1 تَارِيحِ 14 - أَتَّوْرَتْ دَ أَنَّبَاوَا

أَيُّكَنْ دَاوُدَ أَ عُرُوشَلِيمَ

¹ سَيْ سَرْكِے حِرَمْ نَڧَسَرْ تَيَ يَعَيْكِ یَنْ سَڧُواْ ذُوَا وُرِنْ دَاوُدَ، تَرٜىٰدَ كَتَكَنْ إِتَاثٜىٰنْ سٜىٰدَ دَ كُمَ مَاسُ غِنِ دَ دُوَڟُو دَ كَاڢِنْتُواْثِ، دُواْمِنْ سُغِنَ وَ دَاوُدَ غِدَنْ سَرْكِے؞

² سَيْ دَاوُدَ يَغَانٜىٰ ثٜىٰوَ يَهْوٜىٰهْ يَا تَبَّتَرْ دَشِ سَرْكِے عَكَنْ إِسْرَٰٓءِيلَ كُمَ يَطَوْكَكَ مُلْكِنْسَ سَبُواْدَ يَڧَوْنَثِ مُتَنٜىٰنْسَ إِسْرَٰٓءِيلَ؞

³ دَاوُدَ كُوَ يَڧَارَ عَوْرِ مَتَ، سُكَ حَيْڢَ مَسَ یَیَ مَظَا دَ مَاتَا؞

⁴ غَا سُونَيٜىٰنْ وَطَنْدَ عَكَ حَيْڢَ مَسَ أَ عُرُوشَلِيمَ، شَمُّوَ دَ شُواْبَبْ دَ نَتَنْ دَ سُلَيْمَٰنُ،

⁵ دَ إِبْهَرْ دَ عٜىٰلِشُوَ دَ عٜىٰلْڢٜىٰلٜىٰتْ،

⁶ دَ نُواْغَ دَ نٜىٰڢٜىٰكْ دَ يَڢِيَ،

⁷ دَ عٜىٰلِشَمَ دَ بٜىٰيٜىٰلِيَدَ دَ عٜىٰلِڢٜىٰلٜىٰتْ؞

دَاوُدَ يَثِ نَصَرَا عَكَنْ ڢِلِسْتِيَاوَا

⁸ سَعَدَّ ڢِلِسْتِيَاوَا سُكَجِ أَنَّطَ دَاوُدَ سَرْكِنْ إِسْرَٰٓءِيلَ، سَيْ دُكَنْسُ سُكَڢِتَ نٜىٰمَنْسَ دُواْمِنْ سُكَامَ شِ؞ دَ دَاوُدَ يَجِ حَكَ سَيْ يَڢِتَ دُواْمِنْ يَسَدُ دَسُو؞

⁹ ڢِلِسْتِيَاوَنْ سُكَ كَيْ هَرِ سُكَ ݣُوشِ كَايَ أَ ݣُورِنْ رٜىٰڢَيَاوَا؞

¹⁰ سَيْ دَاوُدَ يَتَمْبَيِ اللَّهْ يَثٜىٰ ‏«‏كُواْ إِنْ تَڢِے إِنْيِ يَاڧِ دَ ڢِلِسْتِيَاوَا؟ ذَاكَ بَاشٜىٰسُ أَ هَنُّونَ؟»‏ يَهْوٜىٰهْ يَأَمْسَ يَثٜىٰ ‏«‏كَتَڢِے، ذَنْ بَاشٜىٰسُ أَ حَنُّنْكَ؞»‏

¹¹ سَيْ دَاوُدَ دَ مُتَنٜىٰنْسَ سُكَ هَوْرَ ذُوَا بَعَلْ ڢٜىٰرَظِمْ؞ أَ نَنْ يَثِ نَصَرَا عَكَنْ ڢِلِسْتِيَاوَا؞ سَيْ دَاوُدَ يَثٜىٰ ‏«‏اللَّهْ يَٻَرْكٜىٰوَ أَبُواْكَنْ غَابَنَ تَوُرِنْ هَنُّونَ كَمَرْ يَدَّ ضُوَ يَٻَرْكٜىٰ دَغَ دَمْ؞»‏ سَبُواْدَ حَكَ أَنَ ثٜىٰ دَ وُرِنْ بَعَلْ ڢٜىٰرَظِمْ، وَتُواْ عُبَنْ‌غِجِ يَٻَرْكٜىٰ؞

¹² ڢِلِسْتِيَاوَا كُوَ سُكَ بَرْ غُمَكَنْسُ أَوُرِنْ، سَيْ دَاوُدَ يَعُمَرْتَ عَكَ ݣُوشٜىٰسُ أَنْڧُواْنٜىٰ؞

¹³ ڢِلِسْتِيَاوَا كُمَ سُكَسَاكٜىٰ كَيْ هَرِ أَ ݣُورِنْ رٜىٰڢَيَاوَا؞

¹⁴ دَ دَاوُدَ يَسَاكٜىٰ تَمْبَيِ اللَّهْ، اللَّهْ يَثٜىٰ مَسَ ‏«‏كَدَ كَڢَاطَ مُسُ دَ يَاڧِ دَغَ غَبَ عِنْدَ كَكٜىٰ، عَمَّا كَكٜىٰوَيٜىٰتَ بَايَ كَٻُلُّواْ مُسُ تَوَجٜىٰنْ عِتَتُوَنْ بَلْسَمْ؞

¹⁵ سَعَدَّ كَجِ مُواْڟِ كَمَرْ نَتَاكَوَرْ سُواْجُواْجِ يَنَ ڢِتُواْوَ دَغَ رَسَّنْ دَسُكٜىٰ بِسَنْ عِتَتُوَنْ بَلْسَمْ، سَيْ كَيِ سَوْرِ كَڢَاطَ مُسُ دَ يَاڧِ، غَمَا عَلَمَثٜىٰ ثٜىٰوَ اللَّهْ يَا رِغَا يَا شَا غَبَنْكَ دُواْمِنْ يَبُغِ سُواْجُواْجِنْ ڢِلِسْتِيَاوَا؞»‏

¹⁶ دَاوُدَ كُوَ يَيِ أَبِنْدَ اللَّهْ يَعُمَرْثٜىٰشِ؞ سُكَ كَكَّشٜىٰ سُواْجُواْجِنْ ڢِلِسْتِيَاوَا دَغَ غِبٜىٰيُوانْ حَرْ غٜىٰظٜىٰرْ؞

¹⁷ دَاوُدَ يَيِ سُونَ عَثِكِنْ دُكَنْ ڧَسَاشٜىٰ، يَهْوٜىٰهْ كُمَ يَسَا كُواْوَثٜىٰ أَلْعُمَّ تَجِڟُواْرُوانْسَ؞