1 تَارِيحِ 11 - أَتَّوْرَتْ دَ أَنَّبَاوَا

دَاوُدَ يَذَمَ سَرْكِنْ إِسْرَٰٓءِيلَ دَ يَهُودَ

¹ سَيْ دُكَنْ ظُرِيُواْيِنْ إِسْرَٰٓءِيلَ سُكَذُواْ وُرِنْ دَاوُدَ أَ هٜىٰبْرُوانْ سُكَثٜىٰ مَسَ ‏«‏مُو نَامَنْكَ دَ جِنِنْكَنٜىٰ؞

² تُنْ لُواْكَثِنْ دَ طَالُوتَ يَكٜىٰ سَرْكِنْمُ، كَيْنٜىٰ كَكٜىٰبِے دَ إِسْرَٰٓءِيلَ عَيَاڧِ؞ يَهْوٜىٰهْ اللَّهْ نْكَ كُمَ يَغَيَ مَكَ ثٜىٰوَ كَيْنٜىٰ ذَاكَ ذَمَ مَكِيَايِنْ مُتَنٜىٰنْسَ إِسْرَٰٓءِيلَ، ذَاكَ كُمَ ذَمَ سَرْكِنْسُ؞»‏

³ دَ دُكَنْ دَتَّاوَنْ إِسْرَٰٓءِيلَ سُكَذُواْ وُرِنْ سَرْكِے دَاوُدَ أَ هٜىٰبْرُوانْ، سَيْ سَرْكِے يَيِ يَرْجٜىٰجٜىٰنِيَ دَسُو أَغَبَنْ يَهْوٜىٰهْ؞ سُكَ كُمَ ظُبَ وَ دَاوُدَ مَنْ كٜىٰٻٜىٰوَ دُواْمِنْ يَذَمَ سَرْكِنْ إِسْرَٰٓءِيلَ بِسَغَ مَغَنَرْ يَهْوٜىٰهْ تَبَاكِنْ سَمَٰعِيلَ؞

⁴ دَاوُدَ دَ دُكَنْ إِسْرَٰٓءِيلَاوَا سُكَ تَڢِے عُرُوشَلِيمَ، وَتُواْ يٜىٰبُسْ، عِنْدَ يٜىٰبُسِيَاوَا سُكٜىٰ؞ سُونٜىٰ كُمَ مَاسُ ڧَسَرْ؞

⁵ مَذَوْنَنْ ڧَسَرْ يٜىٰبُسْ سُكَثٜىٰ وَ دَاوُدَ ‏«‏بَذَاكَ تَٻَ شِغَ نَنْبَ؞»‏ عَمَّا دُكْدَهَكَ دَاوُدَ يَكَرْٻِ بِرْنِنْ سِهِيُواْنَ مَيْ كَتَنْ‌غَ، وَتُواْ بِرْنِنْ دَاوُدَ؞

⁶ دَاوُدَ يَا رِغَا يَا ثٜىٰ ‏«‏دُكْ وَنْدَ ذَيْ ڢَارَ كَكَّشٜىٰ يٜىٰبُسِيَاوَا، شِينٜىٰ ذَيْ ذَمَ شُوغَبَنْ سُواْجُواْجِ غَبَاطَيَ؞»‏ سَيْ يُواْوَبْ طَنْ مَثٜىٰنَّنْ مَيْ سُونَ ظٜىٰرُوِيَ يَڢَارَ، عَكَ كُمَ نَطَشِ شُوغَبَنْ سُواْجُواْجِ؞

⁷ دَاوُدَ يَمَيْدَ بِرْنِ مَيْ كَتَنْ‌غَرْ وُرِنْ ذَمَنْسَ، سَبُواْدَ حَكَ عَكَبَا وُرِنْ سُونَ بِرْنِنْ دَاوُدَ؞

⁸ يَكُمَ غِنَا بِرْنِنْ دَ غِنٜىٰ غِنٜىٰ دَغَ وُرِنْ دَ عَكَ ثِثِّكَ دَ ڧَسَا يَكٜىٰوَيٜىٰتَ دُكَ؞ يُواْوَبْ كُمَ يَڠَغْڠَرَ سَوْرَنْ بِرْنِنْ؞

⁹ دَاوُدَ كُوَ يَيِ تَڧَارَ ڧَرْڢِے غَمَا يَهْوٜىٰهْ مَيْ إِيكُواْ دُكَ يَنَ تَرٜىٰدَشِ؞

سُواْجُواْجِ مَڢِيَ عِيَ يَاڧِ نَ دَاوُدَ

¹⁰ غَا سُونَيٜىٰنْ شُوغَبَنِّ ثِكِنْ سُواْجُواْجِنْ دَاوُدَ، مَڢِيَ عِيَ يَاڧِ سُواْسَيْ؞ سُونٜىٰ سُكَ بَا دَاوُدَ غُواْيُوانْ بَايَ سُواْسَيْ أَمُلْكِنْسَ؞ سُو تَرٜىٰدَ دُكَنْ مُتَنٜىٰنْ إِسْرَٰٓءِيلَ سُكَسَا دَاوُدَ يَذَمَ سَرْكِے، بِسَغَ مَغَنَرْ يَهْوٜىٰهْ؞

¹¹ غَا سُونَيٜىٰنْ سُواْجُواْجِنْ دَاوُدَ مَڢِيَ عِيَ يَاڧِ سُواْسَيْ؞ يَشُواْبٜىٰيَمْ دَغَ دَنْ‌غِنْ هَكْمُواْنِ نٜىٰ شُوغَبَا نَڧُنْ‌غِيَرْ دَ عَكٜىٰ ثٜىٰ دَ عِتَ ‏«‏عُكُنَّنْ؞»‏ يَطَغَ مَاشِنْسَ يَكَشٜىٰ مُتَنٜىٰ طَرِے عُكُ أَ لُواْكَثِ غُدَا؞

¹² نَا بِيٜىٰ دَشِ ثِكِنْ سُواْجُواْجِ عُكُنَّنْ مَڢِيَ عِيَ يَاڧِ، شِينٜىٰ عٜىٰلٜىٰيَظَرْ طَنْ دُواْدُواْ دَغَ دَنْ‌غِنْ أَهُواْهِ؞

¹³ عٜىٰلٜىٰيَظَرْ يَنَ تَرٜىٰدَ دَاوُدَ أَ ڢَسْ دَمِّمْ لُواْكَثِنْ دَ ڢِلِسْتِيَاوَا سُكَ تَارُ دُواْمِنْ يَاڧِ؞ أَوَنِ ڢِيلِنْ غُواْنَ ثِكٜىٰ دَ حَڟِنْ بَلٜىٰ، سُواْجُواْجِنْ إِسْرَٰٓءِيلَ سُكَ غُدُ دَغَ ڢِلِسْتِيَاوَنْ؞

¹⁴ عَمَّا سَيْ عُكُنَّنْ سُكَ ڟَيَ دَ ڧَرْڢِے أَڟَكِيَرْ ڢِيلِنْ غُواْنَرْ، سُكَ ڟَرٜىٰ غُواْنَرْ، سُكَ كُمَ كَشٜىٰ ڢِلِسْتِيَاوَنْ؞ يَهْوٜىٰهْ كُوَ يَكُٻُتَرْ دَسُو دَ بَبَّرْ نَصَرَا؞

¹⁵ وَتَرَانَ سَعَدَّ دَاوُدَ يَكٜىٰ عَٻُواْيٜىٰ أَ كُواْغُوانْ دُوڟٜىٰنْ أَدُلَّمْ، سَيْ عُكُنَّنْ دَغَ ثِكِنْ مَنْيَنْ سُواْجُواْجِ تَلَاتِنْ مَڢِيَ عِيَ يَاڧِ نَ دَاوُدَ سُكَذُواْ وُرِنْسَ؞ دَيْدَيْ لُواْكَثِنْ، ڧُنْ‌غِيَرْ سُواْجُواْجِنْ ڢِلِسْتِيَاوَا سُنْ كَڢَ سَنْسَنِنْ يَاڧِنْسُ أَ ݣُورِنْ رٜىٰڢَيَاوَا؞

¹⁶ أَ لُواْكَثِنَّنْ دَاوُدَ يَنَ ثِكِنْ وُرِنْ ٻُيَ؞ وَتَ ڧُنْ‌غِيَرْ سُواْجُواْجِنْ ڢِلِسْتِيَاوَا كُوَ تَنَ أَ بَيْتَلَحْمِ؞

¹⁷ دَاوُدَ يَجِ مَرْمَرِنْ غِدَا سَيْيَثٜىٰ ‏«‏كَيْ!‏ دَوَنِ ذَيْبَانِ ضُوَ إِنْشَا دَغَ رِجِيَرْ دَتَكٜىٰ عَبَاكِنْ ڧُواْڢَرْ بَيْتَلَحْمِ!‏»‏

¹⁸ سَيْ وَطَنَّنْ سُواْجُواْجِ عُكُنَّنْ مَڢِيَ عِيَ يَاڧِ سُكَ رَڟَا ڟَكِيَرْ سَنْسَنِنْ يَاڧِنْ ڢِلِسْتِيَاوَا، سُكَ طِبَ ضُوَ دَغَ رِجِيَرْ بَيْتَلَحْمِ وَدَّ تَكٜىٰ عَبَاكِنْ ڧُواْڢَرْ غَرِ؞ سُكَ كَٰوُاْ وَ دَاوُدَ، عَمَّا يَڧِ شَنْ ضُوً؞ أَ مَيْمَكُوانْ حَكَ سَيْ يَجُويٜىٰشِ عَڧَسَا، هَدَايَ غَ يَهْوٜىٰهْ؞

¹⁹ يَثٜىٰ ‏«‏اللَّهْ يَسَوَّڧٜىٰ إِنْشَا دَغَ وَنَّنْ ضُوَ؞ أَيْ، ذَيْ ذَمَ مِنِ كَمَرْ جِنِنْ مُتَنٜىٰنَّنْ نَكٜىٰ شَا، غَمَا عَبَاكِنْ رَنْسُ سُكَ كَٰوُاْ ضُوًنَنْ؞»‏ سَبُواْدَ حَكَ يَڧِ شَنْ ضُوً؞ وَطَنَّنْ نٜىٰ أَبُبُوَنْ دَ مَاسُ عِيَ يَاڧِ نَنْ عُكُ سُكَيِ؞

²⁰ أَبِشَيْ طَنْعُوَنْ يُواْوَبْ نٜىٰ شُوغَبَنْ ‏«‏تَلَاتِنْ نَنْ؞»‏ يَيِ ڢَطَ دَ مُتَنٜىٰ طَرِے عُكُ دَ مَاشِنْسَ يَكَكَّشٜىٰسُ دُكَ؞ سَيْ شِے مَا يَيِسُونَ ثِكِنْ ‏«‏تَلَتِنَّنْ؞»‏

²¹ شِينٜىٰ يَڢِ سُنَ ثِكِنْ ‏«‏تَلَتِنَّنْ»‏ حَرْ مَا يَذَمَ شُوغَبَنْسُ، عَمَّا بَيْكَيْ ‏«‏عُكُنَّنْ»‏ بَ؞

²² بٜىٰنَيَ طَنْ يٜىٰهُواْيِدَ مُتُمْ نٜىٰ مَيْ عِيَ يَاڧِ دَغَ كَبْظٜىٰيٜىٰلْ، يَيِ أَبُبُوَ مَاسُ غِرْمَ؞ يَكَكَّشٜىٰ سُواْجُواْجِنْ مُواْوَبْ بِيُ مَاسُ عِيَ يَاڧِ سُواْسَيْ؞ وَتَرَانَ أَ لُواْكَثِنْ سَنْيِنْ ڧَنْڧَرَ، يَسَوْكَ ثِكِنْ وَنِ رَامِ يَكَشٜىٰ ذَاكِ؞

²³ يَكُمَ كَشٜىٰ وَنِ مُتُمِنْ مَصَرْ وَنْدَ ڟَوُانْسَ يَكَيْ كَڢَ بَݣَويْ دَ رَبِے؞ كُواْدَيَكٜىٰ مُتُمِنْ يَنَ رِڧٜىٰ دَ ڧَتُوانْ مَاشِ كَمَرْ تَٻَرْيَ، بٜىٰنَيَ يَڢَاطَ مَسَ دَ سَنْدَا يَكَرْٻِ مَاشِنْ مُتُمِنْ يَكَشٜىٰشِ دَشِ؞

²⁴ وَطَنَّنْ نٜىٰ مَنْيَنْ أَيُّكَنْ دَ بٜىٰنَيَ يَيِ وَطَنْدَ سُكَسَا يَيِسُونَ كَمَرْ ‏«‏عُكُنَّنْ»‏؞

²⁵ يَيِ سُونَ ثِكِنْ ‏«‏تَلَتِنَّنْ»‏ عَمَّا بَيْ كَيْ ‏«‏عُكُنَّنْ»‏ بَ؞ سَيْ دَاوُدَ يَسَاشِ يَذَمَ شُوغَبَنْ مَاسُ غَادِنْسَ؞

²⁶ غَا سُونَيٜىٰنْ سُواْجُواْجِنَّنْ مَڢِيَ عِيَ يَاڧِ سُواْسَيْ، أَسَهٜىٰلْ طَنْعُوَنْ يُواْوَبْ، عٜىٰلْهَنَنْ طَنْ دُواْدُواْ مُتُمِنْ بَيْتَلَحْمِ،

²⁷ شَمُّواتْ مُتُمِنْ هَرُوادْ، هٜىٰلٜىٰظْ مُتُمِنْ ڢٜىٰلُوانْ،

²⁸ إِرَ طَنْ إِكّٜىٰشْ مُتُمِنْ تٜىٰكُواْوَ، أَبِيٜىٰظٜىٰرْ مُتُمِنْ أَنَتُواتْ،

²⁹ سِبّٜىٰكَيْ مُتُمِنْ هُشَ، إِلَيْ مُتُمِنْ أَهُواْ،

³⁰ مَهَرَيْ مُتُمِنْ نٜىٰتُواْڢَ، هٜىٰلٜىٰدْ طَنْ بَعَنَ مُتُمِنْ نٜىٰتُواْڢَ،

³¹ إِتَّيْ طَنْ رِبَيْ مُتُمِنْ غِبٜىٰيَ عَيَنْكِنْ بِلِيَامِنُ، بٜىٰنَيَ مُتُمِنْ ڢِرَتُوانْ،

³² هُرَيْ دَغَ یَنْ ݣُورِنْ دَسُكٜىٰ كُسَدَ غَعَشْ أَبِيٜىٰلْ مُتُمِنْ أَرْبَ؞

³³ أَظْمَوٜىٰتْ مُتُمِنْ بَهَرُمْ، عٜىٰلِيَبَ مُتُمِنْ شَعَلْبُوانْ؞

³⁴ هَشٜىٰمْ مُتُمِنْ غِظُوانْ، يُواْنَتَنْ طَنْ شَغٜىٰيٜىٰ مُتُمِنْ هَرَرْ،

³⁵ أَهِيَمْ طَنْ سَكَرْ مُتُمِنْ هَرَرْ، عٜىٰلِڢَلْ طَنْ عُرْ؞

³⁶ هٜىٰڢٜىٰرْ مُتُمِنْ مٜىٰكٜىٰرَ، أَهِيَ مُتُمِنْ ڢٜىٰلُوانْ،

³⁷ هٜىٰظْرُواْ مُتُمِنْ كَرْمٜىٰلْ، نَعَرَيْ طَنْ عٜىٰظْبَيْ،

³⁸ يُواْوٜىٰلْ طَنْعُوَنْ نَتَنْ، مِبْهَرْ طَنْ هَغْرِ،

³⁹ ظٜىٰلٜىٰكْ مُتُمِنْ أَمُّوانْ نَهَرَيْ مُتُمِنْ بٜىٰيٜىٰرُواتْ، مَيْ رِڧٜىٰوَ يُواْوَبْ طَنْ ظٜىٰرُوِيَ كَايَنْ يَاڧِ؞

⁴⁰ إِرَ مُتُمِنْ إِتِرِ، غَرٜىٰبْ مُتُمِنْ إِتِرِ،

⁴¹ عُرِيَ مُتُمِنْ هِتِّ، ظَبَدْ طَنْ أَلَيْ،

⁴² أَدِنَ طَنْ شِظَ مُتُمِنْ رَعُبَيْنُ، شُوغَبَنْ ذُرِيَرْ رَعُبَيْنُ دَ كُمَ نَڧُنْ‌غِيَرْ مُتَنٜىٰ تَلَاتِنْ تَرٜىٰ دَشِ؞

⁴³ هَنَنْ طَنْ مَعَكَ، يُواْشَڢَتْ مُتُمِنْ مِتْنَ،

⁴⁴ عُزِّيَ مُتُمِنْ عَشْتَرُواتْ، شَمَ دَ يٜىٰيِيٜىٰلْ یَیَ مَظَا نَ هُواْتَمْ مُتُمِنْ أَرُواْوٜىٰرْ؞

⁴⁵ يٜىٰدِيَيٜىٰلْ طَنْ شِمْرِ دَ طَنْعُوَنْسَ يُواْهَ مُتُمِنْ تِظْ؞

⁴⁶ عٜىٰلِيٜىٰلْ مُتُمِنْ مَهَوَ، يٜىٰرِبَيْ دَ يُواْشَوِيَ یَیَنْ عٜىٰلْنَعَمْ، إِتْمَ مُتُمِنْ مُواْوَبْ؞

⁴⁷ عٜىٰلِيٜىٰلْ دَ عُواْبٜىٰدْ دَ كُمَ يَعَسِيٜىٰلْ مُتُمِنْ ذُوابَ؞