SALM 4 - Laibaibal Thiang (BSI)

¹ Maw, dinnâk Pathian, kan auh tikah ka ngaihpiak! ka vansânnâk naka chân; ka zângfah law, ka thlacamnâk ka ngaihpiak.

² Maw minung fale hna, zeicahdah ka sunparnâk ningzahnâk ah nan mer lai? zeicandah santlailo thil nan tlaihchan lai i palhnâk nan kawl lai?

³ BAWIPA nih amah ṭihzahtu cu amah caah a thleidan ti hi hngal ko u. BAWIPA ka auh tikah aka ngaih lai.

⁴ Thinhung ko law, sualnâk tu tuah hlah, na ihkhun cungah lungthin in ruat u law, dai tein um.

⁵ Dinnâk raithawinâk pe law, BAWIPA kha i hngatchan.

⁶ “Ahodah ṭhatnâk a kan hmuhsak lai?” titu tampi an um. BAWPA kan cungah nahmai ceu langhter hrâm ko.

⁷ Facang le misur thar an hmuh i an i lomhnâk nâkin a ngan deuhmi lomhnâk ka lungthin ah na chiah.

⁸ Dai tein ka it lai i kâ hngilh lai, zeitintiah maw BAWIPA, nangmah lawnglawng hi himte i aka umtertu na si.