1 تَارِيحِ 13 - أَتَّوْرَتْ دَ أَنَّبَاوَا

أَنْ كَٰوُاْ عَݣُوتِنْ يَرْجٜىٰجٜىٰنِيَ دَغَ كِرِيَتْ يٜىٰيَرِمْ

¹ دَاوُدَ يَيِ شَوَرَا دَ شُوغَبَنِّنْ سُواْجُواْجِنْسَ نَدُبُو دُبُو دَ نَطَرِے طَرِے، وَتُواْ دَ كُواْوَنٜىٰ شُوغَبَا؞

² سَيْ دَاوُدَ يَثٜىٰ وَدُكَنْ تَارُوانْ جَمَعَرْ إِسْرَٰٓءِيلَ ‏«‏عِدَنْ يَا يِمُكُ ݣَوْ، كُمَ نُڢِنْ يَهْوٜىٰهْ اللَّهْ نْمُ نٜىٰ، بَرِ مُعَيْكَ دَ سَڧُواْ كُواْعِنَ غَ سَوْرَنْ یَنْعُوَنْمُ أَدُكَنْ يَنْكُنَنْ ڧَسَرْ إِسْرَٰٓءِيلَ دَ كُمَ غَ ڢِرِسْتُواْثِے دَ لَوِيَاوَا وَطَنْدَ سُكٜىٰ تَرٜىٰدَ مُتَنٜىٰنْ أَغَرُرُوَ دَ ڢِيلَيٜىٰنْ كِيوُانْ دَسُكٜىٰ ذَمَ؞ أَسَا دُكَ سُغُواْيِ بَايَنْمُ؞

³ سَيْ مُدَاوُاْ دَ عَݣُوتِنْ يَرْجٜىٰجٜىٰنِيَرْ اللَّهْ نْمُ ذُوَا وُرِنْمُ؞ غَمَا بَمُكُلَ دَشِ أَ زَامَانِنْ مُلْكٍ طَالُوتَ بَ؞»‏

⁴ سَيْ دُكَنْ تَارُوانْ جَمَعَرْ سُكَ يَرْدَ سُيِ حَكَ، سَبُواْدَ شَوَرَرْ تَيِمُسُ ݣَوْ؞

⁵ دَاوُدَ كُوَ يَتَارَ دُكَنْ إِسْرَٰٓءِيلَاوَا دَغَ رَاڢِنْ شِهُوارْ عَڧَسَرْ مَصَرْ عَكُدُ ذُوَا مَشِغِنْ يَنْكِنْ هَمَتْ عَ أَرٜىٰوَ، دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَرْ اللَّهْ دَغَ كِرِيَتْ يٜىٰيَرِمْ؞

⁶ سَيْ دَاوُدَ يَتَڢِے بَعَلَ، وَتُواْ كِرِيَتْ يٜىٰيَرِمْ، عَڧَسَرْ يَهُودَ، يَتَڢِے دَ دُكَنْ مُتَنٜىٰنْ دَسُكٜىٰ تَرٜىٰ دَشِ دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَرْ اللَّهْ، وَدَّ عَكٜىٰ كِرَنْتَ دَ سُونَنْ يَهْوٜىٰهْ، يَهْوٜىٰهْ وَنْدَ يَكٜىٰ ذَمَ بِسَنْ حَلِتُّو مَاسُ ڢِكَڢِكَيْ؞

⁷ سُكَ طَوْكِ عَݣُوتِنْ يَرْجٜىٰجٜىٰنِيَرْ اللَّهْ عَكَنْ سَابُوانْ كٜىٰكٜىٰنْ شَانُو دَغَ غِدَنْ أَبِينَدَبْ؞ عُظَّ دَ أَهِيُواْ نٜىٰ سُكَ جَغُواْرَنْثٜىٰشِ؞

⁸ دَاوُدَ تَرٜىٰدَ دُكَنْ مُتَنٜىٰنْ إِسْرَٰٓءِيلَ سُكَيِ تَكِطِ سُنَ ضَوَ دَ دُكَنْ ڧَرْڢِنْسُ أَغَبَنْ اللَّهْ؞ عَكَيِ تَرٜىٰرَ وَاڧَا أَنَ كَطَ غَرَايُ دَ مُواْلُواْ دَ غَنْ‌غَ دَ كُغٜىٰ، سُنَ بُوسَ كَكَكِ؞

⁹ سَعَدَّ سُكَذُواْ وُرِنْ بُغُنْ حَڟِ نَ كِدُوانْ، شَانُنْ دَسُكٜىٰ جَنْ كٜىٰكٜىٰنْ سُكَيِ تُنْتُٻٜىٰ، سَيْ عُظَّ يَمِيڧَ حَنُّنْسَ يَرِڧٜىٰ عَݣُوتِنْ يَرْجٜىٰجٜىٰنِيَرْ يَهْوٜىٰهْ؞

¹⁰ نَنْ دَنَنْ سَيْ ڢُشِنْ يَهْوٜىٰهْ يَكُنَّ عَكَنْ عُظَّ، يَهْوٜىٰهْ يَا بُغٜىٰشِ يَمُتُ أَوُرِنْ أَغَبَنْ عَݣُوتِنْدَ يَذَمَ عَلَمَرْ كَسَنْثٜىٰوَرْ يَهْوٜىٰهْ، سَبُواْدَ يَمِيڧَ حَنُّنْسَ يَتَٻَ عَݣُوتِنْ؞

¹¹ دَاوُدَ كُوَ يَا يِڢُشِے سَبُواْدَ يَهْوٜىٰهْ يَا حُكُنْتَ عُظَّ؞ عَكَ بَا وَنَّنْ وُرِنْ سُونَ ڢٜىٰرٜىٰظْ عُظَّ، وَتُواْ حُكُنْثِنْ عُظَّ؞ هَرْوَيَوْ أَنَ كِرَنْسَ حَكَ؞

¹² أَ رَانَرْ نَنْ دَاوُدَ يَجِڟُواْرُوانْ اللَّهْ؞ سَيْ يَثٜىٰ ‏«‏تَا يَيَ ذَنْعِيَ كَٰوُاْ عَݣُوتِنْ يَرْجٜىٰجٜىٰنِيَرْ اللَّهْ أَوُرِينَ؟»‏

¹³ دُواْمِنْ حَكَ دَاوُدَ بَيْ طَوْكِ عَݣُوتِنْ يَرْجٜىٰجٜىٰنِيَرْ اللَّهْ ذُوَا ثِكِنْ بِرْنِنْ عُرُوشَلِيمَ بِرْنِنْ دَاوُدَ بَ؞ أَ مَيْمَكُوانْ حَكَ، يَكَيْشِ غِدَنْ عُواْبٜىٰدْ عٜىٰدُوامْ مُتُمِنْ غَتْ؞

¹⁴ عَݣُوتِنْ يَرْجٜىٰجٜىٰنِيَرْ اللَّهْ يَذَوْنَ أَغِدَنْ عُواْبٜىٰدْ عٜىٰدُوامْ مُتُمِنْ غَتْ وَتَا عُكُ؞ يَهْوٜىٰهْ كُوَ يَ أَلْبَرْكَثِ عِيَلِنْ عُواْبٜىٰدْ عٜىٰدُوامْ دَ دُكَنْ أَبِنْدَ يَكٜىٰدَشِ؞