧَسَا ڧَسَا؞

²² كٜىٰنَنِيَ، شُوغَبَنْ لَوِيَاوَا ذَيْ جَغُواْرَنْثٜىٰسُ ثِكِنْ رٜىٰرَ وَاڧُواْڧِ دَ كِطٜىٰ كِطٜىٰ، غَمَا شِے ڠُونِ نٜىٰ؞

²³ بٜىٰرٜىٰكِيَ دَ عٜىٰلْكَنَ ذَاسُ كَسَنْثٜىٰ مَاسُ لُورَ دَ ڧُواْڢَرْ طَاكِنْ دَ عَكَ أَجِيٜىٰ عَݣُوتِنْ يَرْجٜىٰجٜىٰنِيَ؞

²⁴ شٜىٰبَنِيَ دَ يُواْشَڢَتْ دَ نٜىٰتَنٜىٰلْ دَ أَمَسَيْ دَ زَكَرِيَّا دَ بٜىٰنَيَ دَ عٜىٰلِيٜىٰظٜىٰرْ ڢِرِسْتِ سُونٜىٰ مَاسُ بُوسَ كَكَكِ أَغَبَنْ عَݣُوتِنْ يَرْجٜىٰجٜىٰنِيَرْ اللَّهْ؞ عُواْبٜىٰدْ عٜىٰدُوامْ تَرٜىٰدَ يٜىٰهِيَ سُو مَا ذَاسُ كَسَنْثٜىٰ مَاسُ لُورَ دَ ڧُواْڢَرْ شِغَ طَاكِنْ عَݣُوتِنْ؞

²⁵ سَيْ دَاوُدَ دَ دَتَّاوَنْ إِسْرَٰٓءِيلَ دَ مَنْيَنْ شُوغَبَنِّنْ سُواْجُواْجِنْ دَسُكٜىٰ مُلْكِ عَكَنْ سُواْجُواْجِ دُبُو دُبُو، سُكَ تَڢِے تَرٜىٰ دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَرْ يَهْوٜىٰهْ دَغَ غِدَنْ عُواْبٜىٰدْ عٜىٰدُوامْ؞ عَكَ كُوَ كَٰوُاْ شِ ثِكِنْ ڢَضٍ ثِكِ سُواْسَيْ؞

²⁶ تُنْدَيَكٜىٰ اللَّهْ يَتَيْمَكِ لَوِيَاوَنْ دَسُكٜىٰ طَوْكٜىٰ دَ عَݣُوتِنْ يَرْجٜىٰجٜىٰنِيَ، سَيْ سُكَيِ هَدَايَ دَ بِجِمَيْ بَݣَويْ دَ رَغُنَ بَݣَويْ؞

²⁷ دَاوُدَ كُوَ يَسَا رِيغُنَنْ دَ عَكَيِ دَ لِيلِنْ مَيْݣَوْ؞ حَكَ مَا لَوِيَاوَنْ دَسُكٜىٰ طَوْكٜىٰ دَ عَݣُوتِنْ يَرْجٜىٰجٜىٰنِيَ، دَ مَوَاڧَ، دَ كٜىٰنَنِيَ شُوغَبَنْ مَوَاڧَنْ؞ دَاوُدَ يَكُمَسَا رِغَرْ لِيلِنْ نَ عٜىٰڢُوادْ؞

²⁸ سَيْ إِسْرَٰٓءِيلَاوَا دُكَ سُكَ هَوْرَرْ دَ عَݣُوتِنْ يَرْجٜىٰجٜىٰنِيَرْ يَهْوٜىٰهْ ذُوَا عُرُوشَلِيمَ دَ ڢَضٍ ثِكِ دَ بُوشٜىٰ بُوشٜىٰ دَ كَطٜىٰ كَطٜىٰنْ كُغٜىٰ دَ مُواْلُواْ دَ غَرَايَ؞

²⁹ دَ عَݣُوتِنْ يَرْجٜىٰجٜىٰنِيَرْ يَهْوٜىٰهْ يَشِغَ عُرُوشَلِيمَ، سَيْ مِكَلْ یَرْ طَالُوتَ تَدُوبَ تَتَغَ؞ دَ تَدُوبَ تَغَ دَاوُدَ يَنَ ضَوَ، يَنَ ڟَلّٜىٰ، سَيْ تَرٜىٰنَشِ أَ ذُوثِيَارْتَ؞