SALM 85 - Laibaibal Thiang (BSI)

¹ BAWIPA, na ram cungah nâ lawmh tawn kha, Jakob hna cu saltannâk chungin na kirpi cang hna.

² Na mi le palhsualnâk zong na ngaihthiam cang hna, an sualnâk vialte na khuhpiak cang hna. (Selah)

³ Na thinhunnâk vialte zong na damter cang, na thinlinhnâk vialte cu na mertâk cang.

⁴ Maw kan khamhnâk Pathian, kan tharchuah ṭhân ko, kan cung i na thinhunnâk cu kan lâk piak ko.

⁵ Kan cungah na thin a hung zungzal ko lai maw? Na thinhunnâk cu chan vialte tiang na nguhter ko lai maw?

⁶ Nangmah ah nami hna an i lawmh khawh nâkhnga, nakan ṭhang ṭhân lai lo maw?

⁷ Maw BAWIPA, na vêl cu kan hmuhter law, na khamhnâk zong kan pe hrâm ko.

⁸ BAWIPA Pathian nih a chim laimi bia cu kan ngaih lai, zeitintiah a mi hna le a mithiang hna sinah hnangamnâk bia a chim lai; asinain hruhnâk lei ah merter hna hlah u.

⁹ A khamhnâk cu amah a ṭihtu hna caah a nai tak tak ko, cun kan ramah sunparnâk a um kho lai.

¹⁰ Vêl le biatak an i tong i dinnâk le daihnâk an i hnam.

¹¹ Biatak cu lei in a cawrh i dinnâk nih van in a run zoh.

¹² Asi BAWIPA nih thilṭha a pêk hna; kan ram nih a chuah pimi theipar an karh cang lai.

¹³ A hmaiah dinnâk a kal lai i a keneh cu kan lam caah a ser lai.