SALM 82 - Laibaibal Thiang (BSI)

¹ Pathian cu miṭhawng hna an i pumhnâk ah a dir i pathian hna sinah bia a ceih.

² Zeicandah dik lo ngaiin bia nan ceih lai i misuaksual kha nan thleidan lai? (Selah)

³ Sifâk hna le nu ngei lomi thlavâng hauh hna u law, harnâk a tuarmi le rethei hna sinah dik ngai in bia ceih u.

⁴ Rethei hna le chambau mi kha chanh hna u law, misual hna kut in chuahter hna u.

⁵ An hngal lo i theihthiamnâk an ngei lo; muih lakah an vâk i vulei hrambunhnâk vialte hi a fek lomi an si.

⁶ “Nannih hi pathian nan si i nan dihlak in cungnung bik fale nan si,” tiah ka ti.

⁷ Asinain minung bantuk men i a thi hngami nan si, mingan lak i pakhat bangin nan tlu ve ko lai.

⁸ Maw Pathian, tho law lei cungah hin bia ceih ko; zeitintiah miphun vialte hi na ro an si dih lai.