1 تَارِيحِ 12 - أَتَّوْرَتْ دَ أَنَّبَاوَا

مُتَنٜىٰنْ ذُرِيَرْ بِلِيَامِنُ دَ سُكَبِے دَاوُدَ

¹ وَطَنَّنْ نٜىٰ مُتَنٜىٰنْ دَ سُكَذُواْ وُرِنْ دَاوُدَ أَ ظِكْلَكْ سَعَدَّ يَٻُواْيٜىٰ دَغَ سَرْكِے طَالُوتَ طَنْ كِشْ؞ سُنَ عَثِكِنْ مَاسُ عِيَ يَاڧِنْ دَ سُكَ تَيْمَكِ دَاوُدَ عَيَاڧِ؞

² مَاسُ يَاڧِ دَ بَكَنٜىٰ سُو، سُنَ عِيَ هَرْبِنْ كِبِيَ دَ جٜىٰڢَ مَجَجَّوَ كُواْ دَ حَنُّنْ دَامَ كُواْ هَغُ؞ سُو مُتَنٜىٰنْ بِلِيَامِنُ نٜىٰ، وَتُواْ ذُرِيَرْ طَالُوتَ؞

³ شُوغَبَنِّنْسُ سُونٜىٰ أَهِيٜىٰظٜىٰرْ دَ يُواْوَشْ یَیَ مَظَا نَ شٜىٰمَعَ مُتُمِنْ غِبٜىٰيَ؞ غَا سُونَيٜىٰنْ سَوْرَنْ سُواْجُواْجِنْ؞ يٜىٰظِيٜىٰلْ دَ ڢٜىٰلٜىٰتْ یَیَ مَظَا نَ أَظْمَوٜىٰتْ، دَ بٜىٰرَكَ دَ يٜىٰهُو دَغَ أَنَتُواتْ،

⁴ دَ إِشْمَيَ مُتُمِنْ غِبٜىٰيُوانْ، بَبَّنٜىٰ سُواْسَيْ ثِكِنْ ‏«‏تَلَتِنَّنْ»‏ كُمَ شِينٜىٰ شُوغَبَنْ ‏«‏تَلَتِنَّنْ»‏، دَ إِرْمِيَ دَ يَهَظِيٜىٰلْ دَ يُواْهَنَنْ دَ يُواْظَبَدْ مُتُمِنْ غٜىٰدٜىٰرَ،

⁵ دَ عٜىٰلُظَيْ دَ يٜىٰرِمُواتْ دَ بٜىٰيَلِيَ دَ شٜىٰمَرِيَ دَ شٜىٰڢَتِيَ مُتُمِنْ هَرِڢْ،

⁶ دَ عٜىٰلْكَنَ دَ إِشِّيَ دَ أَظَرٜىٰلْ دَ يُواْيٜىٰظٜىٰرْ دَ يَشُواْبٜىٰيَمْ نَدَنْ‌غِنْ ڧَارُونَ،

⁷ دَ يُواْوٜىٰلَ دَ ظٜىٰبَدِيَ، یَیَ مَظَا نَ يٜىٰرُواْهَمْ مُتُمِنْ غٜىٰدُوارْ؞

مُتَنٜىٰنْ ذُرِيَرْ غَدْ دَ سُكَبِے دَاوُدَ

⁸ دَغَ ذُرِيَرْ غَدْ أَݣَويْ وَطَنْسُ دَ سُكَبِے دَاوُدَ ذُوَا وُرِنْ ٻُيَنْسَ أَدَاجِ؞ سُو ڠُونَيٜىٰنْ يَاڧِنٜىٰ، كُمَ مَاسُ عِيَ يَاڧِ دَ غَرْكُوَ دَ مَاشِ؞ سُنَ رِڧٜىٰ دَ ڢُسْكُواْكِ كَمَرْ ذَاكِ، سُنَ كُمَ غُدُ عَكَنْ دُوَڟُو كَمَرْ بَرٜىٰوَ؞

⁹ شُوغَبَنْسُ شِينٜىٰ عٜىٰظٜىٰرْ، نَبِيُنْ عُواْبَدِيَ، نَعُكُنْ عٜىٰلِيَبْ،

¹⁰ نَهُطُنْ مِشْمَنَّ، نَبِيَرْ إِرْمِيَ،

¹¹ نَشِدَنْ أَتَّيْ، نَبَݣَويْ عٜىٰلِيٜىٰلْ،

¹² نَتَݣُوسْ يُواْهَنَنْ، نَتَرَ عٜىٰلْظَبَدْ،

¹³ نَغُواْمَ إِرْمِيَ، نَغُواْمَشَا طَيَ مَكْبَنَّيْ نٜىٰ؞

¹⁴ وَطَنَّنْ مُتَنٜىٰنْ غَدْ شُوغَبَنِّنْ سُواْجُواْجِ نٜىٰ؞ ڧَرْڢِنْ ڧَرَمِنْسُ يَكَيْ ڧَرْڢِنْ سُواْجُواْجِ طَرِے، كُمَ ڧَرْڢِنْ بَبَّنْسُ يَكَيْ ڧَرْڢِنْ سُواْجُواْجِ دُبُو طَيَ؞

¹⁵ سُونٜىٰ سُكَ ڧٜىٰتَرٜىٰ كُواْغِنْ يُواْدَنْ لُواْكَثِنْدَ يَثِكَ حَرْ يَيِ أَمْبَلِيَ؞ سُكَ ڧٜىٰتَرٜىٰشِ سُكُواْرِ مُتَنٜىٰنْ دَسُكٜىٰ ذَمَ عَݣُورُرُوَ نَوَجٜىٰنْ غَبَسْ دَ يَمَّ دَ كُواْغِنْ؞

مُتَنٜىٰنْ ذُرِيَرْ بِلِيَامِنُ دَ تَ يَهُودَ دَ سُكَبِے دَاوُدَ

¹⁶ وَطَنْسُ دَغَ ذُرِيَرْ بِلِيَامِنُ دَ تَ يَهُودَ سُكَذُواْ وُرِنْ دَاوُدَ أَوُرِنْ ٻُيَنْسَ؞

¹⁷ سَيْ دَاوُدَ يَڢِتُواْ دُواْمِنْ يَتَرْيٜىٰسُ؞ يَثٜىٰ مُسُ ‏«‏عِدَنْ كُكَ ذُواْ وُرِينَ ثِكِنْ أَلْحٜىٰرِ دُواْمِنْ كُتَيْمَكٜىٰنِ، نِے نَا كَرْٻٜىٰكُ؞ عَمَّا عِدَنْ كُنْ ذُواْ كُبَاشٜىٰنِ غَ أَبُواْكَنْ غَابَنَ نٜىٰ، نِے كُوَ بَنْ يِمُكُ لَيْڢِے بَ، اللَّهْ نَكَاكَنِّنْمُ ذَيْ غَنِ، ذَيْ كُوَ يِمُكُ شَرِيعَ؞»‏

¹⁸ سَعَنً رُوحٌ اللَّهْ يَيِ إِيكُواْ عَكَنْ أَمَسَيْ، شُوغَبَنْ ‏«‏تَلَتِنَّنْ»‏، سَيْيَثٜىٰ، ‏«‏يَا دَاوُدَ، مُو نَاكَ نٜىٰ، طَنْ يٜىٰسّٜىٰ مُنَ تَرٜىٰدَكَيْ!‏ سَلَمَ دَ نَصَرَا سُنَ تَرٜىٰدَكَيْ سَلَمَ كُمَ غَ وَطَنْدَ سُكٜىٰ تَيْمَكُوانْكَ، غَمَا اللَّهْ نْكَ يَنَ تَيْمَكُوانْكَ؞»‏ سَيْ دَاوُدَ يَكَرْٻٜىٰسُ يَسَا سُكَ ذَمَ شُوغَبَنِّنْ سُواْجُواْجِنْسَ؞

مُتَنٜىٰنْ ذُرِيَرْ مَنَسّٜىٰ دَ سُكَبِے دَاوُدَ

¹⁹ وَطَنْسُ سُواْجُواْجِ دَغَ ذُرِيَرْ مَنَسّٜىٰ سُكَ كُواْمَ وُرِنْ دَاوُدَ سَعَدَّ دَاوُدَ يَڢِتَ تَرٜىٰدَ ڢِلِسْتِيَاوَا دُواْمِنْ سُيِ يَاڧِ دَ طَالُوتَ؞ عَمَّا دَاوُدَ بَيْ تَيْمَكِ ڢِلِسْتِيَاوَنْ عَيَاڧِ بَ، غَمَا سُنْ سَاشِ يَكُواْمَ غَمَا سُنْيِ تُنَانِ سُكَثٜىٰ ‏«‏عَبَاكِنْ رَايُكَنْمُ نٜىٰ عِدَنْ مُكَبَرْ دَاوُدَ يَيِ يَاڧِ دَمُو، سَبُواْدَ ذَيْ عِيَ كُواْمَ غٜىٰڢٜىٰنْ طَالُوتَ سُيَاڧٜىٰمُ؞»‏

²⁰ سَعَدَّ دَاوُدَ يَكَيْ ظِكْلَكْ، وَطَنَّنْ دَغَ ذُرِيَرْ مَنَسّٜىٰ سُكَ كُواْمَ وُرِنْسَ؞ سُونٜىٰ أَدْنَ دَ يُواْظَبَدْ دَ يٜىٰدِيَيٜىٰلْ دَ مِيكَآءِيلُ دَ يُواْظَبَدْ دَ عٜىٰلِهُ دَ ظِلّٜىٰتَيْ؞ سُو شُوغَبَنِّنْ سُواْجُواْجِ دُبُو دُبُو نٜىٰ أَ ذُرِيَرْ مَنَسّٜىٰ؞

²¹ سُكَ تَيْمَكِ دَاوُدَ يَكُواْرِ ڧُنْ‌غِيُواْيِ مَاسُ كَٰوُاْوَ مُتَنٜىٰ هَرِ، غَمَا دُكَنْسُ ڠُونَيٜىٰنْ يَاڧِ نٜىٰ سُواْسَيْ؞ سُونٜىٰ كُمَ سُكَ ذَمَ شُوغَبَنِّنْ سُواْجُواْجِنْسَ؞

²² كُواْوَثٜىٰ رَانَ مُتَنٜىٰ سُكَيِ تَڧَارُوَ دُواْمِنْ تَيْمَكُوانْ دَاوُدَ، حَرْ ڧُنْ‌غِيَرْ سُواْجُواْجِنْسَ تَثِكَ دَ سُواْجُواْجِ دَيَوَ؞

سُواْجُواْجِنْ دَ سُكَ نَطَ دَاوُدَ سَرْكِے أَ هٜىٰبْرُوانْ

²³ غَا سُونَيٜىٰنْ سُواْجُواْجِ مَاسُ عِيَ يَاڧِ دَ سُكَذُواْ وُرِنْ دَاوُدَ أَ هٜىٰبْرُوانْ دُواْمِنْ سُمَيْدَ مُلْكٍ طَالُوتَ أَ حَنُّنْسَ كَمَرْ يَدَّ يَهْوٜىٰهْ يَڢَطَا؞

²⁴ ذُرِيَرْ يَهُودَ سُنَدَ مُتَنٜىٰ دُبُو شِدَ دَ طَرِے تَݣُوسْ مَاسُ رِڧٜىٰ دَ مَاشِ دَ غَرْكُوَ دُواْمِنْ يَاڧِ؞

²⁵ ذُرِيَرْ سِمٜىٰيُوانْ سُنَدَ مُتَنٜىٰ دُبُو بَݣَويْ دَ طَرِے طَيَ ڠُونَيٜىٰنْ يَاڧِ؞

²⁶ ذُرِيَرْ لَوِ سُنَدَ مُتَنٜىٰ دُبُو حُطُ دَ طَرِے شِدَ؞

²⁷ وَنَّنْ يَڧُنْشِ يٜىٰهُواْيِدَ شُوغَبَنْ عِيَلِنْ هَٰرُونَ، مَيْ مُتَنٜىٰ دُبُو عُكُ دَ طَرِے بَݣَويْ؞

²⁸ وَنَّنْ يَهَطَ دَ ظَدُواكْ، وَنِ سَوْرَيِ مَيْ عِيَ يَاڧِ، تَرٜىٰدَ مَنْيَنْ سُواْجُواْجِ عَشِرِنْ دَ بِيُ دَغَ دَنْ‌غِنْسَ؞

²⁹ ذُرِيَرْ بِلِيَامِنُ، وَتُواْ مُتَنٜىٰنْ طَالُوتَ، سُنَدَ مُتَنٜىٰ دُبُو عُكُ؞ يَوَنْثِنْ مُتَنٜىٰنْ ذُرِيَرْ بِلِيَامِنُ كُوَ سُنْ مَنّٜىٰوَ غِدَنْ طَالُوتَ حَرْ لُواْكَثِنَّنْ؞

³⁰ ذُرِيَرْ إِڢْرَيِمْ، سُنَدَ ڠُونَيٜىٰنْ يَاڧِ وَطَنْدَ سُكَيِ سُونَ عَثِكِنْ دَنْ‌غِنْسُ، مُتَنٜىٰ دُبُو عَشِرِنْ دَ طَرِے تَݣُوسْ؞

³¹ مُتَنٜىٰنْ رَبِنْ ذُرِيَرْ مَنَسّٜىٰ دَ عَكَ بَادَ سُونَيٜىٰنْسُ دُواْمِنْ سُذُواْ سُنَطَ دَاوُدَ سَرْكِے، يَوَنْسُ دُبُو غُواْمَشَا تَݣُوسْ نٜىٰ؞

³² ذُرِيَرْ إِسَّكَرْ، سُنَدَ مُتَنٜىٰنْ دَ سُكَ غَانٜىٰ دَ أَبِنْدَ عَكٜىٰ ثِكِ دَ أَبِنْدَ يَكَمَاتَ إِسْرَٰٓءِيلَ سُيِ، سُنَدَ سَرَاكُنَ طَرِے بِيُ، تَرٜىٰدَ یَنْعُوَنْسُ دَسُكٜىٰ غُواْيُوانْ بَايَنْسُ؞

³³ ذُرِيَرْ ظٜىٰبُلُنْ، سُنَدَ مُتَنٜىٰ دُبُو حَمْسِنْ مَاسُ عِيَ يَاڧِ سُواْسَيْ دَ كُواْوَنٜىٰ إِرِنْ كَايَنْ يَاڧِ، كُمَ سُنَ أَشِرْيٜىٰ تَرٜىٰدَ دُكَنْ كَايَنْ يَاڧِ؞ دَ ذُوثِيَا طَيَ سُكَ ڢِتُواْ سُتَيْمَكِ دَاوُدَ؞

³⁴ ذُرِيَرْ نَڢْتَلِ، سُنَدَ مَنْيَنْ سُواْجُواْجِ دُبُو طَيَ دَ مَاسُ يَاڧِ دُبُو تَلَاتِنْ دَ بَݣَويْ مَاسُ رِڧٜىٰ مَاشِ دَ غَرْكُوَ؞

³⁵ ذُرِيَرْ دَنْ، سُنَدَ مُتَنٜىٰ دُبُو عَشِرِنْ دَ تَݣُوسْ دَ طَرِے شِدَ وَطَنْدَ سُكٜىٰ أَشِرْيٜىٰ دُواْمِنْ يَاڧِ؞

³⁶ ذُرِيَرْ أَشٜىٰرْ، سُنَدَ مُتَنٜىٰ مَاسُ عِيَ يَاڧِ دُبُو أَرْبَعِنْ وَطَنْدَ سُكٜىٰ أَشِرْيٜىٰ دُواْمِنْ يَاڧِ؞

³⁷ ذُرِيَرْ رَعُبَيْنُ دَ تَ غَدْ دَ رَبِنْ ذُرِيَرْ مَنَسّٜىٰ، سُنَدَ مُتَنٜىٰ مَاسُ رِڧٜىٰ دَ كُواْوَنٜىٰ إِرِنْ كَايَنْ يَاڧِ دُبُو طَرِے دَ عَشِرِنْ؞

³⁸ دُكَنْسُ سُواْجُواْجِ نٜىٰ وَطَنْدَ سُكٜىٰ أَشِرْيٜىٰ دُواْمِنْ يَاڧِ؞ سُنْذُواْ هٜىٰبْرُوانْ دَ نُڢِ طَيَ، وَتُواْ سُنَطَ دَاوُدَ سَرْكِے عَكَنْ إِسْرَٰٓءِيلَ دُكَ؞ حَكَمَا دُكَنْ سَوْرَنْ جَمَعَرْ إِسْرَٰٓءِيلَ سُنَدَ نُڢِ طَيَ سُنَطَ دَاوُدَ سَرْكِے؞

³⁹ مُتَنٜىٰنْ سُكَيِ ݣُونَ عُكُ أَوُرِنْ دَ دَاوُدَ يَكٜىٰ عَٻُواْيٜىٰ، سُنَثِ سُنَشَا، غَمَا سَوْرَنْ إِسْرَٰٓءِيلَاوَا سُنْ تَنَدَ مُسُ عَبِنْثِ؞

⁴⁰ مَڨُوبْتَنْسُ دَغَ وُرَارٜىٰ مَاسُ نِيسَ كَمَرْ يَنْكُنَنْ إِسَّكَرْ دَ ظٜىٰبُلُنْ دَ نَڢْتَلِ سُكَ كَٰوُاْ مُسُ عَبِنْثِ عَكَنْ جَاكُنَ دَ رَاڧُمَ دَ جَاكُنَنْ دُواْكِ دَ شَانُو؞ عَبِنْثِنْ يَڧُنْشِ غَارِنْ حَڟِ دَ دُنْڧُلٜىٰنْ بُوسَشّٜىٰنْ ٻَوْرٜىٰ دَ دُنْڧُلٜىٰنْ بُوسَشّٜىٰنْ یَیَنْ إِنَبِے دَ ضُوً إِنَبِے دَ مَيْ دَ شَانُو دَ تُمَكِ، غَمَا إِسْرَٰٓءِيلَاوَا سُنْثِكَ دَ ڢَضٍ ثِكِ مَيْ يَوَ؞